Mid Day Meal: ಮಧ್ಯಾಹ್ನದ ಬಿಸಿಯೂಟ ಯೋಜನೆ ಇನ್ಮೇಲೆ ಪಿಎಂ ಪೋಷಣ್

ಪ್ರಾಥಮಿಕ ಶಾಲೆ ಮತ್ತು ಅಂಗನವಾಡಿ ಮಕ್ಕಳಿಗೆ ಈ ಬಿಸಿಯೂಟ ಯೋಜನೆಯನ್ನು ನೀಡಲಾಗುತ್ತಿದೆ. ಈ ಯೋಜನೆಯಿಂದ ದೇಶದ 11.20 ಲಕ್ಷ ಶಾಲೆಗಳಲ್ಲಿ 11. 80 ಕೋಟಿ ಮಕ್ಕಳಿಗೆ ಮಧ್ಯಾಹ್ನದ ಬಿಸಿಯೂಟ ತಲುಪುತ್ತಿದೆ.

ಮಧ್ಯಾಹ್ನದ ಬಿಸಿಯೂಟ ಯೋಜನೆ

ಮಧ್ಯಾಹ್ನದ ಬಿಸಿಯೂಟ ಯೋಜನೆ

  • Share this:
    ​ ನವದೆಹಲಿ (ಸೆ. 29): ದೇಶದ ಪ್ರಾಥಮಿಕ ಶಾಲೆಗಳಲ್ಲಿ ಮಕ್ಕಳ ಬೆಳವಣಿಗೆಗೆ ಸಹಾಯಕವಾಗುವಂತೆ ಸರ್ಕಾರಿ ಶಾಲೆಗಳಲ್ಲಿ ನೀಡಲಾಗುತ್ತಿರುವ ಉಚಿತ ಮಧ್ಯಾಹ್ನದ ಬಿಸಿಯೂಟ ಕಾರ್ಯಕ್ರಮ ಜನಪ್ರಿಯ ಯೋಜನೆಗಳಲ್ಲಿ ಒಂದು. ಬಡ ಮಕ್ಕಳ ಪೌಷ್ಟಿಕತೆ ಹೆಚ್ಚಿಸಲು, ಮಕ್ಕಳನ್ನು ಶಾಲೆಗಳತ್ತ ಕರೆತರುವಲ್ಲಿ ಈ ಮಧ್ಯಾಹ್ನದ ಬಿಸಿಯೂಟ (Mid Day Meal) ಕಾರ್ಯಕ್ರಮ ಯಶಸ್ವಿಯಾಗಿದೆ. ರಾಷ್ಟ್ರದಾದ್ಯಂತ ಜನಪ್ರಿಯತೆ ಪಡೆದಿರುವ ಈ ಮಧ್ಯಾಹ್ನದ ಬಿಸಿಯೂಟ ಕಾರ್ಯಕ್ರಮಕ್ಕೆ ಕೇಂದ್ರ ಸರ್ಕಾರ ಪುನರ್​ ನಾಮಕರಣ ಮಾಡಲು ಮುಂದಾಗಿದೆ. ಎಲ್ಲೆಡೆ ಮಧ್ಯಾಹ್ನದ ಬಿಸಿಯೂಟ ಎಂದೇ ಪರಿಚಿತವಾಗಿರುವ ಈ ಯೋಜನೆಗೆ ಇನ್ಮುಂದೆ ಪಿಎಂ ಪೋಷಣ್​​ ಶಕ್ತಿ ನಿರ್ಮಾಣ ಯೋಜನೆ (PM Poshan) ಎಂದು ಮರುನಾಮಕರಣ ಮಾಡಲಾಗಿದೆ.

    ಪ್ರಾಥಮಿಕ ಶಾಲೆ ಮತ್ತು ಅಂಗನವಾಡಿ ಮಕ್ಕಳಿಗೆ ಈ ಬಿಸಿಯೂಟ ಯೋಜನೆಯನ್ನು ನೀಡಲಾಗುತ್ತಿದೆ. ಈ ಯೋಜನೆಯಿಂದ ದೇಶದ 11.20 ಲಕ್ಷ ಶಾಲೆಗಳಲ್ಲಿ 11. 80 ಕೋಟಿ ಮಕ್ಕಳಿಗೆ ಮಧ್ಯಾಹ್ನದ ಬಿಸಿಯೂಟ ತಲುಪುತ್ತಿದೆ.

    ಯೋಜನೆಯಲ್ಲಿ ಅನೇಕ ಬದಲಾವಣೆ

    ಇನ್ನು ಈ ಕಾರ್ಯಕ್ರಮದಲ್ಲಿ ಹಲವಾರು ಮಾರ್ಪಡುಗಳನ್ನು ಕೂಡ ಮಾಡಲಾಗಿದೆ. ಇದರಲ್ಲಿ ಸ್ಥಳೀಯ ಮಹಿಳೆಯರಿಗೆ ಉತ್ತೇಜನ, ತೋಟಗಾರಿಕೆಗೆ ಪ್ರೋತ್ಸಾಹ, ಅಡುಗೆ ಸ್ಪರ್ಧೆ, ರಕ್ತ ಹೀನತೆಯಿಂದ ಬಳಲುತ್ತಿರುವ ಮಕ್ಕಳಿಗೆ ಹೆಚ್ಚಿನ ಪೋಷಕಾಂಶ ನೀಡುವುದು ಸೇರಿದಂತೆ ಹಲವು ಬದಲಾವಣೆಗಳನ್ನು ಈ ಯೋಜನೆಯಲ್ಲಿ ಅಳವಡಿಸಲಾಗಿದೆ.
    ಕೇಂದ್ರ ಸರ್ಕಾರ ಮುಂದಿನ ಐದು ವರ್ಷಗಳಿಗೆ ಪಿಎಂ ಪೋಷಣ್​ ಯೋಜನೆ ಆಹಾರ ಧಾನ್ಯಗಳಿಗೆ 99,061,73 ಕೋಟಿ ರೂ ಭರಿಸಲಿದೆ ಎಂದು ಕೇಂದ್ರ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ್ ತಿಳಿಸಿದರು. ಈ ಯೋಜನೆ ಸಾಮಾಜಿಕ ಲೆಕ್ಕಪರಿಶೋಧನೆ, ಶಾಲಾ ಪೌಷ್ಠಿಕಾಂಶ ತೋಟಗಳು ಮತ್ತು ಇತರ ಹಲವು ಕ್ರಮಗಳು ಯೋಜನೆಯ ಪರಿಣಾಮಕಾರಿ ಅನುಷ್ಠಾನಕ್ಕೆ ಸಹಾಯ ಮಾಡುತ್ತದೆ. ಕಲಿಕೆ ಮತ್ತು ಪೌಷ್ಟಿಕಾಂಶದ ಫಲಿತಾಂಶಗಳನ್ನು ಹೆಚ್ಚಿಸುತ್ತದೆ ಎಂದರು

    ಪೌಷ್ಟಿಕಾಂಶಯುಕ್ತ ಆಹಾರಕ್ಕೆ ಒತ್ತು

    ಆತ್ಮನಿರ್ಭರ ಭಾರತ್ ನ ಉದ್ದೇಶದಂತೆ ಸ್ಥಳೀಯರಿಗೆ ಧ್ವನಿ (Vocal4Local ) ಮೂಲಕ ಪಿಎಂ ಪೋಷಣ್​ ಯೋಜನೆ ಅನುಷ್ಟಾನ ಮಾಡಲಾಗುವುದು. ಈ ಯೋಜನೆ ಅಡಿ ಈಗಾಗಲೇ ಶಾಲಾ ಆವರಣದಲ್ಲಿ ತೋಟಗಳ ಅಭಿವೃದ್ಧಿಗೆ ಸರ್ಕಾರ ಒತ್ತು ನೀಡಿದೆ. ದೇಶದಲ್ಲಿ 3 ಲಕ್ಷಕ್ಕೂ ಹೆಚ್ಚು ಶಾಲೆಗಳಲ್ಲಿ ತೋಟಗಳಿದ್ದು, ಅಲ್ಲಿಯೇ ತರಕಾರಿ ಬೆಳೆಯಲಾಗುತ್ತಿದೆ. ಇನ್ಮುಂದೆ ಹೆಚ್ಚು ಪೌಷ್ಠಿಂಕಾಶಯುಕ್ತ ತರಕಾರಿ ಬೆಳೆಯಲು ಉತ್ತೇಜಿಸಲಾಗುವುದು. ರಕ್ತ ಹೀನತೆ ಇರುವ ಶಾಲೆಗಳಲ್ಲಿ ಹೆಚ್ಚಿನ ಪೌಷ್ಠಿಕಾಂಶದ ವಸ್ತುಗಳನ್ನು ಒದಗಿಸಲಾಗುವುದು ಎಂದು ಮಾಹಿತಿ ನೀಡಿದರು

    ಇದನ್ನು ಓದಿ: ದಸರಾ ಬಳಿಕ 3ರಿಂದ5ನೇ ತರಗತಿ ಶಾಲೆ ಆರಂಭ; 6ರಿಂದ 12ನೇ ವಿದ್ಯಾರ್ಥಿಗಳಿಗೆ ಪೂರ್ಣಾವಧಿ ತರಗತಿ

    ಯೋಜನೆ ಅಡಿ ಅಡುಗೆ ಸ್ಪರ್ಧೆ

    ಇನ್ನು ವಿಶೇಷ ಎಂದರೆ ಈ ಯೋಜನೆ ಅಡಿ ಅಡುಗೆ ಸ್ಪರ್ಧೆಯನ್ನು ಕೂಡ ಏರ್ಪಡಿಸಲಾಗುವುದು. ಗ್ರಾಮದಿಂದ ರಾಷ್ಟ್ರಮಟ್ಟದವರೆಗೆ ಎಲ್ಲಾ ಹಂತಗಳಲ್ಲಿ ಸಂಪ್ರದಾಯಿಕ ಅಡುಗೆ ಸ್ಪರ್ಧೆ ಏರ್ಪಡಿಸಲಾಗುವುದು

    ಇದನ್ನು ಓದಿ: ರಾಜ್ಯದ ನಾಲ್ಕು ಕಾಲೇಜುಗಳಲ್ಲಿ ಕನ್ನಡ ಮಾಧ್ಯಮದಲ್ಲಿ ಇಂಜಿನಿಯರಿಂಗ್​ ಶಿಕ್ಷಣ; ಸಚಿವ ಅಶ್ವತ್ಥ್​ ನಾರಾಯಣ

    ಮುಂದಿನ ಐದು ವರ್ಷಗಳ ಕಾಲೆ ಯೋಜನೆ ಮುಂದುವರಿಕೆ

    ಮುಂದಿನ ಐದು ವರ್ಷಗಳ ಕಾಲ ಈ ರಾಷ್ಟ್ರೀಯ ಯೋಜನೆ ಮುಂದುವರೆಸಲು ಕ್ಯಾಬಿನೆಟ್​ ಅನುಮೋದನೆ ನೀಡಿದೆ. ಕೇಂದ್ರ ಸರ್ಕಾರದಿಂದ 54061.73 ಕೋಟಿ ರೂ ಮತ್ತು ರಾಜ್ಯ ಸರ್ಕಾರಗಳಿಂದ 31,733.17 ಕೋಟಿ ರೂ ವನ್ನು ಈ ಯೋಜನೆಗೆ ನೀಡಲಾಗುವುದು. ಆಹಾರ ಧಾನ್ಯಗಳ ಮೇಲೆ 45000 ಕೋಟಿ ರೂಪಾಯಿಗಳ ಹೆಚ್ಚುವರಿ ವೆಚ್ಚವನ್ನು ಕೇಂದ್ರ ಸರ್ಕಾರ ಭರಿಸುತ್ತದೆ. ಒಟ್ಟು ಯೋಜನೆಗೆ 1,30,794.90 ಕೋಟಿ ರೂ ಮೀಸಲಿಡಲಾಗಿದೆ
    Published by:Seema R
    First published: