ಟಾಮ್​ ಆ್ಯಂಡ್​ ಜೆರ್ರಿ ನಿರ್ದೇಶಕ, ಆಸ್ಕರ್ ಪ್ರಶಸ್ತಿ ಪುರಸ್ಕೃತ ಜೆನಿ ಡೀಚ್ ನಿಧನ

ಕಿರುತೆರೆಯಲ್ಲಿ ಹೊಸ ಸಂಚಲನ ಮೂಡಿಸಿದ್ದ 'ಟಾಮ್ ಆ್ಯಂಡ್ ಜೆರ್ರಿ' ಶೋವನ್ನು ಯಾರೂ ಮರೆಯಲು ಸಾಧ್ಯವಿಲ್ಲ. ಮಕ್ಕಳಿಂದ ದೊಡ್ಡವರವರೆಗೂ 'ಟಾಮ್​ ಆ್ಯಂಡ್ ಜೆರ್ರಿ'ಯ ಅಭಿಮಾನಿಗಳೇ. ಈ ಸರಣಿಯ ನಿರ್ದೇಶಕ ಮತ್ತು ಆಸ್ಕರ್ ಪ್ರಶಸ್ತಿ ಪುರಸ್ಕೃತ ಜೆನಿ ಡೀಚ್ ನಿಧನರಾಗಿದ್ದಾರೆ.

ದೇಶ, ಭಾಷೆಯ ಭೇದವಿಲ್ಲದೆ ಇಡೀ ವಿಶ್ವಾದ್ಯಂತ 'ಟಾಮ್​ ಆ್ಯಂಡ್​ ಜೆರ್ರಿ' ಕಾರ್ಟೂನ್​ ಸೀರೀಸ್​ ಗಳಿಸಿದ ಪ್ರಖ್ಯಾತಿಯ ಹಿಂದಿನ ಶಕ್ತಿ ಇದೇ ಜೆನಿ ಡೀಚ್. 95 ವರ್ಷದವರಾಗಿದ್ದ ಅವರು ಕಳೆದ ಗುರುವಾರವೇ ಪ್ರಾಗ್​ ಲಿಟಲ್ ಕ್ವಾರ್ಟರ್​ನಲ್ಲಿರುವ ತಮ್ಮ ಅಪಾರ್ಟ್​ಮೆಂಟ್​ನಲ್ಲಿ ಕೊನೆಯುಸಿರೆಳೆದಿದ್ದಾರೆ. ಆದರೆ, ಈ ವಿಷಯ ತಡವಾಗಿ ಗೊತ್ತಾಗಿದೆ. ಅವರು 'ಪೊಪೆಯೆ' ಸೀರೀಸ್ ಕೂಡ ನಿರ್ದೇಶಿಸಿದ್ದಾರೆ.

ಇದನ್ನೂ ಓದಿ: ಲಾಕ್​ಡೌನ್​ ಎಫೆಕ್ಟ್; ಫೇಸ್​ಬುಕ್ ಲೈವ್​ನಲ್ಲಿ ಮಗನ ಅಂತ್ಯಸಂಸ್ಕಾರ ಕಂಡು ಕಣ್ಣೀರಿಟ್ಟ ಕೇರಳದ ದಂಪತಿ!

1924ರಲ್ಲಿ ಚಿಕಾಗೋದಲ್ಲಿ ಜನಿಸಿದ ಡೀಚ್​ ಅವರ ಪೂರ್ತಿ ಹೆಸರು ಯೂಜಿನ್ ಮರಿಲ್ ಡೀಚ್. ಮನ್ರೋ, ಟಾಮ್ ಟೆರಿಫಿಕ್ ಮತ್ತು ನುದ್ನಿಕ್ ಅನಿಮೇಟೆಡ್ ಕಾರ್ಟೂನ್​ಗಳನ್ನು ಡೀಚ್ ನಿರ್ದೇಶಿಸಿದ್ದಾರೆ.

Rest in Power #GeneDeitch The creator of Tom & Jerry, Popeye and Munro. Thank you for creating such immortal characters that will keep adding smiles to everyone’s childhood. You will be missed, your work will travel through many generations. Your art will be remembered. pic.twitter.com/o6bAEaUZJt

— Pallav Gogoi (@pallav_) April 20, 2020

ಇವರು 1960ರಲ್ಲಿ ನಿರ್ದೇಶಿಸಿದ್ದ ಮನ್ರೋ ಎಂಬ ಶಾರ್ಟ್​ ಫಿಲ್ಮ್​ಗೆ ಬೆಸ್ಟ್​ ಅನಿಮೇಟೆಡ್ ಶಾರ್ಟ್​ ಫಿಲ್ಮ್ ಅಕಾಡೆಮಿ ಪ್ರಶಸ್ತಿ ಕೂಡ ಲಭಿಸಿತ್ತು. ವಿಶ್ವದ ಪ್ರಸಿದ್ಧ ಕಾರ್ಟೂನಿಸ್ಟ್​​ನ ಸಾವಿಗೆ ಅನೇಕರು ಸಂತಾಪ ಸೂಚಿಸಿದ್ದಾರೆ.