ವಿಶ್ವಕ್ಕೇ ಅಚ್ಚರಿ ಮೂಡಿಸಿದ 16 ವರ್ಷದ ಗ್ರೆಟಾ ಥನ್​ಬರ್ಗ್ ಮತ್ತು 120 ವರ್ಷದ ಹಳೆಯ ಫೋಟೋ

ನವದೆಹಲಿ(ನ. 20): ಕಳೆದ ವರ್ಷ ನಡೆದ ವಿಶ್ವಸಂಸ್ಥೆಯ ಹವಾಮಾನ ವೈಪರೀತ್ಯ ಶೃಂಗಸಭೆಯಲ್ಲಿ 15 ವರ್ಷದ ಗ್ರೆಟಾ ಥನ್​ಬರ್ಗ್ ಭಾಷಣ ಬಹಳಷ್ಟು ಮಂದಿಯನ್ನು ಸ್ತಂಭೀಭೂತಗೊಳಿಸಿತ್ತು. ಹವಾಮಾನ ವೈಪರೀತ್ಯದಿಂದ ಇಡೀ ಜಗತ್ತು ವಿನಾಶದಂಚಿನತ್ತ ಸಾಗುತ್ತಿದೆ. ಎಲ್ಲರೂ ಯಾಕೆ ಎಚ್ಚೆತ್ತುಕೊಳ್ಳುತ್ತಿಲ್ಲ ಎಂದ ಈ ಹುಡುಗಿ ನೇರಾನೇರ ಮೊನಚು ಮಾತುಗಳನ್ನು ವಿಶ್ವನಾಯಕರನ್ನು ತಿವಿದಿದ್ದರು. ಸ್ವೀಡನ್ ದೇಶದ ಈ ಬಾಲಕಿ ಅಂದು ಮಾಡಿದ ಭಾಷಣ ಇವತ್ತು ವಿಶ್ವಾದ್ಯಂತ ಶಾಲಾ ಮಕ್ಕಳನ್ನು ಬಡಿದೆಬ್ಬಿಸಿದೆ. ಈಗ ಇದೇ ಗ್ರೆಟಾ ಥನ್​ಬರ್ಗ್ ಇನ್ನೊಂದು ಕಾರಣಕ್ಕೆ ಸೋಷಿಯಲ್ ಮೀಡಿಯಾದಲ್ಲಿ ಅಚ್ಚರಿ ಮೂಡಿಸಿದ್ಧಾಳೆ. 121 ವರ್ಷದ ಹಳೆಯ ಫೋಟೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ಬಹಳ ವೈರಲ್ ಆಗಿದೆ.

1898ರಲ್ಲಿ ತೆಗೆದಿದ್ದ ಈ ಫೋಟೋ ವೈರಲ್ ಆಗಲು ಕಾರಣವಾಗಿದ್ದೇ ಗ್ರೆಟಾ ಥನ್​ಬರ್ಗ್. ಕೆನಡಾದ ಯುಕೋನ್ ಪ್ರಾಂತ್ಯದ ಡೋಮಿನಿಯನ್ ಕ್ರೀಕ್ ಎಂಬಲ್ಲಿನ ಚಿನ್ನದ ಗಣಿಯಲ್ಲಿ ತೆಗೆದ ಫೋಟೋ ಇದು. ಇದರಲ್ಲಿರುವ ಮೂರು ಮಕ್ಕಳು ಬಾವಿಯಿಂದ ನೀರು ತೆಗೆಯುತ್ತಿದ್ದಾರೆ. ವಾಷಿಂಗ್ಟನ್ ವಿಶ್ವವಿದ್ಯಾಲಯದ ಆರ್ಚೈವ್ಸ್​ನಲ್ಲಿ ಈ ಫೋಟೋ ಸಿಕ್ಕಿದೆ. ಈ ಫೋಟೋದಲ್ಲಿರುವ ಒಂದು ಹುಡುಗಿ ಥೇಟ್ ಗ್ರೆಟಾ ಥನ್​ಬರ್ಗ್​ಳಂತೆಯೇ ಇದ್ದಾಳೆ. ಅದೇ ಮುಖಚಹರೆ, ಅದೇ ಕಳೆ, ಅದೇ ನೋಟ. 121 ವರ್ಷದ ಹಿಂದಿನ ಫೋಟೋದಲ್ಲಿರುವ ಅದೇ ಹುಡುಗಿಯೇ ಈಗಿನ ಗ್ರೆಟಾ ಥನ್​ಬರ್ಗ್ ಎಂದು ಸೋಷಿಯಲ್ ಮೀಡಿಯಾದಲ್ಲಿ ವಾದ ಶುರುವಾಗಿದೆ.

ಇದನ್ನೂ ಓದಿ: ಸಂಸ್ಕೃತ ವಿಭಾಗಕ್ಕೆ ಮುಸ್ಲಿಂ ​ಪ್ರೊಫೆಸರ್​; ಬನಾರಸ್​ ಹಿಂದು ವಿಶ್ವವಿದ್ಯಾಲಯ ವಿದ್ಯಾರ್ಥಿಗಳ ಪ್ರತಿಭಟನೆ

ಹಾಲಿವುಡ್ ಫ್ಯಾಂಟಸಿ ಸಿನಿಮಾ ಮಾದರಿಯಲ್ಲಿ ಗ್ರೆಟಾ ಥನ್​ಬರ್ಗ್ ಒಬ್ಬ ಟೈಮ್ ಟ್ರಾವೆಲರ್ ಆಗಿರಬಹುದು ಎಂದು ಹಲವರು ಬಣ್ಣಿಸಿದ್ದಾರೆ. ತಮಾಷೆಗೆ ಇಂಥ ಊಹಾಪೋಹಗಳು ಸೃಷ್ಟಿಯಾಗುತ್ತಿವೆಯಾ ಎಂಬುದು ಬೇರೆ ಮಾತು. ಆದರೆ, ಆ ಫೋಟೋದಲ್ಲಿರುವ ಮುದ್ದು ಪೋರಿ ಮುಖ ಥೇಟ್ ಈಗಿನ ಗ್ರೆಟಾ ಥನ್​ಬರ್ಗ್​ನಂತೆಯೇ ಇರುವುದು ಅಚ್ಚರಿ ಮೂಡಿಸಿದೆ.

Three children operating rocker at a gold mine on Dominion Creek, Yukon Territory, ca. 1898 pic.twitter.com/NA1yRrWRSP

— Cool History (@history2cool) November 19, 2019

She is a time traveller 😆@GretaThunberg
1898 - 2019 pic.twitter.com/FP7N3BgM2y

— bobby ross (@mertens_tiff) November 19, 2019

In other news, Greta Thunberg is a time traveller.

(Three children operating rocker at a gold mine on Dominion Creek, Yukon Territory, ca. 1898).https://t.co/dshFRD8hI2 pic.twitter.com/19tkXkLH9e

— Paul Joseph Watson (@PrisonPlanet) November 19, 2019

So, ‘Greta Thunberg’ is in a photo from 120 years ago, and it’s my new favourite conspiracy. Greta’s a time traveller, from the future, and she’s here to save us. pic.twitter.com/5ObTjPFXvk

— Jack - J.S. Strange (@JackSamStrange) November 18, 2019

ಇವೇನೇ ಒತ್ತಟ್ಟಿಗಿರಲಿ, 120 ವರ್ಷದ ಹಳೆಯ ಫೋಟೋ ಮೂಲಕ ಗ್ರೆಟಾ ಥನ್​ಬರ್ಗ್ ಎಂಬ ಭವಿಷ್ಯ ನಾಯಕಿ ಬಗ್ಗೆ ಮತ್ತೆ ಚರ್ಚೆಗಳು ಶುರುವಾಗಿದ್ದು ಸ್ವಾಗತಾರ್ಹ. ಆಡಾಡುತ್ತಾ ನಲಿಯಬೇಕಾದ ಚಿಕ್ಕ ವಯಸ್ಸಿನಲ್ಲೇ ಪರಿಸರಪರ ಹೋರಾಟದಲ್ಲಿ ಅವಿರತವಾಗಿ ತೊಡಗಿಸಿಕೊಂಡಿರುವ ಈ ಹುಡುಗಿ, ತನ್ನ ಮನೆಯಿಂದಲೇ ಬದಲಾವಣೆ ಪ್ರಾರಂಭಿಸಿ ಎಲ್ಲಿರಿಗೂ ಮಾದರಿಯಾಗಿದ್ದಾಳೆ. “ನಿಮ್ಮ ಪೊಳ್ಳು ಮಾತುಗಳಿಂದ ನನ್ನ ಕನಸು ಮತ್ತು ನನ್ನ ಬಾಲ್ಯವನ್ನು ಕಸಿದುಕೊಂಡಿದ್ದೀರಿ. ನಿಮಗೆಷ್ಟು ಧೈರ್ಯ ಇರಬೇಕು?” ಎಂದು 2018ರ ವಿಶ್ವಸಂಸ್ಥೆ ಶೃಂಗ ಸಭೆಯಲ್ಲಿ ಅತಿರಥ ಮಹಾರಥರ ಸಮ್ಮುಖದಲ್ಲೇ ಈಕೆ ಖಾರವಾಗಿ ಪ್ರಶ್ನೆ ಮಾಡಿದ್ದಳು. ಅಂದು ಅವಳಾಡಿದ ಆ ಮಾತುಗಳು ಈಗಲೂ ಅಲ್ಲಲ್ಲಿ ಅನುರಣಿಸುತ್ತಿರುವುದಂತೂ ಸುಳ್ಳಲ್ಲ.

(ಮಾಹಿತಿ: ಜಶೋಧರಾ ಮುಖರ್ಜಿ)