ಸೌದಿ ಅರೆಬಿಯಾದಲ್ಲಿ ಕೆಲಸ ಮಾಡುವ ಕೇರಳ ನರ್ಸ್​ ದೇಹದಲ್ಲಿ ಕೊರೊನಾವೈರಸ್ ಪತ್ತೆ; ಸೂಕ್ತ ಚಿಕಿತ್ಸೆಗೆ ಸಿಎಂ ಪಿಣರಾಯಿ ವಿಜಯನ್ ಮನವಿ

ತಿರುವನಂತಪುರಂ: ಸೌದಿ ಅರೆಬಿಯಾದಲ್ಲಿ ನರ್ಸ್​ ಆಗಿ ಕೆಲಸ ಮಾಡುತ್ತಿರುವ ಕೇರಳದ ಮಹಿಳೆಗೆ ಕೊರೊನಾವೈರಸ್​ ಇರುವುದು ದೃಢಪಟ್ಟಿದೆ. ಹೊಸ ವೈರಲ್​ ಸೋಂಕಿನಿಂದ ಬಳಲುತ್ತಿರುವ ನರ್ಸ್​ಗೆ ತಜ್ಞರಿಂದ ಸೂಕ್ತ ಚಿಕಿತ್ಸೆ ನೀಡುವಂತೆ ಗಲ್ಫ್​ ದೇಶಕ್ಕೆ ಮನವಿ ಮಾಡುವಂತೆ ವಿದೇಶಾಂಗ ಸಚಿವ ಎಸ್.ಜೈಶಂಕರ್ ಅವರಿಗೆ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಕೇಳಿಕೊಂಡಿದ್ದಾರೆ.

ಈ ಸಂಬಂಧ ಮುಖ್ಯಮಂತ್ರಿ ಕಚೇರಿಯಿಂದ ಜೈಶಂಕರ್ ಅವರಿಗೆ ಪತ್ರ ಬರೆದು ಮನವಿ ಮಾಡಿಕೊಳ್ಳಲಾಗಿದೆ.

ಕೊಟ್ಟಾಯಂ ಜಿಲ್ಲೆಯ ಎತ್ತುಮನ್ನೂರಿನ ನರ್ಸ್​ ಸೌದಿ ಅರೆಬಿಯಾದ ಅಲ್ ಹಯಾತ್ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ಚೀನಾದಲ್ಲಿ 17 ಜನರನ್ನು ಬಲಿ ಪಡೆದಿರುವ ವೈರಲ್​ ನರ್ಸ್​ ದೇಹದಲ್ಲಿ ಪತ್ತೆಯಾಗಿರುವುದಾಗಿ ವರದಿಯಾಗಿದೆ. ಆಸ್ಪತ್ರೆಯಲ್ಲಿ ಕನಿಷ್ಠ 30 ಮಂದಿ ನರ್ಸ್​ಗಳನ್ನು ಪ್ರತ್ಯೇಕವಾಗಿ ಇರಿಸಲಾಗಿದೆ.

ಸೌದಿ ಅರೆಬಿಯಾದೊಂದಿಗೆ ಸರ್ಕಾರ ನಿರಂತರ ಸಂಪರ್ಕದಲ್ಲಿದೆ. ಮತ್ತು ಸೋಂಕಿನ ಬಳಲುತ್ತಿರುವ ದಾದಿಯರಿಗೆ ತಜ್ಞರಿಂದ ಸೂಕ್ತ ಚಿಕಿತ್ಸೆ ಸೇರಿದಂತೆ ಅಗತ್ಯ ಕ್ರಮ ತೆಗೆದುಕೊಳ್ಳುವಂತೆ ಮನವಿ ಮಾಡಿಕೊಳ್ಳಲಾಗಿದೆ. ಪ್ರಕರಣವನ್ನು ಗಂಭೀರವಾಗಿ ತೆಗೆದುಕೊಳ್ಳಲಾಗಿದೆ ಎಂದು ಪಿಣರಾಯಿ ವಿಜಯನ್ ತಿಳಿಸಿದ್ದಾರೆ.

ವಿದೇಶಾಂಗ ವ್ಯವಹಾರ ಖಾತೆಗಳ ರಾಜ್ಯ ಸಚಿವ ವಿ.ಮುರಳಿಧರನ್ ಮಾತನಾಡಿ, ದಾದಿಯರಿಗೆ ಎಲ್ಲ ರೀತಿಯ ಬೆಂಬಲ ನೀಡುವಂತೆ ಸೌದಿ ಅರೆಬಿಯಾದ ಭಾರತೀಯ ರಾಯಭಾರಿಗೆ ಹೇಳಲಾಗಿದೆ ಎಂದು ತಿಳಿಸಿದ್ದಾರೆ.

 

Spoke to @CGIJeddah on Indian nurses quarantined at Al-Hayat Hospital, Khamis Mushait, Saudi Arabia due to Corona virus threat.

They are in touch with hospital management and Saudi foreign Ministry. Have asked our Consulate to provide all possible support. @MEAIndia @PMOIndia

— V. Muraleedharan (@MOS_MEA) January 23, 2020

ಇದನ್ನು ಓದಿ: FACT CHECK: ಪ್ರಧಾನಿ ಮೋದಿ ಹೆಂಡತಿ ಜಶೋಧ ಬೆನ್ ನಿಜಕ್ಕೂ ಸಿಎಎ ವಿರೋಧಿ ಹೋರಾಟದಲ್ಲಿ ಭಾಗಿಯಾಗಿದ್ರಾ?

ಅಲ್​ ಹಯಾತ್ ಆಸ್ಪತ್ರೆಯಲ್ಲಿಯಲ್ಲಿ 100ಕ್ಕೂ ಅಧಿಕ ಭಾರತೀಯ  ನರ್ಸ್​ಗಳು ಕಾರ್ಯನಿರ್ವಹಿಸುತ್ತಿದ್ದಾರೆ. ಇವರಲ್ಲಿ ಕೇರಳದವರೇ ಅಧಿಕ ಮಂದಿ ಇದ್ದಾರೆ. ಸೋಂಕಿನಿಂದ ಬಳಲುತ್ತಿರುವ ದಾದಿಯರನ್ನು ಅಸೀರ್ ನ್ಯಾಷನಲ್​ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ ಮತ್ತು ಚಿಕಿತ್ಸೆಗೆ ಸಕಾರಾತ್ಮಕವಾಗಿ ಸ್ಪಂದಿಸುತ್ತಿದ್ದಾರೆ ಎಂದು ಮುರಳಿಧರನ್ ಟ್ವೀಟ್ ಮಾಡಿದ್ದಾರೆ.