ಅಮೆಜಾನ್​ ಸಿಇಒ ಹಿಂದಿಕ್ಕಿ ವಿಶ್ವದ ಶ್ರೀಮಂತರ ಸಾಲಿನಲ್ಲಿ ಗುರುತಿಸಿಕೊಂಡ ಲೂಯಿಸ್ ವಿಟಾನ್​ ಕಂಪನಿ ಮಾಲೀಕ; ಬರ್ನಾಡ್​​ ಅರ್ನಾಲ್ಟ್ ಆದಾಯ ಎಷ್ಟು ಗೊತ್ತಾ?

ಐಷಾರಾಮಿ ಸರಕುಗಳ ಕಂಪನಿ ಮಾಲೀಕರಾದ ಬರ್ನಾಡ್​​ ಅರ್ನಾಲ್ಟ್​​ ಮತ್ತು ಅವರ ಕುಟುಂಬ ಆನ್​ಲೈನ್​ ಇ-ಕಾಮರ್ಸ್​ ಫ್ಲಾಟ್​ಫಾರ್ಮ್​ ಅಮೆಜಾನ್​ ಕಂಪನಿ ಸಿಇಒ ಜೆಫ್​ ಬೆಜೋಸ್​ ಅವರನ್ನು ಹಿಂದಿಕ್ಕಿ ಶ್ರೀಮಂತರ ಸಾಲಿನಲ್ಲಿ ಗುರುತಿಸಿಕೊಂಡಿದ್ದಾರೆ. ಫೋರ್ಬ್ಸ್​ ರಿಯಲ್​-ಟೈಮ್​ ಬಿಲಿಯನೇರ್ಸ್​ ಪಟ್ಟಿಯ ಪ್ರಕಾರ ಅರ್ನಾಲ್ಟ್​​ ಮತ್ತು ಅವರ ಕುಟುಂಬದ ನಿವ್ವಳ ಮೌಲ್ಯವು 186.4 ಬಿಲಿಯನ್​ ಇದೆ ಎಂದು ಹೇಳಿದೆ.

ಲೂಯಿ ವಿಟಾನ್​​ ಮೊಯೆಟ್​ ಹೆನ್ನೆಸ್ಸಿ (Louis Vuitton Moet Hennessy) ಕಂಪನಿಯ ಮಾಲೀಕರಾದ ಬರ್ನಾಡ್​​ ಅರ್ನಾಲ್ಟ್​ ಮತ್ತು ಅವರ ಕುಟುಂಬ ಷೇರು ಏರಿಕೆಯಿಂದ ತಮ್ಮ ಸಂಪತ್ತನ್ನು 765 ದಶಲಕ್ಷಕ್ಕಿಂತ ಹೆಚ್ಚಿಸಿಕೊಂಡಿದ್ದಾರೆ.

ಲೂಯಿ ವಿಟಾನ್​​ ಮೊಯೆಟ್​ ಹೆನ್ನೆಸ್ಸಿ ಕಂಪನಿ (LVMH) ಫೆಂಡಿ, ಕ್ರಿಶ್ಚಿಯನ್​ ಡಿಯೋರ್​ ಮತ್ತು ಗಿವೆಂಚಿ ಬ್ರಾಂಡ್​ಗಳನ್ನು ಸಹ ಹೊಂದಿದೆ. ಅದರ ಷೇರುಗಳ ಬೆಲೆಗಳು ಹೆಚ್ಚಾದ ನಂತರ ಮಾರುಕಟ್ಟೆ ಬಂಡವಾಳದಲ್ಲಿ ಏರಿಕೆ ಕಂಡುಬಂದಿದೆ. ಇದೇ ಅವರ ಉನ್ನತಕ್ಕೆ ಕಾರಣವಾಗಿದೆ.

ಫೋರ್ಬ್ಸ್​ ಪಟ್ಟಿಯ ಪ್ರಕಾರ, 72 ವರ್ಷದ ಬರ್ನಾಡ್​ ಮತ್ತು ಅವರ ಕುಟುಂಬ ಅತ್ಯಂತ ಶ್ರೀಮಂತ ಪಟ್ಟಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಅಮೆಜಾನ್​ ಸಿಇಒ ಬೆಜೋಸ್​ ಅವರನ್ನು ಹಿಂದಿಕ್ಕಿದ್ದಾರೆ. ಅವರ ನಿವ್ವಳ ಮೌಲ್ಯವೀಗ 186 ಬಿಲಿಯನ್​ ಆಗಿದೆ. ಇನ್ನು ಟೆಸ್ಲಾದ ಎಲೋನ್​ ಮಸ್ಕ್​ ಅವರ ಸಂಪತ್ತು147.3 ಬಿಲಿಯನ್​ ಆಗಿದೆ.

2021ರ ಮೊದಲ ತ್ರೈಮಾಸಿದಲ್ಲಿ ಕಂಪನಿ 14 ಬಿಲಿಯನ್​ ಯುರೋ ಆದಾಯವನ್ನು ದಾಖಲಿಸಿಕೊಂಡಿದೆ. , 2020ಕ್ಕೆ ಹೋಲಿಸಿದಾಗ ಶೇ 32 ರಷ್ಟು ವ್ಯತ್ಯಾಸ ಮತ್ತು ಸಾವಯವ ಆಧಾತದ ಮೇಲೆ ಶೇ.30ರಷ್ಟು ಹೆಚ್ಚಾಗಿದೆ. ಜಾಗತಿಕ ಸಾಂಕ್ರಾಮಿಕ ಕೊರೊನಾ ರೋಗದ ತೀವ್ರತೆಯಿಂದ ಕಳೆದ ವರ್ಷ ಕುಸಿತಗೊಂಡಿದ್ದರು ನಂತರ ಬೆಳವಣಿಗೆ ಕಂಡಿದೆ. ಇದೀಗ ಬರ್ನಾಡ್​​ ಅರ್ನಾಲ್ಟ್​​ ಮತ್ತು ಕುಟುಂಬ ಆನ್​ಲೈನ್​ ಇ-ಕಾಮರ್ಸ್​ ಫ್ಲಾಟ್​ಫಾರ್ಮ್​ ಅಮೆಜಾನ್​ ಕಂಪನಿ ಸಿಇಒ jeff bezos​ ಅವರನ್ನು ಹಿಂದಿಕ್ಕಿ ಶ್ರೀಮಂತರ ಸಾಳಿನಲ್ಲಿ ಗುರುತಿಸಿಕೊಂಡಿದ್ದಾರೆ.

A few hours after losing the title to French luxury fashion magnate Bernard Arnault, Jeff Bezos is back at No. 1 after #Amazon’s shares ticked up when markets opened in New York. #bezoshttps://t.co/4cKwCwqVlo

— Forbes Middle East (@Forbes_MENA_) May 25, 2021

-ಲೂಯಿ ವಿಟಾನ್​​ ಮೊಯೆಟ್​ ಹೆನ್ನೆಸ್ಸಿ ಕಂಪನಿ ಹುಟ್ಟುಹಾಕಿದ ಬರ್ನಾಡ್​​ ಅರ್ನಾಲ್ಟ್ ಮೂಲತಃ ಫ್ರಾನ್ಸ್​ನವರಾಗಿದ್ದು, ಮಾರ್ಚ್​ 5, 1949 ರಂದು ಜನಿಸಿದರು. ಇವರ ಪೂರ್ಣ ಹೆಸರು ಬರ್ನಾರ್ಡ್ ಜೀನ್ ಎಟಿಯೆನ್ ಅರ್ನಾಲ್ಟ್.

- ಅರ್ನಾಲ್ಟ್ ಉದ್ಯಮಿ ಮಾತ್ರವಲ್ಲದೆ ಮೀಡಿಯಾ ಮಾಲೀಕ ಮತ್ತು ಕಲಾ ಸಂಗ್ರಾಹಕರಾಗಿಯೂ ಗುರುತಿಸಿಕೊಂಡಿದ್ದಾರೆ

- ಮಾಹಿತಿ ಮೇರೆಗೆ ಎರಡು ವಿವಾಹವಾಗಿದ್ದಾರೆ. ಆನ್​ ದೇವವ್ರಿನ್​ ಅವರನ್ನು 1973ರಲ್ಲಿ ವಿವಾಹವಾಗಿ 1990ರಲ್ಲಿ ವಿಚ್ಛೇದನ ನೀಡುತ್ತಾರೆ. ಹೆಲೀನ್​ ಮರ್ಸಿಯರ್​ ಅವರನ್ನು 1991ರಂದು ಮದುವೆಯಾಗುತ್ತಾರೆ.

- ಅರ್ನಾಲ್ಟ್​ಗೆ 5 ಮಕ್ಕಳಿದ್ದಾರೆ.