Crime News: ಮುಚ್ಚಿದ ಶವ ತೆಗೆದು ಗ್ಯಾಂಗ್ ರೇಪ್! ಅಬ್ಬಾ ಅಪ್ರಾಪ್ತೆಯ ಮೃತದೇಹವನ್ನೂ ಬಿಡಲಿಲ್ಲ

ಪುಟ್ಟ ಬಾಲಕಿಯೊಬ್ಬಳ ಶವ ತೆಗೆದು ಅತ್ಯಾಚಾರ ಮಾಡಿರೋ ಪ್ರಕರಣ ಪಾಕಿಸ್ತಾನದಲ್ಲಿ ನಡೆದಿದ್ದು ಎಲ್ಲರಿಗೂ ಆಘಾತವನ್ನುಂಟುಮಾಡಿದೆ. ಪಾಕಿಸ್ತಾನದ ಗುಜರಾತ್‌ನ ಚಕ್ ಕಮಲಾ ಗ್ರಾಮದಲ್ಲಿ ಅಪರಿಚಿತ ವ್ಯಕ್ತಿಗಳು ಹದಿಹರೆಯದ ಹುಡುಗಿಯ ಶವವನ್ನು ಅಗೆದು ಅತ್ಯಾಚಾರ ಮಾಡಿದ್ದಾರೆ.

ಘಟನಾ ಸ್ಥಳದ ದೃಶ್ಯ

ಘಟನಾ ಸ್ಥಳದ ದೃಶ್ಯ

  • Share this:
ಇಸ್ಲಮಾಬಾದ್(ಮೇ.08): ಅತ್ಯಾಚಾರ ಪ್ರಕರಣಗಳು ಬೆಚ್ಚಿಬೀಳಿಸುವಂತಿರುತ್ತವೆ. ತಂದೆ ಮಗಳನ್ನು ರೇಪ್ ಮಾಡುವುದು, ಅಪ್ಪ ಮಗ ಸೇರಿ ಸಹೋದರಿಯನ್ನೇ ಅತ್ಯಾಚಾರ ಮಾಡುವುದು, ಹೆಣ್ಣುಮಗು, ವಿದ್ಯಾರ್ಥಿನಿ ಹೀಗೆ ಕ್ರೂರವಾಗಿ ಹೆಣ್ಣೆಂದರೆ ಸಾಕು ಅತ್ಯಾಚಾರ ಮಾಡುವ ಕ್ರೂರ ಘಟನೆಗಳು ನಿಜಕ್ಕೂ ಆಘಾತಕಾರಿಯಾಗಿರುತ್ತವೆ. ಇದೀಗ ಪುಟ್ಟ ಬಾಲಕಿಯೊಬ್ಬಳ ಶವ ತೆಗೆದು ಅತ್ಯಾಚಾರ ಮಾಡಿರೋ ಪ್ರಕರಣ ಪಾಕಿಸ್ತಾನದಲ್ಲಿ (Pakistan) ನಡೆದಿದ್ದು ಎಲ್ಲರಿಗೂ ಆಘಾತವನ್ನುಂಟುಮಾಡಿದೆ. ಪಾಕಿಸ್ತಾನದ ಗುಜರಾತ್‌ನ (Gujarat) ಚಕ್ ಕಮಲಾ ಗ್ರಾಮದಲ್ಲಿ ಅಪರಿಚಿತ ವ್ಯಕ್ತಿಗಳು ಹದಿಹರೆಯದ ಹುಡುಗಿಯ ಶವವನ್ನು ಅಗೆದು ಅತ್ಯಾಚಾರ ಮಾಡಿದ್ದಾರೆ.

17 ಶಂಕಿತರನ್ನು ವಿಚಾರಣೆ ನಡೆಸಲಾಗುತ್ತಿದೆ ಮತ್ತು ವೈಜ್ಞಾನಿಕ ವಿಧಾನಗಳ ಪ್ರಕಾರ ಪ್ರಕರಣದ ತನಿಖೆ (inquiry) ನಡೆಸಲಾಗುತ್ತಿದೆ ಎಂದು ಪಾಕಿಸ್ತಾನ್ ಮುಸ್ಲಿಂ ಲೀಗ್ (ಪಿಎಂಎಲ್‌ಎನ್) ಉಪ ಕಾರ್ಯದರ್ಶಿ ಅತ್ತಾವುಲ್ಲಾ ತರಾರ್ ಮೇ 6 ರಂದು ಟ್ವಿಟರ್‌ನಲ್ಲಿ ತಿಳಿಸಿದ್ದಾರೆ.

ಧಾರ್ಮಿಕ ಸಂಪ್ರದಾಯದಂತೆ ಮರುದಿನ ಸ್ಮಶಾನಕ್ಕೆ ಭೇಟಿ ಕೊಟ್ಟ ಸಂಬಂಧಿಕರು ಶಾಕ್

ವರದಿಗಳ ಪ್ರಕಾರ, ಮೃತ ಬಾಲಕಿಯ ಸಂಬಂಧಿಕರು ತಮ್ಮ ಧಾರ್ಮಿಕ ಸಂಪ್ರದಾಯಗಳ ಪ್ರಕಾರ ಮರುದಿನ ಬೆಳಿಗ್ಗೆ ಸ್ಮಶಾನಕ್ಕೆ ಭೇಟಿ ನೀಡಿದಾಗ ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ. ಮೃತದೇಹವನ್ನು ಅಗೆದು ಮುಚ್ಚದೆ ಬಿದ್ದಿರುವುದನ್ನು ಸಂಬಂಧಿಕರು ಪತ್ತೆ ಮಾಡಿದ್ದಾರೆ. ದೇಹವು ಅತ್ಯಾಚಾರದ ಲಕ್ಷಣಗಳನ್ನು ತೋರಿಸಿದೆ.

ಎಫ್​ಐಆರ್ ದಾಖಲು

ಮೃತ ಹದಿಹರೆಯದ ಬಾಲಕಿಯ ಚಿಕ್ಕಪ್ಪ ಪೊಲೀಸರನ್ನು ಸಂಪರ್ಕಿಸಿ ಇದೇ ಬಗ್ಗೆ ಎಫ್‌ಐಆರ್ ದಾಖಲಿಸಿದ್ದಾರೆ. ಎಫ್‌ಐಆರ್ ಆಧರಿಸಿ ಪೊಲೀಸರು ಪ್ರಕರಣದ ತನಿಖೆ ಆರಂಭಿಸಿದ್ದಾರೆ. ವರದಿಯ ಪ್ರಕಾರ, ಈ ಆಘಾತಕಾರಿ ಘಟನೆಯಲ್ಲಿ ಎಷ್ಟು ಪುರುಷರು ಭಾಗಿಯಾಗಿದ್ದಾರೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.





ದಿವ್ಯಾಂಗ ಯುವತಿ

ಸ್ಥಳೀಯ ಮಾಧ್ಯಮ ವರದಿಗಳ ಪ್ರಕಾರ, ಹದಿಹರೆಯದ ಮೃತ ಬಾಲಕಿ, ಮಾನಸಿಕ ಮತ್ತು ದೈಹಿಕವಾಗಿ ವಿಕಲಾಂಗಳಾಗಿದ್ದಳು, ಮೇ 4, ಬುಧವಾರದಂದು ಸಾವನ್ನಪ್ಪಿದ್ದಾಳೆ. ಕುಟುಂಬದವರು ಸಂಜೆ 6 ಗಂಟೆ ಸುಮಾರಿಗೆ ತಮ್ಮ ಧಾರ್ಮಿಕ ಸಂಪ್ರದಾಯದಂತೆ ಸ್ಮಶಾನದಲ್ಲಿ ಸಮಾಧಿ ಮಾಡಿ ಮನೆಗೆ ಮರಳಿದರು.

ಇದನ್ನೂ ಓದಿ: Karnataka Rains: ಇಂದು ಮಧ್ಯಾಹ್ನದ ಬಳಿಕ ಸೈಕ್ಲೋನ್: 19 ಜಿಲ್ಲೆಗಳಲ್ಲಿ ಮಳೆ ಸಾಧ್ಯತೆ; ಮುಂದಿನ 4 ದಿನ ವರುಣನ ಅಬ್ಬರ

ಸ್ಮಶಾನದಿಂದ ಸುಮಾರು 200 ಚದರ ಅಡಿ ದೂರದಲ್ಲಿ ಬಿದ್ದಿದ್ದ ಮೃತದೇಹ

ಮರುದಿನ, ಅವರು ಹುಡುಗಿಯ ಮೃತದೇಹದ ಮೇಲೆ ಕೆಲವು ಆಚರಣೆಗಳನ್ನು ಮಾಡಲು ಸ್ಮಶಾನಕ್ಕೆ ಹಿಂತಿರುಗಿದಾಗ ಸಂಬಂಧಿಕರು ಸಮಾಧಿಯನ್ನು ಅಗೆದು ಮತ್ತು ಹುಡುಗಿಯ ದೇಹವು ಕಾಣೆಯಾಗಿದೆ. ನಂತರ ಹುಡುಕಿದಾಗ, ಅವರು ಸ್ಮಶಾನದಿಂದ ಸುಮಾರು 200 ಚದರ ಅಡಿ ದೂರದಲ್ಲಿ ಶವ ಬಿದ್ದಿರುವುದು ಕಂಡುಬಂದಿದೆ. ಇದು ಅತ್ಯಾಚಾರದ ಲಕ್ಷಣಗಳನ್ನು ತೋರಿಸಿದೆ.

ಆಘಾತಕ್ಕೊಳಗಾದ ಕುಟುಂಬ

ಇದರಿಂದ ಆಘಾತಕ್ಕೊಳಗಾದ ಕುಟುಂಬಸ್ಥರು ಪೊಲೀಸ್ ಠಾಣೆಗೆ ತೆರಳಿ ದೂರು ದಾಖಲಿಸಿದ್ದು, ಘೋರ ಕೃತ್ಯ ಎಸಗಿದ ಆರೋಪಿಗಳಿಗೆ ಆದಷ್ಟು ಬೇಗ ನ್ಯಾಯ ದೊರಕಿಸಿಕೊಡುವಂತೆ ಒತ್ತಾಯಿಸಿದ್ದಾರೆ. ಪೊಲೀಸರು ಪ್ರತಿಯಾಗಿ, ಸಮಾಧಿ-ಅಗೆಯುವವರನ್ನು ಹುಡುಕಲು ಮತ್ತು ಬಂಧಿಸಲು ತಮ್ಮ ಹುಡುಕಾಟವನ್ನು ಪ್ರಾರಂಭಿಸಿದರು.

ಇದನ್ನೂ ಓದಿ: Hassan: ನನ್ನ ಮಗಳನ್ನ ಹುಡುಕಿಕೊಡಿ: ವಿಷದ ಬಾಟೆಲ್ ಹಿಡಿದು ಜಿಲ್ಲಾಧಿಕಾರಿಗಳ ಬಳಿ ಬಂದ ತಾಯಿ

ಪಾಕಿಸ್ತಾನದಲ್ಲಿ ಇಂತಹ ಘಟನೆ ಇದೇ ಮೊದಲಲ್ಲ. 2021 ರಲ್ಲಿ, ಕರಾವಳಿ ಪಟ್ಟಣ ಗುಲಾಮುಲ್ಲಾ ಬಳಿಯ ಮೌಲ್ವಿ ಅಶ್ರಫ್ ಚಾಂಡಿಯೋ ಗ್ರಾಮದಲ್ಲಿ ಕೆಲವು ಅಪರಿಚಿತ ವ್ಯಕ್ತಿಗಳು ಇದೇ ರೀತಿಯ ಬರ್ಬರ ಕೃತ್ಯವನ್ನು ನಡೆಸಿದ್ದರು. 2019 ರಲ್ಲಿ, ಕರಾಚಿಯ ಲಾಂಡಿ ಟೌನ್ ಪ್ರದೇಶದಲ್ಲಿನ ಸ್ಮಶಾನವೊಂದರಲ್ಲಿ ಅಪರಿಚಿತ ಪುರುಷರ ಗುಂಪು ಮಹಿಳೆಯ ಸಮಾಧಿಯನ್ನು ಅಗೆದು ಮೃತದೇಹದ ಮೇಲೆ ಅತ್ಯಾಚಾರ ಎಸಗಿದ ಇದೇ ರೀತಿಯ ಅಪರಾಧದ ಬಗ್ಗೆ OpIndia ವರದಿ ಮಾಡಿದೆ.
Published by:Divya D
First published: