HOME » NEWS » National-international » JEFF BEZOS TO STEP DOWN AS AMAZON CEO WHO IS THE NEXT CEO HG STV

ಅಮೆಜಾನ್ ಸಿಇಒ ಹುದ್ದೆ ತೊರೆಯಲಿರುವ ಜೆಫ್ ಬೆಜೋಸ್: ನೂತನ ಸಿಇಒ ಯಾರು ಗೊತ್ತಾ?

Amazon: ಅಮೆಜಾನ್ ಆರಂಭವಾಗಿ 27 ವರ್ಷಗಳಾಗಿದ್ದು, ಅಂದಿನಿಂದ ಈಗಿನವರೆಗೆ ತನ್ನ ಕಂಪನಿಯ ಸಾಧನೆಗಳನ್ನು ಜೆಫ್ ಬೆಜೋಸ್ ಹೇಳಿಕೊಂಡಿದ್ದಾರೆ. ಆರಂಭಿಕ ದಿನಗಳಲ್ಲಿ ಆನ್​ಲೈನ್ ಪುಸ್ತಕದಂಗಡಿಯಾಗಿದ್ದ ಅಮೆಜಾನ್, ಇಂದು ಜಾಗತಿಕ ದೈತ್ಯ ಕಂಪನಿಗಳಲ್ಲೊಂದಾಗಿದೆ.

news18-kannada
Updated:February 3, 2021, 2:22 PM IST
ಅಮೆಜಾನ್ ಸಿಇಒ ಹುದ್ದೆ ತೊರೆಯಲಿರುವ ಜೆಫ್ ಬೆಜೋಸ್: ನೂತನ ಸಿಇಒ ಯಾರು ಗೊತ್ತಾ?
Jeff Bezos
  • Share this:
ಅಮೆಜಾನ್​​ ಸ್ಥಾಪಕ ಮತ್ತು ಪ್ರಸ್ತುತ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಜೆಫ್ ಬೆಜೋಸ್ 2021 ರ ಮೂರನೇ ತ್ರೈಮಾಸಿಕ ಅವಧಿ ಆರಂಭಗೊಂಡ ಬಳಿಕ ತಮ್ಮ ಹುದ್ದೆ ತೊರೆಯುವುದಾಗಿ ಘೋಷಿಸಿದ್ದಾರೆ. ಜಾಗತಿಕ ತಂತ್ರಜ್ಞಾನ ದೈತ್ಯ ಕಂಪನಿ ಅಮೆಜಾನ್​ನ ನೂತನ ಸಿಇಒ ಆಗಿ ಪ್ರಸ್ತುತ ಅಮೆಜಾನ್ ವೆಬ್ ಸರ್ವೀಸ್​ಗಳ ಮುಖ್ಯಸ್ಥ ಆ್ಯಂಡಿ ಜಾಸ್ಸಿ ನೂತನ ಉತ್ತರಾಧಿಕಾರಿ ಎಂದೂ ಜೆಫ್ ಘೋಷಿಸಿದ್ದಾರೆ. ಸುಮಾರು 24 ವರ್ಷಗಳಿಂದ ಆ್ಯಂಡಿ ಜಾಸ್ಸಿ ಅಮೆಜಾನ್ ಕಂಪನಿಯ ಉದ್ಯೋಗಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಅಮೆಜಾನ್ ಸುಮಾರು 1.6 ಟ್ರಿಲಿಯನ್ ಡಾಲರ್ ಮೌಲ್ಯವನ್ನು ಹೊಂದಿದ್ದು, ವಿಶ್ವದ ಅಮೂಲ್ಯ ಕಂಪನಿಗಳಲ್ಲಿ ಒಂದಾಗಿದೆ. ಆದರೂ, ಅಮೆರಿಕ ಮತ್ತು ಇತರ ಭಾಗಗಳಲ್ಲಿ ನಂಬಿಕೆ-ವಿರೋಧಿ ಮತ್ತು ಸ್ಪರ್ಧಾತ್ಮಕ ವಿರೋಧಿ ಆಚರಣೆಗಳ ಮೊಕದ್ದಮೆಯನ್ನು ಎದುರಿಸುತ್ತಿದೆ.

ಸಿಇಒ ಹುದ್ದೆಯಿಂದ ಕೆಳಗಿಳಿದರೂ, ಕಂಪನಿಯಲ್ಲಿ ಮುಂದುವರಿಯಲಿರುವ ಬೆಜೋಸ್, ಅಮೆಜಾನ್​ನ  ನಿರ್ದೇಶಕರ ಮಂಡಳಿಯ ಕಾರ್ಯನಿರ್ವಾಹಕ ಅಧ್ಯಕ್ಷರ ಪಾತ್ರ ವಹಿಸಲಿದ್ದಾರೆ. ಅಮೆಜಾನ್​ನ ಸುಮಾರು 13 ಲಕ್ಷ ಉದ್ಯೋಗಿಗಳನ್ನು ಉದ್ದೇಶಿಸಿ ಮಾಡಿದ ಭಾಷಣದಲ್ಲಿ, ಕಂಪನಿಯ ಆಡಳಿತವನ್ನು ವಹಿಸಿಕೊಳ್ಳುವ ಜಾಸ್ಸಿಯ ಸಾಮರ್ಥ್ಯದ ಬಗ್ಗೆ ಬೆಜೋಸ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಅಮೆಜಾನ್​ನ ನೂತನ ಸಿಇಒ ಆಗಲಿರುವ ಜಾಸ್ಸಿ ಹಲವು ವಿಷಯಗಳಿಗೆ ಪ್ರಮುಖ ಜವಾಬ್ದಾರಿಯನ್ನು ವಹಿಸಲಿದ್ದಾರೆ. ಇನ್ನು, ಸಹವರ್ತಿ ಬಿಗ್ ಟೆಕ್ ಕಂಪೆನಿಗಳಾದ ಆ್ಯಪಲ್, ಫೇಸ್​ಬುಕ್ ಮತ್ತು ಗೂಗಲ್ ಇಂದು ಎದುರಿಸುತ್ತಿರುವ ಹಲವು ಕೇಸ್​ಗಳಂತಹ ಪ್ರಮುಖ ವಿಷಯಗಳ ಬಗ್ಗೆ ಜಾಸ್ಸಿಯೊಂದಿಗೆ ಈಗಿನಿಂದಲೇ ಸಂಭಾಷಿಸುವ ಉದ್ದೇಶವನ್ನು ಹಲವರು ವ್ಯಕ್ತಪಡಿಸಿದ್ದಾರೆ.

ಅಮೆಜಾನ್ ಆರಂಭವಾಗಿ 27 ವರ್ಷಗಳಾಗಿದ್ದು, ಅಂದಿನಿಂದ ಈಗಿನವರೆಗೆ ತನ್ನ ಕಂಪನಿಯ ಸಾಧನೆಗಳನ್ನು ಜೆಫ್ ಬೆಜೋಸ್ ಹೇಳಿಕೊಂಡಿದ್ದಾರೆ. ಆರಂಭಿಕ ದಿನಗಳಲ್ಲಿ ಆನ್​ಲೈನ್ ಪುಸ್ತಕದಂಗಡಿಯಾಗಿದ್ದ ಅಮೆಜಾನ್, ಇಂದು ಜಾಗತಿಕ ದೈತ್ಯ ಕಂಪನಿಗಳಲ್ಲೊಂದಾಗಿದೆ.

ಅಮೆಜಾನ್ ಪರಿಸರ ವ್ಯವಸ್ಥೆಯಲ್ಲಿ ತನ್ನ ಮುಂದುವರಿದ ಪಾತ್ರದ ಬಗ್ಗೆ ಮಾತನಾಡಿದ ಬೆಜೋಸ್, ''ನಾನು ಪ್ರಮುಖ ಅಮೆಜಾನ್ ಉಪಕ್ರಮಗಳಲ್ಲಿ ನಿರತನಾಗಿರುತ್ತೇನೆ. ಜತೆಗೆ ಡೇ 1 ಫಂಡ್, ಬೆಜೋಸ್ ಅರ್ಥ್ ಫಂಡ್, ಬ್ಲ್ಯೂ ಒರಿಜಿನ್, ದಿ ವಾಷಿಂಗ್ಟನ್ ಪೋಸ್ಟ್ ಸೇರಿ ಇತರೆ ಪ್ಯಾಷನ್ಗಳ ಮೇಲೆ ನಾನು ಗಮನ ಹರಿಸಬೇಕಾದ ಸಮಯ ಮತ್ತು ಶಕ್ತಿಯನ್ನು ಹೊಂದಿದ್ದೇನೆ'' ಎಂದು ಹೇಳಿದರು.

''ನಾವು ಭವಿಷ್ಯದಲ್ಲಿ ಮತ್ತಷ್ಟು ಉತ್ತಮ ಸ್ಥಾನದಲ್ಲಿರುವ ನಿರೀಕ್ಷೆ ಹೊಂದಿರಲು ಸಾಧ್ಯವಿಲ್ಲ. ಜಗತ್ತಿಗೆ ನಮಗೆ ಅಗತ್ಯವಿರುವಂತೆಯೇ ನಾವು ಇನ್ನೂ ಅನೇಕ ಆಲೋಚನೆಗಳನ್ನು ಹೊಂದಿದ್ದೇವೆ. ನಾವು ವ್ಯಕ್ತಿಗಳಿಗೆ ಮತ್ತು ಉದ್ಯಮಗಳಿಗೆ ಸೇವೆ ಸಲ್ಲಿಸುತ್ತೇವೆ. ಎರಡು ಸಂಪೂರ್ಣ ಕೈಗಾರಿಕೆಗಳು ಮತ್ತು ಸಂಪೂರ್ಣ ಹೊಸ ವರ್ಗದ ಸಾಧನಗಳನ್ನು ಪ್ರವರ್ತಿಸಿದ್ದೇವೆ. ನಾವು ಯಂತ್ರ ಕಲಿಕೆ ಮತ್ತು ಲಾಜಿಸ್ಟಿಕ್ಸ್​​ನಂತಹ ವೈವಿಧ್ಯಮಯ ಪ್ರದೇಶಗಳಲ್ಲಿ ನಾಯಕರಾಗಿದ್ದೇವೆ ಹಾಗೂ ಅಮೆಜಾನ್​ಗೆ ಮತ್ತೊಂದು ಹೊಸ ಸಾಂಸ್ಥಿಕ ಕೌಶಲ್ಯದ ಅಗತ್ಯವಿದ್ದರೆ, ನಾವು ಅದಕ್ಕೂ ಹೊಂದಿಕೊಳ್ಳುತ್ತೇವೆ ಮತ್ತು ಅದನ್ನು ಕಲಿಯಲು ಸಾಕಷ್ಟು ತಾಳ್ಮೆಯನ್ನೂ ಹೊಂದಲಿದ್ದೇವೆ'' ಎಂದು ಅಮೆಜಾನ್ ಸಂಸ್ಥಾಪಕ ಜೆಫ್ ಬೆಜೋಸ್ ತಮ್ಮ ಭಾಷಣವನ್ನು ಮುಕ್ತಾಯಗೊಳಿಸಿದ್ದಾರೆ.

2021 ರ ಆರಂಭದಲ್ಲಿ, ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿದ್ದ ಜೆಫ್ ಬೆಜೋಸ್​ ಅವರನ್ನು ಟೆಸ್ಲಾ ಮತ್ತು ಸ್ಪೇಸ್ಎಕ್ಸ್ ಮುಖ್ಯಸ್ಥ ಎಲಾನ್ ಮಸ್ಕ್ ಹಿಂದಿಕ್ಕಿದ್ದಾರೆ. ಮಸ್ಕ್ 185 ಬಿಲಿಯನ್ ಡಾಲರ್ ಮೌಲ್ಯದ ಸಂಪತ್ತು ಹೊಂದಿದ್ದು, ಬೆಜೋಸ್​ಗಿಂತ ಸ್ವಲ್ಪಮಟ್ಟಿಗಿನ ಹೆಚ್ಚಿನ ಸಂಪತ್ತು ಹೊಂದಿದ್ದಾರೆ. ಸದ್ಯ, ಜೆಫ್ ಬೆಜೋಸ್ 184 ಬಿಲಿಯನ್ ಡಾಲರ್ ಮೌಲ್ಯದ ಆಸ್ತಿ ಹೊಂದಿದ್ದು, ವಿಶ್ವದ ಎರಡನೇ ಶ್ರೀಮಂತ ವ್ಯಕ್ತಿಯಾಗಿದ್ದಾರೆ.

ಇನ್ನು, ಬೆಜೋಸ್ ಒಡೆತನದ ಬ್ಲ್ಯೂ ಒರಿಜಿನ್, ಎಲಾನ್ ಮಸ್ಕ್ ಒಡೆತನದ ಖಾಸಗಿ ಬಾಹ್ಯಾಕಾಶ ಕಂಪನಿ ಸ್ಪೇಸ್ಎ ಕ್ಸ್​​ ಅತಿದೊಡ್ಡ ಪ್ರತಿಸ್ಪರ್ಧಿಗಳಲ್ಲಿ ಒಂದಾಗಿದೆ. ಇತ್ತೀಚೆಗೆ, ಇಬ್ಬರೂ ಭೂಮಿಯ ಸುತ್ತಲಿನ ಖಾಸಗಿ ಉಪಗ್ರಹಗಳನ್ನು ವಿವಿಧ ದೇಶಗಳಿಗೆ ಕೈಗೆಟುಕುವ ಮತ್ತು ವೇಗದ ಅಂತರ್ಜಾಲಕ್ಕೆ ನಿಯೋಜಿಸುವ ಕಾರ್ಯಗಳಲ್ಲಿ ಪ್ರತಿಸ್ಪರ್ಧಿಗಳಾಗಿದ್ದಾರೆ. ತಮ್ಮ ಉಪಗ್ರಹಗಳನ್ನು ನಿಯೋಜಿಸಲು ಕಡಿಮೆ ಭೂಮಿಯ ಕಕ್ಷೆಯನ್ನು ಆಯ್ಕೆ ಮಾಡುವ ಮೂಲಕ ಸ್ಪೇಸ್ಎಕ್ಸ್ ಈ ವಲಯದ ಇತರ ಕಂಪನಿಗಳ ಭವಿಷ್ಯವನ್ನು ಹಾಳುಮಾಡಲು ಪ್ರಯತ್ನಿಸುತ್ತಿದೆ ಎಂದು ಅಮೆಜಾನ್ ಹೇಳಿಕೊಂಡರೆ, ಮಸ್ಕ್ ತನ್ನ ಕಂಪನಿಯು ಈಗಾಗಲೇ ಈ ಕ್ರಮಕ್ಕೆ ಅಗತ್ಯವಾದ ನಿಯಂತ್ರಕ ಅನುಮೋದನೆಗಳನ್ನು ಪಡೆದಿದೆ ಮತ್ತು " ಕಾರ್ಯಾಚರಣೆಯಿಂದ ಹಲವಾರು ವರ್ಷಗಳ ದೂರದಲ್ಲಿರುವ ಅಮೆಜಾನ್ ಉಪಗ್ರಹ ವ್ಯವಸ್ಥೆಗೆ ನಾವು ಸಹಾಯ ಮಾಡುವುದಿಲ್ಲ'' ಎಂದು ಹೇಳಿದ್ದಾರೆ.
Youtube Video

ಬೆಜೋಸ್ ಒಡೆತನದ ಅಮೆಜಾನ್ ಭಾರತದ ತಂತ್ರಜ್ಞಾನ ಕ್ಷೇತ್ರದ ಪ್ರಮುಖ ಕಂಪನಿಗಳಲ್ಲಿ ಒಂದಾಗಿದೆ ಮತ್ತು ಭಾರತೀಯ ಇ-ಕಾಮರ್ಸ್​​ನಲ್ಲೂ ಪ್ರಬಲ ಅಸ್ತಿತ್ವ ಹೊಂದಿದೆ. ಇನ್ನು, ಭವಿಷ್ಯದಲ್ಲಿ ಜೆಫ್ ಬೆಜೋಸ್ ಸಿಇಒ ಹುದ್ದೆ ತೊರೆದ ಬಳಿಕ ಹಾಗೂ ಪುನರ್ ರಚನೆ ಹೊಂದಿದ ಬಳಿಕ ಅಮೆಜಾನ್ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ಹಲವರು ಆಸಕ್ತಿಯಿಂದ ನೋಡುತ್ತಾರೆ. ಮುಖ್ಯ ಸಂಸ್ಥಾಪಕರಾಗಿ ಕಂಪನಿಯ ಸಂಸ್ಥಾಪಕರು ಇಲ್ಲದಿದ್ದರೂ ಸಹ ಎತ್ತರಕ್ಕೆ ಬೆಳೆದಿರುವ ದೈತ್ಯ ತಂತ್ರಜ್ಞಾನ ಕಂಪನಿಗಳ ಪಟ್ಟಿಯಲ್ಲಿ ಮೈಕ್ರೋಸಾಫ್ಟ್ ಮತ್ತು ಗೂಗಲ್ ಇದ್ದು, ಇಂದು ಅಮೆಜಾನ್ ಸಹ ಇದೇ ಪಟ್ಟಿಯಲ್ಲಿ ಸೇರಿಕೊಂಡಿದೆ.
Published by: Harshith AS
First published: February 3, 2021, 1:01 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories