ಎಸ್​ಬಿಐ ಎಟಿಎಂನಿಂದ ಹಣ ಡ್ರಾ ಮಾಡುವ ನಿಯಮಗಳಲ್ಲಿ ಬದಲಾವಣೆ; ಈ ತಪ್ಪುಗಳನ್ನು ಮಾಡಿದರೆ ದಂಡ ಖಚಿತ!

ನವದೆಹಲಿ: ಎಟಿಎಂನಿಂದ ಹಣ ಡ್ರಾ ಮಾಡುವಲ್ಲಿ ವಿಧಾನದಲ್ಲಿ ಎಸ್​ಬಿಐ ಜುಲೈ 1ರಿಂದ ಕೆಲ ಬದಲಾವಣೆಗಳನ್ನು ಪರಿಚಯಿಸಿದೆ. ಅದರಂತೆ ಈಗ ಗ್ರಾಹಕರು ನಿಯಮಗಳನ್ನು ಸರಿಯಾಗಿ ಪಾಲನೆ ಮಾಡದಿದ್ದಲ್ಲಿ ದಂಡ ತೆರಬೇಕಾಗುತ್ತದೆ. ಎಸ್​ಬಿಐ ವೆಬ್​ಸೈಟ್​ನಲ್ಲಿ ಲಭ್ಯವಿರುವ​ ಮಾಹಿತಿ ಪ್ರಕಾರ, ಮೆಟ್ರೋ ಸಿಟಿಗಳಲ್ಲಿಉಳಿತಾಯ ಖಾತೆಯ ಗ್ರಾಹಕರಿಗೆ  ತಿಂಗಳಿಗೆ ಎಂಟು ಬಾರಿ ಉಚಿತವಾಗಿ ವಹಿವಾಟಿ​ಗೆ ಅವಕಾಶ ನೀಡಿದೆ. ಎಂಟು ಬಾರಿ ವರ್ಗಾವಣೆ ಬಳಿಕ ಮುಂದಿನ ವಹಿವಾಟಿ​ಗೆ ಪ್ರತ್ಯೇಕವಾಗಿ ಶುಲ್ಕ ವಿಧಿಸಲಾಗುತ್ತದೆ.

ಐದು ಎಸ್​ಬಿಐ ಎಟಿಎಂ ಮತ್ತು 3 ಇತರೆ ಬ್ಯಾಂಕುಗಳ ಎಟಿಎಂಗಳು ಸೇರಿ ತಿಂಗಳಿಗೆ ಎಂಟು ಬಾರಿ ಮಾತ್ರ ವಹಿವಾಟಿಗೆ ಮಾಡಿಕೊಳ್ಳಲು ಉಳಿತಾಯ ಖಾತೆಯ ಗ್ರಾಹಕರಿಗೆ ಎಸ್​ಬಿಐ ಅವಕಾಶ ನೀಡಿದೆ. ನಾನ್​ ಮೆಟ್ರೋ ಸಿಟಿಗಳಲ್ಲಿ ಉಳಿತಾಯ ಖಾತೆಯ ಗ್ರಾಹಕರಿಗೆ ತಿಂಗಳಿಗೆ ಹತ್ತು ವಹಿವಾಟಿ​ಗೆ ಅವಕಾಶ ನೀಡಲಾಗಿದೆ. ಎಸ್​ಬಿಐ ಎಟಿಎಂನಿಂದ ಐದು ಬಾರಿ ಹಾಗೂ ಇತರೆ ಬ್ಯಾಂಕುಗಳಲ್ಲಿ ಐದು ಬಾರಿ ಉಚಿತವಾಗಿ ವಹಿವಾಟು ಮಾಡಬಹುದಾಗಿದೆ. ತಿಂಗಳಿಗೆ ಸರಾಸರಿ 1 ಲಕ್ಷಕ್ಕಿಂತ ಹೆಚ್ಚಿನ ಬಾಕಿ ಕಾಯ್ದುಕೊಳ್ಳುವ ಗ್ರಾಹಕರಿಗೆ ಸ್ಟೇಟ್ ಬ್ಯಾಂಕ್ ಗ್ರೂಪ್​ ಮತ್ತು ಇತರ ಬ್ಯಾಂಕುಗಳ ಎಟಿಎಂಗಳಲ್ಲಿ ಅನಿಯಮಿತ ವಹಿವಾಟು ನಡೆಸಲು ಅವಕಾಶವಿದೆ.

ವಹಿವಾಟು ವಿಫಲವಾದರೆ ದಂಡ

ಖಾತೆಯಲ್ಲಿ ಸಮರ್ಪಕ ಬಾಕಿ ಇಲ್ಲದಿದ್ದರೂ ಹಣ ಡ್ರಾ ಮಾಡಲು ಹೋಗಿ ವಿಫಲವಾದರೆ ಅದಕ್ಕೆ ಗ್ರಾಹಕರ ಮೇಲೆ ಜಿಎಸ್​ಟಿ ಸೇರಿ 20 ರೂಪಾಯಿ ದಂಡ ವಿಧಿಸಲಾಗುತ್ತದೆ.

ಇದನ್ನು ಓದಿ: ಡಿ.ಜೆ ಹಳ್ಳಿ ಸಾರ್ವಜನಿಕ ಆಸ್ತಿ-ಪಾಸ್ತಿ ಹಾನಿ ಸಂಬಂಧ ಸಿಎಂ ಸಭೆ: ಮಹತ್ವದ ನಿರ್ಧಾರಗಳು ಕೈಗೊಂಡ ಯಡಿಯೂರಪ್ಪ

ಎಸ್​ಬಿಐ ಎಟಿಯಿಂದ ಹಣ ಡ್ರಾ ಮಾಡಲು ಒಟಿಪಿ ಅವಶ್ಯಕ

ಹತ್ತು ಸಾವಿರಕ್ಕಿಂತ ಹೆಚ್ಚಿನ ಹಣವನ್ನು ಎಸ್​ಬಿಐ ಎಟಿಎಂನಿಂದ ಡ್ರಾ ಮಾಡಿಕೊಳ್ಳುವವರಿಗೆ ಬ್ಯಾಂಕ್ ಹೊಸ ನಿಯಮ ಜಾರಿ ಮಾಡಿದೆ. ಒಂದು ವೇಳೆ ಎಸ್​ಬಿಐ ಎಟಿಎಂನಿಂದ ಹತ್ತು ಸಾವಿರಕ್ಕಿಂತ ಹೆಚ್ಚಿನ ಹಣವನ್ನು ಡ್ರಾ ಮಾಡಿಕೊಳ್ಳಬೇಕಾದರೆ ಅವರಿಗೆ ಒಟಿಪಿ ಕಡ್ಡಾಯವಾಗಿದೆ. ಈ ನಿಯಮ 2020 ಜುಲೈ 1ರಿಂದಲೇ ಜಾರಿಯಾಗಿದೆ. ಇದರ ಪ್ರಕಾರ, ರಾತ್ರಿ 8ಗಂಟೆಯಿಂದ ಬೆಳಗ್ಗೆ 8ಗಂಟೆಯವರೆಗೆ ಎಸ್​ಬಿಐ ಎಟಿಎಂನಲ್ಲಿ ಹತ್ತು ಸಾವಿರಕ್ಕಿಂತ ಹೆಚ್ಚಿನ ಹಣ ಡ್ರಾ ಮಾಡುವವರಿಗೆ ಒಟಿಪಿ ಅತ್ಯಗತ್ಯವಾಗಿದೆ. ಈ ಒಟಿಪಿ ಕೇವಲ ಎಸ್​ಬಿಐ ಎಟಿಎಂಗಳಿಗೆ ಮಾತ್ರ ಅನ್ವಯವಾಗಲಿದ್ದು, ಇತರೆ ಎಟಿಎಂಗಳು ಈ ಹಿಂದಿನಂತೆ ಕಾರ್ಯನಿರ್ವಹಿಸಲಿದ್ದು, ಇಲ್ಲಿ ವಹಿವಾಟಿಗೆ ಒಟಿಪಿ ಅವಶ್ಯಕತೆ ಇರುವುದಿಲ್ಲ.