HOME » NEWS » National-international » MUMBAI TERROR ATTACK MASTER MIND ZAKIUR REHMAN LAKHVI SENTENCED 15 YEARS JAIL IN PAKISTAN SESR

ಮುಂಬೈ ದಾಳಿ ಮಾಸ್ಟರ್​ಮೈಂಡ್​ ಝಕೀರ್​ ರೆಹಮಾನ್​ ಲಖ್ವಿಗೆ 15 ವರ್ಷ ಜೈಲು ಶಿಕ್ಷೆ ವಿಧಿಸಿದ ಪಾಕ್​ ನ್ಯಾಯಾಲಯ

Mumbai terror attack mastermind: ಲಖ್ವಿಯನ್ನು ಆರು ದಿನಗಳ ಹಿಂದೆ ಭಯೋತ್ಪಾದಕ ಹಣಕಾಸು ಆರೋಪದ ಮೇಲೆ ಬಂಧಿಸಲಾಗಿದೆ.

news18-kannada
Updated:January 8, 2021, 4:47 PM IST
ಮುಂಬೈ ದಾಳಿ ಮಾಸ್ಟರ್​ಮೈಂಡ್​ ಝಕೀರ್​ ರೆಹಮಾನ್​ ಲಖ್ವಿಗೆ 15 ವರ್ಷ ಜೈಲು ಶಿಕ್ಷೆ ವಿಧಿಸಿದ ಪಾಕ್​ ನ್ಯಾಯಾಲಯ
ಝಕೀರ್​ ರೆಹಮಾನ್​ ಲಖ್ವಿ
  • Share this:
ನವದೆಹಲಿ (ಜ.8): ಮುಂಬೈ ಭಯೋತ್ಪಾದಕ ದಾಳಿಯ ಮಾಸ್ಟರ್​ ಮೈಂಡ್​ ಆದ ಲಷ್ಕರ್​ ಇ ತೊಯ್ಬಾ ಸಂಘಟನೆಯ ಝಕೀರ್​ ರೆಹಮಾನ್​ ಲಖ್ವಿಗೆ ಪಾಕ್​ನ ಭಯೋತ್ಪಾದನಾ ವಿರೋಧಿ ನ್ಯಾಯಾಲಯ 15 ವರ್ಷ ಜೈಲು ಶಿಕ್ಷೆ ವಿಧಿಸಿದೆ ಎಂದು ಪಾಕಿಸ್ತಾನದ ಮಾಧ್ಯಮಗಳು ವರದಿ ಮಾಡಿವೆ. ಲಖ್ವಿಯನ್ನು ಆರು ದಿನಗಳ ಹಿಂದೆ ಭಯೋತ್ಪಾದಕ ಹಣಕಾಸು ಆರೋಪದ ಮೇಲೆ ಬಂಧಿಸಲಾಗಿದೆ. 2015ರಿಂದ ಜಾಮೀನಿನ ಮೇಲೆ ಹೊರಗಿದ್ದ ಈತನನ್ನು ಪಂಜಾಬ್​ ಪ್ರಾಂತ್ಯದ ಭಯೋತ್ಪದನಾ ನಿಗ್ರಹ ಇಲಾಖೆ (ಸಿಟಿಡಿ) ಬಂಧಿಸಿದೆ. ಈ ಪ್ರಕರಣದ ಕುರಿತು ಲಾಹೋರ್​ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಾಗಿದೆ. 2015ರಲ್ಲಿ ರಾವಲ್ಪಿಂಡಿಯ ಜೈಲಿನಿಂದ ಜಾಮೀನಿನ ಮೇಲೆ ಬಿಡುಗಡೆಯಾಗಿದ್ದ ಈತನ ಪತ್ತೆಗೆ ತೀವ್ರ ಶೋಧ ನಡೆದಿತ್ತಾದರೂ, ಈತನ ಸುಳಿವು ಸಿಕ್ಕಿರಲಿಲ್ಲ.

ಸೆರೆವಾಸದಲ್ಲಿದ್ದಾಗಲೂ ಈತ ಜೈಲಿನಿಂದಲೇ ಎಲ್​ ಇಟಿ ಚಟುವಟಿಕೆಗಳನ್ನು ನಿಯಂತ್ರಿಸುವಲ್ಲಿ ಪ್ರಮುಖ ಪಾತ್ರವಹಿಸಿದ್ದ. ಅಲ್ಲದೇ ಮುಂಬೈನಲ್ಲಿ ನಡೆದ ಭಯೋತ್ಪಾದಕ ದಾಳಿಯ ಮಾಸ್ಟರ್​ ಮೈಂಡ್​ ಈತನದೇ ಎಂದು ತಿಳಿದುಬಂತಿತು.

ಇದನ್ನು ಓದಿ: ಶೀಘ್ರದಲ್ಲಿಯೇ ದೇಶದ ಎಲ್ಲರಿಗೂ ಕೊರೋನಾ ಲಸಿಕೆ ; ಸಚಿವ ಹರ್ಷವರ್ಧನ್​

ಈತನ ಔಷಧಲಯವೊಂದನ್ನು ನಡೆಸುತ್ತಿದ್ದ ಈ ಮೂಲಕ ಭಯೋತ್ಪಾದನೆಗೆ ಹಣ ಸಂಗ್ರಹಿಸುತ್ತಿದ್ದ. ಈ ಔಷಧಾಲಯದ ಮೂಲಕ ಈತ ಮತ್ತು ಈತನ ಸಹಚರರು ಹಣ ಸಂಗ್ರಹಿಸುತ್ತಿದ್ದರು. ಅಲ್ಲದೇ ಈ ಹಣವನ್ನು ತನ್ನ ವೈಯಕ್ತಿಕ ಖರ್ಚಿಗೂ ಕೂಡ ಈತ ಬಳಸುತ್ತಿದ್ದ ಎಂದು ಸಿಟಿಡಿ ಕಳೆದ ವಾರ ತಿಳಿಸಿತು.

ಲಿಖ್ವಿಯನ್ನು ಭಯೋತ್ಪಾದನಾ ಹಣಕಾಸು ವ್ಯವಹಾರ ಸಂಬಂಧ ಸಿಟಿಡಿ ಪಂಜಾಬ್​ನಲ್ಲಿ ವಿಚಾರಣೆ ನಡೆಸುತ್ತಿದ್ದು, ಶೀಘ್ರದಲ್ಲಿಯೇ ಲಾಹೋರ್​ನ ಭಯೋತ್ಪಾದನಾ ನಿಗ್ರಹ ನ್ಯಾಯಲಯದ ಮುಂದೆ ಹಾಜರು ಪಡಿಸಲಿದೆ ಎಂದು ಪಿಟಿಐ ವರದಿ ಮಾಡಿದೆ.
2008ರಲ್ಲಿ ವಿಶ್ವಸಂಸ್ಥೆ ಲಿಖ್ವಿಯನ್ನು ಜಾಗತಿಕ ಭಯೋತ್ಪಾದಕನ ಪಟ್ಟಿಗೆ ಸೇರಿಸಿದೆ. ಈತ ಅಲ್​ಖೈದಾ ಮತ್ತು ಎಲ್​ಇಟಿಯೊಂದಿಗೆ ಹಣಕಾಸು, ಭಯೋತ್ಪಾದಕ ಕೃತ್ಯಗಳ ಯೋಜನೆ ರೂಪಿಸುತ್ತಿದ್ದ ಎಂದು ಆರೋಪಿಸಲಾಗಿದೆ.
Published by: Seema R
First published: January 8, 2021, 4:47 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories