• Home
  • »
  • News
  • »
  • national-international
  • »
  • Viral Video: ಮುಖ್ಯಮಂತ್ರಿಗಳ ಹಾಡಿಗೆ ನೆಟ್ಟಿಗರು ಫಿದಾ; Meghalaya CM ಹಾಡಿನ ವಿಡಿಯೋ ವೈರಲ್!

Viral Video: ಮುಖ್ಯಮಂತ್ರಿಗಳ ಹಾಡಿಗೆ ನೆಟ್ಟಿಗರು ಫಿದಾ; Meghalaya CM ಹಾಡಿನ ವಿಡಿಯೋ ವೈರಲ್!

ಮೇಘಾಲಯ ಸಿಎಂ ಕಾನ್ರಾಡ್ ಸಂಗ್ಮಾ

ಮೇಘಾಲಯ ಸಿಎಂ ಕಾನ್ರಾಡ್ ಸಂಗ್ಮಾ

ಈ ವಿಡಿಯೋವನ್ನು ಮೂಲತಃ ಪತ್ರಕರ್ತೆ ಸಂಗೀತಾ ಬರೂಹ್ ಪಿಶಾರೋಟಿ ಹಂಚಿಕೊಂಡಿದ್ದಾರೆ. 1.43 ನಿಮಿಷಗಳ ಈ ವಿಡಿಯೋ ಸುಮಾರು 30,000 ವೀಕ್ಷಣೆಗಳನ್ನು ಪಡೆದಿದೆ. 

  • Share this:

    ಮುಖ್ಯಮಂತ್ರಿಗಳು (Chife Minister) ಎಂದರೆ ದಿನವಿಡೀ ಅವರಿಗೆ ಬಿಡುವಿಲ್ಲದೆ ಕೆಲಸದ ಜಂಜಾಟದಲ್ಲಿ ಮುಳುಗಿರುತ್ತಾರೆ. ಹತ್ತಾರು ಸಮಸ್ಯೆಗಳ ವಿಚಾರವಾಗಿ ಅಧಿಕಾರಿಗಳೊಂದಿಗೆ ಸಭೆ ನಡೆಸುತ್ತಾರೆ. ಹೊಸ ಯೋಜನೆಗಳ ವಿಚಾರವಾಗಿ ಚರ್ಚೆ ನಡೆಸುತ್ತಾರೆ. ರಾಜ್ಯ ಪ್ರವಾಸ ಕೈಗೊಳ್ಳುತ್ತಾರೆ. ಇಷ್ಟೆಲ್ಲಾ ಕೆಲಸಗಳನ್ನು ಮಾಡಲು ಅವರಿಗೆ ದಿನದ 24 ಗಂಟೆಗಳು ಸಾಕಾಗುವುದೇ ಇಲ್ಲ. ಇಷ್ಟೆಲ್ಲಾ ಒತ್ತಡದ ಕೆಲಸ, ಕಾರ್ಯಗಳ ನಡುವೆ ಇರುವ ಮುಖ್ಯಮಂತ್ರಿಗಳಿಗೆ ಖಾಸಗಿಯಾಗಿ ಸಮಯ ಮೀಸಲಿಡುವುದು ಸ್ವಲ್ಪ ಕಷ್ಟವೇ ಸರಿ. ಆದರೆ, ಇಲ್ಲೊಬ್ಬರು ಮುಖ್ಯಮಂತ್ರಿ ಸಹಜವಾದ ಹಾಡುಗಾರರಂತೆ ಕಾರ್ಯಕ್ರಮ ಒಂದರಲ್ಲಿ ವೇದಿಕೆ ಮೇಲೆ ಕೂಲಾಗಿ ಹಾಡು ಹೇಳುತ್ತಿರುವುದು ಎಲ್ಲರನ್ನು ಆಶ್ಚರ್ಯದ ಜೊತೆಗೆ ಮಂತ್ರಮುಗ್ಧರನ್ನಾಗಿ ಮಾಡಿದೆ.


    ಹೀಗೆ ವೇದಿಕೆ ಮೇಲೆ ಕೂಲಾಗಿ ಹಾಡು ಹೇಳಿದ ಮುಖ್ಯಮಂತ್ರಿ ಬೇರೆ ಯಾರು ಅಲ್ಲ  ಮೇಘಾಲಯದ ಸಿಎಂ ಕಾನ್ರಾಡ್ ಸಂಗ್ಮಾ (Meghalaya CM Conrad Sangma). ಸಂಗ್ಮಾ ಅವರು ಹಾಡುಗಾರಿಕೆ ನೆಟ್ಟಿಗರನ್ನು ಮೋಡಿ ಮಾಡಿದೆ. ಇಟಾನಗರದಲ್ಲಿ ನಡೆದ ಸಮಾರಂಭದಲ್ಲಿ ಸಂಗ್ಮಾ ಅವರು ಬ್ರಿಯಾನ್ ಆಡಮ್ಸ್ ಅವರ 'ಸಮ್ಮರ್ ಆಫ್ 69' (Bryan Adams’s iconic song ‘Summer of ‘69’) ಹಾಡನ್ನು ಸೊಗಸಾಗಿ ಹಾಡಿದ್ದಾರೆ. ಅವರು ಹಾಡಿರುವ ವಿಡಿಯೋ ಸಾಮಾಜಿಕ ಈಗ ಜಾಲತಾಣದಲ್ಲಿ ವೈರಲ್ ಆಗಿದೆ.



    "ಮೇಘಾಲಯ ಸಿಎಂ ಕಾನ್ರಾಡ್ ಸಂಗ್ಮಾ ಇಟಾನಗರದಲ್ಲಿ ಬ್ರಯಾನ್ ಆಡಮ್ಸ್‌ನ ಸಮ್ಮರ್ '69 ಹಾಡು ಹಾಡಿರುವುದು ಈಗ ಇಂಟರ್‌ನೆಟ್‌ನಲ್ಲಿ ಅತ್ಯಂತ ಕೂಲಾದ ವಿಷಯವಾಗಿದೆ" ಎಂದು ವೈರಲ್ ಕ್ಲಿಪ್‌ನ ಶೀರ್ಷಿಕೆಯೊಂದಿಗೆ ಆನ್‌ಲೈನ್‌ನಲ್ಲಿ ವ್ಯಾಪಕವಾಗಿ ಹರಡುತ್ತಿದೆ.


    ಈ ವಿಡಿಯೋವನ್ನು ಮೂಲತಃ ಪತ್ರಕರ್ತೆ ಸಂಗೀತಾ ಬರೂಹ್ ಪಿಶಾರೋಟಿ ಹಂಚಿಕೊಂಡಿದ್ದಾರೆ. 1.43 ನಿಮಿಷಗಳ ಈ ವಿಡಿಯೋ ಸುಮಾರು 30,000 ವೀಕ್ಷಣೆಗಳನ್ನು ಪಡೆದಿದೆ. ಆನ್‌ಲೈನ್‌ನಲ್ಲಿ ಈ ವಿಡಿಯೋ ಹಂಚಿಕೊಂಡ ನಂತರ, ನೆಟಿಜನ್‌ಗಳು ಮೇಘಾಲಯ ಸಿಎಂ ಅವರ ಹಾಡುವ ಕೌಶಲ್ಯವನ್ನು ಅಭಿನಂದಿಸಲು ಹೆಚ್ಚು ಸಮಯ ತೆಗೆದುಕೊಳ್ಳಲಿಲ್ಲ.


    ಇದನ್ನು ಓದಿ: ಮುಸ್ಲಿಂ ಅಭ್ಯರ್ಥಿ ವಿವಾದ ಆರಂಭಿಸಿದ್ದೇ Siddaramaiah, ಅದಕ್ಕೆ ನಾನೇ ಅಂತ್ಯ ಹಾಡುತ್ತೇನೆ; HD Kumaraswamy


    ಯಾರೂ ಈ ಕಾನ್ರಾಡ್ ಸಂಗ್ಮಾ?


    ಕಾನ್ರಾಡ್ ಸಂಗ್ಮಾ ನ್ಯಾಷನಲ್‌ ಪೀಪಲ್ಸ್‌ ಪಾರ್ಟಿ ಮುಖ್ಯಸ್ಥರಾಗಿ ಮೇಘಾಲಯದಲ್ಲಿ ಸರ್ಕಾರ ರಚಿಸಿದ್ದಾರೆ. ಮೇಘಾಲಯದಲ್ಲಿ ಕಳೆದ ವರ್ಷ ನಡೆದಿದ್ದ ವಿಧಾನಸಭಾ ಚುನಾವಣೆಯಲ್ಲಿ ಅತಂತ್ರ ಸ್ಥಿತಿ ನಿರ್ಮಾಣವಾಗಿತ್ತು. ಇಲ್ಲಿ ಕೇಸರಿ ಬಾವುಟ ಹಾರಿಸುವಲ್ಲಿ ಅಮಿತ್ ಶಾ ಹಾಗೂ ಪ್ರಧಾನಿ ಮೋದಿ ಜೋಡಿ ಯಶಸ್ವಿಯಾಗಲಿಲ್ಲ. ಕೊನೆಗೆ ನ್ಯಾಷನಲ್‌ ಪೀಪಲ್ಸ್‌ ಪಾರ್ಟಿ ಬಿಜೆಪಿ ಹಾಗೂ ಇತರೆ ಪಕ್ಷಗಳ ಸಹಕಾರದೊಂದಿಗೆ ಸರ್ಕಾರ ರಚಿಸಿತು.


    ರಾಜ್ಯದ ಒಟ್ಟು 59 ಸ್ಥಾನಗಳ ಪೈಕಿ ಕಾಂಗ್ರೆಸ್​ಗೆ ಅತೀ ಹೆಚ್ಚು ಅಂದರೆ 21 ಸ್ಥಾನ, ಎನ್​ಪಿಪಿಗೆ 19 ಸ್ಥಾನ, ಬಿಜೆಪಿ 2 ಹಾಗೂ ಇತರರು 17 ಸ್ಥಾನ ಗಳಿಸಿದ್ದರು. ಆದರೆ ಮೇಘಾಲಯದಲ್ಲಿ ಸರ್ಕಾರ ರಚನೆಗೆ 31 ಸ್ಥಾನಗಳ ಅಗತ್ಯತೆ ಇದ್ದು, ಯಾವುದೇ ರಾಜಕೀಯ ಪಕ್ಷಕ್ಕೂ ಪೂರ್ಣ ಬಹುಮತ ಇರಲಿಲ್ಲ. ಬಳಿಕ ಎನ್​​ಪಿಪಿ ನಾಯಕರಾದ ಸಿಎಂ ಕೊನ್ರಾಡ್‌ ಸಂಗ್ಮಾ ಅವರು ಫಲಿತಾಂಶ ದಿನವೇ ರಾಜ್ಯಪಾಲ ಗಂಗಾ ಪ್ರಸಾದ್‌ ಅವರನ್ನು ಭೇಟಿಯಾಗಿದ್ದರು. ಈ ವೇಳೆ ತಮಗೆ ಬಿಜೆಪಿ, ಯುನೈಟೆಡ್ ಡೆಮೋಕ್ರಟಿಕ್ ಪಕ್ಷ ಮತ್ತು ಪಲ್ಸ್ ಡೆಮೋಕ್ರಟಿಕ್ಸ್ ಪಕ್ಷದ ಶಾಸಕರು ಬೆಂಬಲ ನೀಡಿದ್ದು, ಸರ್ಕಾರ ರಚನೆಗೆ ಬೇಕಾದ 31 ಶಾಸಕರ ಬೆಂಬಲವಿದೆ ಎಂದು ಸರ್ಕಾರ ರಚನೆ ಹಕ್ಕು ಮಂಡಿಸಿದ್ದರು. ಅದರಂತೆ ರಾಜ್ಯಪಾಲರು ಸರ್ಕಾರ ರಚನೆಗೆ ಅವಕಾಶ ನೀಡಿದ್ದರು. ಇದೀಗ ಸಂಗ್ಮಾ ಅವರು ಮೇಘಾಲಯದ ಮುಖ್ಯಮಂತ್ರಿಯಾಗಿ ಮುಂದುವರೆದಿದ್ದಾರೆ.

    Published by:HR Ramesh
    First published: