Joe Biden: ಕಮಲಾ ಹ್ಯಾರೀಸ್​ಗೆ ಮಾತ್ರವಲ್ಲ ಜೋ ಬಿಡೆನ್​ಗೂ ಇದೆ ಭಾರತದ ನಂಟು!

ತಮಿಳುನಾಡು ಮೂಲದ ಕಮಲಾ ಹ್ಯಾರೀಸ್ ಅವರಿಗೆ ಮಾತ್ರವಲ್ಲದೆ, ಜೋ ಬಿಡೆನ್ ಅವರಿಗೂ ಭಾರತದ ಜೊತೆಗೆ ನಂಟಿದೆ ಎಂಬುದು ಮತ್ತೆ ಸುದ್ದಿಯಾಗುತ್ತಿದೆ. 7 ವರ್ಷಗಳ ಹಿಂದೆ ಭಾರತಕ್ಕೆ ಭೇಟಿ ನೀಡಿದ್ದ ಜೋ ಬಿಡೆನ್ ಹೇಳಿದ್ದ ಕತೆ ಇದೀಗ ಮತ್ತೆ ಸದ್ದಾಗುತ್ತಿದೆ.

ಜೋ ಬಿಡೆನ್- ಕಮಲಾ ಹ್ಯಾರೀಸ್

ಜೋ ಬಿಡೆನ್- ಕಮಲಾ ಹ್ಯಾರೀಸ್

  • Share this:
    ನವದೆಹಲಿ (ನ. 9): ವಿಶ್ವದ ದೊಡ್ಡಣ್ಣ ಎನಿಸಿಕೊಂಡಿರುವ ಅಮೆರಿಕ ಚುನಾವಣೆಯಲ್ಲಿ ಎರಡನೇ ಬಾರಿಗೆ ಅಧ್ಯಕ್ಷರಾಗುವ ಡೊನಾಲ್ಡ್​ ಟ್ರಂಪ್ ಕನಸು ಭಗ್ನಗೊಂಡಿದೆ. ಅಮೆರಿಕದ ನೂತನ ಅಧ್ಯಕ್ಷರಾಗಿ ಡೆಮಾಕ್ರಟಿಕ್ ಪಕ್ಷದ ಜೋ ಬಿಡೆನ್ ಆಯ್ಕೆಯಾಗಿದ್ದಾರೆ. ಅವರ ಜೊತೆಗೆ ಭಾರತ ಮೂಲದ ಕಮಲಾ ಹ್ಯಾರೀಸ್​ ಉಪಾಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ತಮಿಳುನಾಡು ಮೂಲದ ಕಮಲಾ ಹ್ಯಾರೀಸ್ ಅವರಿಗೆ ಮಾತ್ರವಲ್ಲದೆ, ಜೋ ಬಿಡೆನ್ ಅವರಿಗೂ ಭಾರತದ ಜೊತೆಗೆ ನಂಟಿದೆ ಎಂಬುದು ಮತ್ತೆ ಸುದ್ದಿಯಾಗುತ್ತಿದೆ. 7 ವರ್ಷಗಳ ಹಿಂದೆ ಭಾರತಕ್ಕೆ ಭೇಟಿ ನೀಡಿದ್ದ ಜೋ ಬಿಡೆನ್ ಹೇಳಿದ್ದ ಕತೆ ಇದೀಗ ಮತ್ತೆ ಸದ್ದಾಗುತ್ತಿದೆ.

    2013ರಲ್ಲಿ ಜೋ ಬಿಡೆನ್ ಮೊದಲ ಬಾರಿಗೆ ಭಾರತಕ್ಕೆ ಆಗಮಿಸಿದ್ದರು. ಆಗ ಅವರು ಮುಂಬೈನಲ್ಲಿ ಕೆಲವು ದಿನಗಳ ಕಾಲ ಉಳಿದುಕೊಂಡಿದ್ದರು. ಮುಂಬೈನಲ್ಲಿ ಸೇರಿದ್ದ ಜನರನ್ನು ಉದ್ದೇಶಿಸಿ ಮಾತನಾಡುವಾಗ 'ನನ್ನ ದೂರದ ಸಂಬಂಧಿಕರು ಮುಂಬೈನಲ್ಲಿ ನೆಲೆಸಿದ್ದಾರೆ. ಐವರು ಬಿಡೆನ್​ಗಳು ಮುಂಬೈನಲ್ಲಿದ್ದಾರೆ' ಎಂದು ಹೇಳಿದ್ದರು. ಜೋ ಬಿಡೆನ್​ ಅವರ ಪೂರ್ವಜರು ಮುಂಬೈನಲ್ಲಿ ವಾಸವಾಗಿದ್ದರು. ಭಾರತದಲ್ಲಿ ಬ್ರಿಟಿಷರ ಆಡಳಿತ ಇದ್ದಾಗ ಜೋ ಬಿಡೆನ್ ಅವರ ಐದು ತಲೆಮಾರಿನ ಹಿಂದಿನ ವಂಶಜರು ಈಸ್ಟ್​ ಇಂಡಿಯಾ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು. ಬಳಿಕ ಅವರು ಭಾರತೀಯ ಮಹಿಳೆಯನ್ನು ಮದುವೆಯಾಗಿ, ಇಲ್ಲೇ ನೆಲೆಸಿದರು ಎಂದು ಜೋ ಬಿಡೆನ್ ಹೇಳಿಕೊಂಡಿದ್ದರು.

    ಇದನ್ನೂ ಓದಿ: Sasikanth Senthil: ಮಾಜಿ IAS ಅಧಿಕಾರಿ ಸಸಿಕಾಂತ್​ ಸೆಂಥಿಲ್ ಚೆನ್ನೈನಲ್ಲಿ ಇಂದು ಕಾಂಗ್ರೆಸ್​ಗೆ​ ಸೇರ್ಪಡೆ

    1972ರಲ್ಲಿ ಜೋ ಬಿಡೆನ್ ಅಮೆರಿಕದ ಸೆನೆಟರ್ ಆಗಿ ಆಯ್ಕೆಯಾಗಿದ್ದರು. ಆಗ ಅವರಿಗೆ ಭಾರತದಿಂದ ಒಂದು ಪತ್ರ ಬಂದಿತ್ತು. ಆ ಪತ್ರದ ಮೇಲೆ ಬಿಡೆನ್ ಫ್ರಮ್ ಮುಂಬೈ ಎಂದು ಬರೆದಿತ್ತು. 2013ರ ಜುಲೈನಲ್ಲಿ ಜೋ ಬಿಡೆನ್ ಮುಂಬೈಗೆ ಬಂದಿದ್ದಾಗ ಆ ಪತ್ರದ ಬಗ್ಗೆ ಮಾತನಾಡಿದ್ದರು.

    2015ರಲ್ಲಿ ಅಮೆರಿಕದ ವಾಷಿಂಗ್ಟನ್​ನಲ್ಲಿ ಮಾತನಾಡುವಾಗಲೂ ಭಾರತದ ಮುಂಬೈನಲ್ಲಿ ಐವರು ಬಿಡೆನ್​ಗಳಿದ್ದಾರೆ ಎಂದು ಜೋ ಬಿಡೆನ್ ಹೇಳಿದ್ದರು. ನನ್ನ ಪೂರ್ವಜರಾದ ಜಾರ್ಜ್ ಬಿಡೆನ್ ಈಸ್ಟ್​ ಇಂಡಿಯಾ ಕಂಪನಿಯಲ್ಲಿ ಕ್ಯಾಪ್ಟನ್ ಆಗಿದ್ದರು. ಅವರು ನಿವೃತ್ತರಾದ ಬಳಿಕ ಭಾರತದಲ್ಲೇ ನೆಲೆಸಲು ಇಷ್ಟಪಟ್ಟರು. ಅವರು ಭಾರತೀಯ ಮಹಿಳೆಯನ್ನೇ ಮದುವೆಯಾಗಿ ಮುಂಬೈನಲ್ಲಿ ನೆಲೆಸಿದರು. ಅವರ ಕುಟುಂಬಸ್ಥರು ಇನ್ನೂ ಭಾರತದಲ್ಲಿದ್ದಾರೆ ಎಂದು ಹೇಳಿದ್ದರು.
    Published by:Sushma Chakre
    First published: