Monkeypox: ಕೇರಳದ ಮೃತ ಯುವಕನಲ್ಲಿ ಮಂಕಿಪಾಕ್ಸ್ ದೃಢ: ದೆಹಲಿಯಲ್ಲಿ ನೈಜೀರಿಯನ್ ವ್ಯಕ್ತಿಯಲ್ಲೂ ಸೋಂಕು

ದೆಹಲಿಯಲ್ಲಿ ವಾಸಿಸುತ್ತಿರುವ 35 ವರ್ಷದ ನೈಜೀರಿಯಾದ ವ್ಯಕ್ತಿಯಲ್ಲಿ (Nigerian man)  ಮಂಕಿಪಾಕ್ಸ್​​ (Monkeypox) ದೃಢಪಟ್ಟಿದೆ. ಇತ್ತೀಚಿನ ಯಾವುದೇ ವಿದೇಶಿ ಪ್ರಯಾಣದ ಇತಿಹಾಸವಿಲ್ಲದಿದ್ದರೂ ಮಂಕಿಪಾಕ್ಸ್‌ ಪರೀಕ್ಷೆಯಲ್ಲಿ ಪಾಸಿಟಿವ್​ ಬಂದಿದೆ.

ಮಂಕಿಪಾಕ್ಸ್ ರೋಗದ ಗ್ರಾಫಿಕ್ಸ್ ಚಿತ್ರ

ಮಂಕಿಪಾಕ್ಸ್ ರೋಗದ ಗ್ರಾಫಿಕ್ಸ್ ಚಿತ್ರ

  • Share this:
ತಿರುವನಂತಪುರಂ: ದೆಹಲಿಯಲ್ಲಿ ವಾಸಿಸುತ್ತಿರುವ 35 ವರ್ಷದ ನೈಜೀರಿಯಾದ ವ್ಯಕ್ತಿಯಲ್ಲಿ (Nigerian man)  ಮಂಕಿಪಾಕ್ಸ್​​ (Monkeypox) ದೃಢಪಟ್ಟಿದೆ. ಇತ್ತೀಚಿನ ಯಾವುದೇ ವಿದೇಶಿ ಪ್ರಯಾಣದ ಇತಿಹಾಸವಿಲ್ಲದಿದ್ದರೂ ಮಂಕಿಪಾಕ್ಸ್‌ ಪರೀಕ್ಷೆಯಲ್ಲಿ ಪಾಸಿಟಿವ್​ ಬಂದಿದೆ. ಇನ್ನು ಇತ್ತೀಚೆಗಷ್ಟೇ ಯುಎಇಯಿಂದ (USE) ವಾಪಸಾಗಿದ್ದ ಕೇರಳದ ಯುವಕನೊಬ್ಬ (Kerala man) ಶನಿವಾರ ಮೃತಪಟ್ಟಿದ್ದು, ಅವರಿಗೆ ಮಂಗನ ಕಾಯಿಲೆ ಇರುವುದು ದೃಢಪಟ್ಟಿದೆ ಎಂದು ಕೇರಳದ ಆರೋಗ್ಯ ಸಚಿವರು ತಿಳಿಸಿದ್ದಾರೆ. ರೋಗಿಯು ಚಿಕ್ಕವನಾಗಿದ್ದು, ಬೇರೆ ಯಾವುದೇ ಅನಾರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿಲ್ಲ, ಆದ್ದರಿಂದ ಅವರ ಸಾವಿಗೆ ಕಾರಣವನ್ನು ಆರೋಗ್ಯ ಇಲಾಖೆ ಪರಿಶೀಲಿಸುತ್ತಿದೆ ಎಂದು ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಹೇಳಿದರು. ಜುಲೈ 22 ರಂದು ಯುಎಇಯಿಂದ ಹಿಂದಿರುಗಿದ ಹುಡುಗನಲ್ಲಿ ಜುಲೈ 26 ರಂದು ಜ್ವರ ಕಾಣಿಸಿಕೊಂಡಿದೆ. ಆತ ಜುಲೈ 27 ರಂದು ತನ್ನ ಕುಟುಂಬದೊಂದಿಗೆ ಇದ್ದನು. ಜುಲೈ 28 ರಂದು ಅವನನ್ನು ವೆಂಟಿಲೇಟರ್‌ಗೆ ಸ್ಥಳಾಂತರಿಸಲಾಯಿತು. ಜುಲೈ 29 ರಂದು ಮಂಗನ ಕಾಯಿಲೆಗಾಗಿ ಅವನನ್ನು ಪರೀಕ್ಷಿಸಲಾಯಿತು. ಫಲಿತಾಂಶ ಸಕಾರಾತ್ಮಕವಾಗಿದೆ ಎಂದು ಸಚಿವೆ ವೀಣಾ ಜಾರ್ಜ್ ಹೇಳಿದ್ದಾರೆ.

ಮೃತ ಯುವಕನಲ್ಲಿ ಮಂಕಿಪಾಕ್ಸ್​ ದೃಢ

ಯುವಕ ಜುಲೈ 30 ರಂದು ಕೊನೆಯುಸಿರೆಳೆದಿದ್ದಾನೆ. ಆರೋಗ್ಯ ಇಲಾಖೆಯ ತಂಡಗಳು ಭೇಟಿ ನೀಡಿ ಸ್ಯಾಂಪಲ್​ಗಳನ್ನು ಸಂಗ್ರಹಿಸಿದರು. NIV ಗೆ ಕಳುಹಿಸಲಾದ ಮಾದರಿಗಳಲ್ಲಿ ಯುವಕನಿಗೆ ಮಂಕಿಪಾಕ್ಸ್ ಪಾಸಿಟಿವ್ ಎಂದು ಫಲಿತಾಂಶಗಳು ತೋರಿಸಿದೆ. ಈ ಬಗ್ಗೆ ತನಿಖೆಗೆ ತಂಡವನ್ನು ರಚಿಸಲಾಗಿದೆ, ರಾಷ್ಟ್ರೀಯ ವೈರಾಲಜಿ ಸಂಸ್ಥೆ (NIV) ನಲ್ಲಿ ಜೀನೋಮಿಕ್ ಅನುಕ್ರಮವನ್ನು ಮಾಡಲಾಗುತ್ತಿದೆ ಎಂದು ಆರೋಗ್ಯ ಸಚಿವರು ಹೇಳಿದರು.

ಇದನ್ನೂ ಓದಿ: Explained: ಮಂಕಿಪಾಕ್ಸ್ ಬರದಂತೆ ತಡೆಯೋದು ಹೇಗೆ? ಬಂದರೆ ಏನು ಮಾಡಬೇಕು?

ಪ್ರಾಥಮಿಕ ಸಂಪರ್ಕಿತರ ಮೇಲೆ ನಿಗಾ

ಶಿಷ್ಟಾಚಾರದ ಪ್ರಕಾರ, ಹೆಚ್ಚಿನ ಅಪಾಯದಲ್ಲಿರುವ 20 ಜನರನ್ನು ನಿಗಾದಲ್ಲಿ ಇರಿಸಲಾಗಿದೆ ಎಂದು ಸಚಿವರು ಹೇಳಿದರು. ಕುಟುಂಬ ಸದಸ್ಯರು, ಸ್ನೇಹಿತರು ಮತ್ತು ವೈದ್ಯಕೀಯ ಸಿಬ್ಬಂದಿ ಯುವಕನ ಸಂಪರ್ಕಕ್ಕೆ ಬಂದಿರಬಹುದು. ಮುನ್ನೆಚ್ಚರಿಕೆ ಕ್ರಮವಾಗಿ, ಈ ತಿಂಗಳ ಆರಂಭದಲ್ಲಿ, ಸೋಂಕಿತರ ಪ್ರತ್ಯೇಕತೆ, ಮಾದರಿ ಸಂಗ್ರಹಣೆ ಮತ್ತು ಚಿಕಿತ್ಸೆಗಾಗಿ ಅಥವಾ ರೋಗದ ಚಿಹ್ನೆಗಳನ್ನು ತೋರಿಸಲು ರಾಜ್ಯ ಸರ್ಕಾರವು ಪ್ರಮಾಣಿತ ಕಾರ್ಯಾಚರಣಾ ಕಾರ್ಯವಿಧಾನಗಳನ್ನು (ಎಸ್‌ಒಪಿ) ಹೊರಡಿಸಿತ್ತು.

ಆರೋಗ್ಯ ಇಲಾಖೆಯ SOP ಪ್ರಕಾರ, ಮಂಗನ ಕಾಯಿಲೆಯ ಶಂಕಿತ ಮತ್ತು ಸಂಭವನೀಯ ಪ್ರಕರಣಗಳನ್ನು   ಪ್ರತ್ಯೇಕವಾಗಿ ಚಿಕಿತ್ಸೆ ನೀಡಬೇಕು. ತಕ್ಷಣ ಜಿಲ್ಲಾ ಕಣ್ಗಾವಲು ಅಧಿಕಾರಿ (DSO) ಗೆ ತಿಳಿಸಬೇಕು. ಮಂಕಿಪಾಕ್ಸ್‌ನ ಮೊದಲ ಪ್ರಕರಣ, ಜುಲೈ 14 ರಂದು ದಕ್ಷಿಣ ಕೇರಳದ ಕೊಲ್ಲಂ ಜಿಲ್ಲೆಯಲ್ಲಿ ವರದಿಯಾಗಿದೆ.

ಮಂಕಿಪಾಕ್ಸ್ ಬಗ್ಗೆ ಮುನ್ನೆಚ್ಚರಿಕೆಯ ಕ್ರಮಗಳು
ಹೀಗಾಗಿ ಈ ಮಾರಕ ಮಂಕಿಪಾಕ್ಸ್ ವಿರುದ್ಧ ನಿಮ್ಮನ್ನು ರಕ್ಷಿಸಿಕೊಳ್ಳಲು ನೀವು ಕೆಲ ಕ್ರಮಗಳನ್ನು ತೆಗೆದುಕೊಳ್ಳುವುದು ಉತ್ತಮ. ವೈರಸ್‌ಗೆ ತುತ್ತಾಗುವ ಅಪಾಯವನ್ನು ಕಡಿಮೆ ಮಾಡಲು ವಿಶ್ವ ಆರೋಗ್ಯ ಸಂಸ್ಥೆ ಶಿಫಾರಸ್ಸು ಮಾಡಿದ ಮುನ್ನೆಚ್ಚರಿಕೆ ಕ್ರಮಗಳು ಹೀಗಿವೆ.

ವೈರಸ್ ಪತ್ತೆಯಾದ ಜನರು ಅಥವಾ ಸೋಂಕಿಗೆ ಒಳಗಾದವರ ಸಂಪರ್ಕದಿಂದ ದೂರವಿರಿ.

ರೋಗಲಕ್ಷಣಗಳನ್ನು ಹೊಂದಿರುವ ಯಾರೊಂದಿಗಾದರೂ ನೀವು ನಿಕಟ ಸಂಪರ್ಕದಲ್ಲಿದ್ದರೆ ಮಾಸ್ಕ್ ಧರಿಸಿ.

ಸಂಭೋಗದ ವೇಳೆ ಕಾಂಡೋಮ್ಗಳನ್ನು ಬಳಸಿ

ವೈರಸ್ ಹರಡುವ ಪ್ರಾಣಿಗಳ ಸಂಪರ್ಕವನ್ನು ತಪ್ಪಿಸಿ. ಅಂದರೆ ಅನಾರೋಗ್ಯ ಅಥವಾ ಸತ್ತ ಪ್ರಾಣಿಗಳು ಮತ್ತು ವಿಶೇಷವಾಗಿ ಸೋಂಕು ಹೊಂದಿರುವ ಮಂಗಗಳು, ಇಲಿಗಳು ಮತ್ತು ಅಳಿಲುಗಳಂತಹ ದಂಶಕಗಳು ಮತ್ತು ಹುಲ್ಲುಗಾವಲು ನಾಯಿಗಳಿಂದ ದೂರವಿರಿ

ವಿಶೇಷವಾಗಿ ಸೋಂಕಿತ ಅಥವಾ ಶಂಕಿತ ಸೋಂಕಿತ ಪ್ರಾಣಿಗಳ ಸಂಪರ್ಕ ಮಾಡಿದಲ್ಲಿ ಕೈಯನ್ನು ತಕ್ಷಣ ತೊಳೆಯುವ ಮೂಲಕ ನೈರ್ಮಲ್ಯ ಕಾಪಾಡಿಕೊಳ್ಳಿ. ಆಲ್ಕೋಹಾಲ್ ಆಧಾರಿತ ಹ್ಯಾಂಡ್ ಸ್ಯಾನಿಟೈಜರ್ ಅನ್ನು ಬಳಸುವುದು ಉತ್ತಮ.

ದೃಢಪಡಿಸಿದ ಅಥವಾ ಶಂಕಿತ ಮಂಕಿಪಾಕ್ಸ್ ಸೋಂಕಿನ ರೋಗಿಗಳನ್ನು ನೋಡಿಕೊಳ್ಳುವ ವೇಳೆ ವೈಯಕ್ತಿಕ ರಕ್ಷಣಾ ಸಾಧನಗಳನ್ನು ಬಳಸಿ.

ಚೆನ್ನಾಗಿ ಬೇಯಿಸಿದ ಮಾಂಸವನ್ನು ಮಾತ್ರ ಸೇವಿಸಿ
Published by:Kavya V
First published: