ಆನ್​​ಲೈನ್ ಮೂಲಕ ಶಬರಿಮಲೆ ಅಯ್ಯಪ್ಪಸ್ವಾಮಿ ಪ್ರಸಾದ ಬುಕ್ಕಿಂಗ್; 3 ದಿನದಲ್ಲಿ ಡಿಲಿವರಿ!

ದೇವಸ್ವಂ ಮಂಡಳಿಯವರು ಪ್ರಸಾದದ ಕಿಟ್​ಅನ್ನು ಸನ್ನಿಧಾನದಿಂದ ಪಂಬಾಗೆ ಕಳುಹಿಸಲಿದೆ. ಪಂಬಾದಿಂದ ಅಂಚೆ ಇಲಾಖೆ ಡಿಲಿವರಿ ವಿಳಾಸಕ್ಕೆ ಮೂರು ದಿನದಲ್ಲಿ ಪ್ರಸಾದದ ಕಿಟ್ ತಲುಪಿಸಲಿದೆ. ಈ ಸಂಬಂಧ ಅಂಚೆ ಇಲಾಖೆ ದಕ್ಷಿಣ ಭಾರತದ ಹಲವು ರಾಜ್ಯಗಳಲ್ಲಿ ವಿವಿಧ ಭಾಷೆಗಳಲ್ಲಿ ಡಿಸ್​ಪ್ಲೆ ನೋಟಿಫಿಕೇಷನ್ ಹೊರಡಿಸಲಿದೆ.

ಶಬರಿಮಲೆ ದೇವಸ್ಥಾನ

ಶಬರಿಮಲೆ ದೇವಸ್ಥಾನ

  • Share this:
    ತಿರುವನಂತಪುರಂ; ಶಬರಿಮಲೆ ದೇವಸ್ಥಾನದ ಪ್ರಸಾದದ ಕಿಟ್​ ಅನ್ನು ಅಂಚೆ ಇಲಾಖೆ ಇನ್ನು ಮುಂದೆ ಮನೆ ಮನೆಗೆ ಡೆಲಿವರಿ ಮಾಡಲಿದೆ. ಈ ಕಿಟ್​ನಲ್ಲಿ ಅರವಣ, ಅರಿಶಿಣ, ಕುಂಕುಮ, ವಿಭೂತಿ ಹಾಗೂ ಇತರೆ ಪ್ರಸಾದ ಇರಲಿದೆ. ಒಂದು ಕಿಟ್​ಗೆ 450 ರೂಪಾಯಿ ದರ ನಿಗದಿ ಮಾಡಲಾಗಿದೆ.

    ಸ್ವಾಮಿ ಪ್ರಸಾದಂ ಹೆಸರಿನ ಕಿಟ್ಅನ್ನು ದೇಶದ ಯಾವುದೇ ಪೋಸ್ಟ್ ಆಫೀಸ್​ನಲ್ಲಿ ಈ ಪೇಮಂಟ್ ಮುಖಾಂತರ ಬುಕ್​ ಮಾಡಬಹುದಾಗಿದೆ. ಸ್ಪೀಡ್ ಪೋಸ್ಟ್ ಮೂಲಕ ಕಿಟ್ ಅನ್ನು ಡೆಲಿವರಿ ಮಾಡಲಾಗುತ್ತದೆ. ಶುಕ್ರವಾರದಿಂದ ಬುಕ್ಕಿಂಗ್ ಆರಂಭವಾಗಲಿದ್ದು, ಕಿಟ್​ಗಳನ್ನು ನವೆಂಬರ್ 16ರಿಂದ ಕಳುಹಿಸಿಕೊಡಲಾಗುತ್ತದೆ. ಶಬರಿಮಲೆ ದೇವಸ್ವಂ ಮಂಡಳಿ ಒಂದು ಕಿಟ್​ಗೆ 250 ರೂಪಾಯಿ ದರ ನಿಗದಿ ಮಾಡಿದೆ. ಉಳಿದ 200 ರೂಪಾಯಿ ಅಂಚೆ ಇಲಾಖೆಯ ವೆಚ್ಚವಾಗಿದೆ.

    ದೇವಸ್ವಂ ಮಂಡಳಿಯವರು ಪ್ರಸಾದದ ಕಿಟ್​ಅನ್ನು ಸನ್ನಿಧಾನದಿಂದ ಪಂಬಾಗೆ ಕಳುಹಿಸಲಿದೆ. ಪಂಬಾದಿಂದ ಅಂಚೆ ಇಲಾಖೆ ಡಿಲಿವರಿ ವಿಳಾಸಕ್ಕೆ ಮೂರು ದಿನದಲ್ಲಿ ಪ್ರಸಾದದ ಕಿಟ್ ತಲುಪಿಸಲಿದೆ. ಈ ಸಂಬಂಧ ಅಂಚೆ ಇಲಾಖೆ ದಕ್ಷಿಣ ಭಾರತದ ಹಲವು ರಾಜ್ಯಗಳಲ್ಲಿ ವಿವಿಧ ಭಾಷೆಗಳಲ್ಲಿ ಡಿಸ್​ಪ್ಲೆ ನೋಟಿಫಿಕೇಷನ್ ಹೊರಡಿಸಲಿದೆ.

    ಇದನ್ನು ಓದಿ: ಕೊರೋನಾ ವ್ಯಾಪಕವಾಗಿರುವ ಸಮಯದಲ್ಲಿ ಶಾಲಾ-ಕಾಲೇಜು ಆರಂಭಿಸಿದರೆ ಭಾರೀ ಅನಾಹುತ ಎದುರಿಸಬೇಕಾಗುತ್ತದೆ; ಸರ್ಕಾರಕ್ಕೆ ಎಚ್​ಡಿಕೆ ಎಚ್ಚರಿಕೆ

    ಕೇರಳ ಅಂಚೆ ಇಲಾಖೆಯು ತ್ರವಾಂಕೂರ್ ದೇವಸ್ವಂ ಮಂಡಳಿಯವರೊಂದಿಗೆ ಈ ಸಂಬಂಧ ಒಪ್ಪಂದ ಮಾಡಿಕೊಂಡಿದೆ. ದೇವಸ್ವಂ ಸಚಿವ ಕದಕಂಪಲ್ಲಿ ಸುರೇಂದ್ರನ್ ಅವರು ಸ್ವಾಮಿಪ್ರಸಾದಂ ಕಿಟ್​ ಆನ್​ಲೈನ್​ ಬುಕ್ಕಿಂಗ್ ಪ್ರಕ್ರಿಯೆಗೆ ಚಾಲನೆ ನೀಡಿದ್ದಾರೆ. ಈ ವೇಳೆ ಮುಖ್ಯ ಪೋಸ್ಟ್ ಮಾಸ್ಟರ್ ಜನರಲ್ ವಿ ರಾಜರಾಜನ್, ದೇವಸ್ವಂ ಆಯುಕ್ತ ಬಿ.ಎಸ್.ತಿರುಮೆನಿ ಮತ್ತು ಅಂಚೆ ಸೇವೆಯ ನಿರ್ದೇಶಕ ಸೈಯದ್ ರಶೀದ್ ಉಪಸ್ಥಿತರಿದ್ದರು.
    Published by:HR Ramesh
    First published: