ಆರ್ಟಿಕಲ್ 370 ರದ್ದು ಪ್ರಶ್ನಿಸಿ ಸಲ್ಲಿಸಿದ ಅರ್ಜಿ ವಿಚಾರಣೆಗೆ ವಿಸ್ತೃತ ನ್ಯಾಯಪೀಠದ ಅಗತ್ಯ ಇಲ್ಲ: ಸುಪ್ರೀಂ

1959ರ ಪ್ರೇಮ್ ನಾಥ್ ಕೌಲ್; ಹಾಗೂ 1970ರ ಸಂಪತ್ ಪ್ರಕಾಶ್ ಈ ಎರಡು ಪ್ರಕರಣಗಳಲ್ಲಿ ನೀಡಲಾಗಿದ್ದ ತೀರ್ಪುಗಳು ಪರಸ್ಪರ ವಿರೋಧಾಭಾಸವಾಗಿದೆ. ಆದ್ದರಿಂದ ವಿಸ್ತೃತ ನ್ಯಾಯಪೀಠದಿಂದ ವಿಚಾರಣೆ ನಡೆಸಿ ಎಂದು ಕೋರಿ ಅರ್ಜಿ ಸಲ್ಲಿಸಲಾಗಿತ್ತು.

news18
Updated:March 2, 2020, 12:23 PM IST
ಆರ್ಟಿಕಲ್ 370 ರದ್ದು ಪ್ರಶ್ನಿಸಿ ಸಲ್ಲಿಸಿದ ಅರ್ಜಿ ವಿಚಾರಣೆಗೆ ವಿಸ್ತೃತ ನ್ಯಾಯಪೀಠದ ಅಗತ್ಯ ಇಲ್ಲ: ಸುಪ್ರೀಂ
ಸುಪ್ರೀಂ ಕೋರ್ಟ್
  • News18
  • Last Updated: March 2, 2020, 12:23 PM IST
  • Share this:
ನವದೆಹಲಿ(ಮಾ. 02): ಸಂವಿಧಾನದಲ್ಲಿ ಜಮ್ಮು-ಕಾಶ್ಮೀರಕ್ಕೆ ವಿಶೇಷ ಸ್ಥಾನಮಾನ ಕಲ್ಪಿಸುವ ಆರ್ಟಿಕಲ್ 370 ಅನ್ನು ಕೇಂದ್ರ ಸರ್ಕಾರ ಕಳೆದ ವರ್ಷ ರದ್ದು ಮಾಡಿತ್ತು. ಕೇಂದ್ರದ ಈ ಕ್ರಮಕ್ಕೆ ಸಾಂವಿಧಾನಿಕ ಮಾನ್ಯತೆ ಇಲ್ಲ ಎಂದು ವಾದಿಸಿ ವಿವಿಧ ಅರ್ಜಿಗಳು ಸುಪ್ರೀಂ ಕೋರ್ಟ್​ಗೆ ಸಲ್ಲಿಕೆಯಾಗಿವೆ. ಈ ಅರ್ಜಿಗಳನ್ನು ಏಳು ಸದಸ್ಯರ ವಿಸ್ತೃತ ನ್ಯಾಯಪೀಠದಿಂದ ವಿಚಾರಣೆಯಾಗಬೇಕು ಎಂದು ಅರ್ಜಿಯಲ್ಲಿ ಮಾಡಿಕೊಳ್ಳಲಾಗಿದ್ದ ಮನವಿಯನ್ನು ಸುಪ್ರೀಂ ಕೋರ್ಟ್ ಸಾಂವಿಧಾನಿಕ ಪೀಠ ಪುರಸ್ಕರಿಸಿಲ್ಲ. ಇಂದು ಈ ಅರ್ಜಿಗಳ ವಿಚಾರಣೆ ನಡೆಸಿದ ನ್ಯಾ| ಎನ್.ವಿ. ರಮಣ ನೇತೃತ್ವದ ಐದು ಸದಸ್ಯರ ಸಾಂವಿಧಾನಿಕ ಪೀಠವು, ವಿಸ್ತೃತ ಪೀಠದಲ್ಲಿ ವಿಚಾರಣೆಯ ಅಗತ್ಯ ಇಲ್ಲ ಎಂದು ತೀರ್ಮಾನಿಸಿತು.

1959ರ ಪ್ರೇಮ್ ನಾಥ್ ಕೌಲ್ ವರ್ಸಸ್ ಜಮ್ಮು-ಕಾಶ್ಮೀರ; ಹಾಗೂ 1970ರ ಸಂಪತ್ ಪ್ರಕಾಶ್ ವರ್ಸಸ್ ಜಮ್ಮು-ಕಾಶ್ಮೀರ ಈ ಎರಡು ಪ್ರಕರಣಗಳಲ್ಲಿ ನೀಡಲಾಗಿದ್ದ ತೀರ್ಪುಗಳು ಪರಸ್ಪರ ವಿರೋಧಾಭಾಸವಾಗಿದೆ. ಆದ್ದರಿಂದ ಐದು ಸದಸ್ಯರ ನ್ಯಾಯಪೀಠದಿಂದ ವಿಚಾರಣೆ ನಡೆಸಲು ಆಗುವುದಿಲ್ಲ. ವಿಸ್ತೃತ ನ್ಯಾಯಪೀಠದಿಂದ ವಿಚಾರಣೆ ನಡೆಸಿ ಎಂದು ಕೇಳಿ ಪೀಪಲ್ಸ್ ಯೂನಿಯನ್ ಆಫ್ ಸಿವಿಲ್ ಲಿಬರ್ಟೀಸ್, ಜಮ್ಮು-ಕಾಶ್ಮೀರ ಹೈಕೋರ್ಟ್ ವಕೀಲರ ಸಂಘ ಸುಪ್ರೀಂ ಕೋರ್ಟ್​ಗೆ ಮನವಿ ಮಾಡಿದ್ದವು. ಮೇಲೆ ತಿಳಿಸಿದ ಎರಡು ಪ್ರಕರಣಗಳು 370ನೇ ಆರ್ಟಿಕಲ್​ಗೆ ಸಂಬಂಧಿಸಿದ್ದಾಗಿವೆ ಎಂಬುದು ಇವರ ಅಭಿಪ್ರಾಯ.

ಇದನ್ನೂ ಓದಿ: ಅಮಿತ್ ಶಾ ಕೋಲ್ಕತ್ತಾ ರ‍್ಯಾಲಿಯಲ್ಲಿ ವಿವಾದಾತ್ಮಕ ‘ಗೋಲಿ ಮಾರೊ..’ ಘೋಷಣೆ; 3 ಜನ ಆರೋಪಿಗಳ ಬಂಧನ

ಕೇಂದ್ರ ಸರ್ಕಾರ ಈ ಅರ್ಜಿಗೆ ವಿರೋಧ ವ್ಯಕ್ತಪಡಿಸಿತ್ತು. ಸರ್ಕಾರದ ಪರವಾಗಿ ವಾದ ಮಾಡಿದ ಕೆ.ಕೆ. ವೇಣುಗೋಪಾಲ್, ಈ ಎರಡು ಪ್ರಕರಣಗಳು ಪರಸ್ಪರ ಸಂಬಂಧಿತವಾಗಿಲ್ಲ. ಎರಡೂ ಬೇರೆ ವಿಚಾರಗಳನ್ನ ಒಳಗೊಂಡ ಪ್ರಕರಣಗಳಾಗಿವೆ. ಪ್ರೇಮನಾಥ ಕೌಲ್ ವರ್ಸಸ್ ಜಮ್ಮು-ಕಾಶ್ಮಿರ ಪ್ರಕರಣವು 370ನೇ ವಿಧಿಗೆ ಸಂಬಂಧಿಸಿದ್ದಲ್ಲ. ಕಾಶ್ಮೀರದ ಮಹಾರಾಜರಿಗೆ ಶಾಸನದತ್ತ ಅಧಿಕಾರ ಇದೆಯೋ ಇಲ್ಲವೋ ಎಂಬ ಪ್ರಶ್ನೆಗೆ ಸಂಬಂಧಿಸಿದ ಪ್ರಕರಣವಾಗಿತ್ತು. ಈ ಪ್ರಕರಣದಲ್ಲಿ ನೀಡಲಾದ ತೀರ್ಪಿಗೂ ಸಂಪತ್ ಪ್ರಕಾಶ್ ವರ್ಸಸ್ ಕಾಶ್ಮೀರ ಪ್ರಕರಣದ ತೀರ್ಪಿಗೂ ಸಂಬಂಧ ಇಲ್ಲ. ಹೀಗಾಗಿ, ವಿಸ್ತೃತ ಪೀಠಕ್ಕೆ ವಿಚಾರಣೆಯನ್ನು ವರ್ಗಾಯಿಸುವ ಅಗತ್ಯ ಇಲ್ಲ ಎಂದು ಕೆ.ಕೆ. ವೇಣುಗೋಪಾಲ್ ವಾದಿಸಿದರು.

ಸರ್ಕಾರದ ವಾದವನ್ನು ಸುಪ್ರೀಂ ಕೋರ್ಟ್ ಪುರಸ್ಕರಿಸಿದೆ. ಈ ಎರಡು ಪ್ರಕರಣಗಳಲ್ಲಿ ಯಾವುದೇ ವೈರುದ್ಧ್ಯಗಳಲ್ಲಿಲ್ಲ ಕಂಡುಬರುತ್ತಿಲ್ಲ ಎಂದು ಅಭಿಪ್ರಾಯಪಟ್ಟ ನ್ಯಾ| ಎನ್.ವಿ. ರಮಣ, ನ್ಯಾ| ಸಂಜಯ್ ಕಿಶನ್ ಕೌಲ್, ನ್ಯಾ| ಆರ್ ಸುಭಾಷ್ ರೆಡ್ಡಿ, ನ್ಯಾ| ಬಿ.ಆರ್. ಗವಾಯ್  ಮತ್ತು ನ್ಯಾ| ಸೂರ್ಯ ಕಾಂತ್ ಅವರಿರುವ ನ್ಯಾಯಪೀಠವು, ಜನವರಿ 23ಕ್ಕೆ ತನ್ನ ತೀರ್ಪು  ಕಾಯ್ದಿರಿಸಿದೆ.

ಕ್ಷಣಕ್ಷಣದ ಬ್ರೇಕಿಂಗ್ ನ್ಯೂಸ್ ಅಲರ್ಟ್​ಗಾಗಿ ನಿಮ್ಮ ನ್ಯೂಸ್18 ಕನ್ನಡವನ್ನು ಫೇಸ್​ಬುಕ್ ಮೆಸೆಂಜರ್​ನಲ್ಲಿ ಸಬ್ಸ್​ಕ್ರೈಬ್ ಮಾಡಿ.

First published: March 2, 2020, 12:23 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading