5 ದಿನಗಳ ಮೊದಲೇ ಸ್ವಾತಂತ್ರ್ಯ ಸಂಭ್ರಮಾಚರಿಸಿದ ದೇಶದ ಏಕೈಕ ನಗರ!: ಕಾರಣವೇನು ಗೊತ್ತಾ?


Updated:August 15, 2018, 1:45 PM IST
5 ದಿನಗಳ ಮೊದಲೇ ಸ್ವಾತಂತ್ರ್ಯ ಸಂಭ್ರಮಾಚರಿಸಿದ ದೇಶದ ಏಕೈಕ ನಗರ!: ಕಾರಣವೇನು ಗೊತ್ತಾ?

Updated: August 15, 2018, 1:45 PM IST
ನ್ಯೂಸ್​ 18 ಕನ್ನಡ

ಭೋಪಾಲ್​​(ಆ.15):  ಇಂದು ದೇಶದಾದ್ಯಂತ 72ನೇ ಸ್ವಾತತ್ರ್ಯೋತ್ಸವವನ್ನು ಸಂಭ್ರಮದಿಂದ ಆಚರಿಸಲಾಗುತ್ತಿದೆ. ಆದರೆ ದೇಶದಲ್ಲಿ 5 ದಿನಗಳ ಮೊದಲೇ ಈ ಸಂಭ್ರಮವನ್ನು ಆಚರಿಸಿದ ನಗರವೂ ಇದೆ. ಮೂರು ದಶಕಗಳಿಂದ ನಡೆದು ಬರುತ್ತಿರುವ ಪರಂಪರೆಯನ್ನು ಮುಂದುವರೆಸಿಕೊಂಡು ಮಧ್ಯಪ್ರದೇಶದ ಮಂದಸೌರ್​ ನಗರದ ಪ್ರಸಿದ್ಧ ಪಶುಪತಿನಾಥ ದೇವಸ್ಥಾನದಲ್ಲಿ ಸ್ವಾತಂತ್ರ್ಯೋತ್ಸವವನ್ನು ಆಗಸ್ಟ್​ 10 ರಂದೇ ಆಚರಿಸಲಾಗಿದೆ. ವಾಸ್ತವವಾಗಿ, ಇಂಧೋರ್​ನಿಂದ 250 ಕಿ. ಮೀ ದೂರದಲ್ಲಿರುವ ಮಂದಸೌರ್​ನ ಶಿವನಾ ನದಿ ಕಿನಾರೆಯಲ್ಲಿರುವ ಈ ದೇವಸ್ಥಾನದಲ್ಲಿ ಸ್ವಾತಂತ್ರ್ಯೋತ್ಸವವನ್ನು ಹಿಂದೂ ಪಂಚಾಂಗದಂತೆ ಆಚರಿಸಲಾಗುತ್ತದೆ.

ಪಶುಪತಿನಾಥ ದೇವಸ್ಥಾನದ ಪುರೋಹಿತ ಹಾಗೂ ಆಡಳಿತ ಸಂಸ್ಥೆಯ ಅಧ್ಯಕ್ಷ ಉಮೆಶ್​ ಜೋಷಿ ಈ ಕುರಿತಾಗಿ ಮಾತನಾಡುತ್ತಾ 1947 ರ ಆಗಸ್ಟ್​ 15 ರಂದು ಬ್ರಿಟಿಷ್ ದಾಸ್ಯದಿಂದ ಭಾರತ ಮುಕ್ತವಾದಾಗ, ಹಿಂದೂ ಪಂಚಾಂಗದ ಅನ್ವಯ ಶ್ರಾವಣ ಮಾಸದ ಕೃಷ್ಣಾ ಪಕ್ಷದ ಚತುರ್ದಶಿಯಾಗಿತ್ತು. ಹೀಗಾಗಿ ಶಿವ ಮಂದಿರದಲ್ಲಿ ಪ್ರತಿ ವರ್ಷ ಇದೇ ತಿಥಿಯನ್ವಯ ಪೂಜೆ ಮಾಡಿ ಸ್ವಾತಂತ್ರ್ಯ ದಿನಾಚರಣೆ ಆಚರಿಸಲಾಗುತ್ತದೆ ಎಂದಿದ್ದಾರೆ.

ಮಧ್ಯಪ್ರದೇಶದ ಮಂದ್​ಸೌರ್​ನ ಶಿವನಾ ನದಿ ಕಿನಾರೆಯಲ್ಲಿರುವ ಪಶುಪತಿನಾಥ ದೇವಸ್ಣಾನ ಫೋಟೋ ಕೃಪೆ: ಸುರೆಶ್​ ರಾಥೋಡ್(Facebook)


ಅಲ್ಲದೇ ಈ ಬಾರಿ ಇದು(ಶ್ರೌವಣ ಕೃಷ್ಣ ಚತುರ್ದಶಿ) ಆಗಸ್ಟ್​ 10ಕ್ಕೆ ಬಂದಿದೆ. ಹೀಗಾಗಿ ನಾವು ನಮ್ಮ ಪರಂಪರೆಯಂತೆ ಅಂದು ಪಶುಪತಿನಾಥ ದೇವಸ್ಥಾನದಲ್ಲಿ ಭಗವಂತ ಶಿವನಿಗೆ ವಿಶೇಷ ಪೂಜೆ ಮಾಡಿದೆವು. ಈ ವೇಳೆ ಗರಿಕೆ ಹುಲ್ಲಿನ ನೀರನ್ನು ಅಷ್ಠಮುಖಿ ಶಿವಲಿಂಗಕ್ಕೆ ಅಭಿಷೇಕ ಮಾಡಿ ದೇಶದ ಸಮೃದ್ಧಿಗಾಗಿ ಪ್ರಾರ್ಥಿಸಿದೆವು. ಈ ಪರಂಪರೆ 1987 ರಿಂದಲೇ ಆಚರಣೆಯಲ್ಲಿದೆ ಎಂದೂ ಉಮೇಶ್​ ಜೋಷಿ ತಿಳಿಸಿದ್ದಾರೆ.
First published:August 15, 2018
ಮತ್ತಷ್ಟು ಓದಿರಿ
Loading...
ಮುಂದಿನ ಸುದ್ದಿ