Explained: 5 ಸಿಇಒ, ಅಮೆರಿಕ, ಆಸ್ಟ್ರೇಲಿಯಾ ಪ್ರಧಾನಿಗಳ ಭೇಟಿ, ವಿಶ್ವಸಂಸ್ಥೆ ಸಾಮಾನ್ಯ ಸಭೆಯಲ್ಲಿ ಭಾಷಣ; ಪ್ರಧಾನಿ ಮೋದಿ ಅಮೆರಿಕ ಪ್ರವಾಸ ವೇಳಾಪಟ್ಟಿ ಹೀಗಿದೆ?

8:30 PM IST, ಅಥವಾ 11 AM ವಾಷಿಂಗ್ಟನ್ ಸಮಯ: ಪ್ರಧಾನಿ ಮೋದಿ ಅವರು ಶ್ವೇತಭವನದಲ್ಲಿ ಅಮೆರಿಕ ಅಧ್ಯಕ್ಷ ಜೋ ಬಿಡೆನ್ ಜೊತೆ ದ್ವಿಪಕ್ಷೀಯ ಸಭೆ ನಡೆಸಲಿದ್ದಾರೆ. ಸಭೆ ಒಂದು ಗಂಟೆಯವರೆಗೆ ನಡೆಯಲಿದೆ.

ಪ್ರಧಾನಿ ಮೋದಿ

ಪ್ರಧಾನಿ ಮೋದಿ

  • Share this:
    ಪ್ರಧಾನಿ ಮೋದಿ ಅವರು ಇಂದು ಅಮೇರಿಕಾ ಪ್ರವಾಸ (PM Modi America Tour) ಕೈಗೊಂಡಿದ್ದಾರೆ. ಭೇಟಿ ವೇಳೆ ಅವರು ಅಮೆರಿಕಾದ ಅಧ್ಯಕ್ಷ ಜೋ ಬಿಡೆನ್ (America President Jo Biden) ಅವರನ್ನು ಹಾಗೂ ಅಮೆರಿಕದ ಉಪಾಧ್ಯಕ್ಷರಾಗಿರುವ ಭಾರತ ಮೂಲದ ಕಮಲಾ ಹ್ಯಾರಿಸ್ (American Vice President Kamala Harris) ಅವರನ್ನು ಭೌತಿಕವಾಗಿ ‌ಇದೇ ಮೊದಲ ಬಾರಿಗೆ ಭೇಟಿಯಾಗಲಿದ್ದಾರೆ. ಅಮೆರಿಕಾದ ಉನ್ನತ ಸಂಸ್ಥೆಗಳ ಸಿಇಓ (CEO)ಗಳ ಜೊತೆ ಸಭೆ ನಡೆಸಲಿದ್ದಾರೆ. ಕ್ವಾಡ್ (Quad) ದೇಶಗಳ ಶೃಂಗಸಭೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ. ಅಲ್ಲದೆ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ‌ ಕೂಡ ಭಾಗಿಯಾಗಲಿದ್ದಾರೆ.

    ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ಕೋವಿಡ್ -19 ಸಾಂಕ್ರಾಮಿಕದ ನಂತರ ತಮ್ಮ ಮೊದಲ ಪ್ರಮುಖ ವಿದೇಶಿ ಭೇಟಿಯಲ್ಲಿ ಗುರುವಾರ ಅಮೆರಿಕದಲ್ಲಿ ಅಡೋಬ್, ಕ್ವಾಲ್ಕಾಮ್ ಮತ್ತು ಬ್ಲಾಕ್‌ಸ್ಟೋನ್ ಸೇರಿದಂತೆ ಐದು ಉನ್ನತ ಸಂಸ್ಥೆಗಳ ಸಿಇಒಗಳೊಂದಿಗೆ ಬ್ಯಾಕ್​ ಟು ಬ್ಯಾಕ್ ಸಭೆ ನಡೆಸಲಿದ್ದಾರೆ. ಇದಾದ ನಂತರ ಮೋದಿ ಅವರು ಅಮೆರಿಕ ಅಧ್ಯಕ್ಷ ಜೋ ಬಿಡೆನ್, ಆಸ್ಟ್ರೇಲಿಯಾದ ಪ್ರಧಾನಿ ಸ್ಕಾಟ್ ಮಾರಿಸನ್ ಮತ್ತು ಜಪಾನ್ ಪ್ರಧಾನಿ ಯೋಶಿಹೈಡ್ ಸುಗಾ ಅವರನ್ನು ಭೇಟಿಯಾಗಲಿದ್ದಾರೆ.

    ಪ್ರಧಾನಮಂತ್ರಿ ಮೋದಿ ಅವರು ಬುಧವಾರ ನಡೆಯುವ ಕೋವಿಡ್ -19 ವರ್ಚ್ಯುವಲ್​ ಶೃಂಗಸಭೆಯಲ್ಲಿ  ಭಾಗವಹಿಸಲಿದ್ದಾರೆ. ಅಮೆರಿಕಗೆ ಗುರುವಾರ ಮುಂಜಾನೆ 3: 30 ಕ್ಕೆ ಆಗಮಿಸಲಿರುವ ಮೋದಿ, ಸಂಜೆ ವೇಳೆ ಕ್ವಾಲ್ಕಾಮ್, ಅಡೋಬ್ ಮತ್ತು ಬ್ಲ್ಯಾಕ್ ಸ್ಟೋನ್ ಮೊದಲಾದ ಪ್ರಮುಖ ಸಂಸ್ಥೆಗಳ ಸಿಇಒಗಳೊಂದಿಗೆ ಸಭೆ ನಡೆಸಲಿದ್ದಾರೆ. ಪ್ರತಿ ಸಭೆಯು 15 ನಿಮಿಷಗಳವರೆಗೆ ಇರುತ್ತದೆ.

    ಸೆ. 23 ಗುರುವಾರದ ಮೋದಿ ಅವರ ಮಿನಿಟ್ ಟು ಮಿನಿಟ್ ಕಾರ್ಯಕ್ರಮ

    7:15 (ಪಿಎಂ ಐಎಸ್​ಟಿ- ಇಂಡಿಯನ್ ಸ್ಟ್ಯಾಂಡರ್ಡ್ ಟೈಮ್): ಪ್ರಧಾನಿ ಮೋದಿ ಅವರು ಕ್ವಾಲ್ಕಮ್ ಸಿಇಒ ಕ್ರಿಸ್ಟಿನೊ ಎ ಆಮಾನ್ ಅವರನ್ನು ಭೇಟಿಯಾಗಿ ಸಭೆ ನಡೆಸಲಿದ್ದಾರೆ. ಕ್ರಿಸ್ಟಿನೊ ಆಮಾನ್ ಅವರು ಕ್ವಾಲ್ಕಮ್ ಇನ್​ಕಾರ್ಪೊರೆಟೆಡ್ ಸಿಇಒ ಮತ್ತು ಅಧ್ಯಕ್ಷರಾಗಿದ್ದಾರೆ. ಜೊತೆಗೆ ಸೆಮಿಕಂಡಕ್ಟರ್, ಸಾಫ್ಟ್​ವೇರ್ ಹಾಗೂ ವೈರ್​ಲೆಸ್ ಟೆಕ್ನಾಲಜಿ ಸಂಬಂಧಿತ ಹಲವಾರು ಅಂತಾರಾಷ್ಟ್ರೀಯ ಸಂಸ್ಥೆಗಳ ಅಧ್ಯಕ್ಷರಾಗಿದ್ದಾರೆ.

    7:35: (ಪಿಎಂ ಐಎಸ್​ಟಿ- ಇಂಡಿಯನ್ ಸ್ಟ್ಯಾಂಡರ್ಡ್ ಟೈಮ್): ಅಡೋಬ್ ಚೇರ್ಮನ್ ಶಂತನು ನಾರಾಯೆನ್ ಅವರನ್ನು ಭೇಟಿಯಾಗಲಿದ್ದಾರೆ. 1982 ರಲ್ಲಿ ಸ್ಥಾಪನೆಯಾದ ಅಡೋಬ್ ಅಥವಾ ಈ ಹಿಂದೆ ಅಡೋಬ್ ಸಿಸ್ಟಮ್ಸ್ ಇನ್ಕಾರ್ಪೊರೇಟೆಡ್ ಎನ್ನುವುದು ಬಹುರಾಷ್ಟ್ರೀಯ ಕಂಪ್ಯೂಟರ್ ಸಾಫ್ಟ್ ವೇರ್ ಕಾರ್ಪೊರೇಷನ್ ಆಗಿದ್ದು, ವಾಷಿಂಗ್ಟನ್ ನ ರೆಡ್ಮಂಡ್ ನಲ್ಲಿ ಪ್ರಧಾನ ಕಚೇರಿಯನ್ನು ಹೊಂದಿದೆ. ನಾರಾಯಣ್ ಅವರು ಡಿಸೆಂಬರ್ 2007 ರಿಂದ ಅಡೋಬ್‌ನ ಅಧ್ಯಕ್ಷ ಮತ್ತು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (ಸಿಇಒ) ಆಗಿದ್ದಾರೆ.

    7:55 PM IST: ಸೋಲಾರ್ ಸಿಇಒ ಮಾರ್ಕ್ ವಿಡ್ಮಾರ್ ಜೊತೆ ಮಾತುಕತೆ ನಡೆಸಲಿದ್ದಾರೆ. ಮೊದಲ ಸೌರವು ಸೌರ ಫಲಕ ತಯಾರಕ ಹಾಗೂ ಉಪಯುಕ್ತತೆಯ ಪ್ರಮಾಣದ ಪಿವಿ ವಿದ್ಯುತ್ ಸ್ಥಾವರಗಳು ಮತ್ತು ಸಂಬಂಧಿತ ಸೇವೆಗಳ ಉತ್ಪಾದಕ ಕಂಪನಿ ಇದಾಗಿದೆ.

    8:15 PM IST: ಪ್ರಧಾನ ಮಂತ್ರಿ ಜನರಲ್ ಅಟೊಮಿಕ್ಸ್ ಸಿಇಒ ವಿವೇಕ್ ಲಾಲ್ ಅವರನ್ನು ಭೇಟಿ ಮಾಡಲಿದ್ದಾರೆ. ಜನರಲ್ ಅಟೊಮಿಕ್ಸ್ ಒಂದು ಸಂಶೋಧನೆ ಮತ್ತು ಅಭಿವೃದ್ಧಿ-ಕೇಂದ್ರಿತ ಅಮೇರಿಕನ್ ಶಕ್ತಿ ಮತ್ತು ರಕ್ಷಣಾ ಸಂಸ್ಥೆಯಾಗಿದೆ. ವಿಶ್ವ ಪ್ರಸಿದ್ಧ ವಿಜ್ಞಾನಿಯಾದ ಲಾಲ್ ಕಳೆದ ವರ್ಷದ ಜೂನ್ 1 ರಿಂದ ಸಂಸ್ಥೆಯ ಸಿಇಒ ಆಗಿ ಅಧಿಕಾರ ವಹಿಸಿಕೊಂಡರು.

    8:35 PM IST: ಬ್ಲ್ಯಾಕ್‌ಸ್ಟೋನ್ ಸಿಇಒ ಸ್ಟೆಪೆನ್ ಎ ಶ್ವಾರ್ಜ್‌ಮನ್ ಅವರನ್ನು ಭೇಟಿಯಾಗಲಿದ್ದಾರೆ. ಬ್ಲ್ಯಾಕ್ ಸ್ಟೋನ್ ನ್ಯೂಯಾರ್ಕ್ ಮೂಲದ ಅಮೇರಿಕನ್ ಪರ್ಯಾಯ ಹೂಡಿಕೆ ನಿರ್ವಹಣಾ ಸಂಸ್ಥೆಯಾಗಿದೆ.

    11 PM IST: ಆಸ್ಟ್ರೇಲಿಯಾದ ಪ್ರಧಾನಿ ಸ್ಕಾಟ್ ಮಾರಿಸನ್ ಜೊತೆ ಪ್ರಧಾನಮಂತ್ರಿ ದ್ವಿ ಪಕ್ಷೀಯ ಸಭೆ ನಡೆಸಲಿದ್ದಾರೆ.

    ಶುಕ್ರವಾರ (ಸೆಪ್ಟೆಂಬರ್ 24)

    12:45 AM IST, ಅಥವಾ 3:15 pm EST: ಪ್ರಧಾನಮಂತ್ರಿಯವರು ಯುಎಸ್ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಜೊತೆ ದ್ವಿಪಕ್ಷೀಯ ಸಭೆ ನಡೆಸಲಿದ್ದಾರೆ.

    3:00 AM IST: ಮೋದಿ ಜಪಾನ್ ಪ್ರಧಾನಿ ಯೋಶಿಹಿದೆ ಸುಗಾರೊಂದಿಗೆ ದ್ವಿಪಕ್ಷೀಯ ಸಭೆ ನಡೆಸಲಿದ್ದಾರೆ.

    8:30 PM IST, ಅಥವಾ 11 AM ವಾಷಿಂಗ್ಟನ್ ಸಮಯ: ಪ್ರಧಾನಿ ಮೋದಿ ಅವರು ಶ್ವೇತಭವನದಲ್ಲಿ ಅಮೆರಿಕ ಅಧ್ಯಕ್ಷ ಜೋ ಬಿಡೆನ್ ಜೊತೆ ದ್ವಿಪಕ್ಷೀಯ ಸಭೆ ನಡೆಸಲಿದ್ದಾರೆ. ಸಭೆ ಒಂದು ಗಂಟೆಯವರೆಗೆ ನಡೆಯಲಿದೆ.

    11:30 PM IST ಅಥವಾ 2 PM EST: ತ್ವರಿತ ಊಟದ ವಿರಾಮದ ನಂತರ, ಮೋದಿ ಜಪಾನ್, ಯುಎಸ್ ಮತ್ತು ಆಸ್ಟ್ರೇಲಿಯಾದೊಂದಿಗೆ QUAD ಸಭೆಗಾಗಿ ಶ್ವೇತಭವನಕ್ಕೆ ಹಿಂತಿರುಗುತ್ತಾರೆ, ಎರಡು ಗಂಟೆಗಳ ಕಾಲ ಈ ಸಭೆ ನಡೆಯಲಿದೆ.

    ಇದನ್ನು ಓದಿ: Saarc Meet Cancelled| ತಾಲಿಬಾನ್​ ಭಾಗವಹಿಸುವಿಕೆಗೆ ಪಾಕ್ ಒತ್ತಾಯ; ನ್ಯೂಯಾರ್ಕ್​ನ ಸಾರ್ಕ್​ ವಿದೇಶಾಂಗ ಸಚಿವರ ಸಭೆ ರದ್ದು!

    ಆ ಬಳಿಕ ಪ್ರಧಾನಿ ಮೋದಿ ಅವರು ನ್ಯೂಯಾರ್ಕ್ ಬಿಡಲಿದ್ದಾರೆ

    7:30 pm IST: ಪ್ರಧಾನಿ ಮೋದಿ ಅವರು ವಿಶ್ವಸಂಸ್ಥೆಯಲ್ಲಿ ಸಾಮಾನ್ಯ ಸಭೆ ಉದ್ದೇಶಿಸಿ ಮಾತನಾಡಲಿದ್ದಾರೆ.

    9:15 pm IST: ಮೋದಿ ಅವರು ದೆಹಲಿಯತ್ತ ಪ್ರಯಾಣ ಬೆಳಸಲಿದ್ದಾರೆ.

    ಭಾನುವಾರ (ಸೆಪ್ಟೆಂಬರ್ 26)

    11:30 AM IST: ಪ್ರಧಾನಿ ಮೋದಿ ಅವರು ದೆಹಲಿಗೆ ಆಗಮಿಸಲಿದ್ದಾರೆ.

    Published by:HR Ramesh
    First published: