ಭಾರತದ ಗುಪ್ತಚರ ಸಂಸ್ಥೆಗಳಲ್ಲಿ ಕೆಲಸ ಮಾಡಬೇಕೆ? ಇಲ್ಲಿದೆ ನೇಮಕಾತಿ ಪ್ರಕ್ರಿಯೆ

ರೀಸರ್ಚ್ ಅಂಡ್ ಅನಾಲಿಸಿಸ್ ವಿಂಗ್ (ರಾ) ಮತ್ತು ಇಂಟೆಲಿಜೆನ್ಸ್ ಬ್ಯೂರೋ ನಮ್ಮ ದೇಶದ ಎರಡು ಗುಪ್ತಚರ ಸಂಸ್ಥೆಗಳಾಗಿವೆ. ಇಲ್ಲಿ ಉದ್ಯೋಗ ಪಡೆಯಲು ಏನೇನು ಅರ್ಹತೆ ಮತ್ತು ಪ್ರಕ್ರಿಯೆಗಳಿವೆ ಎಂಬ ಮಾಹಿತಿ ಇಲ್ಲಿದೆ.

news18
Updated:October 14, 2020, 10:19 PM IST
ಭಾರತದ ಗುಪ್ತಚರ ಸಂಸ್ಥೆಗಳಲ್ಲಿ ಕೆಲಸ ಮಾಡಬೇಕೆ? ಇಲ್ಲಿದೆ ನೇಮಕಾತಿ ಪ್ರಕ್ರಿಯೆ
ಸಾಂದರ್ಭಿಕ ಚಿತ್ರ
  • News18
  • Last Updated: October 14, 2020, 10:19 PM IST
  • Share this:
ಗುಪ್ತಚರ ಸಂಸ್ಥೆಗಳೆಂದರೆ ಯಾರಿಗೆ ತಾನೇ ಕುತೂಹಲ ಇರುವುದಿಲ್ಲ? ದೇಶದ ಒಳಗಿನ ಮತ್ತು ಹೊರಗಿನ ಶತ್ರುಗಳ ಬಗ್ಗೆ ಹಾಗೂ ದೇಶಕ್ಕೆ ಅನಾಹುತವಾಗಬಲ್ಲಂಥ ಮಾಹಿತಿಯನ್ನು ಗುಪ್ತಚರರು ಬಹಳ ರಹಸ್ಯವಾಗಿ ಕಲೆಹಾಕಿ ಸರ್ಕಾರಕ್ಕೆ ಮಾಹಿತಿ ನೀಡುತ್ತಿರುತ್ತಾರೆ. ಆ ಮೂಲಕ ದೇಶಕ್ಕೆ ಭದ್ರತೆ ಒದಗಿಸುತ್ತಾರೆ. ಇಂಥ ಸಂಸ್ಥೆಗಳಲ್ಲಿ ಕೆಲಸ ಮಾಡಲು ನಿಮಗೆ ಯಾವತ್ತಾದರೂ ಅನಿಸಿರಬಹುದು. ಐಎಎಸ್, ಐಪಿಎಸ್​ನಂತೆ ಇಂಟೆಲಿಜೆನ್ಸ್ ಬ್ಯೂರೋ, ರಾ (RAW) ಅಧಿಕಾರಿಗಳಾಗಿಯೂ ಕೆಲಸ ಮಾಡುವ ಅವಕಾಶ ಇದೆ. ಈ ಎರಡು ಗುಪ್ತಚರ ಸಂಸ್ಥೆಗಳಲ್ಲಿ ಉದ್ಯೋಗ ಮಾಡಲು ಅರ್ಹತೆಗಳೇನು ಎಂಬ ವಿವರ ಇಲ್ಲಿದೆ.

ಐಬಿ ಮತ್ತು ರಾ ಸಂಸ್ಥೆಗಳಿಗೆ ಇರುವ ಆಯ್ಕೆ ಪ್ರಕ್ರಿಯೆ ಬಹಳ ಕಠಿಣವಾದುದು. ಶೈಕ್ಷಣಿಕ ಅರ್ಹತೆ ಯಾವುದೇ ಪದವಿಯಾದರೂ ಪರೀಕ್ಷೆ, ಸಂದರ್ಶನ ಇತ್ಯಾದಿ ಪ್ರಕ್ರಿಯೆಗಳು ಕಠಿಣವಾಗಿರುತ್ತವೆ. ಅಭ್ಯರ್ಥಿಗಳು ಭಾರತದ ಪ್ರಜೆಗಳಾಗಿರಬೇಕು. ಕ್ರಿಮಿನಲ್ ಬ್ಯಾಕ್​ಗ್ರೌಂಡ್ ಇರಬಾರದು. ಡ್ರಗ್ ಅಡಿಕ್ಟ್ ಆಗಿರಬಾರದು ಎಂಬ ಸಾಮಾನ್ಯ ನಿಯಮಗಳಿವೆ. ಇಂಟೆಲಿಜೆನ್ಸ್ ಬ್ಯೂರೋದ ಅಧಿಕಾರಿ ಹುದ್ದೆಗೆ ಅರ್ಜಿ ಹಾಕುವ ಅಭ್ಯರ್ಥಿಗಳು ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಯಿಂದ ಪದವಿ ಪೂರೈಸಿರಬೇಕು. RAW ಅಧಿಕಾರಿ ಆಗಲು ಒಳ್ಳೆಯ ಶಿಕ್ಷಣದ ಜೊತೆಗೆ ಯಾವುದೇ ಒಂದು ವಿದೇಶಿ ಭಾಷೆಯಲ್ಲಿ ಹಿಡಿತವಿರಬೇಕು.

ಇದನ್ನೂ ಓದಿ: ISRO Recruitment 2020: ವಿಜ್ಞಾನಿ, ಎಂಜಿನಿಯರ್ ಹುದ್ದೆ ಸೇರಿದಂತೆ 55 ಖಾಲಿ ಹುದ್ದೆಗಳಿಗೆ ಅಕ್ಟೋಬರ್ 15 ರೊಳಗೆ ಅರ್ಜಿ ಸಲ್ಲಿಸಿ

ವಯಸ್ಸಿನ ಮಿತಿ:

ಐಬಿ ಕೆಲಸಕ್ಕೆ ಪ್ರಯತ್ನಿಸುವ ಅಭ್ಯರ್ಥಿಗಳ ವಯಸ್ಸಿನ ಮಿತಿ 56 ವರ್ಷ ಇರಬೇಕು. ಅದೇ ರಾ ಸಂಸ್ಥೆಯಾದರೆ ಅಭ್ಯರ್ಥಿಗಳಿಗೆ 20 ವರ್ಷ ಕೆಲಸದ ಅನುಭವ ಇರಬೇಕು. ಇವಿಷ್ಟೂ ಸಾಮಾನ್ಯ ಅರ್ಹತೆ ಮತ್ತು ಮಾನದಂಡಗಳ ವಿಚಾರವಾಯಿತು. ಆದರೆ, ಗುಪ್ತಚರ ಸಂಸ್ಥೆಗಳಲ್ಲಿ ನೇಮಕಾತಿ ಆಗಬೇಕಾದರೆ ಇತರ ಮುಖ್ಯ ಪ್ರಕ್ರಿಯೆಗಳಿವೆ. ಲಿಖಿತ ಪರೀಕ್ಷೆ ಮತ್ತು ಸಂದರ್ಶನ ಬಹಳ ಕಠಿಣವಾಗಿರುತ್ತವೆ.

ಪರೀಕ್ಷೆಗಳು:

ಇಂಟೆಲಿಜೆನ್ಸ್ ಬ್ಯೂರೋ ಸಂಸ್ಥೆಗೆ ಸೇರಬಯಸುವ ಅಭ್ಯರ್ಥಿಗಳು ಸ್ಟಾಫ್ ಸೆಲೆಕ್ಷನ್ ಕಮಿಷನ್ ಆಯೋಜಿಸುವ ಸಿಜಿಪಿಇ (ಕಂಬೈನ್ಡ್ ಗ್ರಾಜುಯೇಟ್ ಪ್ರಿಲಿಮಿನರಿ ಎಕ್ಸಾಮ್) ಪರೀಕ್ಷೆ ಬರೆಯಬೇಕು. ಪ್ರತೀ ವರ್ಷವೂ ಈ ಪರೀಕ್ಷೆ ಇರುತ್ತದೆ. ಇದರ ಆಧಾರದ ಮೇಲೆ ಅಭ್ಯರ್ಥಿಗಳನ್ನ ಸಂದರ್ಶನಕ್ಕೆ ಆಯ್ಕೆ ಮಾಡಲಾಗುತ್ತದೆ.ಇದನ್ನೂ ಓದಿ: BEL Recruitment 2020: ಇಂಜಿನಿಯರ್​ ಮತ್ತು ಪ್ರಾಜೆಕ್ಟ್​ ಅಧಿಕಾರಿ ಹುದ್ದೆಗಳಿಗೆ ಅರ್ಜಿ ಆಹ್ವಾನ!

ಇನ್ನು, ರಾ ಏಜೆಂಟ್ ಆಗಬೇಕಾದರೆ ಗ್ರೂಪ್ ಎ ಸಿವಿಲ್ ಸರ್ವಿಸಸ್ ಎಕ್ಸಾಂ ಬರೆಯಬೇಕು. ಈ ಪರೀಕ್ಷೆಯ ಎಲ್ಲಾ ಹಂತಗಳಲ್ಲೂ ತೇರ್ಗಡೆಯಾಗುವ ಅರ್ಹತಾ ಅಭ್ಯರ್ಥಿಗಳಿಗೆ ಪ್ರತ್ಯೇಕವಾಗಿ RAW ಪರೀಕ್ಷೆ ನೀಡಲಾಗುತ್ತದೆ. ಆ ಬಳಿಕ ಸಂದರ್ಶನ ಇರುತ್ತದೆ. ರಾ ಏಜೆಂಟ್ ಆಗುವವರು ಬಹಳ ತೀಕ್ಷ್ಣಮತಿಯವರಾಗಿರಬೇಕು. ಈ ಹಿನ್ನೆಲೆಯಲ್ಲಿ ಈ ಗುಪ್ತಚರ ಸಂಸ್ಥೆಗೆ ಕೆಲಸಕ್ಕೆ ಸೇರಿಸಿಕೊಳ್ಳಲು ಕಠಿಣ ಪ್ರಕ್ರಿಯೆಗಳಿರುತ್ತದೆ. ನೀವು ಗುಪ್ತಚರ ಏಜೆಂಟ್ ಆಗಬೇಕಿದ್ದರೆ, ಎಲ್ಲಾ ಅರ್ಹತೆ ಇದ್ದರೆ ಕೂಡಲೇ ಅತ್ತ ಚಿತ್ತ ಹರಿಸಿ.
Published by: Vijayasarthy SN
First published: October 14, 2020, 10:06 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading