ಇಲಿ ಪಾಷಾಣ ಕಳಿಸಿ ಎಂದು ಭಾರತವನ್ನು ಕೇಳುತ್ತಿದೆ ಆಸ್ಟ್ರೇಲಿಯಾ ! ಅಂಥದ್ದೇನಾಗಿದೆ ?

Mice Plague: ಇಲಿಗಳನ್ನು ನಿಯಂತ್ರಿಸುವ ಸಲುವಾಗಿ ಭಾರತದ ಸಹಾಯ ಕೋರಿರುವ ಆಸ್ಟ್ರೇಲಿಯಾ ‘ಬ್ರೋಮಾಡಿಯೋಲೋನ್’ ಎಂಬ ಪಾಷಾಣವನ್ನು ಕಳುಹಿಸಿಕೊಡುವಂತೆ ಮನವಿ ಮಾಡಿದೆ.

ಇಲಿಗಳ ಹಾವಳಿ

ಇಲಿಗಳ ಹಾವಳಿ

  • Share this:
    ನವದೆಹಲಿ (ಮೇ 30): ಇಡೀ ವಿಶ್ವವೇ ಕೊರೋನಾ ಸೋಂಕಿನಿಂದ ತತ್ತರಿಸಿದೆ. ಕೊರೋನಾಗೆ ಲಸಿಕೆ ಕಂಡುಹಿಡಿದ ಬೆನ್ನಲ್ಲೇ ಮತ್ತೊಂದು ಅಪಾಯಕಾರಿ ರೋಗವೊಂದು ಆತಂಕ ಸೃಷ್ಟಿಸಿದೆ. ಆಸ್ಟ್ರೇಲಿಯದಲ್ಲಿ ಇಲಿಗಳ ತೊಂದರೆ ಹೆಚ್ಚಾಗಿದ್ದು, ಲಕ್ಷಾಂತರ ಇಲಿಗಳ ದಾಳಿಯಿಂದ ಕೋಟ್ಯಂತರ ರೂ. ಮೌಲ್ಯದ ಕೃಷಿ ಉತ್ಪನ್ನಗಳು ಹಾನಿಯಾಗಿವೆ. ಆಸ್ಟ್ರೇಲಿಯಾದ ನ್ಯೂ ಸೌತ್ ವೇಲ್ಸ್​ನಲ್ಲಿರುವ ಹಳ್ಳಿಗಳಲ್ಲಿ ಲಕ್ಷಾಂತರ ಇಲಿಗಳ ಹಾವಳಿ ಶುರುವಾಗಿದೆ. ಈ ಮೂಲಕ ಕಳೆದ ನಾಲ್ಕೈದು ದಶಕಗಳ ಹಿಂದೆ ಆಸ್ಟ್ರೇಲಿಯದಲ್ಲಿ ಕಾಣಿಸಿಕೊಂಡಿದ್ದ ಪ್ಲೇಗ್ ಮತ್ತೆ ಕಾಣಿಸಿಕೊಳ್ಳುವ ಸಾಧ್ಯತೆ ಹೆಚ್ಚಾಗಿದೆ.

    ಹಲವು ತಿಂಗಳ ಹಿಂದೆ ಭಾರತ ಸೇರಿದಂತೆ ಹಲವು ರಾಷ್ಟ್ರಗಳು ಮಿಡತೆ ದಾಳಿಯಿಂದ ಕಂಗಾಲಾಗಿತ್ತು. ಕೃಷಿ ಭೂಮಿಗೆ ದಾಳಿ ಇಟ್ಟ ಮಿಡತೆಗಳು ತಿಂದು ಹಾಕಿದ ಬೆಳೆಯ ಪ್ರಮಾಣಕ್ಕೆ ಲೆಕ್ಕವಿಲ್ಲ. ಇದೀಗ ಆಸ್ಟ್ರೇಲಿಯಾದ ಕೃಷಿ ಭೂಮಿಯ ಮೇಲೆ ಇಲಿ ದಾಳಿ ಹೆಚ್ಚಾಗಿದ್ದು, ಸಾವಿರಾರು ಸಂಖ್ಯೆಯ ಇಲಿಗಳು ಸುಮಾರು 5 ಸಾವಿರ ಕೋಟಿ ರೂ. ಮೌಲ್ಯದ ಬೆಳೆಯನ್ನು ನಾಶ ಮಾಡಿದೆ.



    ಇದನ್ನೂ ಓದಿ: VK Sasikala: ಜಯಲಲಿತಾ ಆಪ್ತೆ ವಿ.ಕೆ. ಶಶಿಕಲಾ ಸಕ್ರಿಯ ರಾಜಕಾರಣಕ್ಕೆ ವಾಪಾಸ್?; ಆಡಿಯೋ ತುಣುಕು ವೈರಲ್

    ನ್ಯೂ ಸೌತ್ ವೇಲ್ಸ್​ನಲ್ಲಿ ರಾತ್ರಿ ಹೊತ್ತಿನಲ್ಲಿ ಕೃಷಿ ಭೂಮಿ ಮಾತ್ರವಲ್ಲದೆ ಜನವಸತಿ ಪ್ರದೇಶಗಳ ಮೇಲೆ ದಾಳಿ ನಡೆಸುತ್ತಿರುವ ಇಲಿಗಳ ಸೈನ್ಯ ಮನೆಯ ವಸ್ತುಗಳನ್ನು ನಾಶ ಮಾಡುತ್ತಿದೆ. ಇಲಿಗಳು ಬಿಲವನ್ನು ಕೊರೆದು ಮನೆ, ಆಸ್ಪತ್ರೆ, ಕಚೇರಿ, ಶಾಲೆಗಳನ್ನು ಸೇರುತ್ತಿದೆ. ಇಲಿಗಳನ್ನು ನಿಯಂತ್ರಿಸುವ ಸಲುವಾಗಿ ಭಾರತದ ಸಹಾಯ ಕೋರಿರುವ ಆಸ್ಟ್ರೇಲಿಯಾ ‘ಬ್ರೋಮಾಡಿಯೋಲೋನ್’ ಎಂಬ ಪಾಷಾಣವನ್ನು ಕಳುಹಿಸಿಕೊಡುವಂತೆ ಮನವಿ ಮಾಡಿದೆ.

    ಇದು ಅತ್ಯಂತ ವಿಷಕಾರಿಯಾಗಿದ್ದು, ಇಲಿಗಳನ್ನು ಸಾಯಿಸಲು ಇದಕ್ಕಿಂತ ಪರಿಣಾಮಕಾರಿ ವಿಷ ಮತ್ತೊಂದಿಲ್ಲ ಎನ್ನಲಾಗಿದೆ. ಇದು ಭಾರತದಲ್ಲಿ ಹೇರಳವಾಗಿ ದೊರೆಯುವುದರಿಂದ ಈ ವಿಷವನ್ನು ಕಳುಹಿಸಲು ಆಸ್ಟ್ರೇಲಿಯ ಮನವಿ ಮಾಡಿದೆ.

    ಕಳೆದ ನಾಲ್ಕೈದು ದಶಕಗಳಲ್ಲೇ ಅತಿ ದೊಡ್ಡ ಮಟ್ಟದ ಇಲಿಗಳ ದಾಳಿ ಇದು ಎನ್ನಲಾಗಿದೆ. ಹೀಗಾಗಿ, ಇಲಿಗಳನ್ನು ಕೊಲ್ಲಲು ನಿಷೇಧಿತ ಬ್ರೋಮಾಡಿಯೋಲೋನ್ ಎಂಬ ವಿಷವನ್ನು ಕಳುಹಿಸಿಕೊಡಲು ಆಸ್ಟ್ರೇಲಿಯಾ ಭಾರತಕ್ಕೆ ಮನವಿ ಮಾಡಿದೆ. 5,000 ಲೀಟರ್ ನಿಷೇಧಿತ ವಿಷವನ್ನು ಕಳುಹಿಸುವಂತೆ ನ್ಯೂ ಸೌತ್​ ವೇಲ್ಸ್​ ಸರ್ಕಾರ ಭಾರತಕ್ಕೆ ಮನವಿ ಮಾಡಿದೆ.
    Published by:Sushma Chakre
    First published: