Viral Video: ಹೆಂಡತಿಯ ಅತ್ತಿಗೆಯ ಜೊತೆ ಕಿಸ್​ ಮಾಡಿದ ಪೊಲೀಸ್​ ಕಾನ್ಸ್​ಟೇಬಲ್​, ವೈರಲ್​ ಆಯ್ತು ವಿಡಿಯೋ

Constable suspended for kissing sister in law: ಹೆಂಡತಿಯ ಅಣ್ಣನ ಹೆಂಡತಿಯ ಜೊತೆ ಬಾಲಾಜಿ ಪಾರ್ಕ್​ಗೆ ಹೋಗಿದ್ದಾನೆ. ಪಾರ್ಕ್​ನಲ್ಲಿ ಇಬ್ಬರೂ ತುಂಬಾ ಹೊತ್ತು ಮಾತನಾಡುತ್ತಿದ್ದಾರೆ. ಅದರ ನಡುವೆ ಇದ್ದಕ್ಕಿದ್ದಂತೆ ಹೆಂಡತಿಯ ಅತ್ತಿಗೆ ಕಾನ್ಸ್​ಟೇಬಲ್​ ಬಾಲಾಜಿಗೆ ಮುತ್ತು ಕೊಟ್ಟಿದ್ದಾಳೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಕೊಯಿಂಬತ್ತೂರು: ಇದು ಒಂದು ಮುತ್ತಿನ ಕತೆ. ಪೊಲೀಸ್​ ಕಾನ್ಸ್​ಟೇಬಲ್​ ಒಬ್ಬ ಸಮವಸ್ತ್ರದಲ್ಲಿದ್ದಾಗ ಹೆಂಡತಿಯ ಅತ್ತಿಗೆಯ ಜೊತೆ ಪಾರ್ಕ್​ನಲ್ಲಿ ಕುಳಿತು ಹರಟೆ ಹೊಡಯುತ್ತಿದ್ದ. ಅದೇನು ಮಾತನಾಡುತ್ತಿದ್ದರೋ ಅವರಿಬ್ಬರಿಗೇ ಗೊತ್ತು, ಆದರೆ ಆಕೆ ಇದ್ದಕ್ಕಿದ್ದಂತೆ ಕಾನ್ಸ್​ಟೇಬಲ್​ಗೆ ಮುತ್ತು ಕೊಟ್ಟಿದ್ದಾಳೆ. ಇದನ್ನು ಯಾರೋ ವಿಡಿಯೋ ಮಾಡಿ ಹಿರಿಯ ಅಧಿಕಾರಿಗಳಿಗೆ ಕಳಿಸಿಕೊಟ್ಟಿದ್ದಾರೆ. ಕೇವಲ ಹಿರಿಯ ಅಧಿಕಾರಿಗಳಿಗೆ ಕಳಿಸಿಕೊಟ್ಟಿದ್ದರೆ ಹೇಗೋ ಬಚಾವಾಗುತ್ತಿದ್ದರೇನೋ, ಆದರೆ ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಲಾಗಿದೆ. ಆ ವಿಡಿಯೋ ಸಾಕಷ್ಟು ವೈರಲ್​ ಆಗಿದ್ದು, ಇದೀಗ ಪೊಲೀಸ್​ ಕಾನ್ಸ್​ಟೇಬಲ್​ ಅಮಾನತ್ತಾಗಿದ್ದಾರೆ. ಈ ಘಟನೆ ನಡೆದಿರುವುದು ಪಕ್ಕದ ತಮಿಳುನಾಡಿನ ಕುಡಲ್ಲೋರು ಜಿಲ್ಲೆಯಲ್ಲಿ.

    ತಮಿಳುನಾಡು ಸಶಸ್ತ್ರ ಮೀಸಲು ಪಡೆಯಲ್ಲಿ ಕೆಲಸ ಮಾಡುತ್ತಿರುವ ವಿ ಬಾಲಾಜಿ (29) ಅಮಾನತ್ತಾಗಿರುವ ಪೊಲೀಸ್​ ಕಾನ್ಸ್​ಟೇಬಲ್​. ಅದ್ಯಾವ ಕಾರಣಕ್ಕೆ ಹೆಂಡತಿಯ ಅಣ್ಣನ ಹೆಂಡತಿ ಜೊತೆ ಪಾರ್ಕ್​ಗೆ ಹೋಗಿದ್ದನೋ ಗೊತ್ತಿಲ್ಲ. ಅಥವಾ ಇದೇ ಮೊದಲು ಈ ರೀತಿ ಪಾರ್ಕ್​ ಅಲೆದಾಟವೋ ಗೊತ್ತಿಲ್ಲ. ಆದರೆ ಇಬ್ಬರ ಪ್ರಣಯ ಪ್ರಸಂಗ ಮಾತ್ರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಅದರ ಪರಿಣಾಮ, ಬಾಲಾಜಿ ಕೆಲಸದಿಂದ ಅಮಾನತಾಗಿದ್ದಾನೆ. ಸಾರ್ವಜನಿಕ ಪ್ರದೇಶದಲ್ಲಿ ಅಸಭ್ಯವಾಗಿ ಮತ್ತು ಅಶ್ಲೀಲವಾಗಿ ವರ್ತಿಸಿದ್ದಾನೆ ಎಂಬ ಕಾರಣ ನೀಡಿ ಹಿರಿಯ ಅಧಿಕಾರಿ ಬಾಲಾಜಿಯನ್ನು ಅಮಾನತ್ತು ಮಾಡಿದ್ದಾರೆ.

    ಹೆಂಡತಿಯ ಅತ್ತಿಗೆ ಕೊಟ್ಟಳು ಮುತ್ತು:

    ಬಾಲಾಜಿಗೆ ಇದಾಗಲೇ ಮದುವೆಯಾಗಿದೆ. ಮದುವೆಯಾಗಿ ಎರಡು ಮಕ್ಕಳು ಕೂಡ ಇದ್ದಾರೆ. ಕುಡಲ್ಲೋರಿನ ಪೊಲೀಸ್​ ಕ್ವಾರ್ಟರ್ಸ್​ನಲ್ಲಿ ಬಾಲಾಜಿ ತನ್ನ ಕುಟುಂಬದೊಂದಿಗೆ ವಾಸವಾಗಿದ್ದಾರೆ. ಕಳೆದ ಶುಕ್ರವಾರ, ಹೆಂಡತಿಯ ಅಣ್ಣನ ಹೆಂಡತಿಯ ಜೊತೆ ಬಾಲಾಜಿ ಪಾರ್ಕ್​ಗೆ ಹೋಗಿದ್ದಾನೆ. ಪಾರ್ಕ್​ನಲ್ಲಿ ಇಬ್ಬರೂ ತುಂಬಾ ಹೊತ್ತು ಮಾತನಾಡುತ್ತಿದ್ದಾರೆ. ಅದರ ನಡುವೆ ಇದ್ದಕ್ಕಿದ್ದಂತೆ ಹೆಂಡತಿಯ ಅತ್ತಿಗೆ ಕಾನ್ಸ್​ಟೇಬಲ್​ ಬಾಲಾಜಿಗೆ ಮುತ್ತು ಕೊಟ್ಟಿದ್ದಾಳೆ. ಇದನ್ನು ಕದ್ದು ನೋಡುತ್ತಿದ್ದ ಯಾರೋ ವ್ಯಕ್ತಿಗಳು ವಿಡಿಯೋ ಮಾಡಿದ್ದಾರೆ.

    ಇದರ ಬಗ್ಗೆ ಕಾನ್ಸ್​ಟೇಬಲ್​ ಬಾಲಾಜಿಗಾಗಲೀ ಅಥವಾ ಅವನ ಹೆಂಡತಿಯ ಅತ್ತಿಗೆಗಾಗಲೀ ಗೊತ್ತೇ ಆಗಿರಲಿಲ್ಲ. ಅದರಲ್ಲೂ ಬಾಲಾಜಿ ಸಮವಸ್ತ್ರದಲ್ಲಿದ್ದ. ಇಲ್ಲದಿದ್ದರೆ ಈ ಚಿಕ್ಕ ಘಟನೆ ಇಡೀ ತಮಿಳುನಾಡಿನಾದ್ಯಂತ ಅಷ್ಟು ವೈರಲ್​ ಆಗುತ್ತಿರಲಿಲ್ಲ. ವಿಡಿಯೋ ಮಾಡಿದ ವ್ಯಕ್ತಿಗಳು ಮೊದಲು ವಿಡಿಯೋವನ್ನು ಹಿರಿಯ ಅಧಿಕಾರಿಗಳಿಗೆ ಕಳಿಸಿಕೊಟ್ಟಿದ್ದಾರೆ ಎನ್ನಲಾಗಿದೆ. ಅದರ ನಂತರವೂ ಕಾನ್ಸ್​ಟೇಬಲ್​ ಮೇಲೆ ಕ್ರಮ ಜರುಗಿಸದಿದ್ದಾಗ, ಸಾಮಾಜಿಕ ಜಾಲತಾಣದಲ್ಲಿ ವಿಡಯೋ ಹಾಕಲಾಗಿದೆ. ಅದು ವೈರಲ್​ ಆಗುತ್ತಿದ್ದಂತೆ ಹಿರಿಯ ಅಧಿಕಾರಿ ಬಾಲಾಜಿಯನ್ನು ಅಮಾನತ್ತು ಮಾಡಿದ್ದಾರೆ.

    ಸಾರ್ವಜನಿಕ ಸ್ಥಳದಲ್ಲಿ ಅಸಭ್ಯವಾಗಿ ವರ್ತಿಸಿದ ಕಾರಣಕ್ಕಾಗಿ ಬಾಲಾಜಿ ಕೆಲಸ ಕಳೆದುಕೊಂಡಿದ್ದಾರೆ. ಉಪ ಪೊಲೀಸ್​ ಆಯುಕ್ತ ಮುರಳೀಧರನ್​ ಈ ಬಗ್ಗೆ ಸ್ಥಳೀಯ ಮಾಧ್ಯಮಕ್ಕೆ ಮಾಹಿತಿ ನೀಡಿದ್ದು, ಕಾನ್ಸ್​ಟೇಬಲ್​ ಕೆಲಸದ ವೇಳೆ ಸಮವಸ್ತ್ರದಲ್ಲಿ ಅಸಭ್ಯವಾಗಿ ವರ್ತಿಸಿರುವ ಹಿನ್ನೆಲೆ ಅವರನ್ನು ಅಮಾನತ್ತು ಮಾಡಲಾಗಿದೆ ಎಂಬ ಮಾಹಿತಿ ನೀಡಿದ್ದಾರೆ.

    ಸಾಮಾನ್ಯವಾಗಿ ಪೊಲೀಸರು ಪಾರ್ಕಿನಲ್ಲಿ ಕುಳಿತಿರುವ ಯುವ ಪ್ರೇಮಿಗಳ ಮೇಲೆ ಸವಾರಿ ಮಾಡುತ್ತಾರೆ. ಪಾರ್ಕಿಗೆ ಬರಬೇಡಿ ಎಂದು ಧಮಕಿ ಹಾಕುವ ಅದೆಷ್ಟೋ ವಿಡಿಯೋಗಳು ಈ ಹಿಂದೆ ವೈರಲ್​ ಆಗಿವೆ. ಕೆಲ ಘಟನೆಗಳಲ್ಲಿ ಪ್ರೇಮಿಗಳಿಗೆ ಪೊಲೀಸರು ಲಾಠಿ ಏಟು ಸಹ ಕೊಟ್ಟಿದ್ದಾರೆ. ಇದೇ ಕಾರಣಕ್ಕೆ ಪೊಲೀಸ್​ ಪಾರ್ಕಿನಲ್ಲಿ ಮುತ್ತು ಕೊಡಿಸಿಕೊಂಡ ವಿಡಿಯೋ ವೈರಲ್​ ಆಗಿದೆ. ಪೊಲೀಸರು ಪ್ರೇಮಿಗಳ ಖಾಸಗಿತನದ ಮೇಲೆ ಸವಾರಿ ಮಾಡದೇ ಹೋಗಿದ್ದರೆ, ಈ ವಿಡಿಯೋವನ್ನು ಯಾರೂ ಮಾಡುತ್ತಿರಲಿಲ್ಲವೇನೋ ಎಂದೂ ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಪ್ರಾಯಗಳು ವ್ಯಕ್ತವಾಗಿದೆ.

    ಇದನ್ನೂ ಓದಿ: Viral Video: ಅದೇನು ಭಕ್ತಿ.. ಅದೇನು ಭಯ: ಹುಂಡಿ ಹಣ ಎಗರಿಸುವ ಮುನ್ನ ದೇವರಿಗೆ ನಮಸ್ಕರಿಸಿದ ಕಳ್ಳ!

    ಮಹಿಳಾ ಕಾನ್ಸ್​ಟೇಬಲ್ ಕೊಲೆ ಮಾಡಿದ ಗಂಡ:

    ಕಳೆದ ಕೆಲ ದಿನಗಳ ಹಿಂದೆ ಮಹಿಳಾ ಪೊಲೀಸ್​ ಕಾನ್ಸ್​ಟೇಬಲ್​ರನ್ನು ಗಂಡ ಕೊಲೆ ಮಾಡಿದ್ದ. ಇಬ್ಬರ ನಡುವಿನ ಕೌಟುಂಬಿಕ ಕಲಹದ ಹಿನ್ನೆಲೆಯಲ್ಲಿ ಕೊಲೆ ಮಾಡಲಾಗಿದೆ ಎಂದು ಪೊಲೀಸರ ಪ್ರಾಥಮಿಕ ವರದಿ ತಿಳಿಸಿತ್ತು. ತಮಿಳುನಾಡಿನ ವಿರುಧಾನಗರದಲ್ಲಿ ವಾಸವಿದ್ದ 30 ವರ್ಷದ ಮಹಿಳಾ ಕಾನ್ಸ್​ಟೇಬಲ್​ರನ್ನು 35 ವರ್ಷದ ಗಂಡ ಕೊಲೆ ಮಾಡಿದ್ದ. ಸಾವಿಗೀಡಾದ ಹೆಂಡತಿಯ ಹೆಸರು ಭಾನುಪ್ರಿಯಾ. ಅವರು ವಿರುಧಾನಗರ ಪಶ್ಚಿಮ ಪೊಲೀಸ್​ ಠಾಣೆಯಲ್ಲಿ ಕೆಲಸ ಮಾಡುತ್ತಿದ್ದರು. ವಿಗ್ನೇಶ್​ ಎಂಬಾತನ ಜೊತೆ ಆರು ವರ್ಷಗಳ ಹಿಂದೆ ಅವರ ಮದುವೆಯಾಗಿತ್ತು. ವಿಗ್ನೇಶ್​ ತಮಿಳುನಾಡು ರಾಜ್ಯ ರಸ್ತೆ ಸಾರಿಗೆ ನಿಗಮದಲ್ಲಿ ಕೆಲಸ ಮಾಡುತ್ತಿದ್ದಾರೆ.

    ಇದನ್ನೂ ಓದಿ: Loverboy- ಕದ್ದುಮುಚ್ಚಿ ಲವ್ವಿಡವ್ವಿ ಮಾಡ್ತಿದ್ದವನ ಎಲ್ಲಾ ಗರ್ಲ್​ಫ್ರೆಂಡ್ಸ್ ಒಟ್ಟಿಗೆ ಮನೆಗೆ ಬಂದಾಗ…

    ದಂಪತಿಗೆ ಒಬ್ಬ ಮಗ ಮತ್ತು ಒಬ್ಬ ಮಗಳಿದ್ದಾಳೆ. ವರದಿಗಳ ಪ್ರಕಾರ ವಿಗ್ನೇಶ್​ ಮಧುರೈಗೆ ಶಿಫ್ಟ್​ ಆಗಬೇಕು ಎಂದುಕೊಂಡಿದ್ದ. ಆದರೆ ಭಾನುಪ್ರಿಯಾ ಇದಕ್ಕೆ ಒಪ್ಪಿರಲಿಲ್ಲ. ಇದೇ ವಿಚಾರಕ್ಕೆ ಇಬ್ಬರ ನಡುವೆ ಜಗಳ ನಡೆದು ಅದು ತಾರಕಕ್ಕೆ ಹೋಗಿದೆ. ಸಿಟ್ಟಿನ ಭರದಲ್ಲಿ ವಿಗ್ನೇಶ್​ ಬೆಲ್ಟ್​ ಬಳಸಿ ಹೆಂಡತಿಯ ಕತ್ತು ಹಿಸುಕಿ ಸಾಯಿಸಿದ್ದಾನೆ ಎನ್ನಲಾಗಿದೆ.
    Published by:Sharath Sharma Kalagaru
    First published: