Bombay High court: ಯುವತಿಯರು ಫ್ರೆಂಡ್​ಶಿಪ್ ಮಾಡಿದ್ರೆ ಅದು ದೈಹಿಕ ಸಂಪರ್ಕದ ಅನುಮತಿ ಅಲ್ಲ!

ಒಬ್ಬಳು ಯುವತಿ ನಿಮ್ಮ ಜೊತೆ ಆತ್ಮೀಯವಾಗಿ ಮಾತನಾಡಿದ ಕಾರಣಕ್ಕೋ ಅಥವಾ ಸ್ನೇಹಿತೆಯಾಗಿರುವುದಕ್ಕೋ ಆಕೆ ನಿಮ್ಮ ಜೊತೆ ದೈಹಿಕ ಸಂಪರ್ಕಕ್ಕೆ ಒಪ್ಪಿದ್ದಾಳೆ ಎಂದು ಅರ್ಥವಲ್ಲ ಎಂದು ಬಾಂಬೆ ಹೈಕೋರ್ಟ್ ಹೇಳಿದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
ಮುಂಬೈ(ಜೂ.28): ಬಾಂಬೆ ಹೈಕೋರ್ಟ್ (Bombay High court) ಇತ್ತೀಚೆಗೆ ಮಹಿಳೆಯೊಂದಿಗೆ ಸ್ನೇಹ ಸಂಬಂಧವನ್ನು (Friendship) ಹಂಚಿಕೊಳ್ಳುವುದು ಪುರುಷನು ಅವಳನ್ನು ಲಘುವಾಗಿ ಪರಿಗಣಿಸಲು ಅನುಮತಿಸುವುದಿಲ್ಲ ಎಂದು ಸ್ಪಷ್ಟಪಡಿಸಿದೆ. ಯುವತಿ ಗೆಳೆತನ ಬೆಳೆಸಿದರೆ ದೈಹಿಕ ಸಂಬಂಧವನ್ನು (Physical Relationship) ಹೊಂದಲು ಅವಳು ಒಪ್ಪಿದ್ದಾಳೆ ಎಂದು ಅರ್ಥ ಮಾಡಿಕೊಳ್ಳುವ ಹಾಗಿಲ್ಲ ಎಂದು ಎಚ್ಚರಿಕೆ ನೀಡಿದೆ. ಜೂನ್ 24 ರಂದು ನ್ಯಾಯಮೂರ್ತಿ ಭಾರತಿ ಎಚ್ ಡಾಂಗ್ರೆ ಅವರ ಏಕಸದಸ್ಯ ಪೀಠ, ಮದುವೆಯ (Marriage) ನೆಪದಲ್ಲಿ ಮಹಿಳೆಯ ಮೇಲೆ ಅತ್ಯಾಚಾರವೆಸಗಿದ್ದ (Rape) ಆರೋಪದಡಿಯಲ್ಲಿ ದಾಖಲಾಗಿದ್ದ ಪ್ರಕರಣದ ವಿಚಾರಣೆ ನಡೆಸುತ್ತಿದ್ದರು. ಆರೋಪ ಹೊತ್ತ ವ್ಯಕ್ತಿಯೊಬ್ಬನಿಗೆ ನಿರೀಕ್ಷಣಾ ಜಾಮೀನು ತಿರಸ್ಕರಿಸಿದಾಗ, ಆಕೆಯೊಂದಿಗಿನ ಅವನ ಸ್ನೇಹ ಸಂಬಂಧವು ಆಕೆಯನ್ನು ಬಲವಂತಪಡಿಸುವ ಲೈಸೆನ್ಸ್ ಕೊಡುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ದೂರುದಾರರು ತಮ್ಮ ವಿರುದ್ಧ ದಾಖಲಿಸಿದ ಎಫ್‌ಐಆರ್‌ಗೆ ಸಂಬಂಧಿಸಿದಂತೆ ಬಂಧಿತರಾದ ನಗರದ ನಿವಾಸಿ ಆಶಿಶ್ ಚಕೋರ್ ಅವರು ಸಲ್ಲಿಸಿದ ನಿರೀಕ್ಷಣಾ ಜಾಮೀನು ಅರ್ಜಿಯನ್ನು ನ್ಯಾಯಮೂರ್ತಿ ಡಾಂಗ್ರೆ ವಿಚಾರಣೆ ನಡೆಸುತ್ತಿದ್ದರು.

ಕಾಮನ್ ಫ್ರೆಂಡ್​ ಮನೆಯಲ್ಲಿ ಬಲವಂತ

ಪ್ರಾಸಿಕ್ಯೂಷನ್ ಪ್ರಕಾರ, ಒಬ್ಬರಿಗೊಬ್ಬರು ಸಂಕ್ಷಿಪ್ತವಾಗಿ ಪರಿಚಯವಿದ್ದ ದೂರುದಾರರು ಮತ್ತು ಅರ್ಜಿದಾರರು 2019 ರಲ್ಲಿ ಕಾಮನ್ ಫ್ರೆಂಡ್ ಮನೆಗೆ ಭೇಟಿ ನೀಡಿದ್ದರು. ಅಲ್ಲಿ ಅರ್ಜಿದಾರನು ತನ್ನ ಮೇಲೆ ಲೈಂಗಿಕ ಸಂಬಂಧ ಹೊಂದು ಬಲವಂತ ಎಂದು ಆರೋಪಿಸಲಾಗಿದೆ.

ಮದುವೆಯ ಭರವಸೆ ನೀಡಿ ಮೋಸ

ಅವಳು ಅವನ ಕೃತ್ಯವನ್ನು ವಿರೋಧಿಸಿದರೂ, ಅವನು ಅವಳ ಬಗ್ಗೆ ತನ್ನ ಇಷ್ಟವನ್ನು ವ್ಯಕ್ತಪಡಿಸಿದನು. ಶೀಘ್ರದಲ್ಲೇ ಅವಳನ್ನು ಮದುವೆಯಾಗುವುದಾಗಿ ಭರವಸೆ ನೀಡಿದನು. ಹುಡುಗಿ ಗರ್ಭಿಣಿಯಾಗುವವರೆಗೂ ದೈಹಿಕ ಸಂಬಂಧ ಮುಂದುವರೆಯಿತು. ನಂತರ ಅವಳು ಅರ್ಜಿದಾರರನ್ನು ಎದುರಿಸಿದಳು ಎನ್ನಲಾಗಿದೆ.

ಗರ್ಭಿಣಿಯಾದಾಗ ಕೈಕೊಟ್ಟ ಸ್ನೇಹಿತ

ಅವನು ಅವಳನ್ನು ಮದುವೆಯಾಗಲು ಅಥವಾ ಗರ್ಭಧಾರಣೆಯ ಜವಾಬ್ದಾರಿಯನ್ನು ತೆಗೆದುಕೊಳ್ಳಲು ನಿರಾಕರಿಸಿದನು. ಬದಲಾಗಿ, ಅವನು ಅವಳ 'ಕೆಟ್ಟ ಕೆಟ್ಟ ನಡತೆಯನ್ನು ಹೈಲೈಟ್ ಮಾಡಿದ್ದಾನೆ. ಅವಳು ಬೇರೆ ವ್ಯಕ್ತಿಯೊಂದಿಗೆ ಸಂಬಂಧ ಹೊಂದಿದ್ದಾಳೆಂದು ಆರೋಪಿಸಿದ್ದಾನೆ. ಈ ಹೇಳಿಕೆಗಳ ನಂತರವೂ, ಅವನು ಮತ್ತೊಮ್ಮೆ ಅವಳೊಂದಿಗೆ ಬಲವಂತದ ಲೈಂಗಿಕ ಸಂಭೋಗವನ್ನು ಹೊಂದಿದ್ದನು.

ಯುವತಿಯಿಂದ ದೂರು

ಮೇ 17, 2019 ಮತ್ತು ಏಪ್ರಿಲ್ 27, 2022 ರ ನಡುವೆ ನಡೆದ ಘಟನೆಗಳ ಆಧಾರದ ಮೇಲೆ 22 ವರ್ಷದ ದೂರುದಾರರ ಮೇಲೆ ಅತ್ಯಾಚಾರವೆಸಗಿದ ಆರೋಪದ ಮೇಲೆ ಪೊಲೀಸರು ವ್ಯಕ್ತಿಯನ್ನು ಬಂಧಿಸಿದ್ದಾರೆ.

ಇದನ್ನೂ ಓದಿ: Maharashtra Politics: ಜುಲೈ 11ಕ್ಕೆ ವಿಚಾರಣೆ ಮುಂದೂಡಿದ ಸುಪ್ರೀಂಕೋರ್ಟ್, ಬೀಸೋ ದೊಣ್ಣೆಯಿಂದ ತಪ್ಪಿಸಿಕೊಂಡ ಶಿಂಧೆ ಟೀಂ!

ಅವಳು ನಿರ್ದಿಷ್ಟವಾಗಿ ದೈಹಿಕ ಸಂಬಂಧ ನಿರಾಕರಿಸಿದಾಗ ಮತ್ತೆ ಪುರುಷ ಮುಂದುವರಿಯುವಂತಿಲ್ಲ. ಪ್ರತಿಯೊಬ್ಬ ಮಹಿಳೆಯು ಸಂಬಂಧದಲ್ಲಿ 'ಗೌರವ'ವನ್ನು ನಿರೀಕ್ಷಿಸುತ್ತಾಳೆ. ಅದು ಪರಸ್ಪರ ಪ್ರೀತಿಯ ಆಧಾರದ ಮೇಲೆ ಸ್ನೇಹದ ಸ್ವರೂಪದಲ್ಲಿರಬಹುದು.

ಇಲ್ಲಿ ಅರ್ಜಿದಾರರು, ಮದುವೆಯ ನೆಪದಲ್ಲಿ ಲೈಂಗಿಕ ಸಂಬಂಧವನ್ನು ಹೊಂದಿದ್ದಾರೆಂದು ಆರೋಪಿಸಲಾಗಿದೆ. ಆದರೆ ದೂರುದಾರರು ಗರ್ಭಧರಿಸಿದಾಗ, ಅವರು ಇತರ ವ್ಯಕ್ತಿಗಳೊಂದಿಗಿನ ಸಂಬಂಧದ ಕಾರಣದಿಂದ ಆಕೆಯಿಂದ ಗರ್ಭಧಾರಣೆಯಾಗಿದೆ ಎಂದು ಆರೋಪಿಸಿ ಹೊರನಡೆದಿದ್ದಾನೆ.

ಮದುವೆ ಭರವಸೆ ಇದ್ದ ಕಾರಣ ಸಂಬಂಧ

ಹುಡುಗಿಯ ದೂರನ್ನು ಉಲ್ಲೇಖಿಸಿ, ಕೋರ್ಟ್ ಅರ್ಜಿದಾರರ ಬಗ್ಗೆ ಒಲವು ಬೆಳೆಸಿಕೊಂಡಿದ್ದಾರೆ ಎಂದು ಗಮನಿಸಿದರು. ಆದರೆ ಆಕೆಯ ಸಂಬಂಧ ಲೈಂಗಿಕ ಸಂಬಂಧಕ್ಕೆ ಸಂಬಂಧಿಸಿದಂತೆ, ಅರ್ಜಿದಾರರು ತನ್ನ ಮದುವೆಗೆ ಭರವಸೆ ನೀಡಿದ್ದರಿಂದ ಅವರು ಅದನ್ನು ಅನುಮತಿಸಿದ್ದಾರೆ.

ಇದನ್ನೂ ಓದಿ: ಯಾವುದೇ ಹೊಸ ತೆರಿಗೆ ಇಲ್ಲ, ಉಚಿತ ವಿದ್ಯುತ್: ಪಂಜಾಬ್ AAP ಸರ್ಕಾರದಿಂದ ‘ಜನತಾ ಬಜೆಟ್’

ಬಹಳಷ್ಟು ಸಂಬಂಧದಲ್ಲಿ ಯುವತಿಯ ಸ್ನೇಹವನ್ನು ತಪ್ಪಾಗಿ ತಿಳಿದು ಬಲವಂತ ಲೈಂಗಿಕ ಸಂಬಂಧ ಹೊಂದುವಂತಹ ಘಟನೆ ನಡೆಯುತ್ತಲೇ ಇರುತ್ತವೆ.
Published by:Divya D
First published: