Raj Kundra: ತಕ್ಷಣವೇ ಬಿಡುಗಡೆ ಮಾಡಿ ಎಂದು ಮನವಿ ಸಲ್ಲಿಸಿದ್ದ ರಾಜ್​ ಕುಂದ್ರಾ: ಜಾಮೀನು ಅರ್ಜಿ ತಿರಸ್ಕರಿದ ನ್ಯಾಯಾಲಯ

ರಾಜ್ ಕುಂದ್ರಾ ಅವರನನು ಈ ಪ್ರಕರಣದಲ್ಲಿ ಜು. 19ರಂದು ಬಂಧಿಸಲಾಗಿತ್ತು. ಇನ್ನು ಆರೋಪಿ ಥೋರ್ಪಾ ಅವರು ರಾಜ್​ ಕುಂದ್ರಾ ಅವರ ಸಂಸ್ಥೆಯಲ್ಲಿ ಐಟಿ ವಿಭಾಗದ ಮುಖ್ಯಸ್ಥರಾಗಿ ಕೆಲಸ ಮಾಡುತ್ತಿದ್ದರು. ಇವರನ್ನು ಜು. 20ರಂದು ಬಂಧಿಸಲಾಯಿತು. ಸದ್ಯ ರಾಜ್ ಕುಂದ್ರಾ ಹಾಗೂ ಥೋರ್ಪಾ ಅವರು ನ್ಯಾಯಾಂಗ ಬಂಧನದಲ್ಲಿದ್ದಾರೆ.

ಶಿಲ್ಪಾ ಶೆಟ್ಟಿ -ರಾಜ್​ ಕುಂದ್ರಾ

ಶಿಲ್ಪಾ ಶೆಟ್ಟಿ -ರಾಜ್​ ಕುಂದ್ರಾ

  • Share this:
ಅಶ್ಲೀಲ ಸಿನಿಮಾಗಳ (Pornography) ನಿರ್ಮಾಣ ಹಾಗೂ ಮೊಬೈಲ್ ಅಪ್ಲಿಕೇಷನ್​ಗಳಲ್ಲಿ ಅವುಗಳ ಪ್ರಸಾರ ಮಾಡಿದ್ದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಉದ್ಯಮಿ ಹಾಗೂ ಶಿಲ್ಪಾ ಶೆಟ್ಟಿ (Shilpa Shetty) ಅವರ ಗಂಡ ರಾಜ್​ ಕುಂದ್ರಾ (Raj Kundra) ನ್ಯಾಯಾಂಗ ಬಂಧನದಲ್ಲಿದ್ದಾರೆ. ಈ ಹಿಂದೆಯೂ ರಾಜ್​ ಕುಂದ್ರಾ ಸಲ್ಲಿಸಿದ್ದ ಜಾಮೀನು ಅರ್ಜಿಗಳು ತಿರಸ್ಕೃತಗೊಂಡಿದ್ದವು. ತಮ್ಮ ಬಂಧನವನ್ನು ಪ್ರಶ್ನಿಸಿ ಹಾಗೂ ತಕ್ಷಣದ ಬಿಡುಗಡೆ ಮಾಡುವಂತೆ ಕೋರಿ ರಾಜ್​ ಕುಂದ್ರಾ ಅವರು ಬಾಂಬೆ ಹೈಕೋರ್ಟ್​ಗೆ ಅರ್ಜಿ ಸಲ್ಲಿಸಿದ್ದರು. ರಾಜ್​ ಕುಂದ್ರಾ ಹಾಗೂ ರಿಯಾನ್ ಥೋರ್ಪಾ ಅವರು ಸಲ್ಲಿಸಿದ್ದ ಅರ್ಜಿಯನ್ನು ಶನಿವಾರ ಬಾಂಬೆ ಹೈಕೋರ್ಟ್ ತಿರಸ್ಕರಿಸಿದೆ. ಜು. 27ರಂದು ರಾಜ್​ ಕುಂದ್ರಾ ಅವರನ್ನು 14 ದಿನಗಳ ಕಾಲ ನ್ಯಾಯಾಂಗ ಬಂಧಕ್ಕೆ ನೀಡಿ ನ್ಯಾಯಾಲಯ​ ಆದೇಶ ಹೊರಡಿಸಿತ್ತು. ಈ ಸಂಬಂಧ ಹೈಕೋರ್ಟ್​ಗೆ ಮೇಲ್ಮನವಿ ಸಲ್ಲಿಸಿದ್ದ ರಾಜ್​ ಕುಂದ್ರಾ ತಕ್ಷಣ ಬಿಡುಗಡೆ ಮಾಡುವಂತೆ ಕೋರಿದ್ದರು. ಈ ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಎ ಎಸ್​ ಗಡ್ಕರಿ ಅವರು ಅರ್ಜಿ ಸಲ್ಲಿಸಿರುವವರ ಬಂಧನ ಕಾನೂನು ಬದ್ಧವಾಗಿ ಆಗಿದೆ ಎಂದು ಹೇಳುವ ಮೂಲಕ ಮನವಿಯನ್ನು ತಿರಸ್ಕರಿಸಿದ್ದಾರೆ. 

ರಾಜ್ ಕುಂದ್ರಾ ಅವರನನು ಈ ಪ್ರಕರಣದಲ್ಲಿ ಜು. 19ರಂದು ಬಂಧಿಸಲಾಗಿತ್ತು. ಇನ್ನು ಆರೋಪಿ ಥೋರ್ಪಾ ಅವರು ರಾಜ್​ ಕುಂದ್ರಾ ಅವರ ಸಂಸ್ಥೆಯಲ್ಲಿ ಐಟಿ ವಿಭಾಗದ ಮುಖ್ಯಸ್ಥರಾಗಿ ಕೆಲಸ ಮಾಡುತ್ತಿದ್ದರು. ಇವರನ್ನು ಜು. 20ರಂದು ಬಂಧಿಸಲಾಯಿತು. ಸದ್ಯ ರಾಜ್ ಕುಂದ್ರಾ ಹಾಗೂ ಥೋರ್ಪಾ ಅವರು ನ್ಯಾಯಾಂಗ ಬಂಧನದಲ್ಲಿದ್ದಾರೆ.

raj kundra Sent to 14 day Judicial Custody Shilpa Shetty planning to take divorce from raj kundra
ರಾಜ್​ ಕುಂದ್ರಾ -ಶಿಲ್ಪಾ ಶೆಟ್ಟಿ 


ಉದ್ಯಮಿ ರಾಜ್​ಕುಂದ್ರಾ ಅಶ್ಲೀಲ ಚಿತ್ರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪ್ರತಿನಿತ್ಯ ಅಚ್ಚರಿಯ ಮಾಹಿತಿಗಳು ಹೊರ ಬೀಳುತ್ತಿವೆ. ರಾಜ್​ ಕುಂದ್ರಾ ಅವರಿಗೆ ಅಶ್ಲೀಲ ವಿಡಿಯೋಗಳ ಕಂಟೆಂಟ್​ ಮಾರಾಟ ಮಾಡುತ್ತಿದ್ದ ಆರೋಪಿಗಳು ಚಿತ್ರೀಕರಣಕ್ಕೆ ಹೇಗೆ ಒತ್ತಾಯಿಸುತ್ತಿದ್ದರು ಎನ್ನುವ ಮಾಹಿತಿ ಬಯಲಾಗಿದೆ. ಈ ವಿಷಯವನ್ನು ಸಂತ್ರಸ್ತೆಯರು ಬಯಲು ಮಾಡಿದ್ದಾರೆ. ಇನ್ನೂ ವಿಡಿಯೋ ಮಾರಾಟಗಾರರು ಇದೇ ಕಂಟೆಂಟ್​ಗಳನ್ನು ಇನ್ನಿತರ ಆ್ಯಪ್​ಗಳಿಗೂ ಮಾರಾಟ ಮಾಡುತ್ತಿದ್ದರು ಎನ್ನುವ ಅಂಶವೂ ಕೂಡ ಬಹಿರಂಗವಾಗಿದೆ.

ಇದನ್ನೂ ಓದಿ: BBK8- Divya Uruduga: ದಿವ್ಯಾ ಉರುಡುಗ ಕೂದಲಿಗೆ ಬಿತ್ತು ಕತ್ತರಿ: ಹೇಗಿದೆ ಗೊತ್ತಾ ಅರವಿಂದ್ ಮಾಡಿದ ಹೇರ್​ ಕಟ್

ಇನ್ನು ನೀಲಿಚಿತ್ರಗಳ ನಿರ್ಮಾಣದಲ್ಲಿ ಶಿಲ್ಪಾ ಶೆಟ್ಟಿ ಪಾತ್ರದ ಆಯಮದಲ್ಲೂ ಪೊಲೀಸರು ತನಿಖೆ ನಡೆಸಿದ್ದಾರೆ. ಆದರೆ ಈವರೆಗೆ ಪತಿಯ ಅಕ್ರಮ ಚಟುವಟಿಗಳಲ್ಲಿ ಶಿಲ್ಪಾರ ಪಾತ್ರ ಕಂಡು ಬಂದಿಲ್ಲ. ಶಿಲ್ಪಾಗೆ ತಿಳಿಯದೆ ರಾಜ್​ಕುಂದ್ರಾ ನೀಲಿಚಿತ್ರಗಳನ್ನು ನಿರ್ಮಿಸುತ್ತಿದ್ದರು. ಈ ಬಗ್ಗೆ ತಿಳಿಯದ ಶಿಲ್ಪಾಗೆ ಆಘಾತವಾಗಿದೆ. ಮೊದಮೊದಲು ಪತಿಯನ್ನು ಬೆಂಬಲಿಸಿದ್ದ ಶಿಲ್ಪಾಗೆ ಈಗ ಭ್ರಮನೀರಸವಾಗಿದೆ. ತಮ್ಮ ಇಮೇಜ್​​ ಮತ್ತಷ್ಟು ಡ್ಯಾಮೇಜ್​ ಆಗುವ ಮುನ್ನ ರಾಜ್​ಕುಂದ್ರಾರಿಂದ ಅಂತರ ಕಾಯ್ದುಕೊಳ್ಳಲು ಶಿಲ್ಪಾ ಚಿಂತಿಸುತ್ತಿದ್ದಾರೆ ಎನ್ನಲಾಗುತ್ತಿದೆ.

ಇದನ್ನೂ ಓದಿ: ಫಿನಾಲೆಗೂ ಮುನ್ನವೇ ದೊಡ್ಡ ಮೊತ್ತದ ಹಣ ಪಡೆದ ಅರವಿಂದ್​ ಕೆ ಪಿ

ಮೊದಲ ಪತ್ನಿಗೆ ವಿಚ್ಛೇದನ ನೀಡಿ ರಾಜ್​​ಕುಂದ್ರಾ ನಟಿ ಶಿಲ್ಪಾ ಶೆಟ್ಟಿನ 2ನೇ ಮದುವೆಯಾಗಿದ್ದಾರೆ. ಇವರಿಗೆ ಒಬ್ಬ ಮಗನಿದ್ದು, ಬಾಡಿಗೆ ತಾಯಿ ಮೂಲಕ ಮಗಳನ್ನು ಪಡೆದುಕೊಂಡಿದ್ದಾರೆ. ರಾಜ್​​ಕುಂದ್ರಾ ಬಂಧನ ಅವರ ದಾಂಪತ್ಯದಲ್ಲೂ ಬಿರುಗಾಳಿ ಎಬ್ಬಿಸಿದೆ.



ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ತಮ್ಮ ತಮ್ಮ ಸರದಿ ಬಂದಾಗ ತಪ್ಪದೇ ಲಸಿಕೆ ಪಡೆಯಬೇಕು. ಈಗಿನ ಪರಿಸ್ಥಿತಿಯಲ್ಲಿ ಲಸಿಕೆ ಒಂದೇ ಸೋಂಕಿನ ವಿರುದ್ಧ ಹೋರಾಡುವ ಮಾರ್ಗವಾಗಿದೆ. ಅತ್ಯಗತ್ಯವಿದ್ದರೆ ಮಾತ್ರವೇ ಮನೆಯಿಂದ ಹೊರಗೆ ಹೋಗುವ ಅಭ್ಯಾಸ ರೂಢಿಸಿಕೊಳ್ಳಬೇಕು.
Published by:Anitha E
First published: