ಮುಂಬೈನಲ್ಲಿ ಹೈ-ಟೆಕ್ ವೇಶ್ಯಾವಾಟಿಕೆ ಜಾಲ ಭೇದಿಸಿದ ಪೊಲೀಸ್; 8 ಮಾಡೆಲ್​ಗಳ ರಕ್ಷಣೆ

ಮುಂಬೈ(ಜ. 20): ಮಹಾರಾಷ್ಟ್ರ ರಾಜಧಾನಿ ಹಾಗೂ ವಾಣಿಜ್ಯ ನಗರಿಯಲ್ಲಿ ಅಲ್ಲಿನ ಪೊಲೀಸರು ಹೈ-ಟೆಕ್ ವೇಶ್ಯಾವಾಟಿಕೆ ಜಾಲವೊಂದನ್ನು ಭೇದಿಸಿದ್ದಾರೆ. ಪ್ರತಿಷ್ಠಿತ ಪ್ರದೇಶವೊಂದರಲ್ಲಿನ ಹೈಟೆಕ್ ಹೋಟೆಲ್​ನಲ್ಲಿ ಮಾಂಸದಂಧೆ ನಡೆಯುತ್ತಿರುವ ಸುಳಿವು ಪಡೆದ ಕ್ರೈಮ್ ಇಂಟೆಲಿಜೆನ್ಸ್ ಘಟಕ ತತ್​ಕ್ಷಣವೇ ಕಾರ್ಯಪ್ರವೃತ್ತಗೊಂಡು ಕಾರ್ಯಾಚರಣೆ ನಡೆಸಿದೆ. ದಂಧೆಯಲ್ಲಿ ಬಳಕೆಯಾಗುತ್ತಿದ್ದ ಎಂಟು ಮಂದಿ ಯುವತಿಯರನ್ನು ಪೊಲೀಸರು ರಕ್ಷಿಸಿದ್ದಾರೆ.

ಜುಹು ಬೀಚ್​ನಲ್ಲಿನ ಪ್ರತಿಷ್ಠಿತ ಹೋಟೆಲ್​ನಲ್ಲಿ ಮಂಗಳವಾರ ಮುಂಬೈ ಪೊಲೀಸರು ರೇಡ್ ನಡೆಸಿ ಈ ಜಾಲವನ್ನು ಪತ್ತೆ ಮಾಡಿ ಮೂವರನ್ನು ಬಂಧಿಸಿದ್ದಾರೆ. ರಕ್ಷಣೆಯಾದ ಎಂಟು ಯುವತಿಯರು ಬಲವಂತವಾಗಿ ವೇಶ್ಯಾವಾಟಿಕೆಗೆ ದೂಡಲ್ಪಟ್ಟಿರುವುದು ತಿಳಿದುಬಂದಿದೆ. ಈಗ ಈ ಯುವತಿಯರನ್ನು ಪುನಶ್ಚೇತನ ಗೃಹಕ್ಕೆ ಕಳುಹಿಸಲಾಗಿದೆ.

ಇದನ್ನೂ ಓದಿ: Gang Rape: ದಲಿತ ಯುವತಿ ಮೇಲೆ ಅತ್ಯಾಚಾರವೆಸಗಿ, ನೇಣು ಹಾಕಿ ಕೊಂದ ಕಾಮುಕರು

ಮುಂಬೈನಲ್ಲಿ ವೇಶ್ಯಾವಾಟಿಕೆ ಎಗ್ಗಿಲ್ಲದೆ ನಡೆಯುತ್ತದೆ. ವರ್ಷದ ಹಿಂದೆ ಮಾಂಸದಂಧೆ ನಡೆಯುತ್ತಿದ್ದ ಅನಧಿಕೃತ ವೇಶ್ಯಾಗೃಹವೊಂದರಲ್ಲಿ ಪೊಲೀಸರು ರೇಡ್ ಮಾಡಿ 29 ಮಂದಿಯನ್ನು ಬಂಧಿಸಿದ್ದರು. 135 ಮಹಿಳೆಯರನ್ನು ರಕ್ಷಣೆ ಮಾಡಿದ್ದರು.