Tiktokನಲ್ಲಿ ಅಶ್ಲೀಲ ವಿಡಿಯೋಗಳದ್ದೇ ಕಾರುಬಾರು: 4ನೇ ಸಲ ಆ್ಯಪ್ ಬ್ಯಾನ್ ಮಾಡಿದ ಪಾಕ್!

Pakistan bans TikTok: ಮೊದಲ ಬಾರಿ ಆ್ಯಪ್​ಗೆ ನಿಷೇಧವೇರಿದಾಗ ವಿವಾದಿತ ಕಂಟೆಂಟ್​​​ ತೆಗೆದು ಹಾಕಲಾಗುವುದು ಎಂದು ಭರವಸೆ ನೀಡಿ ಟಿಕ್​​ಟಾಕ್​ 10 ದಿನಗಳೊಳಗೆ ಮತ್ತೆ ಅನುಮತಿ ಪಡೆದುಕೊಂಡಿತ್ತು. ಆದರೆ ಮತ್ತೆ ಅದೇ ತಪ್ಪುಗಳು ಮರುಕಳಿಸಿವೆ.

ಇಮ್ರಾನ್ ಖಾನ್

ಇಮ್ರಾನ್ ಖಾನ್

  • Share this:
ಭಾರತದಲ್ಲಿ ಬ್ಯಾನ್​ ಆಗಿರುವ ಚೀನಾದ ಟಿಕ್​​ಟಾಕ್​​ ಆ್ಯಪ್​ ಈಗ ಪಾಕಿಸ್ತಾನದಲ್ಲಿ 4ನೇ ಬಾರಿಗೆ ನಿಷೇಧವನ್ನು ಎದುರಿಸುತ್ತಿದೆ. ಅಶ್ಲೀಕ ವಿಷಯಗಳು ಇರುವ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿ ಪಾಕಿಸ್ತಾನ ಸರ್ಕಾರ ಸಾಮಾಜಿಕ ಜಾಲತಾಣ ಆ್ಯಪ್​ಗೆ ನಿಷೇಧವೇರಿದೆ. 2020 ಅಕ್ಟೋಬರ್​ನಲ್ಲಿ ಪಾಕಿಸ್ತಾನ ಮೊದಲ ಬಾರಿಗೆ ಟಿಕ್​ಟಾಕ್​ನ ಬ್ಯಾನ್​ ಮಾಡಿತ್ತು. ತದನಂತರ ನಿಯಮಗಳನ್ನು ಸುಧಾರಿಸಿಕೊಳ್ಳುವ ಭರವಸೆ ನೀಡಿ ಪಾಕ್​ನಿಂದ ಟಿಕ್​​ಟಾಕ್​ ಅನುಮತಿ ಪಡೆದುಕೊಂಡಿತ್ತು. ಆದರೆ ಯಾವುದೇ ಸುಧಾರಣೆಗಳ ಕಂಡು ಬರದ ಹಿನ್ನೆಲೆಯಲ್ಲಿ ಪಾಕ್​​ ಸರ್ಕಾರ ಮತ್ತೆ ಚೀನಾ ಆ್ಯಪ್​ನ ಬಂದ್​​ ಮಾಡಿದೆ.

ಕೆಲವೊಂದು ಆಕ್ಷೇಪಾರ್ಹ ವಿಡಿಯೋಗಳನ್ನು ತೆಗೆದು ಹಾಕದ ಹಿನ್ನೆಲೆಯಲ್ಲಿ ಆ್ಯಪ್​​ಗೆ ನಿಷೇಧವೇರಲಾಗಿದೆ ಎಂದು ಪಾಕ್​​ ದೂಪಸಂಪರ್ಕ ಇಲಾಖೆ ತಿಳಿಸಿದೆ. ಮೊದಲ ಬಾರಿ  ಆ್ಯಪ್​ಗೆ ನಿಷೇಧವೇರಿದಾಗ ವಿವಾದಿತ ಕಂಟೆಂಟ್​​​ ತೆಗೆದು ಹಾಕಲಾಗುವುದು ಎಂದು ಭರವಸೆ ನೀಡಿ ಟಿಕ್​​ಟಾಕ್​ 10 ದಿನಗಳೊಳಗೆ ಮತ್ತೆ ಅನುಮತಿ ಪಡೆದುಕೊಂಡಿತ್ತು. ಆದರೆ ಮತ್ತೆ ಅದೇ ತಪ್ಪುಗಳು ಮರುಕಳಿಸಿದ ಹಿನ್ನೆಲೆ ಪೇಶಾವರ ಕೋರ್ಟ್​​ ಆ್ಯಪ್​ ಮೇಲೆ ನಿಷೇಧವನ್ನು ಹೇರಿತ್ತು.

ಪಾಕಿಸ್ತಾನದಲ್ಲಿ ಟಿಕ್​ಟಾಕ್​ಗೆ ಭಾರೀ ಬೇಡಿಕೆಯಿದ್ದು ಬರೋಬ್ಬರಿ 39 ಮಿಲಿಯನ್​ ಬಳಕೆದಾರರನ್ನು ಟಿಕ್​​ಟಾಕ್​ ಹೊಂದಿದೆ. ಆದರೆ ಟಿಕ್​ಟಾಕ್​ ವಿರೋಧಿ ಬಣವೂ ಪಾಕ್​​ನಲ್ಲಿ ದೊಡ್ಡದಿದೆ. ಡ್ರಗ್ಸ್​, ಮಾರಾಕಾಸ್ತ್ರಗಳಿರುವ ವಿಡಿಯೋಗಳನ್ನು ಟಿಕ್​​ಟಾಕ್​ ಉತ್ತೇಜಿಸುತ್ತಿದೆ ಎಂಬ ಆರೋಪವೂ ಚೀನಾ ಆ್ಯಪ್​ ಮೇಲೆ ಇದೆ.

ಇದನ್ನೂ ಓದಿ: Pegasus snooping: ಗೂಢಚರ್ಯೆ ಮಾಡುತ್ತಿರುವ ಬಿಜೆಪಿಗೆ ಪ್ಲಾಸ್ಟರ್ ಹಾಕಬೇಕು: ಮಮತಾ ಬ್ಯಾನರ್ಜಿ ಆಕ್ರೋಶ

ಇನ್ನು ಈ ಮಧ್ಯೆ ಭಾರತದಲ್ಲಿ ಟಿಕ್​​ಟಾಕ್​ ಮತ್ತೆ ಆರಂಭಗೊಳ್ಳುವ ಸಾಧ್ಯತೆಗಳಿವೆ ಎನ್ನಲಾಗುತ್ತಿದೆ. TikTok ಅಪ್ಲಿಕೇಶನ್ ಭಾರತದಲ್ಲಿ TickTock ಆಗಿ ಮರು-ಪ್ರಾರಂಭವಾಗಬಹುದು, ಕೇವಲ ಒಂದೆರಡು ಅಕ್ಷರಗಳನ್ನು ಬದಲಾಯಿಸಿಕೊಂಡು ಮತ್ತೆ ಕಾಲಿಡಲಿದೆ ಎನ್ನುವ ಸುಳಿವು ಸಿಕ್ಕಿದೆ. ಹೊಸ ಟ್ರೇಡ್‌ಮಾರ್ಕ್ ಪಡೆಯಲು ಅರ್ಜಿ ಸಲ್ಲಿಸಿರುವುದು ಈ ಸುಳಿವು ನೀಡಿದೆ. ಈ ವಿಚಾರವನ್ನು ಟಿಪ್ಸ್​ ಗುರು ಮುಕುಲ್ ಶರ್ಮಾ ಅವರು ಟ್ವೀಟ್​ ಮಾಡಿದ್ದಾರೆ, ಟಿಕ್‌ಟಾಕ್‌ನ ಮೂಲ ಸಂಸ್ಥೆ ಬೈಟ್‌ಡ್ಯಾನ್ಸ್ ಈ ತಿಂಗಳ ಆರಂಭದಲ್ಲಿ ಕಂಟ್ರೋಲರ್ ಜನರಲ್ ಆಫ್ ಪೇಟೆಂಟ್, ಡಿಸೈನ್ಸ್ ಮತ್ತು ಟ್ರೇಡ್ ಮಾರ್ಕ್ಸ್‌ನೊಂದಿಗೆ ಮತ್ತೆ ಭಾರತಕ್ಕೆ ಕಾಲಿಡಲು ಅರ್ಜಿ ಸಲ್ಲಿಸಿದೆ ಎಂದು ಹೇಳಿದ್ದಾರೆ.

ರಾಷ್ಟ್ರೀಯ ಭದ್ರತೆ ದೃಷ್ಟಿಯಿಂದ ಕೇಂದ್ರ ಸರ್ಕಾರವು ಭಾರತದ ಸಾರ್ವಭೌಮತ್ವ ಮತ್ತು ಸಮಗ್ರತೆ, ಭಾರತದ ರಕ್ಷಣೆ, ರಾಜ್ಯ ಮತ್ತು ಸಾರ್ವಜನಿಕ ಸುವ್ಯವಸ್ಥೆಗೆ ಮಾರಕವಾದಂತಹ ಹಾಗೂ ಪೂರ್ವಾಗ್ರಹ ಪೀಡಿತವಾದ ಚಟುವಟಿಕೆಗಳು ಇರುವ ಆ್ಯಪ್​ಗಳನ್ನು ಬ್ಯಾನ್​ ಮಾಡಿತ್ತು. ಪ್ರಸಿದ್ದ ಪಬ್​ಜಿ ಎನ್ನುವ ಮೊಬೈಲ್​ ಗೇಮ್​ ಅನ್ನು ಕೂಡ ಬ್ಯಾನ್​​ ಮಾಡಿತ್ತು ಆದರೆ ಈ ಆ್ಯಪ್​ ಮತ್ತೆ ಬ್ಯಾಟಲ್‌ಗ್ರೌಂಡ್ಸ್ ಮೊಬೈಲ್ ಇಂಡಿಯಾ (ಬಿಜಿಎಂಐ) ಆಗಿ ಎಲ್ಲರ ಮೊಬೈಲ್​​ ಸೇರಿದೆ.
Published by:Kavya V
First published: