Bomb Threat: ಬಾಂಬ್​ ಕಟ್ಟಿಕೊಂಡು ಬ್ಯಾಂಕ್​ಗೆ ನುಗ್ಗಿದ ಕಳ್ಳ! ಕಣ್ಮುಚ್ಚಿ ಕಣ್ಮು ಬಿಡೋದ್ರಲ್ಲಿ ಏನಾಯ್ತು ಗೊತ್ತಾ?

ಹೈದರಾಬಾದ್‌: ಮುಖಕ್ಕೆ ಮಾಸ್ಕ್ (Mask) ಹಾಕಿಕೊಂಡು ಕೈಯಲ್ಲಿ ಬಂದೂಕು (Gun) ಹಿಡಿದು, ನಾಲ್ಕೈದು ಮಂದಿ ಪುಂಡರು ಬ್ಯಾಂಕ್​ಗೆ (Bank) ನುಗ್ಗಿ ಹೈಜಾಕ್ ಮಾಡುವ ಮೂಲಕ, ಕ್ಯಾಷಿಯರ್ ಪಾಯಿಂಟ್ ಖಾಲಿ ಜಾಗದಲ್ಲಿ ಗನ್ ಇಟ್ಟು ಬ್ಯಾಗಿಗೆ ಹಣವನ್ನೆಲ್ಲ ಅದರಲ್ಲಿ ಹಾಕುವಂತೆ ಬೆದರಿಸುತ್ತಿದ್ದರು. ಪೊಲೀಸರಿಗೆ (Police) ಹೇಳಲು ಮುಂದಾದರೆ ಗುಂಡು ಹಾರಿಸಿ ಕೊಲ್ಲಲು ಹಿಂದು ಮುಂದು ನೋಡುತ್ತಿರಲಿಲ್ಲ. ಇಂತದ್ದೆಲ್ಲಾ ಹಳೆಯ ಸಿನಿಮಾಗಳಲ್ಲಿ (Old Cinema) ನಡೆಯುತ್ತಿದ್ದವು. ಆದರೆ ಈಗ ಇಂತಹ ಘಟನೆಗಳು ತೀರಾ ವಿರಳ. ಏಕೆಂದರೆ ಈಗಿನ ತಂತ್ರಜ್ಞಾನ ಯುಗದಲ್ಲಿ ಕಣ್ಗಾವಲು ವ್ಯವಸ್ಥೆ ಅತ್ಯುತ್ತಮವಾಗಿದೆ. ಆದರೂ ಕೆಲವೂ ಪುಂಡರು ದುಡಿದು ತಿನ್ನುವ ಬದಲಿಗೆ ದರೋಡೆ ಮಾಡುವ ಪ್ರಕರಣಗಳು ಹಾಗಾಗ್ಗೆ ಕೇಳಿಬರುತ್ತಿವೆ. ಆದರೆ ಅದೇ ರೀತಿ ಬ್ಯಾಂಕ್​ನಲ್ಲಿ ಕಳ್ಳತನಕ್ಕೆ ಯತ್ನಿಸಿದ ವ್ಯಕ್ತಿಯೊಬ್ಬ ಸಿಕ್ಕಿಬಿದ್ದಿದ್ದಾನೆ. ಆತ ಬಾಂಬ್​ ಕಟ್ಟಿಕೊಂಡು ಬ್ಯಾಂಕ್​ ದರೋಡೆಗೆ ಮುಂದಾಗಿದ್ದ ಎನ್ನಲಾಗಿದೆ.

ಬಾಂಬ್​ ಕಟ್ಟಿಕೊಂಡು ಬ್ಯಾಂಕ್ ಪ್ರವೇಶ

ಹೈದರಾಬಾದ್​ನ ಜೀಡಿಮೆಟ್ಲಾ ಪೊಲೀಸ್ ಠಾಣೆ ವ್ಯಾಪ್ತಿಯ ಆದರ್ಶ್ ಬ್ಯಾಂಕ್‌ಗೆ ವ್ಯಕ್ತಿಯೊಬ್ಬರು ದರೋಡೆ ಮಾಡಲು ನುಗ್ಗಿದ್ದಾನೆ. ಬ್ಯಾಂಕ್ ಒಳಗೆ ನುಗ್ಗಿದ ಆತ ಆತ್ಮಾಹುತಿ ಬಾಂಬ್​ ದಾಳಿ ಮಾಡುವುದಾಗಿ ಬೆದರಿಕೆ ಹಾಕಿದ್ದಾನೆ. ಅದರಂತೆ, ಅವನು ಬಾಂಬ್ ಸೆಟಪ್‌ ತೋರಿಸಿ ಬೆದರಿಸಿದ್ದಾನೆ.

ಇದನ್ನೂ ಓದಿ: Fake Note: RBI ಬ್ಯಾಂಕ್‌ನಲ್ಲೇ ಪತ್ತೆಯಾಯ್ತು ನಕಲಿ ನೋಟು, ಯಾಮಾರಿದ್ರೆ ನಿಮಗೂ ಬೀಳುತ್ತೆ ಟೋಪಿ, ಎಚ್ಚರ!

ಬ್ಯಾಂಕ್​ಗೆ ನುಗ್ಗಿದ ಕಳ್ಳ ತನಗೆ ಎರಡು ಲಕ್ಷ ಕೊಡದಿದ್ದರೆ ಆತ್ಮಾಹುತಿ ಬಾಂಬ್​ ಸ್ಫೋಟಿಸಿಕೊಳ್ಳುವುದಾಗಿ ಬೆದರಿಕೆ ಹಾಕಿದ್ದಾನೆ. ಬ್ಯಾಂಕ್ ಸಿಬ್ಬಂದಿ ಇದನ್ನು ನೋಡಿ ಮೊದಮೊದಲು ಆತಂಕಕ್ಕೆ ಒಳಗಾಗಿದ್ದಾರೆ. ಆದರೆ ಜನರಿಗೆ ಆತ ಸೆಟ್​ಅಪ್ ಮಾಡಿದ್ದ ಬಾಂಬ್​ ನಕಲಿ ಎಂಬುದು ಜನರ ಅರಿವಿಗೆ ಬಂದಿದೆ. ತಕ್ಱಣ ಆತನನ್ನು ಹಿಡಿದಿದ್ದಾರೆ. ಕೂಡಲೇ ಪೊಲೀಸರಿಗೆ ಕರೆ ಮಾಡಿ ಆತನನ್ನು ಅವರ ಕೈಗೆ ಒಪ್ಪಿಸಿದ್ದಾರೆ.

ಆರೋಪಿ ಬಂಧನ

ಮಾಹಿತಿ ತಿಳಿದು ಕೂಡಲೇ ಸ್ಥಳಕ್ಕಾಗಮಿಸಿದ ಜೀಡಿಮೆಟ್ಲ ಪೊಲೀಸರು ಬಾಂಬ್‌ ಬೆದರಿಕೆ ಹಾಕಿದ ವ್ಯಕ್ತಿಯನ್ನು ಬಂಧಿಸಿದ್ದಾರೆ. ಆರೋಪಿಯ ಹೆಸರನ್ನು ಶಿವಾಜಿ ಎಂದು ಗುರುತಿಸಲಾಗಿದೆ. ಆತ ಯಾಕೆ ಹಾಗೆ ವರ್ತಿಸಿದ? ಆತನ ಮಾನಸಿಕ ಅಸ್ವಸ್ಥನೇ? ಅಥವಾ ನಿಜವಾಗಿಯೂ ಹಣ ಕದಿಯಲು ಸಂಚು ಮಾಡಿ ಬಂದಿದ್ದನೇ.? ಆತನಿಗೆ ಯಾರಾದರೂ ಬ್ರೈನ್ ವಾಶ್ ಮಾಡಿ ಈ ರೀತಿಯ ಕೆಲಸ ಮಾಡಲು ಪ್ರೋತ್ಸಾಹಿಸಿದ್ದಾರೆಯೇ ಎಂಬ ವಿವರಗಳನ್ನು ಪೊಲೀಸರು ಸಂಗ್ರಹಿಸುತ್ತಿದ್ದಾರೆ.