Wrong Turn: ಗೂಗಲ್ ಮ್ಯಾಪ್ ನೋಡಿ ರಾಂಗ್ ಟರ್ನ್ ತೆಗೆದವನಿಗೆ ರಸ್ತೆ ಗುಡಿಸೋ ಶಿಕ್ಷೆ!

ಗುರುಗ್ರಾಮ್(ಜು.05): ಕಣ್ಮುಚ್ಚಿ ನೀವು ಗೂಗಲ್ ಮ್ಯಾಪ್​ನ್ನು (Google Map) ನಂಬುವ ಹಾಗೆಯೇ ಇಲ್ಲ. ಇದಕ್ಕೆ ಸಾಕ್ಷಿಯಾಗಿ ಈಗಾಗಲೇ ಬಹಳಷ್ಟು ಘಟನೆಗಳನ್ನು ನೀವು ಕೇಳಿರುತ್ತೀರಿ, ಅಥವಾ ನೀವು ಸ್ವಯಃ ಇಂಥಹ ಸಂದರ್ಭದಲ್ಲಿ ಸಿಕ್ಕಿಹಾಕಿಕೊಂಡಿರಬಹುದು. ಅದೇ ರೀತಿ ಮ್ಯಾಪ್ (Map) ನಂಬಿ ಕಷ್ಟಕ್ಕೆ ಬಿದ್ದ ವ್ಯಕ್ತಿಯೊಬ್ಬರ ಸ್ಟೋರಿ ಈಗ ಭಾರೀ ವೈರಲ್ (Viral) ಆಗಿದೆ. ಭೋಂಡ್ಸಿಯ ನೇಮಕಾತಿ (Recruitment) ತರಬೇತಿ ಕೇಂದ್ರಕ್ಕೆ ಹೋಗುವ ಮಾರ್ಗದಲ್ಲಿ ರಾಂಗ್ ಟರ್ನ್ (Wrong Turn) ತೆಗೆದ ನಂತರ ಕಾನ್ಸ್‌ಟೇಬಲ್‌  (Constable) ನನ್ನಿಂದ ರಸ್ತೆ ಗುಡಿಸಿದ್ದಾರೆ (Sweeps) ಎಂದು ಇಲ್ಲಿನ ವ್ಯಕ್ತಿಯೊಬ್ಬರು ಆರೋಪಿಸಿದ್ದಾರೆ.

ರೋಹಿತ್ ಥಾಮಸ್, ಸೆಕ್ಟರ್ 67 ರ ನಿವಾಸಿಯಾಗಿದ್ದು, ವಾಹನಗಳ ಲೋಹಲೇಪನ ವ್ಯವಹಾರದಲ್ಲಿ ತೊಡಗಿಸಿಕೊಂಡಿದ್ದಾರೆ . ಅವರು ಆಗಾಗ ಸೇನೆ ಮತ್ತು ಅರೆಸೇನಾ ಪಡೆಗಳೊಂದಿಗೆ ಕೆಲಸ ಮಾಡುತ್ತಿದ್ದರು ಎಂದು ಹೇಳಿದ್ದಾರೆ. ಪೊಲೀಸರು ಮತ್ತು ನೇಮಕಾತಿ ತರಬೇತಿ ಕೇಂದ್ರ (ಆರ್‌ಟಿಸಿ) ಅಧಿಕಾರಿಗಳಿಗೆ ನೀಡಿದ ದೂರಿನಲ್ಲಿ, ಅವರು ಗೂಗಲ್ ಮ್ಯಾಪ್ ನಿರ್ದೇಶನದಂತೆ ಮನೆಗೆ ಹೋಗುತ್ತಿದ್ದೆ ಎಂದು ಆರೋಪಿಸಿದರು. ಆದರೆ ಮ್ಯಾಪ್ ಚಾಲನೆ ನಿರ್ಬಂಧಿತ ಪ್ರದೇಶವಾದ ಆರ್‌ಟಿಸಿಯ ವ್ಯಾಪ್ತಿಗೆ ಕೊಂಡೊಯ್ದಿದೆ.

ರಸ್ತೆ ಮುಂದೆ ಹೋಗುತ್ತಿದೆಯೇ ಎಂದು ಅಲ್ಲಿದ್ದ ಕಾನ್‌ಸ್ಟೆಬಲ್‌ಗೆ ಕೇಳಿದಾಗ ಅವರು ನೆಗೆಟಿವ್ ಧಾಟಿಯಲ್ಲಿ ಉತ್ತರಿಸಿದರು ಎಂದು ಥಾಮಸ್ ಹೇಳಿಕೊಂಡಿದ್ದಾರೆ.

ಕಾರಿನಿಂದ ಇಳಿಸಿದ ಕಾನ್ಸ್ಟೇಬಲ್

"ನಾನು ನನ್ನ ವಾಹನವನ್ನು ನಾನು ಬಂದ ದಿಕ್ಕಿಗೆ ತಿರುಗಿಸಿದೆ. ಆದರೆ ಇದ್ದಕ್ಕಿದ್ದಂತೆ ಕಾವಲುಗಾರನು ಕಾರಿನಿಂದ ಹೊರಬರಲು ನನ್ನನ್ನು ಕೇಳಿದನು" ಎಂದು ಅವರು ಹೇಳಿದರು.

"ನಾನು ಹೊರಬಂದಾಗ, ಅವನು ನನ್ನನ್ನು ನಿಂದಿಸಿದರು" ಎಂದು ಥಾಮಸ್ ಆರೋಪಿಸಿದರು. ಅವರು ಕಾರಿನ ಟೈರ್‌ ಜೊತೆಗೆ ಮಣ್ಣನ್ನು ತಂದಿದ್ದೇನೆ ಎಂದು ಸಿಬ್ಬಂದಿ ಹೇಳಿದರು.

ರಸ್ತೆ ಗುಡಿಸಲು ಸೂಚಿಸಿದ ಕಾನ್ಸ್ಟೇಬಲ್

ಉದ್ದೇಶಪೂರ್ವಕವಾಗಿಯೇ ರಸ್ತೆ ಗುಡಿಸಲು ಕಾನ್ಸ್‌ಟೇಬಲ್ ಬಲವಂತಪಡಿಸಿದ್ದಾನೆ ಎಂದು ಥಾಮಸ್ ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಿದ್ದಾರೆ.

ಇದನ್ನೂ ಓದಿ: Bhagwant Mann Marriage: ಪಂಜಾಬ್ ಸಿಎಂ ಭಗವಂತ್ ಮಾನ್ ಮದುವೆ, ವಧು ಯಾರು?

ಕ್ರಮ ಕೈಗೊಂಡು, ಆರ್‌ಟಿಸಿಯ ಎಡಿಜಿಪಿ ಡಾ.ಹನೀಫ್ ಖುರೇಷಿ ಅವರು ಡಿಎಸ್‌ಪಿ ಶ್ರೇಣಿಯ ಅಧಿಕಾರಿಯೊಬ್ಬರನ್ನು ವಿಶೇಷ ವಿಚಾರಣೆಗೆ ಗುರಿಪಡಿಸಿದರು. ವಿಚಾರಣೆ ನಂತರ ಕಾನೂನು ಪ್ರಕಾರ ಕ್ರಮ ಕೈಗೊಳ್ಳಲಾಗುವುದು ಎಂದರು.

ವಾಹನ ಚಲಾಯಿಸುವಾಗ ಸದಾ ಜಾಗೃತರಾಗಿರಬೇಕು. ಸ್ಮಾರ್ಟ್ ವಾಹನ ಬಂದ ಮೇಲಂತೂ ವಾಹನ ಚಲಾವಣೆಯ ವೇಳೆ ಏನೇ ತಪ್ಪು ಮಾಡಿದರು ಗೊತ್ತಾಗುತ್ತದೆ. ಮಾತ್ರವಲ್ಲದೆ ಸ್ಮಾರ್ಟ್‌ಫೋನ್‌ಗಳು ಅಂತಹ ತಪ್ಪು ನಡೆದಾಗ ಎಚ್ಚರಿಸುತ್ತದೆ. ಹಾಗಾಗಿ ಓವರ್ ಸ್ಪೀಡ್ ತಪ್ಪಿಸಲು ಗೂಗಲ್ ಮ್ಯಾಪ್ ನ ಸಹಾಯದಿಂದ ಹೈಟೆಕ್ ವಿಧಾನವನ್ನೂ ಅಳವಡಿಸಿಕೊಂಡರೆ ಇಂತಹ ಸಮಸ್ಯೆಯಿಂದ ಪಾರಾಗುವುದಲ್ಲದೆ ಅಪಘಾತದ ಸುದ್ದಿಯೂ ಕಡಿಮೆಯಾಗುತ್ತದೆ.

Google Map ನ ವಿಶೇಷ ವೈಶಿಷ್ಟ್ಯ

Google Map ಸ್ಪೀಡೋಮೀಟರ್‌ನ ವೈಶಿಷ್ಟ್ಯವು ವಾಹನದ ವೇಗ ನಿಯಂತ್ರಣಕ್ಕೆ ತರಲು ಸಹಾಯ ಮಾಡುತ್ತದೆ. ಸ್ಪೀಡೋಮೀಟರ್ ವೈಶಿಷ್ಟ್ಯವು ವಾಹನದ ವೇಗ ಮುಗಿದ ತಕ್ಷಣ ಎಚ್ಚರಿಸುತ್ತದೆ. ಅಂದರೆ ನಿಮ್ಮ ಕಾರು ನಿರ್ದಿಷ್ಟ ವೇಗದ ಮಿತಿಯನ್ನು ಮೀರಿದ ತಕ್ಷಣ ಈ ವೈಶಿಷ್ಟ್ಯವು ನಿಮ್ಮನ್ನು ಎಚ್ಚರಿಸುತ್ತದೆ.

ಸ್ಪೀಡೋಮೀಟರ್ ಅನ್ನು ಸಕ್ರಿಯಗೊಳಿಸಿ

ಮೊದಲು Google ನಕ್ಷೆಗಳನ್ನು ಸಕ್ರಿಯಗೊಳಿಸಿ. ಈಗ Google Map ನ ಪ್ರೊಫೈಲ್ ಅನ್ನು ಕ್ಲಿಕ್ ಮಾಡುವ ಮೂಲಕ, ಸೆಟ್ಟಿಂಗ್‌ಗಳು ಮತ್ತು ನಂತರ ನ್ಯಾವಿಗೇಷನ್ ಸೆಟ್ಟಿಂಗ್‌ಗಳ ಮೇಲೆ ಕ್ಲಿಕ್ ಮಾಡಿ. ಇಲ್ಲಿ ನೀವು ಡ್ರೈವಿಂಗ್ ಆಯ್ಕೆಯಲ್ಲಿ ಸ್ಪೀಡೋಮೀಟರ್ ಅನ್ನು ನೋಡುತ್ತೀರಿ. ಈ ಸ್ಪೀಡೋಮೀಟರ್ ಅನ್ನು ಆನ್ ಮಾಡಬೇಕು.

ಡೋಮೀಟರ್ ಹೇಗೆ ಕೆಲಸ ಮಾಡುತ್ತದೆ?

Google ನಕ್ಷೆಗಳ ಸ್ಪೀಡೋಮೀಟರ್ ಮೂಲಕ ನಿಮ್ಮ ಕಾರಿನ ವೇಗವನ್ನು ಸಹ ನೀವು ಪರಿಶೀಲಿಸಬಹುದು. ನಿರ್ದಿಷ್ಟ ವೇಗದ ಮಿತಿಯನ್ನು ಮೀರಿದಾಗ ಸ್ಪೀಡೋಮೀಟರ್ ಕೆಂಪು ಬಣ್ಣಕ್ಕೆ ತಿರುಗುತ್ತದೆ. ಇದರ ಸಹಾಯದಿಂದ ನೀವು ಚಾಲನೆ ಮಾಡುವಾಗ ಕಾರಿನ ವೇಗದ ಕಲ್ಪನೆಯನ್ನು ಪಡೆಯಬಹುದು. ನಿಮ್ಮ ಕಾರು ಯಾವ ವೇಗದಲ್ಲಿ ಹೋಗುತ್ತಿದೆ ಎಂಬುದನ್ನು ಇದು ನಿಮಗೆ ತಿಳಿಸುತ್ತದೆ.

ಬಣ್ಣವು ಕೆಂಪು ಬಣ್ಣಕ್ಕೆ ತಿರುಗುತ್ತದೆ

ನೀವು ಕಾರಿನ ನಿಗದಿತ ಮಿತಿಯನ್ನು ದಾಟಿದ ತಕ್ಷಣ, ಗೂಗಲ್ ಮ್ಯಾಪ್‌ನ ಸ್ಪೀಡೋಮೀಟರ್‌ನ ಬಣ್ಣ ಬದಲಾಗುತ್ತದೆ. ಇದರೊಂದಿಗೆ ನೀವು ನಿಮ್ಮ ಕಾರಿನ ವೇಗವನ್ನು ಕಡಿಮೆ ಮಾಡಬಹುದು ಮತ್ತು ಚಲನ್ ಮತ್ತು ಅಪಘಾತದ ಅಪಾಯವನ್ನು ತಪ್ಪಿಸಬಹುದು.