ಸ್ಪೂರ್ತಿದಾಯಕ ಗೀತೆಯೊಂದಿಗೆ ಆರಂಭಗೊಳ್ಳಲಿದೆ Network​ 18 ಹಾಗೂ BYJU'S​ 'ಯಂಗ್​ ಜೀನಿಯಸ್​' ಕಾರ್ಯಕ್ರಮ

ಶ್ರದ್ಧಾಪಂಡಿತ್​ ಸಂಯೋಜಿಸಿದ 'ಉಮರ್​ ಚೋಟಿ, ಕಾಮ್​ ಬಡೆ' ಎಂಬ ಶೀರ್ಷಿಕೆ ಗೀತೆಯ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಗುವುದು

ಶ್ರದ್ಧಾಪಂಡಿತ್​ ಸಂಯೋಜಿಸಿದ 'ಉಮರ್​ ಚೋಟಿ, ಕಾಮ್​ ಬಡೆ' ಎಂಬ ಶೀರ್ಷಿಕೆ ಗೀತೆಯ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಗುವುದು

ಶ್ರದ್ಧಾಪಂಡಿತ್​ ಸಂಯೋಜಿಸಿದ 'ಉಮರ್​ ಚೋಟಿ, ಕಾಮ್​ ಬಡೆ' ಎಂಬ ಶೀರ್ಷಿಕೆ ಗೀತೆಯ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಗುವುದು

  • Share this:
    ದೇಶಾದ್ಯಂತ ವಿವಿಧ ಕ್ಷೇತ್ರಗಳಲ್ಲಿ ಇರುವ ಯುವ ಪ್ರತಿಭೆಗಳನ್ನು ಗುರುತಿಸಿ, ಉತ್ತೇಜಿಸುವ ಸಲು ವಾಗಿ ನ್ಯೂಸ್​ 18 ನೆಟ್​ವರ್ಕ್​ ಮತ್ತು ಬೈಜೂಸ್​ ಯಂಗ್​ ಜೀನಿಯಸ್ ಕಾರ್ಯಕ್ರಮ ಪ್ರಸ್ತುತಪಡಿಸುತ್ತಿದೆ. ಇದೇ ಜ. 16ರ 2021 ಈ ಕಾರ್ಯಕ್ರಮ ಪ್ರಸಾರವಾಗಲಿದ್ದು, ಎಳೆಯ ಪ್ರತಿಭೆಗಳ ಅನಾವರಣಗೊಳ್ಳಲಿದೆ. ಕಳೆದ ನ. 14ರಂದು ಮಕ್ಕಳ ದಿನಾಚರಣೆಯಂದೇ ಈ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಗಿದ್ದು, ಮಕ್ಕಳ ಪ್ರತಿಭೆ ಪ್ರದರ್ಶಿಸಲು ಆಹ್ವಾನ ನೀಡಲಾಗಿತ್ತು. ದೇಶದ ಮೂಲೆ ಮೂಲೆಯ ಶಿಕ್ಷಣ, ಪ್ರದರ್ಶನ ಕಲೆ, ತಂತ್ರಜ್ಞಾನ, ಕ್ರೀಡೆ, ವ್ಯವಹಾರ, ಮತ್ತು ಮುಂತಾದ ವಿವಿಧ ಕ್ಷೇತ್ರಗಳಿಂದ ಪ್ರತಿಭಾನ್ವಿತ ಮಕ್ಕಳನ್ನು ಆಯ್ಕೆ ಮಾಡಲಾಗಿದೆ. ನೀತಿ ಆಯೋಗದ ಸಿಇಒ ಪದ್ಮಭೂಷಣ್​ ಡಾ. ಮಲ್ಲಿಕಾ ಸರಾಬಾಯಿ, ಮಾಜಿ ಹಾಕಿಪಟು ಸರ್ದಾರ್​ ಸಿಂಗ್​, ಸಿಎನ್​ಬಿಸಿ ಟಿವಿ 18 ನಿರ್ವಹಣಾ ಸಂಪಾದಕ ಶೆರೀನ್​ ಭಾನ್​ ಒಳಗೊಂಡ ತೀರ್ಪುಗಾರರ ತಂಡ ಪತ್ರಿಭಾನ್ವಿತ ಮಕ್ಕಳನ್ನು ಆಯ್ಕೆ ಮಾಡಿದ್ದಾರೆ.

    ಶ್ರದ್ಧಾಪಂಡಿತ್​ ಸಂಯೋಜಿಸಿದ 'ಉಮರ್​ ಚೋಟಿ, ಕಾಮ್​ ಬಡೆ' ಎಂಬ ಶೀರ್ಷಿಕೆ ಗೀತೆಯ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಗುವುದು. ಈ ಹಾಡನ್ನು ಟಿವಿ, ಡಿಜಿಟಲ್​, ರೆಡಿಯೋ ಮೂಲಕ ಬಿಡುಗಡೆ ಮಾಡಲಾಗುವುದು. ಈ ಹಾಡನ್ನು ಸಲೀಮ್​ ಸುಲೈಮನ್ ಸಂಯೋಜಿಸಿದ್ದು, ಯಾರ್ನ್​ ಫೀಲ್ಮ್​ ನಿರ್ಮಾಣಮಾಡಿದೆ, ಮಕ್ಕಳಲ್ಲಿ ಸೃಜನಶೀಲತೆ ಮತ್ತು ಕ್ರಿಯಾತ್ಮಕತೆ ಈ ಗೀತೆಯಲ್ಲಿ ತಿಳಿಸಲಾಗಿದೆ.

    ಇನ್ನು ಈ ಹಾಡಿನ ಕುರಿತು ಅಭಿಪ್ರಾಯ ವ್ಯಕ್ತಪಡಿಸಿರುವ ಸಲೀಮ್​ ಯಂಗ್​ ಜೀನಿಯಸ್​ ಹಾಡಿಗೆ ಸಂಗೀತ ಸಂಯೋಜಿಸುವ ಅವಕಾಶ ಸಿಕ್ಕಿದ್ದು ಅದೃಷ್ಟವಾಗಿದೆ. ಅಸಾಧಾರಣಾ ಪ್ರತಿಭೆ ಹೊಂದಿರುವ ಮಕ್ಕಳಿಗೆ ಕಾರ್ಯಕ್ರಮ ವೇದಿಕೆಯಾಗಿದೆ. ನ್ಯೂಸ್​ 18 ನೆಟ್​ವರ್ಕ್​ ಮತ್ತು ಬೈಜೂಸ್​ ಸಮಾಜಕ್ಕೆ ವಿಶಿಷ್ಠ ಕೊಡುಗೆ ನೀಡುವ ಮೂಲಕ ಮಕ್ಕಳ ಪ್ರತಿಭೆ ಪ್ರೋತ್ಸಾಹಿಸುತ್ತಿವುದಕ್ಕೆ ಸಂತಸ ವ್ಯಕ್ತಪಡಿಸಿದರು. ಈ ಕಾರ್ಯಕ್ರಮದಲ್ಲಿ ಎಲ್ಲಾ ಮಕ್ಕಳಿ ಅದ್ಭುತ ಪ್ರದರ್ಶನ ನೀಡಲಿ. ಸ್ಪೂರ್ತಿದಾಯಕವಾದ ಈ ಕಾರ್ಯಕ್ರಮ ಇನ್ನಷ್ಟು ಸರಣಿ ಬರಬೇಕು ಎಂದು ಆಶಿಸಿದರು.

    ಈಗಾಗಲೇ ಈ ಮಕ್ಕಳ ಪ್ರತಿಭೆಗಳಿಗೆ ಈಗಾಗಲೇ ಅನೇಕ ಸೆಲೆಬ್ರಿಟಿಗಳು ಬೆನ್ನುತಟ್ಟಿದ್ದಾರೆ. ಲಿಯಾಂಡರ್​ ಪೇಟ್​ ಡುಟಿ ಚಂದ್​, ಶಂಕರ್​ ಮಹಾದೇವನ್​, ರಾಜಕುಮಾರ್​ ರಾವ್​, ಪಿವಿ ಸಿಂಧು, ಸೋನ್​ ಸೂದ್​, ಸೋಹಾ ಆಲಿ ಖಾನ್​ ಮತ್ತು ವಿರೇಂದ್ರ ಸೆಹ್ವಾಗ್​ ಈಗಾಗಲೇ ಮಕ್ಕಳನ್ನು ಹುರಿದುಂಬಿಸಿ ಅನೇಕ ಕಂತುಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

    ಇನ್ನು ಈ ಕಾರ್ಯಕ್ರಮದ ಸ್ವರೂಪ ವಿವರಿಸಿದ ​ 18 ನೆಟ್​ವರ್ಕ್​ನ ನ್ಯೂಸ್​ 18 ಸಿಇಒ ಮಯಾಂಕ್​ ಜೈನ್​, ಇದೊಂದು ಅದ್ಭುತ ಕಾರ್ಯಕ್ರಮವಾಗಿದ್ದು, ಮಕ್ಕಳ ಪ್ರತಿಭೆ ಅನಾವರಣಗೊಳ್ಳಲಿದೆ. ಕುಟುಂಬ ಸಮೇತರಾಗಿ ಈ ಕಾರ್ಯಕ್ರಮ ನೋಡಲು ಜನರು ಉತ್ಸಾಕರಾಗುತ್ತಾರೆ. ಇದು ಎಲ್ಲರಲ್ಲಿಯೂ ಸ್ಪೂರ್ತಿದಾಯಕ ಕೂಡ ಆಗಿರಲಿದೆ. ನಮ್ಮ ನ್ಯೂಸ್​ 18 ನೆಟ್​ವರ್ಕ್​ ಚಾನೆಲ್​ಗಳಾದ ಸಿಎನ್​ಎನ್​ ನ್ಯೂಸ್​ 18, ನ್ಯೂಸ್​ 18 ಲೋಕಮತ್​, ನ್ಯೂಸ್​ 18 ಬಾಂಗ್ಲಾ, ನ್ಯೂಸ್​ 18 ತಮಿಳಿನಲ್ಲಿ ಈ ಕಾರ್ಯಕ್ರಮ ಪ್ರಸಾರವಾಗಲಿದೆ. ಜ.16ರಿಂದ ಮಾರ್ಚ್​ 27ರವರೆಗೆ ಹನ್ನೊಂದು ಸಂಚಿಕೆ ಪ್ರಸಾರವಾಗಲಿದ್ದು, 21 ಮಕ್ಕಳ ಪ್ರತಿಭೆ ಪ್ರದರ್ಶನವಾಗಲಿದೆ. ನೆಟ್​ವರ್ಕ್​ 18 ಟಿವಿಯಲ್ಲಿ 70 ಕೋಟಿ ಮತ್ತು ಡಿಜಿಟಲ್​ನಲ್ಲಿ 20 ಕೋಟಿ ಜನರನ್ನು ತಲುಪಿದ ದೊಡ್ಡ ಜಾಲತಾಣವಾಗಿದೆ. ಭವಿಷ್ಯದ ಭಾರತದ ಬೈಜೂಸ್​ನ ಯುವ ಪ್ರತಿಭೆಗಳನ್ನು ನೋಡುತ್ತೇವೆ ಎಂದರು.

    ಕಾರ್ಯಕ್ರಮದ ಶೀರ್ಷಿಕೆ ಗೀತೆ ಬಿಡುಗಡೆ ಕುರಿತು ಮಾತನಾಡಿದ ಬೈಜುಸ್​ ಮಾರ್ಕೆಟಿಂಗ್​ ವೈಸ್​ ಪ್ರೆಸಿಡೆಂಟ್​, ಪ್ರತಿ ಮಗುವು ವಿಶಿಷ್ಟ. ತಮ್ಮದೇ ಆದ ಪ್ರತಿಭೆಯನ್ನು ಮಕ್ಕಳು ಹೊಮದಿರುತ್ತಾರೆ. ಬೈಜುಸ್​ ಯಂಗ್​ ಜೀನಿಯಸ್​ ಮಕ್ಕಳು ಆಯ್ಕೆಮಾಡುವ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಅಸಾಧಾರಣ ಮಕ್ಕಳ ಪ್ರತಿಭೆಗಳ ಪ್ರದರ್ಶಿಸುವ ವೇದಿಕೆಯಾಗಿದೆ. ಈ ಮೂಲಕ ಇಂದು ದೇಶಾದ್ಯಾಂತದ ಮಕ್ಕಳು ಕೂಡ ತಮ್ಮಲ್ಲಿನ ಕೌಶಲ್ಯವೃದ್ಶಿಸಲು ಉತ್ಸಾಹ ತೋರಿ ಪರಿಶ್ರಮಿಸುವಂತೆ ಪ್ರೇರೇಪಿಸುತ್ತದೆ. ಈ ಅಭಿಯಾನ ಅವರ ಉತ್ಸಾಹ ಹೆಚ್ಚುವಂತೆ ಮಾಡುತ್ತದೆ ಎಂದರು.

    ಕಾರ್ಯಕ್ರಮ ಶಿರ್ಷೀಕೆ ಗೀತೆ ಕೇಳಲು ಕೆಳಗಿನ ಲಿಂಕ್​ ಕ್ಲಿಕ್​ ಮಾಡಿ
    https://www.youtube.com/watch?v=O5CU0hYqrfQ
    ಈ ಕಾರ್ಯಕ್ರಮದ ಪ್ರಚಾರದ ಕುರಿತ ಮಾಹಿತಿಗೆ #BYJUSYoungGenius ಫಾಲೋ ಮಾಡಿ ಅಥವಾ ಈ ಜಾಲತಾಣಕ್ಕೆ ಭೇಟಿ ನೀಡಿ
    https://www.news18.com/younggenius/

    ಈ ಕಾರ್ಯಕ್ರಮ ಜ. 16ರಿಂದ ಪ್ರತಿಶನಿವಾರ ಸಂಜೆ ನ್ಯೂಸ್​ 18ನೆಟ್​ವರ್ಕ್​ನಲ್ಲಿ ಪ್ರಸಾರವಾಗಲಿದೆ. ಭಾನುವಾರ ಬೆಳಗ್ಗೆ ಮತ್ತು ಮಧ್ಯಾಹ್ನ ಪುನರ್​ ಪ್ರಸಾರವಾಗಲಿದೆ.
    Published by:Seema R
    First published: