• Home
  • »
  • News
  • »
  • national-international
  • »
  • ಬ್ರಿಟನ್​ ರಾಜಮನೆತನದ ಸೊಸೆ​ಗೆ ಗರ್ಭಪಾತ; ಮಗು ಕಳೆದುಕೊಂಡ ದುಃಖ ತೊಡಿಕೊಂಡ ಮಾರ್ಕೆಲ್​

ಬ್ರಿಟನ್​ ರಾಜಮನೆತನದ ಸೊಸೆ​ಗೆ ಗರ್ಭಪಾತ; ಮಗು ಕಳೆದುಕೊಂಡ ದುಃಖ ತೊಡಿಕೊಂಡ ಮಾರ್ಕೆಲ್​

ಹ್ಯಾರಿ-ಮೇಘನ್​

ಹ್ಯಾರಿ-ಮೇಘನ್​

ಬ್ರಿಟನ್​ ರಾಜಮನೆತನದ ಪ್ರಕಾರ ರಾಜಮನೆತನದವರು ಅವರ ಖಾಸಗಿ ಸಂಗತಿಗಳನ್ನು ಹಂಚಿಕೊಳ್ಳುವಂತಿಲ್ಲ. ರಾಣಿ ಎಲಿಜಬೆತ್​ ತನ್ನ 68ವರ್ಷದ ಆಳ್ವಿಕೆಯಲ್ಲಿ ಯಾವುದೇ ಸಂದರ್ಶನದಲ್ಲಿ ರಾಜಮನೆತನ ಖಾಸಗಿ ಜೀವನದ ಬಗ್ಗೆ ಚರ್ಚಿಸಿಲ್ಲ. ಆದರೆ, ಮೇಘನ್ ಮೊದಲಿನಿಂದಲೂ ಭಿನ್ನವಾಗಿದ್ದಾರೆ.

  • Share this:

    ರಾಜಮನೆತನದ ವೈಭೋಗ ಬೇಡ ಎಂದು ಬ್ರಿಟ​ನ್ ರಾಜಕುಮಾರ ಹ್ಯಾರಿ ಮತ್ತು ಮೇಘನ್​ ಮಾರ್ಕೆಲ್​ ಕಳೆದ ಮಾರ್ಚ್​ನಲ್ಲಿ ಅಧಿಕೃತವಾಗಿ ಅರಮನೆಯಿಂದ ಹೊರನಡೆದಿದ್ದರು. ರಾಜಮನೆತನದ ಜವಾಬ್ದಾರಿಯಿಂದ ದೂರಾಗಿ ಅಮೆರಿಕದ ಕ್ಯಾಲಿಫೋರ್ನಿಯಾದಲ್ಲಿನ ಸಾಂತಾ ಬಾರ್ಬರಾದಲ್ಲಿ ಸಾಮಾನ್ಯರಂತೆ ವಾಸಿಸುತ್ತಿದ್ದಾರೆ. ಸ್ವತಂತ್ರವಾಗಿ ಜೀವನ ನಡೆಸುತ್ತಿರುವ ಈ ಜೋಡಿ ಈಗ ಮಗುವನ್ನು ಕಳೆದುಕೊಂಡು ದುಃಖಕ್ಕೆ ಒಳಗಾಗಿದೆ. ಕಳೆದ ಜುಲೈನಲ್ಲಿ ಮೇಘನ್​ಗೆ ಗರ್ಭಪಾತವಾಗಿದೆ ಎಂದು ನ್ಯೂಯರ್ಕ್​ ಟೈಮ್ಸ್​ ವರದಿ ಮಾಡಿದೆ. ​ಈ ಕುರಿತು ಮೇಘನ್​ ಕೂಡ ಭಾವಾನಾತ್ಮಕವಾಗಿ ಪತ್ರಬರೆದು ತಮ್ಮ ನೋವನ್ನು ಹೊರಹಾಕಿದ್ದಾರೆ. ಈಗಾಗಲೇ ಆರ್ಚಿ ಎಂಬ ಗಂಡು ಮಗುವನ್ನು ಮೇಘನ್​ ಹೊಂದಿದ್ದು, ಎರಡನೇ ಮಗುವಿನ ನಿರೀಕ್ಷೆಯಲ್ಲಿ ಅವರಿದ್ದರು.


    "ಜುಲೈನಲ್ಲಿ ಮಗ ಆರ್ಚಿಗೆ ಡಯಪರ್​ ಬದಲಾಯಿಸುತ್ತಿದ್ದೆ. ಈ ವೇಳೆ ಯಾವುದೋ ನೋವು ನನ್ನನ್ನು ಕಾಡಲಾರಂಭಿಸಿತು. ಈ ವೇಳೆ ಸೆಳೆತದಿಂದಾಗಿ ನೆಲಕ್ಕೆ ಬಿದ್ದ ನಾನು ಆರ್ಚಿಯ ತೋಳಿಗೆ ಅಪ್ಪಿಕೊಂಡು ಲಾಲಿ ಹಾಡಲಾರಂಭಿಸಿದೆ. ಆದರೆ, ಏನೋ ಆಂತರಿಕವಾಗಿ ಸರಿಯಿಲ್ಲ ಎಂಬುದು ನನಗೆ ಅರಿವಿಗೆ ಬರಲಾರಂಭಿಸಿತು. ಈ ವೇಳೆ ನನ್ನ ಎರಡನೇ ಮಗುವನ್ನು ಕಳೆದುಕೊಳ್ಳುತ್ತಿರುವುದು ನನಗೆ ಮನವರಿಕೆ ಆಯಿತು. ಇದಾದ ಬಳಿಕ ನಾನು ಆಸ್ಪತ್ರೆಯ ಹಾಸಿಗೆ ಮೇಲೆ ಕಣ್ಣು ಬಿಟ್ಟಿದೆ. ಈ ಘಟನೆ ಬಳಿಕ ನಾನು ಹ್ಯಾರಿ ಹೇಗೆ ಹೊರಬರುತ್ತೇವೆ ಎಂಬುದು ಗೊತ್ತಿರಲಿಲ್ಲ. ಈ ನೋವಿನನ್ನು ಹೇಗೆ ಮರೆಯಲು ಪ್ರಯತ್ನಿಸಿದೆ ಎಂಬುದು ನಾನು ಈಗ ಊಹಿಸಿಕೊಳ್ಳುತ್ತಿದ್ದೇನೆ" ಎಂದು ತಿಳಿಸಿದ್ದಾರೆ.


    ಇದನ್ನು ಓದಿ: ತ್ರಿನೇತ್ರಾ, ಕರ್ನಾಟಕದ ಮೊದಲ ತೃತೀಯ ಲಿಂಗಿ ವೈದ್ಯೆ; ಅವನು ಅವಳಾದ ಕಥೆ


    ರಾಜಕುಮಾರ ಹ್ಯಾರಿ ದಕ್ಷಿಣ ಆಫ್ರಿಕಾ ಪ್ರವಾಸದ ವೇಳೆ ಪತ್ರಕರ್ತರಿಂದ ನೀವು ಸುರಕ್ಷಿತವಾಗಿದ್ದೀರಾ ಎಂಬ ಪ್ರಶ್ನೆ ಎದುರಾಯಿತು. ಇದು ಸರಳ ಪ್ರಶ್ನೆಯಾದರೂ. ಇದರ ಅರ್ಥ ಗಂಭೀರವಾಗಿತ್ತು.


    ಮಗುವನ್ನು ಕಳೆದುಕೊಳ್ಳುವುದು ಜಗತ್ತಿನಲ್ಲಿ ತುಂಬಾಲಾರದ ನಷ್ಟ. ಈ ನೋವಿನಲ್ಲಿದ್ದ ನನಗೆ ಆಸ್ಪತ್ರೆಯಲ್ಲಿ ನನ್ನಂತೆ ಇದೇ ನೋವಿನಿಂದ ಬಳಲುತ್ತಿದ್ದ 10-20 ಜನರು ಸಿಕ್ಕಿದರು. ಈ ನೋವು ಅವಮಾನ, ಶೋಕ ಮೌನಗಳ ಶಾಶ್ವತವಾಗಿರುವಂತೆ ಆಗಿದೆ. ಈ ಘಟನೆಯಿಂದ ಹೊರ ಬಂದು ಸಾಮಾನ್ಯ ಸ್ಥಿತಿಗೆ ಹೊಂದಿಕೊಳ್ಳುತ್ತಿದ್ದೇವೆ. ಈ ನೋವನ್ನು ಹಂಚಿಕೊಳ್ಳವ ಮೂಲಕ ಗುಣಮುಖರಾಗಲು ಒಗ್ಗಟ್ಟಿನಿಂದ ಪ್ರಯತ್ನಿಸುತ್ತಿದ್ದೇವೆ ಎಂದು ಬರೆದಿದ್ದಾರೆ.


    ಬ್ರಿಟನ್​ ರಾಜಮನೆತನದ ಪ್ರಕಾರ ರಾಜಮನೆತನದವರು ಅವರ ಖಾಸಗಿ ಸಂಗತಿಗಳನ್ನು ಹಂಚಿಕೊಳ್ಳುವಂತಿಲ್ಲ. ರಾಣಿ ಎಲಿಜಬೆತ್​ ತನ್ನ 68ವರ್ಷದ ಆಳ್ವಿಕೆಯಲ್ಲಿ ಯಾವುದೇ ಸಂದರ್ಶನದಲ್ಲಿ ರಾಜಮನೆತನ ಖಾಸಗಿ ಜೀವನದ ಬಗ್ಗೆ ಚರ್ಚಿಸಿಲ್ಲ. ಆದರೆ, ಮೇಘನ್ ಮೊದಲಿನಿಂದಲೂ ಭಿನ್ನವಾಗಿದ್ದಾರೆ.

    Published by:Seema R
    First published: