Paytm outage: ಪೇಟಿಯಂ ಕಾರ್ಯಗತಿಯಲ್ಲಿ ವ್ಯತ್ಯಯ! ವ್ಯವಹಾರ ನಡೆಸಲು ಪರದಾಡಿದ ಬಳಕೆದಾರರು

ಭಾರತೀಯ ಪೇಟಿಯಂ ಬಳಕೆದಾರರು ಇದರ ಕಾರ್ಯಗತಿ ನಿಧಾನದಿಂದಾಗಿ ಬೇಸರಗೊಂಡಿದ್ದಾರೆ. ಅನೇಕರಿಗೆ ಪೇಟಿಯಂ ಅಪ್ಲಿಕೇಶನ್ ಮತ್ತು ವೆಬ್‌ಸೈಟ್‌ಗೆ ಲಾಗ್ ಇನ್ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ವರದಿ ಮಾಡಿದ್ದಾರೆ.

ಪೇಟಿಯಂ

ಪೇಟಿಯಂ

  • Share this:
    ಆನ್​ಲೈನ್​​ ಪಾವತಿ (Online Payment) ಸೇವೆಯನ್ನು ಒದಗಿಸುವ ಪೇಟಿಯಂ ಕಾರ್ಯಗತಿ ನಿಧಾನವಾಗಿದೆ. ಇದರಿಂದ ಬಳಕೆದಾರರು ಪರದಾಡುತ್ತಿದ್ದು, ಪೇಟಿಯಂನಲ್ಲಿ (Paytm) ಕಂಡುಬಂದ ಸಮಸ್ಯೆಯ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ (Social Media) ಬರೆಯುತ್ತಿದ್ದಾರೆ. ಅಂದಹಾಗೆಯೇ, ಜನಪ್ರಿಯ ಪೇಟಿಯಂ ಪಾವತಿ ಸೇವೆಯನ್ನು ಒದಗಿಸುತ್ತಾ ಬಂದಿದೆ. ಅನೇಕ ಜನರು ಇದರ ಮೂಲಕ ಹಣದ ವ್ಯವಹಾರ (Money Transfer) ನಡೆಸುತ್ತಿದ್ದಾರೆ. ಭಾರತದಲ್ಲಂತೂ ಸ್ಮಾರ್ಟ್​ಫೋನಿನಲ್ಲಿ ಆ್ಯಪ್​ (App) ಡೌನ್​ಲೋಡ್​ ಮಾಡಿಕೊಂಡು ಪೇಟಿಯಂ ಬಳಸುತ್ತಿದ್ದಾರೆ. ಆದರೆ ವ್ಯವಹಾರದ ಸಮಯದಲ್ಲಿ ಪೇಟಿಯಂನಲ್ಲಿ ಕಂಡುಬಂದ ಸಮಸ್ಯೆಯಿಂದ ಜನರು ಪರದಾಡಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ.

    ಭಾರತೀಯ ಪೇಟಿಯಂ ಬಳಕೆದಾರರು ಇದರ ಕಾರ್ಯಗತಿ ನಿಧಾನದಿಂದಾಗಿ ಬೇಸರಗೊಂಡಿದ್ದಾರೆ. ಅನೇಕರಿಗೆ ಪೇಟಿಯಂ ಅಪ್ಲಿಕೇಶನ್ ಮತ್ತು ವೆಬ್‌ಸೈಟ್‌ಗೆ ಲಾಗ್ ಇನ್ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ವರದಿ ಮಾಡಿದ್ದಾರೆ. ಜೊತೆಗೆ ಪಾವತಿಗಳನ್ನು ಮಾಡಲು ಸಾಧ್ಯವಾಗಲಿಲ್ಲ. ಪಾವತಿಗಳನ್ನು ಮಾಡಲು ಪ್ರಯತ್ನಿಸುತ್ತಿರುವ ಬಳಕೆದಾರರು ಸ್ವಯಂಚಾಲಿತವಾಗಿ ಲಾಗ್ ಔಟ್ ಆಗಿದ್ದಾರೆ ಮತ್ತು ಮತ್ತೆ ಲಾಗ್ ಇನ್ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ಸಾಮಾಜಿಕ ಜಾಲತಾಣದಲ್ಲಿ ಸಮಸ್ಯೆಯನ್ನು ಬರೆದುಕೊಂಡಿದ್ದಾರೆ.

    ಭಾರತೀಯ ಪೇಟಿಯಂ ಬಳಕೆದಾರ ಸಮಸ್ಯೆಯ ಬಗ್ಗೆ ತಿಳಿದುಕೊಂಡ ಕೊಂಚ ಹೊತ್ತಿನ ಬಳಿಕ Paytm ಸಮಸ್ಯೆಯನ್ನು ಪರಿಹರಿಸಿದೆ ಮತ್ತು ಬಳಕೆದಾರರು ತಮ್ಮ ರುಜುವಾತುಗಳನ್ನು ಬಳಸಿಕೊಂಡು ಸುಲಭವಾಗಿ ಲಾಗ್ ಇನ್ ಮಾಡಬಹುದಾಗಿದೆ.

    Paytm ಕಾರ್ಯಗತಿ ನಿಧಾನ ಮತ್ತು ಸಮಸ್ಯೆ ಕಂಡುಬಂದಾಗ, ಇರಲ್ಲಿನ ವಹಿವಾಟುಗಳು ಕಡಿಮೆಯಾಗಿದೆ ಎಂದು ದೃಢಪಡಿಸಿದೆ ಮತ್ತು ಬದಲಿಗೆ ಬಳಕೆದಾರರನ್ನು ನೇರವಾಗಿ ಲಾಗಿನ್ ಸ್ಕ್ರೀನ್‌ಗೆ ಕರೆದೊಯ್ಯುತ್ತಿದೆ. ಅಲ್ಲಿ ಮತ್ತೆ ರುಜುವಾತುಗಳನ್ನು ನಮೂದಿಸುವುದು ಸಹಾಯ ಮಾಡಲಿಲ್ಲ. ಬದಲಾಗಿ, ಬಳಕೆದಾರರಿಗೆ 'ಏನೋ ತಪ್ಪಾಗಿದೆ, ದಯವಿಟ್ಟು ಸ್ವಲ್ಪ ಸಮಯದ ನಂತರ ಮತ್ತೆ ಪ್ರಯತ್ನಿಸಿ' ದೋಷವನ್ನು ಎದುರಿಸಿದ್ದಾರೆ. ಹಲವಾರು ಪೇಟಿಎಂ ಬಳಕೆದಾರರು ಈ ಸಮಸ್ಯೆಯ ಬಗ್ಗೆ ಟ್ವಿಟರ್‌ನಲ್ಲಿ ದೂರು ನೀಡಿದ್ದಾರೆ.

    ಇದನ್ನೂ ಓದಿ: RBI Repo Rate Hike:ರೆಪೋ ರೇಟ್​ ಮತ್ತೆ ಹೆಚ್ಚಳ, ಲೋನ್​ ಪಡೆದವರಿಗೆ ಮತ್ತಷ್ಟು ಹೊರೆ!

    ದೇಶಾದ್ಯಂತ ಬಳಕೆದಾರರು Paytm ನಲ್ಲಿ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ ಎಂದು ಔಟ್ಟೇಜ್ ಡಿಟೆಕ್ಷನ್ ವೆಬ್‌ಸೈಟ್ DownDetector ದೃಢಪಡಿಸಿದೆ. ಬಾಧಿತ ಪ್ರದೇಶಗಳಲ್ಲಿ ಮುಂಬೈ, ದೆಹಲಿ ಮತ್ತು ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳು ಸೇರಿವೆ. ಆದರೀಗ ಪೇಟಿಯಂನಲ್ಲಿ ಕಂಡುಬಂದ ಸಮಸ್ಯೆ ಪರಿಹಾರಗೊಂಡಿದ್ದು, ಗ್ರಾಹಕರು ಸುಲಭವಾಗಿ ವ್ಯವಹಾರ ನಡೆಸಬಹುದಾಗಿದೆ.

    ಇದನ್ನೂ ಓದಿ: Alcohol: ಎಲ್ಲಾ ಓಕೆ, ಮದ್ಯಪಾನ ಮಾಡಿದ ಬಳಿಕ ಜನರು ಇಂಗ್ಲಿಷ್ ಮಾತನಾಡೋದ್ಯಾಕೆ? ಸಂಶೋಧನೆಯಿಂದ ಹೊರಬಿತ್ತು ಅಚ್ಚರಿಯ ಸತ್ಯ

    ಪೇಟಿಯಂ ಜನಪ್ರಿಯ ಆನ್​ಲೈನ್​ ಪಾವತಿ ಸೇವೆಗಳನ್ನು ಒದಗಿಸುವ ಫ್ಲಾಟ್​ಫಾರ್ಮ್​ಗಳಲ್ಲಿ ಒಂದು. ದೇಶದಾದ್ಯಂತ ಬಹುತೇಕ ಜನರು ಈ ಆ್ಯಪ್​ ಅನ್ನು ಬಳಸುತ್ತಿದ್ದಾರೆ. ಇದರ ಮೂಲಕ ವ್ಯವಹಾರ ಮಾಡುತ್ತಿದ್ದಾರೆ. ಒಂದು ನಿಮಿಷ ಇದರ ಕಾರ್ಯಗತಿಯಲ್ಲಿ ತೊಂದರೆ ಕಂಡುಬಂದರೆ ದೇಶದಾದ್ಯಂತ ನಡೆಯುವ ವ್ಯವಹಾರದಲ್ಲಿ ವ್ಯತ್ಯಯ ಕಾಣುತ್ತದೆ. ಇದರಿಂದ ನಷ್ಟವಾಗುವ ಸಂಭವ ಕೂಡ ಹೆಚ್ಚು.

    ಪೇಟಿಯಂ ಬಂದ ನಂತರ ಅನೇಕ ಜನರ ವ್ಯವಹಾರಗಳು ವೇಗಗತಿಯಲ್ಲಿ ಸಾಗುತ್ತಿದೆ. ಸ್ಮಾರ್ಟ್​ಫೋನ್​ ಮೂಲಕ ನಿಮಿಷಾರ್ಧದಲ್ಲಿ ಹಣವನ್ನು ಬೇರೋಬ್ಬರ ಖಾತೆಗೆ ಕಳುಹಿಸಬಃಉದಾಗಿದೆ ಮತ್ತು ಪಡೆಯಬಹುದಾಗಿದೆ. ಅಷ್ಟೇ ಏಕೆ, ಗ್ಯಾಸ್​​, ಕರೆಂಟ್​ ಬಿಲ್​ ಸೇರಿದಂತೆ ಅನೇಕ ವ್ಯವಹಾರಗಳನ್ನು ಇದರಲ್ಲಿ ನಡೆಸಬಹುದು.

    ಪೇಟಿಯಂ ತನ್ನ ಗ್ರಾಹಕರನ್ನು ಹೆಚ್ಚಿಸಿಕೊಳ್ಳಲು ಆಗಾಗ ಏನಾದರೊಂದು ಆಫರ್​ ತೆರೆಯುತ್ತದೆ. ಅದೇನೆಂದರೆ ಗ್ರಾಹಕರಿಗೆ ಅನುಗುಣವಾಗ ರೀಚಾರ್ಜ್​ ಆಫರ್​, ಪುಸ್ತಕ, ಬಟ್ಟೆ ಹೀಗೆ ಆಫರ್​ ನೀಡುವ ಮೂಲಕ ಬಳಕೆದಾರರ ಸಂಖ್ಯೆಯನ್ನು ಹೆಚ್ಚಿಸುತ್ತಿದೆ.
    Published by:Harshith AS
    First published: