ಆನ್ಲೈನ್ ಶಾಪಿಂಗ್ ಮಾಡುವ ಮುನ್ನ ಎಚ್ಚರ!; ನೇಲ್ ಪಾಲಿಶ್ ಖರೀದಿಸಿ ರೂ. 92,446 ಕಳೆದುಕೊಂಡ ಯುವತಿ
ಸಾಂದರ್ಭಿಕ ಚಿತ್ರ
ಮೊಬೈಲ್ ಆ್ಯಪ್ ಮೂಲಕ ಪುಣೆಯ ಟೆಕ್ಕಿ ನೇಲ್ ಪಾಲಿಶ್ ಬುಕ್ ಮಾಡಿದ್ದಳು. ಅದಕ್ಕಾಗಿ ತನ್ನ ಬ್ಯಾಂಕ್ ಖಾತೆಯಿಂದ 388 ರೂ. ಪಾವತಿ ಮಾಡಿದ್ದಳು. ಪ್ರಾಡಕ್ಟ್ ತಲುಪದ ಬಗ್ಗೆ ಕಸ್ಟಮರ್ ಕೇರ್ ಸಿಬ್ಬಂದಿ ಬಳಿ ವಿಚಾರಿಸಿದಾಗ ಹಣ ಪಾವತಿಯೇ ಆಗಿಲ್ಲ ಎಂದಿದ್ದರು.
ಪುಣೆ (ಫೆ. 17): ಆನ್ಲೈನ್ ಶಾಪಿಂಗ್ ತಾಣಗಳ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವುದರಿಂದ ಬಹುತೇಕ ಜನರು ಅಂಗಡಿಗಳಿಗೆ ಹೋಗಿ ಖರೀದಿ ಮಾಡುವುದನ್ನೇ ನಿಲ್ಲಿಸಿದ್ದಾರೆ. ಆದರೆ, ಆನ್ಲೈನ್ ಶಾಪಿಂಗ್ ಆ್ಯಪ್ಗಳು ನಿಮ್ಮ ಖಾಸಗಿ ಮಾಹಿತಿಯನ್ನು ಸುರಕ್ಷಿತವಾಗಿಡುತ್ತವೆ ಎಂಬುದಕ್ಕೆ ಯಾವುದೇ ಗ್ಯಾರಂಟಿ ಇರುವುದಿಲ್ಲ. ಫೋನ್ ಪೇ, ಪೇಟಿಎಂ, ಗೂಗಲ್ ಪೇ ಮುಂತಾದ ಆ್ಯಪ್ಗಳ ಮೂಲಕ ಆನ್ಲೈನ್ನಲ್ಲಿ ವಸ್ತುಗಳನ್ನು ಖರೀದಿ ಮಾಡಿ ಹಣ ಪಾವತಿ ಮಾಡಲಾಗುತ್ತದೆ. ಇದಕ್ಕೆ ಅತ್ಯಾಕರ್ಷಕ ಆಫರ್ಗಳನ್ನೂ ನೀಡಲಾಗುತ್ತದೆ. ಇದೇ ರೀತಿ ಆನ್ಲೈನ್ನಲ್ಲಿ ನೇಲ್ ಪಾಲಿಶ್ ಖರೀದಿ ಮಾಡಿದ ಯುವತಿಯೊಬ್ಬಳು ಬರೋಬ್ಬರಿ 92,446 ರೂ. ಕಳೆದುಕೊಂಡಿದ್ದಾಳೆ!
ಅಚ್ಚರಿಯಾದರೂ ಇದು ಸತ್ಯ. ಪುಣೆಯ ಟೆಕ್ಕಿಯೊಬ್ಬಳು ಇ- ಕಾಮರ್ಸ್ ವೆಬ್ಸೈಟಿನಲ್ಲಿ 388 ರೂ. ಬೆಲೆಯ ನೇಲ್ ಪಾಲಿಶ್ ಖರೀದಿ ಮಾಡಿದ್ದಳು. 4ರಿಂದ 5 ದಿನದೊಳಗೆ ಆಕೆ ಆರ್ಡರ್ ಮಾಡಿದ್ದ ವಸ್ತು ಕೈ ಸೇರಬೇಕಿತ್ತು. ಆದರೆ, 1 ವಾರವಾದರೂ ನೇಲ್ ಪಾಲಿಶ್ ಬಾರದ ಕಾರಣ ಆಕೆ ಕಸ್ಟಮರ್ ಕೇರ್ಗೆ ಫೋನ್ ಮಾಡಿ ವಿಚಾರಿಸಿದ್ದಳು. ನಿಮ್ಮಿಂದ ಹಣ ಸಂದಾಯವಾಗದ ಕಾರಣ ಪ್ರಾಡಕ್ಟ್ ಡೆಲಿವರಿಯಾಗಿಲ್ಲ ಎಂದು ಕಸ್ಟಮರ್ ಕೇರ್ ಸಿಬ್ಬಂದಿ ಹೇಳಿದ್ದರು.
ಇದನ್ನೂ ಓದಿ: ಕ್ಯಾಬ್ ಹತ್ತಿದ ಯುವತಿಗೆ ಲೈಂಗಿಕ ಕಿರುಕುಳ; ಬೆಂಗಳೂರಲ್ಲಿ ಉಬರ್ ಚಾಲಕನ ಬಂಧನ
ಆರ್ಡರ್ ಮಾಡುವಾಗಲೇ 388 ರೂ. ನೀಡಿರುವುದಾಗಿ ತಿಳಿಸಿದ ಯುವತಿ ಹಣ ಸಂದಾಯವಾದ ದಾಖಲೆ ನೀಡುವುದಾಗಿ ತಿಳಿಸಿದ್ದಳು. ಆಕೆಯ ಆರ್ಡರ್ ಬಗ್ಗೆ ತಿಳಿಯಲು ಕಸ್ಟಮರ್ ಕೇರ್ ಸಿಬ್ಬಂದಿ ಫೋನ್ ನಂಬರ್ ಕೇಳಿದ್ದರು. ಆಕೆ ತನ್ನ ಮೊಬೈಲ್ ನಂಬರ್ ನೀಡುತ್ತಿದ್ದಂತೆ ಆಕೆಯ 2 ಪ್ರೈವೇಟ್ ಖಾತೆಗಳಿಂದ 92,466 ರೂ. ಡೆಬಿಟ್ ಆಗಿತ್ತು. ಇದರಿಂದ ಕಂಗಾಲಾದ ಆಕೆ ಮತ್ತೆ ಕಸ್ಟಮರ್ ಕೇರ್ ಸಿಬ್ಬಂದಿಗೆ ಫೋನ್ ಮಾಡಿದರೂ ಯಾರೂ ಉತ್ತರಿಸಿಲ್ಲ.
ಕಳೆದ ವರ್ಷ ಡಿಸೆಂಬರ್ ಕೊನೆಯ ವಾರದಲ್ಲಿ ಈ ಘಟನೆ ನಡೆದಿದೆ. ಹಣ ಕಳೆದುಕೊಂಡ ಸಾಫ್ಟ್ವೇರ್ ಇಂಜಿನಿಯರ್ ಪೊಲೀಸರಿಗೆ ದೂರು ನೀಡಿದ್ದಾಳೆ. ಡಿಸೆಂಬರ್ 17ರಂದು ಪುಣೆಯ ಯುವತಿ ಮೊಬೈಲ್ ಆ್ಯಪ್ ಮೂಲಕ ನೇಲ್ ಪಾಲಿಶ್ ಬುಕ್ ಮಾಡಿದ್ದಳು. ಅದಕ್ಕಾಗಿ ತನ್ನ ಪ್ರೈವೇಟ್ ಬ್ಯಾಂಕ್ ಖಾತೆಯಿಂದ 388 ರೂ. ಪಾವತಿ ಮಾಡಿದ್ದಳು. ಪ್ರಾಡಕ್ಟ್ ತಲುಪದ ಬಗ್ಗೆ ಕಸ್ಟಮರ್ ಕೇರ್ ಸಿಬ್ಬಂದಿ ಬಳಿ ವಿಚಾರಿಸಿದಾಗ ಹಣ ಪಾವತಿಯೇ ಆಗಿಲ್ಲ ಎಂದಿದ್ದರು. ಅಲ್ಲದೆ, ಒಂದುವೇಳೆ ಪಾವತಿಯಾಗಿದ್ದರೆ ಹಣವನ್ನು ವಾಪಾಸ್ ನೀಡುವುದಾಗಿಯೂ ತಿಳಿಸಿದ್ದರು ಎಂದು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.
ಇದನ್ನೂ ಓದಿ: ಬೆದರಿಕೆಯೊಡ್ಡಿದ ಕಾಂಗ್ರೆಸ್ ಶಾಸಕಿಗೆ ಡೋಂಟ್ ಕೇರ್ ಎಂದ ಮಹಿಳಾ ಐಪಿಎಸ್ ಅಧಿಕಾರಿ; ವಿಡಿಯೋ ವೈರಲ್
ಆದರೆ, ಆಕೆ ತನ್ನ ಮೊಬೈಲ್ ನಂಬರ್ ನೀಡುತ್ತಿದ್ದಂತೆ 2 ಪ್ರೈವೇಟ್ ಅಕೌಂಟ್ನಿಂದ 90,946 ರೂ. ಡೆಬಿಟ್ ಆಗಿ ಬೇರೆ ಬ್ಯಾಂಕ್ಗೆ ವರ್ಗಾವಣೆಯಾಗಿತ್ತು. ಪಬ್ಲಿಕ್ ಸೆಕ್ಟರ್ ಬ್ಯಾಂಕ್ನಿಂದಲೂ 1,500 ರೂ. ಡ್ರಾ ಆಗಿತ್ತು. ಆ ಯುವತಿ ತನ್ನ ಬ್ಯಾಂಕ್ ಮಾಹಿತಿಯನ್ನು ಎಲ್ಲೂ ಬಿಟ್ಟುಕೊಟ್ಟಿಲ್ಲ ಎಂದು ಪೊಲೀಸರಿಗೆ ತಿಳಿಸಿದ್ದಾಳೆ. ಆದರೂ ಅಷ್ಟು ದೊಡ್ಡ ಮೊತ್ತದ ಹಣ ಹೇಗೆ ಡ್ರಾ ಆಯಿತೆಂಬ ಬಗ್ಗೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. 388 ರೂ. ಬೆಲೆಯ ನೇಲ್ ಪಾಲಿಶ್ಗೆ ಆ ಯುವತಿ 92,446 ರೂ. ಹಣವನ್ನು ಕಳೆದುಕೊಂಡಿದ್ದಾಳೆ.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ
ಸುದ್ದಿ 18ಕನ್ನಡ ಟ್ರೆಂಡಿಂಗ್
Bengaluru: ಬಾಡಿಗೆ ಮನೆಗಳಲ್ಲಿ ವಾಸಿಸುವರಿಗೆ ಮಾರ್ಗಸೂಚಿ!
Jupiter Transit: ಏಪ್ರಿಲ್ನಲ್ಲಿ ಈ 3 ರಾಶಿಯವರೇ ರಾಜರು, ಪ್ರಪಂಚವನ್ನೇ ಆಳ್ತಾರೆ ಇವರು
Lucky Zodiac Sign: ಈ ರಾಶಿಯವರಷ್ಟು ಲಕ್ಕಿ ಬೇರಾರೂ ಇಲ್ಲ ಬಿಡಿ, ನಾಳೆಯಿಂದ ಯಶಸ್ಸು ಕಟ್ಟಿಟ್ಟ ಬುತ್ತಿ
Sun Transits: ಈ 4 ರಾಶಿಯವರಷ್ಟು ಲಕ್ಕಿ ಬೇರೆ ಯಾರಿಲ್ಲ, ಏಪ್ರಿಲ್ನಲ್ಲಿ ಭರ್ಜರಿ ಆದಾಯ
ಸರ್ಕಾರದಿಂದ ಬಂಪರ್ ನ್ಯೂಸ್, ಈ ರೈತರು ಪಡೆದ ಸಾಲವನ್ನು ಮರುಪಾವತಿಸಬೇಕಾಗಿಲ್ಲ!
Rachita Ram: ಶಾರ್ಟ್ಸ್-ಟೀ ಶರ್ಟ್ನಲ್ಲಿ ಡಿಂಪಲ್ ಕ್ವೀನ್! ಏನಮ್ಮಾ ಅವತಾರ ಅಂತಿದ್ದಾರೆ ಫ್ಯಾನ್ಸ್