‘ಗಾಂಧಿ ಕಟ್ಟರ್​​ ಸನಾತನಿ ಹಿಂದೂ ಆಗಿದ್ದರು‘: ಆರ್​​ಎಸ್​ಎಸ್​​ ಮುಖ್ಯಸ್ಥ ಮೋಹನ್ ಭಾಗವತ್

ನವದೆಹಲಿ(ಫೆ.18): ಮಹಾತ್ಮಾ ಗಾಂಧಿಯವರು ಕಟ್ಟರ್​​ ಸನಾತನ ಹಿಂದೂ ಆಗಿದ್ದರು ಎಂದು ಆರ್​ಎಸ್​ಎಸ್​ ಮುಖ್ಯಸ್ಥ ಮೋಹನ್ ಭಾಗವತ್ ಹೇಳಿದ್ದಾರೆ. ಸೋಮವಾರ ಅಂದರೆ ನಿನ್ನೆ ಮಾಜಿ ಎನ್‌ಸಿಇಆರ್‌ಟಿ ಮುಖ್ಯಸ್ಥ ಜೆ.ಎಸ್ ರಾಜಪೂತ್ ಬರೆದ ಗಾಂಧಿ ಕುರಿತಾದ ಕೃತಿಯೊಂದರ ಬಿಡುಗಡೆ ಕಾರ್ಯಕ್ರಮದಲ್ಲಿ ಮೋಹನ್​ ಭಾಗವತ್​​ ಭಾಗಿಯಾಗಿದ್ದರು. ಇಲ್ಲಿನ ವೇದಿಕೆಯನ್ನುದ್ದೇಶಿಸಿ ಮಾತಾಡಿದ ಅವರು, ಗಾಂಧಿ ಯಾವತ್ತು ಹಿಂದೂ ಎಂದು ಹೇಳಿಕೊಳ್ಳಲು ಹಿಂದೇಟು ಹಾಕುತ್ತಿರಲಿಲ್ಲ. ಬದಲಿಗೆ ಭಾರತೀಯತೆ ಬಗ್ಗೆ ಚಿಂತಿಸುತ್ತಿದ್ದ ಗಾಂಧಿ, ತಾನೋರ್ವ ಕಟ್ಟರ್​​ ಹಿಂದು ಹೇಳಿಕೊಳ್ಳುತ್ತಿದ್ದರು ಎಂದಿದ್ಧಾರೆ.

ಇನ್ನು, ಮಹಾತ್ಮ ಗಾಂಧಿ ಕಟ್ಟರ್​ ಸನಾತನಿ ಹಿಂದೂ ಆಗಿದ್ದರು. ಇವರು ಹಿಂದೂ ಆಗಿದ್ದರಿಂದಲೇ ದೇವರನ್ನು ಪೂಜಿಸುತ್ತಿದ್ದರು. ತಮ್ಮ ನಂಬಿಕೆಗೆ ಬದ್ಧರಾಗಿದ್ದು, ಇತರರ ನಂಬಿಕೆಗಳನ್ನು ಗೌರವಿಸುತ್ತಿದ್ದರು. ತಮ್ಮ ಹೋರಾಟ ತಪ್ಪು ದಾರಿ ಹಿಡಿದರೆ ಪಶ್ಚಾತ್ತಾಪ ಪಡುತ್ತಿದ್ದರು ಎಂದು ಗಾಂಧಿಯವರನ್ನು ಮೋಹನ್​ ಭಾಗವತ್​​ ಕೊಂಡಾಡಿದರು.

ಇನ್ನು, ಇಂದಿನ ಕಾಲದಲ್ಲಿ ಚಳವಳಿಗೇನಾದರೂ ತೊಡಕಾದರೆ ಯಾರೂ ಪಶ್ಚಾತ್ತಾಪ ಪಡುವುದಿಲ್ಲ. ಪ್ರತಿಭಟನೆ ನೇತೃತ್ವವಹಿಸಿದವರೇ ಬೆಲೆ ತೆರಬೇಕಾಗುತ್ತದೆ. ಆದರೆ, ಎಂದೂ ಹೋರಾಟದ ರೂವಾರಿಗಳಿಗೆ ಸೋಲು ಮತ್ತು ಗೆಲುವಿನ ಪ್ರಶ್ನೆಯೇ ಉದ್ಭವಿಸುವುದಿಲ್ಲ ಎಂದರು.

ಇದನ್ನೂ ಓದಿ: ಮಹಾತ್ಮ ಗಾಂಧಿ ಹುಡುಕಾಡುತ್ತಿದ್ದ ಸತ್ಯವೇ ಹಿಂದುತ್ವ: ಮೋಹನ್​ ಭಾಗವತ್

ಗಾಂಧಿ ಆದರ್ಶಗಳು ಭಾರತೀಯವಾಗಿವೆ. ಹಾಗಾಗಿಯೇ ತಾವು ಹಿಂದೂ ಎನ್ನುವುದನ್ನು ಯಾವತ್ತು ಮುಚ್ಚಿಡಲಿಲ್ಲ. ಭಾರತದ ಬಗ್ಗೆ ಗಾಂಧಿಯವರಿಗೆ ಇದ್ದ ಕನಸು ಈಗ ನನಸಾಗುತ್ತಿದೆ. ಇಂದಿನ ಯುವ ಜನಾಂಗ ಗಾಂಧಿ ಕನಸು ನನಸು ಮಾಡಲಿದೆ ಎಂಬ ಭರವಸೆ ಇದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.