Pakistan TikToker: ಪಾಕಿಸ್ತಾನದಲ್ಲಿ ಸ್ವಾತಂತ್ರ್ಯ ದಿನದಂದೇ ಮಹಿಳಾ ಟಿಕ್​ಟಾಕರ್​ ಮೇಲೆ ದೌರ್ಜನ್ಯ

ಪಾರ್ಕ್​ನಲ್ಲಿ ಸ್ವಾತಂತ್ರ್ಯ ದಿನಚಾರಣೆಯಲ್ಲಿ ಭಾಗಿಯಾಗಿದ್ದ ಮಹಿಳೆಯನ್ನು ಸುತ್ತುವರಿದ ಪುರುಷರ ಗುಂಪು ಆಕೆಯನ್ನು ಹಿಂಸಿಸಿ, ದೌರ್ಜನ್ಯ ಎಸಗಿದ್ದಾರೆ.

ಪ್ರಾತಿನಿಧಿಕ ಚಿತ್ರ.

ಪ್ರಾತಿನಿಧಿಕ ಚಿತ್ರ.

  • Share this:
    ಪಾಕಿಸ್ತಾನದ ಸ್ವಾತಂತ್ರ್ಯ ದಿನಾಚರಣೆಯ ದಿನದಂದೇ ಸಾರ್ವಜನಿಕ ಉದ್ಯಾನವನದಲ್ಲಿ ಮಹಿಳೆಯ ಮೇಲೆ ಅಮಾನವೀಯವಾಗಿ ದೌರ್ಜನ್ಯ ನಡೆಸಿರುವ ಘಟನೆ ವರದಿಯಾಗಿದೆ. ಶನಿವಾರ ಪಾಕಿಸ್ತಾನದಾದ್ಯಂತ ಜನರು ಸ್ವಾತಂತ್ರ್ಯ ದಿನಾಚರಣೆಯಲ್ಲಿ ಭಾಗಿಯಾಗಿದ್ದರೆ, ಇತ್ತ ಲಾಹೋರ್​ನ ಗ್ರೇಟರ್​ ಇಕ್ಬಾಲ್​ ಪಾರ್ಕ್​ನಲ್ಲಿ ಮಹಿಳಾ ಟಿಕ್​ ಟಾಕರ್​​  ಬಟ್ಟೆಯನ್ನು ಹರಿದು ಆಕೆಯ ಮೇಲೆ ದೌರ್ಜನ್ಯ ಎಸಗಲಾಗಿದೆ. ನೂರಾರು ಪುರಷರು ಮಹಿಳೆ ಮೇಲೆ ಮೃಗಗಳಂತೆ ವರ್ತಿಸಿರುವ ವರ್ತನೆ ಸಾಮಾಜಿಕ ಜಾಲತಾಣದಲ್ಲಿ ಕಂಡು ಬಂದಿದೆ. ಆಗಸ್ಟ್​ 14ರಂದು ಸ್ವಾತಂತ್ರ್ಯ ದಿನಚರಣೆ ವೇಳೆ ಸಂತ್ರಸ್ತೆ ಮಹಿಳೆ ಮೇಲೆ ಮುಗಿಬಿದ್ದ ನೂರಾರು ಪುರುಷರು ಆಕೆಯ ಬಟ್ಟೆಯನ್ನು ಹರಿದು , ಆಕೆಯನ್ನ ಗಾಳಿಯಲ್ಲಿ ಎತ್ತಿ ಬಿಸಾಡಿರುವ ದೃಶ್ಯಗಳು ವಿಡಿಯೋದಲ್ಲಿ ಸೆರೆಯಾಗಿದೆ. 

    ಪಾರ್ಕ್​ನಲ್ಲಿ ಸ್ವಾತಂತ್ರ್ಯ ದಿನಚಾರಣೆಯಲ್ಲಿ ಭಾಗಿಯಾಗಿದ್ದ ಮಹಿಳೆಯನ್ನು ಸುತ್ತುವರಿದ ಪುರುಷರ ಗುಂಪು ಆಕೆಯನ್ನು ಹಿಂಸಿಸಿ, ದೌರ್ಜನ್ಯ ಎಸಗಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಕಂಡು ಬಂದಿದ್ದು, ಪುರಷರ ಗುಂಪು ಮಹಿಳೆಯ ಬಟ್ಟೆ ಹರಿದು ಹೋಗುವಂತೆ ಆಕೆ ಮೇಲೆ ಹಲ್ಲೆ ನಡೆಸಿರುವ ಘಟನೆಗಳು  ಕಂಡು ಬಂದಿದೆ. ಏಕಾಂಕಿ ಮಹಿಳೆ ಮೇಲೆ ನೂರಾರು ಪುರುಷರ ಗುಂಪು ನಡೆಸಿರುವ ಈ ಕ್ರೌರ್ಯಕ್ಕೆ ನೆಟ್ಟಿಗರು ಕೂಡ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

    ಈ ವಿಡಿಯೋ ವೈರ​ಲ್​ ಆಗುತ್ತಿದ್ದಂತೆ ಲಾಹೋರ್​ನ ಲೋರಿ ಅಡ್ಡ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ. ಅಲ್ಲದೇ, ಈ ದೌರ್ಜನ್ಯ ನಡೆಸಿದ ಪುರಷರ ಗುಂಪಿನ ವಿರುದ್ಧ ದೂರು ದಾಖಲಿಸಲಾಗಿದೆ. ಈ ಸಂಬಂಧ ಟಿಕ್​ ಟಾಕರ್​ ಮಹಿಳೆ ಕೂಡ ಗ್ರೇಟರ್​ ಇಕ್ಬಾಲ್​ ಪಾರ್ಕ್​ನಲ್ಲಿ ದೂರು ದಾಖಲಿಸಿದ್ದಾರೆ ಎಂದು ಪಾಕಿಸ್ತಾನದ ಡಾನ್​ ಪತ್ರಿಕೆ ವರದಿ ಮಾಡಿದೆ.
    ಶನಿವಾರ ಸ್ವಾತಂತ್ರ್ಯ ದಿನಾಚರಣೆ ಹಿನ್ನಲೆ ಮಿನಾರ್​ ಇ - ಪಾಕಿಸ್ತಾನದ ಬಳಿಕ ವಿಡಿಯೋ ಚಿತ್ರೀಕರಣ ಮಾಡುವಾಗ 300 ರಿಂದ 400 ಜನರು ತಮ್ಮ ಮೇಲೆ ದಾಳಿ ನಡೆಸಿದ್ದಾರೆ ಎಂದು ಸಂತ್ರಸ್ತ ಮಹಿಳೆ ದೂರಿನಲ್ಲಿ ದಾಖಲಿಸಿದ್ದಾರೆ. ಈ ವೇಳೆ ತನ್ನ ಜೊತೆಯಿದ್ದ ಆರು ಜನ ಸಹಚರರ ಜೊತೆ ತಪ್ಪಿಸಿಕೊಳ್ಳಲು ಯತ್ನಿಸಿದೆ ಆದರೆ ಸಾಧ್ಯವಾಗಲಿಲ್ಲ. ಜನರ ಗುಂಪು ಹೆಚ್ಚಿದ್ದ ಕಾರಣ ಅವರು ನನ್ನನ್ನು ಎಲ್ಲಾ ಕಡೆಯಿಂದ ಸುತ್ತುವರೆದರು. ಈ ವೇಳೆ ಪರಿಸ್ಥಿತಿ ಕಂಡ ಪಾರ್ಕ್​ನ ಭದ್ರತಾ ಸಿಬ್ಬಂದಿ ಮಿನಾರ್​​-ಇ-ಪಾಕಿಸ್ತಾನದ ಎಲ್ಲಾ ಗೇಟ್​ಗಳನ್ನು ತೆರೆದರು ಎಂದು ದೂರಿನಲ್ಲಿ ದಾಖಲಿಸಿದ್ದಾರೆ.

    ಇದನ್ನು ಓದಿ: ವಿಶ್ರಾಂತಿ ಮೊರೆ ಹೋದ ಮಾಜಿ ಸಿಎಂ; ಮಗನೊಂದಿಗೆ ವಿದೇಶಕ್ಕೆ ಹಾರಿದ ಬಿಎಸ್​ವೈ

    ಈ ವೇಳೆ ಜನರು ನನ್ನನ್ನು ಎಳೆದಾಡಿದರು. ನನ್ನ ಬಟ್ಟೆಗಳನ್ನು ಹರಿದು ಹಾಕಿದರು, ಅನೇಕ ಜನರು ನನ್ನ ಸಹಾಯಕ್ಕೆ ಬಂದರೂ ಆಕ್ರಮಣಕಾರರ ಗುಂಪು ದೊಡ್ಡದಾಗಿದ್ದ ಹಿನ್ನಲೆ ಯಾವುದೇ ಪ್ರಯೋಜನವಾಗಿಲ್ಲ. ಈ ವೇಳೆ ನನ್ನ ಕೆಲ ಆಭರಣ ಮತ್ತು ಜೊತೆಗಿದ್ದವರ ಆಭರಣಗಳನ್ನು ಕೂಡ ಕದಿಯಲಾಗಿದೆ. ನನ್ನ ಉಂಗುರ, ಕಿವಿಯೋಲೆಯನ್ನು ಬಲವಂತವಾಗಿ ಬಿಚ್ಚಿಸಿ ಕೊಳ್ಳಲಾಯಿತು. ತನ್ನ ಸಹಚರರ ಮೊಬೈಲ್​, ಐಡೆಂಟಿಟಿ ಕಾರ್ಡ್​, 15 ಸಾವಿರ ರೂ ಹಣವನ್ನು ಕಸಿದು ಕೊಂಡರು ಎಂದು ದೂರಿನಲ್ಲಿ ದಾಖಲಿಸಿದ್ದಾರೆ.

    ಘಟನೆ ಕುರಿತು ಪ್ರತಿಕ್ರಿಯಿಸಿರುವ ಲಾಹೋರ್​ ಡಿಐಜಿ ಈ ಘಟನೆಯಲ್ಲಿ ಭಾಗಿಯಾದ ಆರೋಪಿಗಳ ವಿರುದ್ಧ ತಕ್ಷಣವೇ ಕ್ರಮ ಕೈಗೊಳ್ಳುವಂತೆ ಅಲ್ಲಿನ ಎಸ್​ಪಿಗೆ ಸೂಚಿಸಿದ್ದಾರೆ. ಈ ಘಟನೆ ಮಹಿಳೆಯ ಗೌರವದ ಉಲ್ಲಂಘನೆಯಾಗಿದ್ದು, ದೌರ್ಜನ್ಯ ನಡೆಸಿದವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಅಧಿಕಾರಿ ತಿಳಿಸಿದ್ದಾರೆ.

    ಅಸಭ್ಯ ವಿಡಿಯೋಗಳ ಪ್ರಸಾರದ ಹಿನ್ನಲೆ ಅನೇಕ ಬಾರಿ ಚೀನಿ ಆ್ಯಪ್​ ಟಿಕ್​ಟಾಕ್​ ಅನ್ನು ಪಾಕಿಸ್ತಾನ ಬ್ಯಾನ್​ ಮಾಡಿ, ಮತ್ತೆ ಬಳಕೆಗೆ ಅವಕಾಶ ನೀಡಿದೆ.
    Published by:Seema R
    First published: