Photo Viral: ಮಹಿಳಾ ಸಹೋದ್ಯೋಗಿ ಜೊತೆ ಲಿಪ್​ಲಾಕ್​ ಮಾಡಿ ರಾಜೀನಾಮೆ ಕೊಟ್ಟ ಆರೋಗ್ಯ ಕಾರ್ಯದರ್ಶಿ

Matt Hancock: 42 ವರ್ಷದ ಮ್ಯಾಟ್​​ ಹ್ಯಾನ್​ಕಾಕ್​ ಮಹಿಳಾ ಸಹೋದ್ಯೋಗಿ ಗಿನಾ ಕೊಲಾಡಾಂಜಲೊ ಜತೆಗೆ ಚುಂಬಿಸುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿತ್ತು. ನಂತರ ಚುಂಬನದ ವಿಡಿಯೋ ಮತ್ತು ಫೋಟೋ ವೈರಲ್​ ಆಯಿತು. ಈ ವಿಚಾರವಾಗಿ ಗದ್ದಲ ಕೂಡ ಉಂಟಾಗಿತ್ತು. 

Matt Hancock

Matt Hancock

  • Share this:
    ಬ್ರಿಟನ್​ ಆರೋಗ್ಯ ಕಾರ್ಯದರ್ಶಿ ಮ್ಯಾಟ್​​ ಹ್ಯಾನ್​ಕಾಕ್​ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ. ಕೋವಿಡ್​-19 ಲಾಕ್​ಡೌನ್​ ಸಮಯದಲ್ಲಿ ನಿಯಮವನ್ನು ಉಲ್ಲಂಘಿಸಿ ಮಹಿಳಾ ಸಹೋದ್ಯೋಗಿ ಗಿನಾ ಕೊಲಾಡಾಂಜಲೊ ಜತೆಗೆ ಲಿಪ್​ ಲಾಕ್​ ಮಾಡಿರುವ ವಿಚಾರಕ್ಕೆ ತಪ್ಪೊಪ್ಪಿಕೊಂಡು ರಾಜೀನಾಮೆ ನೀಡಿದ್ದಾರೆ.

    42 ವರ್ಷದ ಮ್ಯಾಟ್​​ ಹ್ಯಾನ್​ಕಾಕ್​ ಮಹಿಳಾ ಸಹೋದ್ಯೋಗಿ ಗಿನಾ ಕೊಲಾಡಾಂಜಲೊ ಜತೆಗೆ ಚುಂಬಿಸುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿತ್ತು. ನಂತರ ಚುಂಬನದ ವಿಡಿಯೋ ಮತ್ತು ಫೋಟೋ ವೈರಲ್​ ಆಯಿತು. ಈ ವಿಚಾರವಾಗಿ ಗದ್ದಲ ಕೂಡ ಉಂಟಾಗಿತ್ತು.  ಕೊರೊನಾ ನಿಯಮವನ್ನು ಉಲ್ಲಂಘಿಸಿದ ಆರೋಪವನ್ನು ಮ್ಯಾಟ್​​ ಹ್ಯಾನ್​ಕಾಕ್​ ಮೇಲೆ ಹೊರಿಸಲಾಯಿತು.

    ವಿವಾದ ಭುಗಿಲೆದ್ದಂತೆ ಮ್ಯಾಟ್​​ ಹ್ಯಾನ್​ಕಾಕ್​​ ಪ್ರಧಾನಿ ಬೋರಿಸ್​ ಜಾನ್ಸನ್​ಗೆ ಪತ್ರಬರೆದಿದ್ದು, ಈ ಸಾಂಕ್ರಾಮಿಕ ರೋಗದ ಸಮಯದಲ್ಲಿ ತ್ಯಾಗ ಮಾಡಿದ ಜನರಿಗೆ ನಾವು ನಿರಾಸೆಗೊಳಿಸಿದಾಗ ಪ್ರಾಮಾನಿಕವಾಗಿರಬೇಕು. ಈ ಕಾರಣಕ್ಕೆ ನಾನು ರಾಜೀನಾಮೆ ನೀಡುತ್ತಿದ್ದೇನೆ. ಕೊರೊನಾ ಸಮಯದಲ್ಲಿ ಸರ್ಕಾರ ವಿಧಿಸಿದ್ದ ಮಾರ್ಗಸೂಚಿ ಉಲ್ಲಂಘಿಸಿದ್ದಕ್ಕಾಗಿ ಕ್ಷಮೆ ಕೋರುತ್ತಿದ್ದೇನೆ ಎಂದು ಪತ್ರದಲ್ಲಿ ತಿಳಿಸಿದ್ದಾರೆ.



    ಮೇ 6ರಂದು ಮ್ಯಾಟ್​​ ಹ್ಯಾನ್​ಕಾಕ್​ ಮತ್ತು ಸಹೋದ್ಯೋಗಿಯ ಚುಂಬನ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿತ್ತು. ಮಾಧ್ಯಮಗಳು ಈ ಕುರಿತಾಗಿ ವರದಿ ಮಾಡಿದ್ದವು. ಇದೀಗ ಮ್ಯಾಟ್​​ ಹ್ಯಾನ್​ಕಾಕ್​ ತನ್ನ ಹುದ್ದೆಗೆ ರಾಜೀನಾಮೆ ನೀಡಿದ್ದು, ಪಾಕಿಸ್ತಾನ ಮೂಲದ ಕನ್ಸವೇರ್ಟಿವ್​ ಪಕ್ಷದ ಸಂಸದ, ಬ್ರಿಟನ್​ನ ಮಾಜೀ ಚಾನ್ಸಿಲರ್​ ಸಾಜಿದ್​ ಜಾವಿದ್​ ನೂತನ ಆರೋಗ್ಯ ಕಾರ್ಯದರ್ಶಿಯಾಗು ನೇಮಕ ಗೊಳ್ಳುವ ಸಾಧ್ಯತೆಯಿದೆ.





    ಟ್ವಿಟರ್ ಖಾತೆಯಲ್ಲಿ ವಿಡಿಯೋ ಹಂಚಿಕೊಂಡಿರುವ ಹ್ಯಾನ್​ಕಾಕ್, ನಾನು ಆರೋಗ್ಯ ಹಾಗೂ ಸಾಮಾಜಿಕ ಕಾಳಜಿ ಕಾರ್ಯದರ್ಶಿಯ ಸ್ಥಾನಕ್ಕೆ ರಾಜೀನಾಮೆ ನೀಡುವುದಕ್ಕೆ ಪ್ರಧಾನಿಯನ್ನು ಭೇಟಿ ಮಾಡಿದ್ದೆ. ದೇಶದಲ್ಲಿ ಪ್ರತಿಯೊಬ್ಬರ ತ್ಯಾಗವನ್ನೂ ಅರ್ಥ ಮಾಡಿಕೊಳ್ಳುತ್ತೇನೆ, ಕಾನೂನುಗಳನ್ನು ರಚಿಸುವ ನಾವೇ ಅದನ್ನು ಪಾಲಿಸಬೇಕು, ಅದಕ್ಕಾಗಿಯೇ ರಾಜೀನಾಮೆ ನೀಡುತ್ತಿದ್ದೇನೆ ಎಂದು ಹಾನ್​ಕಾಕ್  ವಿಡಿಯೋದಲ್ಲಿ ತಿಳಿಸಿದ್ದಾರೆ.
    Published by:Harshith AS
    First published: