ಭಾರತ ಮೂಲದ ಕಮಲಾಗೆ 85 ನಿಮಿಷ ವಿಶ್ವದ ಅತ್ಯುನ್ನತ ಅಧಿಕಾರ; ಕಾರಣ ಇದು

ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಅವರಿಗೆ ವಾರ್ಷಿಕ ದೈಹಿಕ ಆರೋಗ್ಯ ಪರೀಕ್ಷೆಯ ವೇಳೆ ಪ್ರಜ್ಞೆ ತಪ್ಪಿಸಲಾಗುತ್ತಿದ್ದುದರಿಂದ ಅಷ್ಟು ಹೊತ್ತು ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಅವರಿಗೆ ಅಧ್ಯಕ್ಷೀಯ ಅಧಿಕಾರ ವಹಿಸಲಾಗಿತ್ತು.

ಜೋ ಬೈಡನ್ ಮತ್ತು ಕಮಲಾ ಹ್ಯಾರಿಸ್

ಜೋ ಬೈಡನ್ ಮತ್ತು ಕಮಲಾ ಹ್ಯಾರಿಸ್

  • Share this:
ವಾಷಿಂಗ್ಟನ್: ಕಮಲಾ ಹ್ಯಾರಿಸ್ ಯುನೈಟೆಡ್‌ ಸ್ಟೇಟ್ಸ್‌ನಲ್ಲಿ ಅಧ್ಯಕ್ಷೀಯ ಅಧಿಕಾರ ಹಿಡಿದ ಮೊದಲ ಮಹಿಳೆ ಎನಿಸಿಕೊಂಡಿದ್ದಾರೆ. ಅವರು ಈಗಾಗಲೇ ಅಮೆರಿಕದ ಮೊದಲ ಮಹಿಳಾ ಉಪಾಧ್ಯಕ್ಷೆಯಾಗಿದ್ದಾರೆ. ಅರೆ, ಅಮೆರಿಕದ ಉಪಾಧ್ಯಕ್ಷೆ, ಅಧ್ಯಕ್ಷೆ ಯಾವಾಗ ಆದರು ಎಂಬ ಪ್ರಶ್ನೆ ನಿಮ್ಮ ಮನಸ್ಸಲ್ಲಿ ಬಂತಾ..? ಅವರು ಅಧ್ಯಕ್ಷೆಯಾಗಿಲ್ಲ. ಬದಲಾಗಿ ಕೇವಲ 1 ಗಂಟೆ 25 ನಿಮಿಷಗಳ ಕಾಲ ಅಧ್ಯಕ್ಷೀಯ ಅಧಿಕಾರ ಹೊಂದಿದ್ದರು. ಇದೇನು ವಿಚಿತ್ರ ಅಂತೀರಾ..?

ನಿಯಮಿತ ಆರೋಗ್ಯ ತಪಾಸಣೆಯ ಭಾಗವಾಗಿ ಕೊಲೊನೋಸ್ಕೋಪಿಗಾಗಿ ಅನಸ್ಥೇಸಿಯಾ ನಡೆಯುವ ಕಾರಣ ಅಧ್ಯಕ್ಷ ಜೋ ಬೈಡೆನ್‌ ಶುಕ್ರವಾರ ಐತಿಹಾಸಿಕ ಒಂದು ಗಂಟೆ 25 ನಿಮಿಷಗಳ ಕಾಲ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಅವರಿಗೆ ಅಧಿಕಾರವನ್ನು ವರ್ಗಾಯಿಸಿದರು.

ಇಷ್ಟು ಚಿಕ್ಕ ಅವಧಿಯೇ ಅದರೂ, ಭಾರತೀಯ ಮೂಲದ ಕಮಲಾ ಹ್ಯಾರಿಸ್‌ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಅಧ್ಯಕ್ಷೀಯ ಅಧಿಕಾರವನ್ನು ಹಿಡಿದ ಮೊದಲ ಮಹಿಳೆಯಾದರು. ಅವರು ಈಗಾಗಲೇ ಮೊದಲ ಮಹಿಳಾ ಉಪಾಧ್ಯಕ್ಷೆ ಆಗಿದ್ದಾರೆ.

ಅಧ್ಯಕ್ಷೀಯ ಅಧಿಕಾರದ ತಾತ್ಕಾಲಿಕ ವರ್ಗಾವಣೆಯನ್ನು ಘೋಷಿಸುವ ಅಧಿಕೃತ ಪತ್ರಗಳನ್ನು 10:10 am (1510 GMT)ಕ್ಕೆ ಕಳುಹಿಸಲಾಗಿದೆ ಎಂದು ಶ್ವೇತಭವನದ ಪತ್ರಿಕಾ ಕಚೇರಿ ತಿಳಿಸಿದೆ. ಅಲ್ಲದೆ, ಮತ್ತೆ ಬೆಳಗ್ಗೆ 11:35ಕ್ಕೆ (1635 GMT) ಅಧ್ಯಕ್ಷರಾದ ಜೋ ಬೈಡೆನ್‌ ತಮ್ಮ ಕರ್ತವ್ಯಗಳನ್ನು ಪುನರಾರಂಭಿಸಿದರು ಎಂದೂ ವೈಟ್ ಹೌಸ್ ಹೇಳಿಕೆಯಲ್ಲಿ ತಿಳಿಸಿದೆ.

ಅಲ್ಲದೆ, ಈ ಸಂಬಂಧ ಬೈಡೆನ್, ಕಮಲಾ ಹ್ಯಾರಿಸ್‌ ಹಾಗೂ ಅವರ ಸಿಬ್ಬಂದಿ ಮುಖ್ಯಸ್ಥರೊಂದಿಗೆ ಮಾತನಾಡಿದ್ದರು ಮತ್ತು ಅವರು ಉತ್ತಮ ಉತ್ಸಾಹದಲ್ಲಿದ್ದರು ಎಂದು ಪತ್ರಿಕಾ ಕಾರ್ಯದರ್ಶಿ ಜೆನ್ ಪ್ಸಾಕಿ (Jen Psaki) ಟ್ವೀಟ್ ಮಾಡಿದ್ದಾರೆ.

ಹಾಗೂ, ಬೈಡೆನ್, ವಾಲ್ಟರ್ ರೀಡ್ ಆಸ್ಪತ್ರೆಯ ಅಧ್ಯಕ್ಷೀಯ ಸೌಲಭ್ಯದಲ್ಲಿ ತನ್ನ ವಾಡಿಕೆಯ ದೈಹಿಕ ಪರೀಕ್ಷೆಯ ಉಳಿದ ಭಾಗವನ್ನು ಪೂರ್ಣಗೊಳಿಸಲು ಉಳಿದರು.

ಯುಎಸ್ ಇತಿಹಾಸದಲ್ಲಿ ಅಧ್ಯಕ್ಷ ಸ್ಥಾನ ಹೊಂದಿರುವ ಅತ್ಯಂತ ಹಿರಿಯ ವ್ಯಕ್ತಿಯಾಗಿರುವ ಬೈಡೆನ್‌ 79ನೇ ಹುಟ್ಟುಹಬ್ಬದ ಮುನ್ನಾದಿನದಂದು ಅವರ ವೈದ್ಯಕೀಯ ತಪಾಸಣೆಗೆ ತೆರಳಿದರು.

ಇದನ್ನೂ ಓದಿ: Pakistan: ಪಾಕಿಸ್ತಾನದಲ್ಲಿ ರೇಪಿಸ್ಟ್​​ಗಳಿಗೆ ರಾಸಾಯನಿಕ ನೀಡಿ 'ಅದನ್ನೇ' ಕಿತ್ತುಕೊಳ್ತಾರೆ!

ಶ್ವೇತಭವನವು ಈ ನೇಮಕಾತಿಯನ್ನು ವಾರ್ಷಿಕ ದೈಹಿಕ ಆರೋಗ್ಯ ಪರೀಕ್ಷೆ (Routine Annual Physical) ಎಂದು ವಿವರಿಸಿದೆ. ಜನವರಿಯಲ್ಲಿ ಅಧಿಕಾರ ವಹಿಸಿಕೊಂಡ ನಂತರ ಇದು ಬೈಡೆನ್‌ ಅವರ ಮೊದಲನೆಯದು.

ಆಸ್ಪತ್ರೆಯ ಭೇಟಿಯಲ್ಲಿ ಅಸಾಮಾನ್ಯ ಏನೂ ಇಲ್ಲ ಎಂದು ಆಡಳಿತವು ಹೇಳಿದರೂ, ಶುಕ್ರವಾರ ಮುಂಜಾನೆ ಶ್ವೇತಭವನದಿಂದ ಮೋಟಾರ್‌ಕೇಡ್ ಮೂಲಕ ಬೈಡೆನ್‌ ನಿರ್ಗಮನವನ್ನು ಕೊನೆಯ ನಿಮಿಷದಲ್ಲಿ ಘೋಷಿಸಲಾಯಿತು.

ಹಿಂದಿನ ರಾತ್ರಿ ಹೊರಡಿಸಿದ ಅವರ ಸಾರ್ವಜನಿಕ ವೇಳಾಪಟ್ಟಿಯಲ್ಲಿ, ಥ್ಯಾಂಕ್ಸ್‌ಗಿವಿಂಗ್‌ಗಿಂತ ಮುಂಚಿತವಾಗಿ “ಟರ್ಕಿ ಪಕ್ಷಿಗೆ ಕ್ಷಮೆ ನೀಡುವ” ಸಾಂಪ್ರದಾಯಿಕ ಸಮಾರಂಭವನ್ನು ಮತ್ತು ಡೆಲವೇರ್‌ನಲ್ಲಿರುವ ಮನೆಯಲ್ಲಿ ವಾರಾಂತ್ಯಕ್ಕೆ ನಿರ್ಗಮಿಸುತ್ತಾರೆ ಎಂದು ಮಾತ್ರ ಪಟ್ಟಿಮಾಡಿತ್ತು.

ಅಧಿಕಾರ ಹಸ್ತಾಂತರಕ್ಕೆ ಕಾರಣ ಇದು:

ಆರೋಗ್ಯ ಪರೀಕ್ಷೆಯ ಭಾಗವಾಗಿ ಅಮೆರಿಕ ಅಧ್ಯಕ್ಷ ಜೋ ಬೈಡನ್ ಅವರಿಗೆ ಕೊಲೊನೋಸ್ಕೋಪಿ (Colonoscopy) ನಡೆಸಲಾಯಿತು. ಆ ಸಮಯದಲ್ಲಿ ಅರವಳಿಕೆ ನೀಡಲಾಗುತ್ತದೆ. ಆಗ ಅಧ್ಯಕ್ಷರಿಗೆ ಪ್ರಜ್ಞೆ ಇರುವುದಿಲ್ಲ. ಅಧ್ಯಕ್ಷರು ಪ್ರಜ್ಞೆಗೆ ಮರಳುವವರೆಗೂ ಸಾಂಪ್ರದಾಯಿಕವಾಗಿ ಉಪಾಧ್ಯಕ್ಷರಿಗೆ ಅಧ್ಯಕ್ಷೀಯ ಅಧಿಕಾರ ನೀಡಲಾಗುತ್ತದೆ. ಈ ಸಂಪ್ರದಾಯದಂತೆ ಉಪಾಧ್ಯಕ್ಷೆ ಕಮಲಾ ಹ್ಯಾರಿಸ್ ಅವರಿಗೆ 1 ಗಂಟೆ 25 ನಿಮಿಷ ಅಧ್ಯಕ್ಷೀಯ ಅಧಿಕಾರ ನೀಡಲಾಯಿತು. 57 ವರ್ಷದ ಕಮಲಾ ಹ್ಯಾರಿಸ್ ತಾತ್ಕಾಲಿಕವಾಗಿ US ಸಶಸ್ತ್ರ ಪಡೆಗಳು ಮತ್ತು ಪರಮಾಣು ಶಸ್ತ್ರಾಸ್ತ್ರಗಳ ಆರ್ಸೆನಲ್ ಉಸ್ತುವಾರಿ ವಹಿಸಿಕೊಂಡರು.

ಬೈಡೆನ್‌ ಸಹವರ್ತಿಯಾಗಿ ಆಯ್ಕೆಯಾಗುವ ಮೊದಲು ಕಮಲಾ ಹ್ಯಾರಿಸ್ 2020ರಲ್ಲಿ ಡೆಮಾಕ್ರಟಿಕ್ ಪಕ್ಷದ ನಾಮನಿರ್ದೇಶನಕ್ಕಾಗಿ ವಿಫಲವಾದ ಪ್ರಯತ್ನ ಮಾಡಿದರು. ತಾತ್ಕಾಲಿಕ ಅಧ್ಯಕ್ಷೀಯ ಅಧಿಕಾರವನ್ನು ಹಿಡಿದಿಟ್ಟುಕೊಳ್ಳುವಾಗಲೂ ಕಮಲಾ ಹ್ಯಾರಿಸ್‌ "ಪಶ್ಚಿಮ ವಿಂಗ್‌ನಲ್ಲಿರುವ ಅವರ ಕಚೇರಿಯಿಂದ ಕೆಲಸ ಮಾಡುವುದನ್ನು ಮುಂದುವರೆಸಿದರು" ಎಂದು ಪ್ಸಾಕಿ ಹೇಳಿದರು.

ಇದನ್ನೂ ಓದಿ: COVID-19 Variant: 2022ರಲ್ಲಿ ಮತ್ತೆ ಜಗತ್ತನ್ನು ಬಾಧಿಸಲಿದೆ COVID-19 ರೂಪಾಂತರ, ಹೇಗೆ ಅಂತೀರಾ? ಇಲ್ಲಿದೆ ವಿವರ

2002 ಮತ್ತು 2007ರಲ್ಲಿ ಅಧ್ಯಕ್ಷ ಜಾರ್ಜ್ ಡಬ್ಲ್ಯೂ ಬುಷ್ ಅದೇ ಕಾರ್ಯವಿಧಾನಕ್ಕೆ ಒಳಗಾದಾಗ "ಸಂವಿಧಾನದಲ್ಲಿ ನಿಗದಿಪಡಿಸಿದ ಪ್ರಕ್ರಿಯೆ ಅನುಸರಿಸಿ" ಇದೇ ರೀತಿಯ ತಾತ್ಕಾಲಿಕ ಅಧಿಕಾರದ ವರ್ಗಾವಣೆ ಕೈಗೊಳ್ಳಲಾಯಿತು ಎಂದು ಪ್ಸಾಕಿ ಮಾಹಿತಿ ನೀಡಿದರು.

ಹಾಗೂ ಅಧ್ಯಕ್ಷರ ಪರೀಕ್ಷೆಯ ಫಲಿತಾಂಶಗಳ ಲಿಖಿತ "ಸಾರಾಂಶ"ವನ್ನು "ಇಂದು ಮಧ್ಯಾಹ್ನದ ನಂತರ" ಬಿಡುಗಡೆ ಮಾಡಲಾಗುವುದು ಎಂದು ಪ್ಸಾಕಿ ಹೇಳಿದರು.

ಬೈಡೆನ್‌ ಆರೋಗ್ಯದ ಕುರಿತು ಯಾವುದೇ ವಿವರಗಳನ್ನು ಸೂಕ್ಷ್ಮವಾಗಿ ಗಮನಿಸುವುದು ಖಚಿತವಾಗಿದೆ. ಏಕೆಂದರೆ, ಅವರು 2024ರಲ್ಲಿ ಎರಡನೇ ಅವಧಿಗೆ ಆಯ್ಕೆಯಾಗುವ ಉದ್ದೇಶ ಹೊಂದಿರುವ ಬಗ್ಗೆ ಹೇಳಿದ್ದಾರೆ. ಆದರೆ, ಅವರು ನಿಜಕ್ಕೂ ಚುನಾವಣೆಗೆ ನಿಲ್ಲುತ್ತಾರೆಯೇ ಎಂಬ ಊಹಾಪೋಹ ಹಲವರಿಗೆ ಇದೆ.

ತನ್ನ ಆರೋಗ್ಯದ ಎಲ್ಲಾ ಅಂಶಗಳ ಬಗ್ಗೆ ಮತದಾರರೊಂದಿಗೆ ಸಂಪೂರ್ಣವಾಗಿ ಪಾರದರ್ಶಕರಾಗಿರುತ್ತೇನೆ ಎಂದು ಬೈಡೆನ್‌ ಒಂದು ವರ್ಷದ ಹಿಂದೆ ತನ್ನ ಚುನಾವಣೆಯ ಮೊದಲು ವಾಗ್ದಾನ ಮಾಡಿದ್ದರು.
Published by:Vijayasarthy SN
First published: