Naxal Encounter: ಬಿಹಾರದಲ್ಲಿ ಇಂದು ಮುಂಜಾನೆ ನಾಲ್ವರು ನಕ್ಸಲರ ಎನ್​ಕೌಂಟರ್

ಬಿಹಾರ (ಜು. 10): ಬಿಹಾರದ ಪಶ್ಚಿಮ ಚಂಪರನ್ ಜಿಲ್ಲೆಯಲ್ಲಿ ಇಂದು ಮುಂಜಾನೆ ನಡೆದ ಎನ್​ಕೌಂಟರ್​ನಲ್ಲಿ ನಾಲ್ವರು ನಕ್ಸಲರು ಸಾವನ್ನಪ್ಪಿದ್ದಾರೆ. ಸಶಸ್ತ್ರ ಸೀಮಾ ಬಲ (ಎಸ್​ಎಸ್​ಬಿ) ಮತ್ತು ಸ್ಪೆಷಲ್ ಟಾಸ್ಕ್​ ಫೋರ್ಸ್​ (ಎಸ್​ಟಿಎಫ್) ಸಿಬ್ಬಂದಿ ಇಂದು ಬೆಳಗ್ಗೆ ಎನ್​ಕೌಂಟರ್ ಕಾರ್ಯಾಚರಣೆ ನಡೆಸಿದ್ದಾರೆ.

ಈ ಬಗ್ಗೆ ಎಸ್​ಎಸ್​ಬಿಯ ಐಜಿ ಸಂಜಯ್ ಕುಮಾರ್ ಮಾಹಿತಿ ನೀಡಿದ್ದು, ಸಾವನ್ನಪ್ಪಿದ ನಕ್ಸಲರಿಂದ ಶಸ್ತ್ರಾಸ್ತ್ರಗಳನ್ನು ವಶಕ್ಕೆ ಪಡೆಯಲಾಗಿದೆ. ಅವರ ಬಳಿ ಎಕೆ-56, ಸೆಲ್ಫ್​ ಲೋಡಿಂಗ್ ರೈಫಲ್​ಗಳಿದ್ದವು. ವಾಲ್ಮೀಕಿನಗರದ ಕಾಡಿನಲ್ಲಿ ಎನ್​ಕೌಂಟರ್ ಕಾರ್ಯಾಚರಣೆ ನಡೆಸಲಾಗಿದೆ ಎಂದು ತಿಳಿಸಿದ್ದಾರೆ.

Four Naxals have been killed in an encounter with a joint team of Sashastra Seema Bal (SSB) and Special Task Force (STF) in Bagaha area of Pashchim Champaran district, Bihar. Arms & ammunition recovered: Lokaria Police, Bagaha

— ANI (@ANI) July 10, 2020

ಭದ್ರತಾ ಪಡೆಯ ಸಿಬ್ಬಂದಿಯ ಮೇಲೆ ನಕ್ಸಲರೂ ಗುಂಡು ಹಾರಿಸತೊಡಗಿದರು. ಹೀಗಾಗಿ, ಎನ್​ಕೌಂಟರ್ ನಡೆಸಲಾಯಿತು. ನಾಲ್ವರು ನಕ್ಸಲರ ಮೃತದೇಹಗಳನ್ನು ಆಸ್ಪತ್ರೆಗೆ ರವಾನಿಸಲಾಗಿದೆ.