Neeraj Chopra: ಜಪಾನಿಗೆ ಹೋದ್ರೂ ಅಲ್ಲಿನ ಊಟ ಮಾಡ್ಲಿಲ್ವಂತೆ ಚಿನ್ನದ ಹುಡುಗ, Sushi ಬದ್ಲು ಇನ್ನೇನೋ ಕೇಳಿದ್ರಂತೆ ನೀರಜ್... ಏನದು?

ಅಥ್ಲೀಟ್‌ ನೀರಜ್ ಚೋಪ್ರಾ (Neeraj Chopra) ಟ್ರ್ಯಾಕ್‌ ಅಂಡ್‌ ಫೀಲ್ಡ್‌ನಲ್ಲಿ ಶನಿವಾರ ಇತಿಹಾಸ ಬರೆದಿದ್ದು, ಒಲಿಂಪಿಕ್ಸ್‌ನಲ್ಲಿ ವೈಯಕ್ತಿಕ ಚಿನ್ನ ಗೆದ್ದ (Olympics Gold) ಎರಡನೇ ಭಾರತೀಯ ಮತ್ತು 2020ರ ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದ ಏಕೈಕ ಭಾರತೀಯ ಎನಿಸಿಕೊಂಡಿದ್ದಾರೆ. 23 ವರ್ಷದ ರೈತನ ಮಗ ಪಾಣಿಪತ್ ಸಮೀಪದ ಖಂಡ್ರಾ ಗ್ರಾಮದ ನೀರಜ್‌ ಚೋಪ್ರಾ ಅಥ್ಲೆಟಿಕ್ಸ್ ಜಗತ್ತನ್ನು ದಿಗ್ಭ್ರಮೆಗೊಳಿಸಿದ್ದು, ಒಲಿಂಪಿಕ್ಸ್‌ನಲ್ಲಿ ಟ್ರ್ಯಾಕ್ ಮತ್ತು ಫೀಲ್ಡ್‌ನಲ್ಲಿ ಪದಕಕ್ಕಾಗಿ ಭಾರತದ 100 ವರ್ಷಗಳ ಕಾಯುವಿಕೆಯನ್ನು ಕೊನೆಗೊಳಿಸಿದ್ದಾರೆ. ಫೈನಲ್ಸ್‌ನಲ್ಲಿ 87.58 ಮೀ. ಜಾವೆಲಿನ್‌ ಥ್ರೋ ಮಾಡಿದ ನೀರಜ್‌ ಚೋಪ್ರಾ ಆಶ್ಚರ್ಯಕರವಾಗಿ ಅಂತಿಮ ಸುತ್ತಿಗೆ ಅರ್ಹತೆ ಪಡೆಯಲು ವಿಫಲರಾದ ಜರ್ಮನಿಯ ಜೋಹಾನ್ಸ್ ವೆಟರ್ ವಿಫಲವಾದ ನಂತರ ಪದಕ ಗೆಲ್ಲುವ ನೆಚ್ಚಿನ ಆಟಗಾರರಲ್ಲಿ ಒಬ್ಬರು ಎನಿಸಿಕೊಂಡಿದ್ದರು. ನೀರಜ್ ಚೋಪ್ರಾ ಒಲಿಂಪಿಕ್ಸ್‌ನಲ್ಲಿ ಮೊದಲ ಬಾರಿಗೆ ಕಾಣಿಸಿಕೊಂಡರು. ಇನ್ನು, ಕೆಲವು ಗಾಯದ ಹಿನ್ನಡೆಗಳ ಕಾರಣ ಒಲಿಂಪಿಕ್ಸ್‌ನಲ್ಲಿ ಸ್ಥಾನ ಪಡೆಯಲು ತಲುಪುವ ಅವರ ಪ್ರಯಾಣ ಸುಲಭವಾಗಲಿಲ್ಲ. ಇನ್ನು, ನ್ಯೂಸ್ 18 ರೊಂದಿಗಿನ ಸಂದರ್ಶನದಲ್ಲಿ ಮಾತನಾಡಿದ ಚೋಪ್ರಾ ತನ್ನ ಆಹಾರದ ಬಗ್ಗೆ ಮತ್ತು ಟೋಕಿಯೋದಲ್ಲಿ 'ಸುಶಿ' ಯನ್ನು ಏಕೆ ಪ್ರಯತ್ನಿಸುತ್ತಿರಲಿಲ್ಲ ಎಂದು ಹೇಳಿದರು.

"ನನಗೆ ಹೊಸ ಆಹಾರ ಪ್ರಯತ್ನ ಮಾಡಲು ಛಾನ್ಸ್‌ ತೆಗೆದುಕೊಳ್ಳಲು ಇಷ್ಟವಿರಲಿಲ್ಲ. ನನಗೆ ಹೊಟ್ಟೆ ಕೆಟ್ಟಿದ್ದರೆ..? ಹಾಗಾಗಿ ನಾನು ನನ್ನ ಸಾಮಾನ್ಯ ಆಹಾರ ಕ್ರಮಕ್ಕೆ ಅಂಟಿಕೊಂಡಿದ್ದೇನೆ" ಎಂದು ನೀರಜ್‌ ಚೋಪ್ರಾ ನ್ಯೂಸ್ 18 ಗೆ ತಿಳಿಸಿದರು.

ಯಾವುದೇ ಸಾಮಾನ್ಯ ಈವೆಂಟ್ ದಿನದಂದು, ಚೋಪ್ರಾ ಆಹಾರ ಕಡಿಮೆ ಕೊಬ್ಬನ್ನು ಹೊಂದಿರುವ ಗ್ರಿಲ್‌ ಮಾಡಿದ ಚಿಕನ್ ಬ್ರೆಸ್ಟ್‌, ಮೊಟ್ಟೆ, ಹಣ್ಣುಗಳು ಮತ್ತು ಸಲಾಡ್ ಅನ್ನು ಹೊಂದಿರುತ್ತದೆ. ಇತ್ತೀಚಿನ ಸೇರ್ಪಡೆ ಸಾಲ್ಮನ್ ಆಗಿದೆ. ಆದರೆ ಸುಶಿ ಕಚ್ಚಾ ಸಮುದ್ರಾಹಾರವಾಗಿದ್ದರು, ಎಲ್ಲರ ಹೊಟ್ಟೆಗೆ ಸರಿ ಹೊಂದುವುದಿಲ್ಲ. ಆದರೆ, ಬ್ರೆಡ್ ಮತ್ತು ಆಮ್ಲೆಟ್ ಅನ್ನು 23 ವರ್ಷ ವಯಸ್ಸಿನ ನೀರಜ್‌ ಚೋಪ್ರಾ ವಾರದ ಯಾವುದೇ ದಿನ ಸೇವಿಸಬಹುದು. ನಿರಂತರವಾಗಿ ಪ್ರಯಾಣಿಸುತ್ತಿರುವ ಕ್ರೀಡಾಪಟುವಾಗಿ, ಚೋಪ್ರಾ ಆರಂಭದಲ್ಲಿ ಭಾರತೀಯ ಆಹಾರ ಮತ್ತು ಭಾರತೀಯ ರೆಸ್ಟೋರೆಂಟ್‌ಗಳನ್ನು ಹುಡುಕುವುದು ಕಷ್ಟಕರವಾಗಿತ್ತು.

ಇದನ್ನೂ ಓದಿ: Covid Report: ತಮಿಳುನಾಡಿನಿಂದ ಬರುವ ಎಲ್ಲರಿಗೂ ನೆಗೆಟಿವ್ ರಿಪೋರ್ಟ್ ಕಡ್ಡಾಯ, ರಿಪೋರ್ಟ್ ಇಲ್ಲದಿದ್ರೆ ಗಡಿಯಲ್ಲೇ ವಾಪಸ್

ಆದರೆ ವರ್ಷಗಳ ನಂತರ ಅವರು ಯಾವುದೇ ಸ್ಥಿರ ಆದ್ಯತೆಗಳನ್ನು ಹೊಂದಿಲ್ಲ ಮತ್ತು ಇದರಲ್ಲಿ ಏನು ಸಿಕ್ಕರೂ ಅದನ್ನೇ ತಿನ್ನುತ್ತಾರೆ. ಆದರೂ, ಸುಶಿ ತಿನ್ನುವುದರಿಂದ ದೂರ ಉಳಿದ ಭಾರತದ ಚಿನ್ನದ ಹುಡುಗ, ಪಾಣಿಪತ್‌ನಲ್ಲಿರುವ ತನ್ನ ತಾಯಿಯು ತನ್ನ ನೆಚ್ಚಿನ ಚೂರ್ಮಾ ಸಿದ್ಧಪಡಿಸಬೇಕೆಂದು ಆಶಿಸುತ್ತಾರೆ. ಚೂರ್ಮಾ ಎಂದರೆ ರೋಟಿ, ತುಪ್ಪ ಮತ್ತು ಸಕ್ಕರೆಯ ಸರಳ ಖಾದ್ಯ ಎಂದ ಚೋಪ್ರಾ, ನಾನು ತುಂಬಾ ಪ್ರಯಾಣ ಮಾಡಿದ್ದೇನೆ. ಹೀಗಾಗಿ ಮನೆಯ ಆಹಾರ ಕಳೆದುಕೊಳ್ಳುವುದು ರೂಢಿಯಾಗಿದೆ. ಹೆಚ್ಚು ಮಿಸ್‌ ಮಾಡಿಕೊಳ್ಳಲ್ಲ. ಆದರೆ, ಘರ್‌ ಕಾ ಖಾನಾ (ಮನೆಯ ಆಹಾರ) ಮುಂದೆ ಯಾವುದೂ ಅಲ್ಲ ಎಂದೂ ನೀರಜ್‌ ಚೋಪ್ರಾ ನ್ಯೂಸ್‌ 18ಗೆ ಹೇಳಿದ್ದಾರೆ.

ಇನ್ನು, ಚೋಪ್ರಾ ತನ್ನನ್ನು ತಾನು ಟ್ರೀಟ್‌ ಮಾಡಿಕೊಳ್ಳಲು ಇಷ್ಟಪಡುವ ಒಂದು 'ಜಂಕ್ ಫುಡ್' ಇದೆ: ಅದೇ ಗೋಲ್‌ ಗಪ್ಪಾ.. ನಿಮ್ಮ ಮೊದಲ ಗೋಲ್ ಗಪ್ಪಾ ಸ್ಮರಣೆಯು ಬಹುಶಃ ಬೀದಿ ಬದಿಯ ಅಂಗಡಿಯಲ್ಲಿ ನಿಮ್ಮ ಬಾಯಿಯ ಒಳಗೆ ಸಂಪೂರ್ಣವಾಗಿ ಹೋಗಲು ಪ್ರಯತ್ನಿಸುತ್ತಿರಬಹುದು. ಇನ್ನು, ಈ ನಿಮ್ಮ ಜನಪ್ರಿಯ ತಿಂಡಿಯ ಇತ್ತೀಚಿನ ನೆನಪು ಗೋಲ್‌ ಗಪ್ಪಾ ಮಾರುವವರಿಗೆ 'ಔರ್ ಟೀಕಾ ಕರ್ ದೀಜಿಯೇ' ಅಂದರೆ ಹೆಚ್ಚು ಮಸಾಲೆ ಸೇರಿಸಿ) ಎಂದು ಹೇಳುತ್ತಿದ್ದರೆ ನಿಮ್ಮ ಕಣ್ಣಿನ ಅಂಚಿನಲ್ಲಿ ಕಣ್ಣೀರು ಬರುತ್ತಿರುತ್ತದೆ. ಗೋಲ್ ಗಪ್ಪಾ ಅಥವಾ ಪಾನಿ ಪೂರಿ ಮತ್ತು 'ಫುಚ್ಕಾ' ದೇಶದ ವಿವಿಧ ಭಾಗಗಳಲ್ಲಿ ತಿಳಿದಿರುವಂತೆ ಪ್ರತಿಯೊಬ್ಬ ಭಾರತೀಯನ ಹೃದಯದಲ್ಲಿ ವಿಶೇಷ ಸ್ಥಾನವಿದೆ. ಚಿನ್ನದ ಹುಡುಗ ನೀರಜ್‌ ಚೋಪ್ರಾ ಸಹ ಇದಕ್ಕೆ ಹೊರತಾಗಿಲ್ಲ.

ಇದನ್ನೂ ಓದಿ: NASA Report: ಮಂಗಳೂರು, ಮುಂಬೈ, ಗೋವಾ ಸೇರಿದಂತೆ ಭಾರತದ ಈ ನಗರಗಳು 2100 ವೇಳೆಗೆ ಸಂಪೂರ್ಣ ಮುಳುಗಿರುತ್ತವೆ!

ಒಲಿಂಪಿಕ್ ಪದಕ ವಿಜೇತ ನೀರಜ್‌ ಚೋಪ್ರಾ ಬೀದಿ - ಬದಿಯ ಆಹಾರವನ್ನು ಏಕೆ ತುಂಬಾ ಪ್ರೀತಿಸುತ್ತಾರೆ ಎಂದು ಹಳೆಯ ESPN ಸಂದರ್ಶನದಲ್ಲಿ ವಿವರಿಸಿದ್ದರು..

"ಇದು ಹೆಚ್ಚಾಗಿ ಪಾನಿ ಮತ್ತು ನಿಮ್ಮ ಹೊಟ್ಟೆಯ ಹೆಚ್ಚಿನ ಭಾಗವು ಅದರಿಂದ ತುಂಬಿರುತ್ತದೆ. ಪ್ಯಾಪ್ರಿ ಸಾಕಷ್ಟು ದೊಡ್ಡದಾಗಿದೆ. ಆದರೆ ಹಿಟ್ಟಿನ ಪ್ರಮಾಣವು ತುಂಬಾ ಕಡಿಮೆ. ಈ ಹಿನ್ನೆಲೆ ನಿಮ್ಮೊಳಗೆ ಹೋಗುವುದು ಹೆಚ್ಚಾಗಿ ಪಾನಿ ಮಾತ್ರ. ಸ್ವಲ್ಪ ಪ್ರಮಾಣದ ಮಸಾಲೆ ಇದೆ, ಆದರೆ ಅದು ಇನ್ನೊಂದು ವಿಷಯ. ನೀವು ಗೋಲ್ ಗಪ್ಪಾ ಬಗ್ಗೆ ಮಾತನಾಡುತ್ತಿದ್ದರೆ, ಒಂದೆರಡು ರೊಟ್ಟಿಗಳಲ್ಲಿರುವಷ್ಟು ಹಿಟ್ಟು ಇರುತ್ತದೆ. ನೀವು ಬಹಳಷ್ಟು ತಿನ್ನುತ್ತಿದ್ದೀರಿ ಎಂದು ನೀವು ಭಾವಿಸಿದರೂ, ನೀವು ಹೆಚ್ಚಾಗಿ ನಿಮ್ಮನ್ನು ಪಾನಿಯಿಂದ ತುಂಬಿಸಿಕೊಳ್ಳುತ್ತೀರಿ. ಖಂಡಿತವಾಗಿಯೂ, ನೀವು ಪ್ರತಿದಿನ ಅವುಗಳನ್ನು ಹೊಂದಬೇಕೆಂದು ನಾನು ಸಲಹೆ ನೀಡುವುದಿಲ್ಲ. ಆದರೆ ಅಥ್ಲೀಟ್‌ಗೆ ಒಂದೊಮ್ಮೆ ಕೆಲವು ಗೋಲ್ ಗಪ್ಪಾ ಸೇವಿಸುವುದು ಸರಿಯೆಂದು ನಾನು ಭಾವಿಸುತ್ತೇನೆ" ಎಂದು ನೀರಜ್‌ ಚೋಪ್ರಾ ಸಂದರ್ಶನದಲ್ಲಿ ಹೇಳಿದರು.

2016ರಲ್ಲಿ ಪೋಲಂಡ್‌ನ ಬೈಡೋಗ್ಸ್ಸ್ಝ್‌ನಲ್ಲಿ ನಡೆದ ವಿಶ್ವ U20 ಚಾಂಪಿಯನ್‌ಶಿಪ್‌ ಮೂಲಕ ನೀರಜ್ ತನ್ನ ಅಂತಾರಾಷ್ಟ್ರೀಯ ಕ್ರೀಡೆಗೆ 86.48 ಮೀಟರ್‌ಗಳ ವಿಶ್ವ ಜೂನಿಯರ್ ದಾಖಲೆಯ ಎಸೆತದೊಂದಿಗೆ ಪಾದಾರ್ಪಣೆ ಮಾಡಿದ್ದಲ್ಲದೆ ಗೆಲುವು ಸಾಧಿಸಿದ್ದರು. ನಂತರ 2016ರ ದಕ್ಷಿಣ ಏಷ್ಯನ್ ಗೇಮ್ಸ್‌ನಲ್ಲಿ 82.23 ಮೀಟರ್ ಎಸೆದು ಚಿನ್ನ ಗೆದ್ದಿದ್ದರು. ಅಂದಿನ ಭಾರತೀಯ ರಾಷ್ಟ್ರೀಯ ದಾಖಲೆಯನ್ನು ಸರಿಗಟ್ಟಿದ್ದು ಈ ಪ್ರದರ್ಶನದ ಮಹತ್ವವನ್ನು ಹೆಚ್ಚಿಸಿತು.

ಇದನ್ನೂ ಓದಿ: Periods: ನಿಮ್ಮ ಮಗಳಿಗೆ ಮುಟ್ಟಿನ ಬಗ್ಗೆ ಯಾವ ವಯಸ್ಸಿನಲ್ಲಿ ಮತ್ತು ಹೇಗೆ ತಿಳಿಸಬೇಕು? ಮಗನಿಗೂ ಕೂಡಾ...!

2017ರಲ್ಲಿ ಏಷ್ಯನ್ ಅಥ್ಲೆಟಿಕ್ ಚಾಂಪಿಯನ್‌ಶಿಪ್‌ನಲ್ಲಿ, ನೀರಜ್ 85.23 ಮೀಟರ್‌ ದೂರ ಎಸೆತದೊಂದಿಗೆ ಮತ್ತೊಂದು ಚಿನ್ನ ಗೆದ್ದರು. ಹಾಗೆ, ಗೋಲ್ಡ್ ಕೋಸ್ಟ್‌ನಲ್ಲಿ ನಡೆದ 2018ರ ಕಾಮನ್‌ವೆಲ್ತ್ ಕ್ರೀಡಾಕೂಟದಲ್ಲಿ 86.57 ಮೀಟರ್‌ ಎಸೆದು ಚಿನ್ನದ ಪದಕ ಗೆದ್ದರು. ಈ ವೇಳೆ ನೀರಜ್‌ ಚೋಪ್ರಾ ಋತುವಿನ ಅತ್ಯುತ್ತಮ ದಾಖಲೆ ಮಾಡಿದ್ದಲ್ಲದೆ, ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ಚಿನ್ನದ ಪದಕ ಗೆದ್ದ ಮೊದಲ ಭಾರತೀಯ ಜಾವೆಲಿನ್ ಎಸೆತಗಾರ ಎನಿಸಿಕೊಂಡಿದ್ದರು.

ಕೆಲವೇ ತಿಂಗಳುಗಳ ನಂತರ, ಆಗಸ್ಟ್ 2018ರಲ್ಲಿ ನೀರಜ್ ಏಷ್ಯನ್ ಗೇಮ್ಸ್ 2018ರಲ್ಲಿ 88.06 ಮೀಟರ್ ಎಸೆದು ತನ್ನದೇ ದಾಖಲೆಯನ್ನು ಮುರಿದು, ಅಲ್ಲೂ ಸಹ ಚಿನ್ನದ ಪದಕವನ್ನೇ ಗೆದ್ದಿದ್ದರು.