• Home
  • »
  • News
  • »
  • national-international
  • »
  • Nepal Plane Crash: ನೇಪಾಳ ವಿಮಾನ ದುರಂತದ ಕೊನೇ ಕ್ಷಣದ ವಿಡಿಯೋ ಭಾರತೀಯ ಯುವಕನ ಫೋನ್​ನಲ್ಲಿ ಸೆರೆ!

Nepal Plane Crash: ನೇಪಾಳ ವಿಮಾನ ದುರಂತದ ಕೊನೇ ಕ್ಷಣದ ವಿಡಿಯೋ ಭಾರತೀಯ ಯುವಕನ ಫೋನ್​ನಲ್ಲಿ ಸೆರೆ!

ನೇಪಾಳ ವಿಮಾನ ದುರಂತದ ಕೊನೇ ಕ್ಷಣದ ದೃಶ್ಯ

ನೇಪಾಳ ವಿಮಾನ ದುರಂತದ ಕೊನೇ ಕ್ಷಣದ ದೃಶ್ಯ

ಅಪಘಾತಕ್ಕೂ ಮೊದಲಿನ ಕ್ಷಣಗಳು ಹೇಳಲಾದ ಈ ವಿಡಿಯೋದಲ್ಲಿ ಭಾರತೀಯ ಪ್ರಜೆಯೊಬ್ಬರು ತಮ್ಮ ಫೋನ್‌ನಲ್ಲಿ ವಿಮಾನದ ಒಳಗೆ ಮತ್ತು ಹೊರಗಿನ ದೃಶ್ಯವನ್ನು ಚಿತ್ರೀಕರಿಸುತ್ತಿರುವುದು ಕಂಡುಬರುತ್ತದೆ. ಇದರ ಬೆನ್ನಲ್ಲೇ, ಫೋನ್‌ನ ರೆಕಾರ್ಡಿಂಗ್‌ನಲ್ಲಿ ಬೆಂಕಿಯ ಜ್ವಾಲೆ ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತದೆ.

ಮುಂದೆ ಓದಿ ...
  • Share this:

ಕಠ್ಮಂಡು(ಜ.16): ನೇಪಾಳದಲ್ಲಿ (Nepal) ಪತನಗೊಂಡ ಯೇತಿ ಏರ್‌ಲೈನ್ಸ್ (Yeti Airlines) ವಿಮಾನದ ಅವಶೇಷಗಳಡಿ ಸಿಕ್ಕ ಮೊಬೈಲ್ ಫೋನ್​ ಒಂದರಲ್ಲಿ, ವಿಮಾನ ಪತನಗೊಳ್ಳುವ ಕೆಲ ಸೆಕೆಂಡುಗಳ ಮೊದಲು ತೆಗೆದ ವಿಡಿಯೋ ಒಂದು ಸದ್ಯ ಭಾರೀ ವೈರಲ್ ಆಗಿದೆ. ಪತನಕ್ಕೂ (Nepal Plane Crash) ಮುನ್ನ ವಿಮಾನದೊಳಗೆ ಏನಾಗುತ್ತಿತ್ತು ಮತ್ತು ಇದ್ದಕ್ಕಿದ್ದಂತೆ ವಿಮಾನ ಹೇಗೆ ಪತನವಾಯಿತು ಎಂಬುದನ್ನು ಈ ವಿಡಿಯೋದಲ್ಲಿ ಕಾಣಬಹುದು. ಇಲ್ಲಿಯವರೆಗೆ ಬಂದಿರುವ ಮಾಹಿತಿಯ ಪ್ರಕಾರ, ಈ ಫೋನ್ ವಿಮಾನದಲ್ಲಿದ್ದ ಭಾರತೀಯ ಪ್ರಜೆಯದ್ದೆಂದು ಎಂದು ಹೇಳಲಾಗುತ್ತಿದೆ.


ಈ ಅಪಘಾತದಲ್ಲಿ ಇಲ್ಲಿಯವರೆಗೆ 72 ಜನರು ಸಾವನ್ನಪ್ಪಿದ್ದಾರೆ ಎಂಬ ಮಾಹಿತಿ ಲಭ್ಯಚವಾಗಿದೆ. ಇದೀಗ ಬೆಳಕಿಗೆ ಬಂದಿರುವ ವೀಡಿಯೋವನ್ನು ಅಪಘಾತಕ್ಕೂ ಕೆಲವು ಸೆಕೆಂಡುಗಳ ಮೊದಲು ಸೆರೆ ಹಿಡಿಯಲಾಗಿದೆ ಎಂದು ಹೇಳಲಾಗುತ್ತಿದೆ.



ಅಪಘಾತಕ್ಕೂ ಮುನ್ನ ಹೇಳಲಾದ ಈ ವಿಡಿಯೋದಲ್ಲಿ ಭಾರತೀಯ ಪ್ರಜೆಯೊಬ್ಬರು ತಮ್ಮ ಫೋನ್‌ನಲ್ಲಿ ವಿಮಾನದ ಒಳಗೆ ಮತ್ತು ಹೊರಗಿನ ದೃಶ್ಯವನ್ನು ಚಿತ್ರೀಕರಿಸುತ್ತಿರುವುದು ಕಂಡುಬರುತ್ತದೆ. ಇದಾದ ಕೆಲವೇ ಕ್ಷಣಗಳಲ್ಲಿ ವಿಮಾನವು ಒಂದು ಬದಿಗೆ ವಾಲುತ್ತಿರುವುದು ಕಂಡು ಬಂದಿದೆ. ಇದರ ಬೆನ್ನಲ್ಲೇ ಫೋನ್ ರೆಕಾರ್ಡಿಂಗ್‌ನಲ್ಲಿ ಬೆಂಕಿಯ ಜ್ವಾಲೆ ಕಾಣಿಸಿಕೊಂಡಿದೆ. ಈ ವೀಡಿಯೋ ಪೋಖರಾ ವಿಮಾನ ಪತನದ ದೃಶ್ಯವೆಂದೇ ಬಗ್ಗೆ ಹೇಳಲಾಗುತ್ತಿದೆ. ಆದರೆ, ಇದನ್ನು ಯಾರೂ ಈವರೆಗೆ ಅಧಿಕೃತವಾಗಿ ದೃಢಪಡಿಸಿಲ್ಲ.


ಇದನ್ನೂ ಓದಿ: Pokhara Plane Crash: ಸಂಕ್ರಾಂತಿ ದಿನವೇ ಭೀಕರ ವಿಮಾನ ದುರಂತ; 72 ಪ್ರಯಾಣಿಕರಿದ್ದ ವಿಮಾನ ಪತನ



ಈ ದುರಂತದಲ್ಲಿ ಐವರು ಭಾರತೀಯ ನಾಗರಿಕರೂ ಸಾವನ್ನಪ್ಪಿದ್ದಾರೆ. ಸಿಕ್ಕಿರುವ ಮಾಹಿತಿಯ ಪ್ರಕಾರ, ಈ ಎಲ್ಲಾ ಪ್ರಯಾಣಿಕರು ಉತ್ತರ ಪ್ರದೇಶದ ಗಾಜಿಪುರ ಜಿಲ್ಲೆಯ ನಿವಾಸಿಗಳು. ಅವರಲ್ಲಿ ಸೋನು ಜೈಸ್ವಾಲ್ ಎಂಬಾತ ವಿಮಾನ ಲ್ಯಾಂಡ್ ಆಗುವ ಮುನ್ನ ವಿಮಾನದ ಒಳಗಿನಿಂದ ಫೇಸ್ ಬುಕ್ ಲೈವ್ ಮಾಡುತ್ತಿದ್ದ. ಈ ವೇಳೆ ಈ ಅವಘಡ ಸಂಭವಿಸಿದೆ. ಮೃತಪಟ್ಟವರಲ್ಲಿ ಸೋನು ಜೈಸ್ವಾಲ್ ಕೂಡ ಸೇರಿದ್ದಾರೆ.



ಈ ವಿಡಿಯೋವನ್ನು ನೇಪಾಳದ ಮಾಜಿ ಸಂಸದ ಅಭಿಷೇಕ್ ಪ್ರತಾಪ್ ಕಳುಹಿಸಿರುವುದಾಗಿ ಎನ್​ಡಿಟಿವಿ ಹೇಳಿದೆ. ಸಚಿವರು ಈ ವಿಡಿಯೋವನ್ನು ತನ್ನ ಸ್ನೇಹಿತರೊಬ್ಬರು ಕಳುಹಿಸಿದ್ದಾರೆ ಎಂದು ಹೇಳಿದ್ದಾರೆ. ಇತ್ತ ಇದೇ ವಿಡಿಯೋ ಅವಶೇಷಗಳಡಿ ಪತ್ತೆಯಾದ ಮೊಬೈಲ್​ನಲ್ಲೂ ಪತ್ತೆಯಾಗಿದ್ದು, ದುರಂತಕ್ಕೂ ಮೊದಲಿನ ದೃಶ್ಯಗಳಾಗಿರಬಹುದು ಎಂದು ಅಂದಾಜಿಸಲಾಗಿದೆ.

Published by:Precilla Olivia Dias
First published: