HOME » NEWS » National-international » MUSLIM TEEN ARRESTED IN UP UNDER LOVE JIHAD LAW FOR WALKING HOME WITH A HINDU FRIEND RHHSN

ಹಿಂದೂ ಗೆಳತಿಯೊಂದಿಗೆ ನಡೆದು ಹೋಗುತ್ತಿದ್ದ ಮುಸ್ಲಿಂ ಬಾಲಕನ ಮೇಲೆ ಲವ್ ಜಿಹಾದ್ ಪ್ರಕರಣ ದಾಖಲಿಸಿ ಬಂಧನ

ಡಿಸೆಂಬರ್ 14 ರ ರಾತ್ರಿ 10 ಗಂಟೆ ಸುಮಾರಿಗೆ ಇಬ್ಬರು ಸ್ನೇಹಿತನ ಜನ್ಮ ದಿನದ ಪಾರ್ಟಿ ಮುಗಿಸಿಕೊಂಡು ನಡೆದುಕೊಂಡು ಬರುತ್ತಿದ್ದರು. ಈ ವೇಳೆ ಹಿಂದೂ ಸಂಘಟನೆಯ ಯುವಕರ ಗುಂಪೊಂದು ಇವರನ್ನು ಹಿಂಬಾಲಿಸಿಕೊಂಡು ಬಂದಿದೆ. ಬಾಲಕನನ್ನು ಬಡಿಗೆಯಿಂದ ಬಡಿದು, ಪ್ರಶ್ನೆ ಮಾಡಿದ್ದಾರೆ. ಬಳಿಕ ಇಬ್ಬರನ್ನು ಬಲವಂತವಾಗಿ ಪೊಲೀಸ್ ಠಾಣೆಗೆ ಎಳೆದುತಂದಿದ್ದಾರೆ. 

news18-kannada
Updated:December 25, 2020, 5:23 PM IST
ಹಿಂದೂ ಗೆಳತಿಯೊಂದಿಗೆ ನಡೆದು ಹೋಗುತ್ತಿದ್ದ ಮುಸ್ಲಿಂ ಬಾಲಕನ ಮೇಲೆ ಲವ್ ಜಿಹಾದ್ ಪ್ರಕರಣ ದಾಖಲಿಸಿ ಬಂಧನ
ಪ್ರಾತಿನಿಧಿಕ ಚಿತ್ರ
  • Share this:
ಲಕ್ನೋ (ಉತ್ತರಪ್ರದೇಶ): ಉತ್ತರಪ್ರದೇಶ ರಾಜ್ಯದಲ್ಲಿ ಹೊಸದಾಗಿ ಜಾರಿಗೆ ತರಲಾಗಿರುವ ಲವ್ ಜಿಹಾದ್ ಕಾನೂನನಡಿಯಲ್ಲಿ ಓರ್ವ ಮುಸ್ಲಿಂ ಹದಿಹರೆಯದ ಬಾಲಕನ ಮೇಲೆ ದೂರು ದಾಖಲಿಸಿ, ಜೈಲಿಗೆ ಕಳುಹಿಸಲಾಗಿದೆ. ರಾಜ್ಯದ ಬಿಜ್ನೋರ್​ ಎಂಬಲ್ಲಿ ಮುಸ್ಲಿಂ ಬಾಲಕ ತನ್ನ ಮಾಜಿ ಸಹಪಾಠಿ ಹುಟ್ಟುಹಬ್ಬದ ಕೂಟ ಮುಗಿಸಿಕೊಂಡು ದಲಿತ ಬಾಲಕಿಯೊಂದಿಗೆ ಮನೆಗೆ ನಡೆದುಕೊಂಡು ಹೋಗುವಾಗ ಆತನನ್ನು ಲವ್ ಜಿಹಾದ್ ಪ್ರಕರಣದಡಿ ಬಂಧಿಸಲಾಗಿದೆ.

ಆದರೆ, 16 ವರ್ಷದ ಆ ಬಾಲಕಿ ಲವ್ ಜಿಹಾದ್ ಆರೋಪವನ್ನು ಬಲವಾಗಿ ತಳ್ಳಿ ಹಾಕಿದ್ದಾರೆ. ನಾನು ಇದನ್ನು ಮ್ಯಾಜಿಸ್ಟ್ರೇಟ್​ಗೆ ತಿಳಿಸಿದ್ದೇನೆ. ಮತ್ತೊಮ್ಮೆ ಹೇಳುತ್ತಿದ್ದೇನೆ. ನನ್ನ ಸ್ನೇಹಿತನೊಂದಿಗೆ ನಡೆದುಹೋಗುವುದು ಕೆಲವರಿಗೆ ತೊಂದರೆಯಾಗಿದೆ. ಅವರು ಅದನ್ನು ವಿಡಿಯೋ ಮಾಡಿಕೊಂಡಿದ್ದಾರೆ ಮತ್ತು ಲವ್ ಜಿಹಾದ್ ಎಂದು ಕರೆದಿದ್ದಾರೆ. ನಾನು ಯಾವುದೇ ತಪ್ಪು ಮಾಡಿಲ್ಲ. ನಾನು ನನ್ನ ಇಚ್ಛೆಯಂತೆ ಹೋಗುತ್ತಿದ್ದೆ ಎಂದು ಬಾಲಕಿ ಇಂಡಿಯನ್ ಎಕ್ಸ್​ಪ್ರೆಸ್​ಗೆ ಹೇಳಿದ್ದಾಳೆ.



 ಡಿಸೆಂಬರ್ 15ರಂದು ಬಾಲಕನನ್ನು ಬಂಧಿಸಲಾಗಿದೆ. ಆತನ ಮೇಲೆ ಎಸ್​ಸಿ/ಎಸ್​ಟಿ ಕಾಯ್ದೆ, ಹಾಗೂ ಪೋಸ್ಕೊ ಕಾಯ್ದೆಯಡಿ ಪ್ರಕರಣಗಳನ್ನು ದಾಖಲಿಸಲಾಗಿದೆ. ಬಾಲಕಿ ತಂದೆ ನೀಡಿದ ದೂರಿನ ಆಧಾರದ ಮೇಲೆ ಎಫ್​ಐಆರ್​ ದಾಖಲಿಸಲಾಗಿದೆ. ಬಾಲಕಿಯನ್ನು ಉದ್ದೇಶಪೂರ್ವಕವಾಗಿ ಮದುವೆಯಾಗಿ ಆಕೆಯನ್ನು ಧರ್ಮಾಂತರ ಮಾಡುವ ಸಂಚು ರೂಪಿಸಲಾಗಿದೆ ಎಂದು ವರದಿ ಮಾಡಲಾಗಿದೆ.


ಇದನ್ನು ಓದಿ: ಕೇರಳದಲ್ಲಿ ಮೇಯರ್ ಆದ ಕಾಲೇಜು ವಿದ್ಯಾರ್ಥಿನಿ ಆರ್ಯಾ ರಾಜೇಂದ್ರನ್ ಹೊಸ ದಾಖಲೆ

ಆದರೆ, ಬಾಲಕಿ ತಂದೆ ಕೂಡ ಈ ದೂರನ್ನು ಮತ್ತು ಪೊಲೀಸರು ನೀಡಿರುವ ಹೇಳಿಕೆಯನ್ನು ತಿರಸ್ಕರಿಸಿದ್ದಾರೆ. ನಾನು ನನ್ನ ಮಗಳನ್ನು ಸಂಪೂರ್ಣವಾಗಿ ನಂಬುತ್ತೇನೆ. ಆಕೆ ಏನು ತಪ್ಪು ಮಾಡಿದ್ದಾಳೆ. ಹುಡುಗ ಮತ್ತು ಹುಡುಗಿ ಜೊತೆಯಾಗಿ ನಡೆದುಕೊಂಡು ಹೋಗುವುದೇ ಈಗ ಕಾನೂನುಬಾಹಿರವೇ? ಎಂದು ಇಂಡಿಯನ್ ಎಕ್ಸ್​ಪ್ರೆಸ್​ ಗೆ ನೀಡಿರುವ ಸಂದರ್ಶನದಲ್ಲಿ ಹೇಳಿದ್ದಾರೆ.

ಡಿಸೆಂಬರ್ 14 ರ ರಾತ್ರಿ 10 ಗಂಟೆ ಸುಮಾರಿಗೆ ಇಬ್ಬರು ಸ್ನೇಹಿತನ ಜನ್ಮ ದಿನದ ಪಾರ್ಟಿ ಮುಗಿಸಿಕೊಂಡು ನಡೆದುಕೊಂಡು ಬರುತ್ತಿದ್ದರು. ಈ ವೇಳೆ ಹಿಂದೂ ಸಂಘಟನೆಯ ಯುವಕರ ಗುಂಪೊಂದು ಇವರನ್ನು ಹಿಂಬಾಲಿಸಿಕೊಂಡು ಬಂದಿದೆ. ಬಾಲಕನನ್ನು ಬಡಿಗೆಯಿಂದ ಬಡಿದು, ಪ್ರಶ್ನೆ ಮಾಡಿದ್ದಾರೆ. ಬಳಿಕ ಇಬ್ಬರನ್ನು ಬಲವಂತವಾಗಿ ಪೊಲೀಸ್ ಠಾಣೆಗೆ ಎಳೆದುತಂದಿದ್ದಾರೆ.
Published by: HR Ramesh
First published: December 25, 2020, 5:23 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories