Work From Home - ವರ್ಕ್ ಫ್ರಂ ಹೋಮ್ ಮಾಡುವವರಿಗೆ ಶೇ 5 ತೆರಿಗೆ ವಿಧಿಸುವ ಚಿಂತನೆ

ವಾಷಿಂಗ್ಟನ್(ನ. 13): ಕೋವಿಡ್ ಬಿಕ್ಕಟ್ಟಿನ ಹಿನ್ನೆಲೆಯಲ್ಲಿ ಸುರಕ್ಷತೆ ದೃಷ್ಟಿಯಿಂದ ವರ್ಕ್ ಫ್ರಂ ಹೋಮ್ ಮಾಡುತ್ತಿರುವ ಉದ್ಯೋಗಿಗಳಿಗೆ ತೆರಿಗೆ ಹೇರುವ ಪ್ರಸ್ತಾವ ಅಮೆರಿಕದಲ್ಲಿದೆ. ಮನೆಯಿಂದಲೇ ಕೆಲಸ ಮಾಡುವ ಭಾಗ್ಯ ಇಲ್ಲದ ಜನರಿಗೆ ಸಹಾಯ ಮಾಡುವ ಉದ್ದೇಶದಿಂದ ಇಂಥದ್ದೊಂದು ತೆರಿಗೆ ಪರಿಕಲ್ಪನೆಯನ್ನು ಅಮೆರಿಕದ ಡ್ಯೂಷೆ ಬ್ಯಾಂಕ್​ನ ತಂತ್ರಗಾರರು ಅಭಿಪ್ರಾಯಪಟ್ಟಿದ್ದಾರೆ. ಕೋವಿಡ್-19 ನಂತರ ಆರ್ಥಿಕತೆಯನ್ನು ಹೇಗೆ ಮರುನಿರ್ಮಿಸಬೇಕು ಎಂದು ಅಧ್ಯಯನ ನಡೆಸಿರುವ ಡ್ಯೂಷೆ ಬ್ಯಾಂಕ್​ನ ಆರ್ಥಿಕ ಪರಿಣಿತರ ತಂಡ ತನ್ನ ವರದಿಯಲ್ಲಿ ಕೆಲ ಶಿಫಾರಸುಗಳನ್ನ ಮಾಡಿದೆ. ಅದರಲ್ಲಿ ಮನೆಯಿಂದ ಕೆಲಸ ಮಾಡುವ ಉದ್ಯೋಗಿಗಳಿಗೆ ನಿತ್ಯ ತೆರಿಗೆ ವಿಧಿಸಬೇಕೆಂಬುದು ಒಂದು ಸಲಹೆ ಮುಂದಿಟ್ಟಿದೆ.

ವರ್ಕ್ ಫ್ರಂ ಹೋಮ್ ಮಾಡುವ ಪ್ರತಿಯೊಬ್ಬ ಉದ್ಯೋಗಿಗೂ 5%ರಷ್ಟು ತೆರಿಗೆ ವಿಧಿಸಿದರೆ ಸರ್ಕಾರಗಳ ಖಜಾನೆಗಳಿಗೆ ಕೋಟ್ಯಂತರ ಡಾಲರ್​ಗಳಷ್ಟು ಹಣ ಸೇರುತ್ತದೆ. ಮನೆಯಿಂದ ಕೆಲಸ ಮಾಡಲು ಸಾಧ್ಯವಿಲ್ಲದ ಕಡಿಮೆ ವರಮಾನದ ಮಂದಿಗೆ ಈ ಹಣವನ್ನು ಸಹಾಯವಾಗಿ ನೀಡಬಹುದು ಎಂಬುದು ಡ್ಯೂಷೆ ಬ್ಯಾಂಕ್​ನ ಪರಿಣಿತರ ಅನಿಸಿಕೆ.

ಇದನ್ನೂ ಓದಿ: Barack Obama: ‘ಕಲಿತ ಪಾಠ ಒಪ್ಪಿಸುವ ತವಕದ ವಿದ್ಯಾರ್ಥಿಯಂತೆ…’; ರಾಹುಲ್ ಬಗ್ಗೆ ಬರಾಕ್ ಒಬಾಮ ಅನಿಸಿಕೆ

ಕೋವಿಡ್ ಬಿಕ್ಕಟ್ಟು ಮುಗಿದರೂ ಸಾಕಷ್ಟು ಸಮಯದವರೆಗೆ ವರ್ಕ್ ಫ್ರಂ ಹೋಮ್ ನಡೆಯುವ ಸಾಧ್ಯತೆ ಇರುತ್ತದೆ. ಉದ್ಯೋಗಿಗಳಿಗೆ ಸಂಚಾರ ವೆಚ್ಚ, ಹೋಟೆಲ್ ಊಟ, ಬಟ್ಟೆ ಸ್ವಚ್ಛತೆ ವೆಚ್ಚ ಇತ್ಯಾದಿಗಳು ಮಿಕ್ಕುತ್ತವೆ. ಆದರೆ, ಇವರ ಈ ವೆಚ್ಚಗಳ ಮೇಲೆ ವ್ಯವಹಾರ ಇಟ್ಟುಕೊಂಡಿದ್ದ ಮಂದಿಗೆ ತೀರಾ ಪೆಟ್ಟುಬೀಳಲಿದೆ. ಉದಾಹರಣೆಗೆ, ಕಚೇರಿಗಳ ಸಮೀಪ ಇರುವ ಹೋಟೆಲ್​ಗಳು, ಕ್ಯಾಬ್​ಗಳು ಇತ್ಯಾದಿ ಉದ್ಯಮಗಳಿಗೆ ನಷ್ಟವಾಗಿದೆ. ಇಂಥ ಜನರಿಗೆ ನೆರವಿನ ಹಸ್ತ ಚಾಚುವುದು ಸಮಂಜಸ ಎನಿಸುತ್ತದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.

ಇದನ್ನೂ ಓದಿ: ಭ್ರಷ್ಟಾಚಾರ ಬಯಲು ಮಾಡಿದ್ದ ಅಸ್ಸಾಂ ಪತ್ರಕರ್ತ ಸಾವು; ಸಿಐಡಿ ತನಿಖೆಗೆ ಆದೇಶಿಸಿದ ಸಿಎಂ ಸೋನೊವಾಲ್

ಅಮೆರಿಕದಲ್ಲಿ ಮನೆಯಿಂದ ಕೆಲಸ ಮಾಡುವ ಉದ್ಯೋಗಿಗಳ ಸರಾಸರಿ ಸಂಬಳ 55 ಸಾವಿರ ಡಾಲರ್ ಇದೆ. ಇದಕ್ಕೆ ನಿತ್ಯ ಶೇ. 5 ತೆರಿಗೆ ಎಂದರೆ 10 ಡಾಲರ್ ಆಗುತ್ತದೆ. ಅಂದರೆ, ಭಾರತೀಯ ರೂಪಾಯಿ ದರದಲ್ಲಿ ಸುಮಾರು 750 ರೂ ಆಗುತ್ತದೆ. ದಿನಕ್ಕೆ 750 ರೂ ತೆರಿಗೆ. ಈ ತೆರಿಗೆ ಕ್ರಮದ ಮೂಲಕ 48 ಬಿಲಿಯನ್ ಡಾಲರ್ ಹಣ ಹೊಂದಿಸಬಹುದು ಎಂಬುದು ಅಮೆರಿಕದ ಡ್ಯೂಷೆ ಬ್ಯಾಂಕ್​ನ ತಜ್ಞರ ವರದಿಯ ಅಭಿಪ್ರಾಯ.

ಇದನ್ನೂ ಓದಿ: ಮುಖ್ಯಮಂತ್ರಿ ಕುರ್ಚಿಗೆ ಅಂಟಿಕೊಂಡಿಲ್ಲ; ಈ ಬಗ್ಗೆ ಎನ್​ಡಿಎ ತೀರ್ಮಾನ ಅಂತಿಮ; ನಿತೀಶ್​ ಕುಮಾರ್​ಅದರೆ, ಈ ತೆರಿಗೆ ಪ್ರಸ್ತಾಪಕ್ಕೆ ಕೆಲ ಕಡೆಗಳಿಂದ ವಿರೋಧವೂ ವ್ಯಕ್ತವಾಗಿದೆ. ಇದು ತಪ್ಪಾದ ಪರಿಕಲ್ಪನೆಯಾಗಿದ್ದು ಜನಪ್ರಿಯವಾಗುವ ಸಾಧ್ಯತೆ ಇಲ್ಲ. ತೆರಿಗೆ ವಿಧಿಸಲು ಬೇರೆ ಉತ್ತಮ ಮಾರ್ಗಗಳು ಇವೆ ಎಂದು ಆಡ್​ಜುನಾ ಎಂಬ ಜಾಬ್ ಪೋರ್ಟಲ್​ನ ಸಹ-ಸಂಸ್ಥಾಪಕ ಆಂಡ್ರ್ಯೂ ಹಂಟರ್ ಹೇಳುತ್ತಾರೆ.

ಎಪಿ ಸುದ್ದಿ ಸಂಸ್ಥೆ ವರದಿ