ಫೋರ್ಬ್ಸ್​ ಪಟ್ಟಿ ಬಿಡುಗಡೆ: ವಿಶ್ವದ ನೂರು ಪ್ರಭಾವಿ ಮಹಿಳೆಯರ ಪಟ್ಟಿಯಲ್ಲಿ ಸ್ಥಾನ ಪಡೆದ ನಿರ್ಮಲಾ ಸೀತಾರಾಮನ್​

Forbes 2020: ಸೀತಾರಾಮನ್​ 41ನೇ ಸ್ಥಾನ ಗಳಿಸಿದರೆ, ಸ್ವಗಳಿಕೆಯಿಂದ ಭಾರತದ ಶ್ರೀಮಂತ ಮಹಿಳೆಯಾಗಿ ಗುರುತಿಸಿಕೊಂಡಿರುವ ಮಜುಂದಾರ್​ ಶಾ 68ನೇ ಸ್ಥಾನ ಪಡೆದಿದ್ದಾರೆ.

ನಿರ್ಮಲಾ ಸೀತಾರಾಮನ್.

ನಿರ್ಮಲಾ ಸೀತಾರಾಮನ್.

  • Share this:
    ವಿಶ್ವದ ಶಕ್ತಿಶಾಲಿ ಪ್ರಭಾವಿ ಮಹಿಳೆಯ ಪಟ್ಟಿಯನ್ನು ಫೋರ್ಬ್ಸ್​ ಬಿಡುಗಡೆ ಮಾಡಿದೆ. ಇನ್ನು ಈ ಪಟ್ಟಿಯಲ್ಲಿ ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್​ ಕೂಡ ಸ್ಥಾನ ಪಡೆದಿದೆ. ಇನ್ನು ಈ ಪಟ್ಟಿಯಲ್ಲಿ ಕಮಲಾ ಹ್ಯಾರಿಸ್​, ಬಯೋಕಾನ್​ ಸಂಸ್ಥಾಪಕ ಕಿರಣ್​ ಮಂಜುಂದಾರ್​ ಶಾ ಹಾಗೂ ಎಚ್​ಸಿಎಲ್​ ಎಂಟರ್​ಪ್ರೈಸನ ಸಿಇಒ ರೋಶ್ನಿ ನಾಡರ್​ ಮಲ್ಹೋತ್ರಾ ಸೇರಿದಂತೆ 100 ವಿಶ್ವದ ಶಕ್ತಿಶಾಲಿ ಮಹಿಳೆಯರಲ್ಲಿ ಫೋರ್ಬ್ಸ್​ ಸ್ಥಾನ ಪಡೆದಿದ್ದಾರೆ. ಇನ್ನು ಜರ್ಮಲ್​ ಚಾನ್ಸೆಲರ್​ ಏಂಜೆಲಾ ಮರ್ಕೆಲ್​ ಮಾರ್ಕೆಲ್​ 10ನೇ ಸ್ಥಾನ ಪಡೆದಿದ್ದಾರೆ. ಕಳೆದ ಬಾರಿ ಕೂಡ ಜರ್ಮನ್​ ಚಾನ್ಸೆಲರ್​ ಏಂಜೆಲಾ 10ನೇ ಸ್ಥಾನದಲ್ಲಿದ್ದಾರೆ. ಫೋರ್ಬ್ಸ್ 17ನೇ ವಾರ್ಷಿಕ ಪಟ್ಟಿಯಲ್ಲಿ 30 ದೇಶದ ಸುಮಾರು ನಾಲ್ಕು ತಲೆಮಾರುಗಳ ಮಹಿಳೆಯರು ಸ್ಥಾನ ಪಡೆದಿದ್ದಾರೆ.

    ಇನ್ನು ಈ ಪಟ್ಟಿಯಲ್ಲಿ 10 ದೇಶದ ಮುಖ್ಯಸ್ಥರು, 38 ಸಿಇಒಗಳು ಮತ್ತು ಐದು ಮನರಂಜನಾ ಕ್ಷೇತ್ರದ ಮಹಿಳೆಯರು ಕೂಡ ಸ್ಥಾನ ಪಡೆದಿದ್ದಾರೆ. ಇನ್ನು ಈ ಪಟ್ಟಿಯಲ್ಲಿ ವಿವಿಧ ವಯೋಮಾನದ, ವಿವಿಧ ದೇಶದ ಹಾಗೂ ವಯಸ್ಸಿನ ಅಂತರದ ಹಾಗೂ ಉದ್ಯೋಗದಲ್ಲಿ ವಿಭಿನ್ನತೆ ಸಾಧಿಸಿರುವ ಮಹಿಳೆಯರಿದ್ದು, ಅವರೆಲ್ಲಾ 2020ರ ಸವಾಲುಗಳನ್ನು ಎದುರಿಸಲು ತಮ್ಮ ವೇದಿಕೆಯನ್ನು ಸಮರ್ಪಕವಾಗಿ ಬಳಕೆ ಮಾಡಿಕೊಳ್ಳುವಲ್ಲಿ ಒಂದಾಗಿದ್ದಾರೆ ಎಂದು ಫೋರ್ಬ್ಸ್​ ತಿಳಿಸಿದೆ.

    ಇನ್ನು ಈ ಪಟ್ಟಿಯಲ್ಲಿ ಸೀತಾರಾಮನ್​ 41ನೇ ಸ್ಥಾನ ಗಳಿಸಿದರೆ ನಾಡರ್​ ಮಲ್ಹೋತ್ರಾ 55ನೇ ಸ್ಥಾನ ಪಡೆದಿದ್ದಾರೆ. ಸ್ವಗಳಿಕೆಯಿಂದ ಭಾರತದ ಶ್ರೀಮಂತ ಮಹಿಳೆಯಾಗಿ ಗುರುತಿಸಿಕೊಂಡಿರುವ ಮಜುಂದಾರ್​ ಶಾ 68ನೇ ಸ್ಥಾನ ಪಡೆದಿದ್ದಾರೆ. ಲ್ಯಾಂಡ್​ ಮಾರ್ಕ್​ ಗ್ರೂಪ್​ನ ಅಧ್ಯಕ್ಷೆ ರೇಣುಕಾ ಜಗ್ತಿಯಾನಿ 98ನೇ ಸ್ಥಾನ ಪಡೆದಿದ್ದಾರೆ.

    ಕಳೆದ ಹತ್ತು ವರ್ಷಗಳಿಂದಲೂ ಮರ್ಕೆಲ್​ ಮೊದಲ ಸ್ಥಾನ ಕಾಯ್ದುಗೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಯೂರೋಪಿನ ನಾಯಕಿಯಾಗಿ ಅವರು ಬಿಂಬಿತರಾಗಿದ್ದಾರೆ.

    ಇದನ್ನು ಓದಿ: ಬಗೆಹರಿಯದ ರೈತರ ಬಿಕ್ಕಟ್ಟು; ಅಮಿತ್ ಶಾ ಮಾತುಕತೆ ವಿಫಲ; ಇಂದಿನ ಸಭೆ ಬಹಿಷ್ಕಾರ

    ಕೋವಿಡ್​-19 ಹಿನ್ನಲೆ ಪರಿಣಾಮಕಾರಿ ಕಾರ್ಯದ ಫಲವಾಗಿ ಈ ಬಾರಿ ಹಲವಾರು ಮಹಿಳೆಯರು ಜಾಗತಿಕ ಪ್ರಶಂಸೆಯನ್ನು ಪಡೆದಿದ್ದಾರೆ. ಕೋವಿಡ್​ ಸಂದರ್ಭದಲ್ಲಿ ಕಟ್ಟುನಿಟ್ಟಾದ ಲಾಕ್​ಡೌನ್​ ಮತ್ತು ಕ್ಯಾರೆಂಟೈನ್​ ನಿಯಮವನ್ನು ಜಾರಿಗೆ ತರುವ ಮೂಲಕ ದೇಶವನ್ನು ಕೋವಿಡ್​ನ ಎರಡನೇ ಅಲೆಯಿಂದ ರಕ್ಷಿಸಿದ ನ್ಯೂಜಿಲೆಂಡ್​ ಪ್ರಧಾನಿ ಜಸಿಂಡಾ ಅರ್ಡೆನಾ 32ನೇ ಸ್ಥಾನ ಪಡೆದಿದ್ದಾರೆ.

    ತೈವಾನ್​ನಲ್ಲಿ ಸೋಂಕು ಪತ್ತೆ ಹಚ್ಚಿ ಪರಿಣಾಮಕಾರಿಯಾಗಿ ಕಾರ್ಯನಿರ್ವಹಿಸಿದ ತ್ಸೈ ಇಂಗ್​-ವೆನ್​ ಕೂಡ 37ನೇ ಸ್ಥಾನ ಪಡೆದಿದ್ದಾರೆ. ಇನ್ನು ಈ ಬಾರಿ ಈ ಫೋರ್ಬ್ಸ್​ ಪಟ್ಟಿಯಲ್ಲಿ 17 ಮಂದಿ ಹೊಸಬರು ಸ್ಥಾನ ಪಡೆದಿದ್ದಾರೆ. ಇವರೆಲ್ಲಾ ಕೋವಿಡ್​ ಸಾಂಕ್ರಮಿಕವನ್ನು ಸಮರ್ಥವಾಗಿ ನಿಭಾಯಿಸಿ ಮನ್ನಣೆ ಪಡೆದಿದ್ದಾರೆ.
    Published by:Seema R
    First published: