IndiGo offers: ವಾರ್ಷಿಕೋತ್ಸವ ಹಿನ್ನೆಲೆ ಇಂಡಿಗೋದಿಂದ 3 ದಿನಗಳ ವಿಶೇಷ ಆಫರ್: ಟಿಕೆಟ್ ಕೇವಲ 915 ರೂ.

ಭಾರತೀಯ ವಿಮಾನ ಹಾರಾಟ ಸಂಸ್ಥೆಗಳಲ್ಲಿ ಒಂದಾದ ಇಂಡಿಗೋ ತನ್ನ ಹದಿನೈದು ವರ್ಷಗಳ ಸುದೀರ್ಘ ಯಶಸ್ವಿ ಹಾರಾಟವನ್ನು ನಡೆಸಿದೆ. ಈ ಹದಿನೈದು ವರ್ಷಗಳ ಸಂಭ್ರಮಾಚರಣೆ ಹಿನ್ನೆಲೆ ಇಂಡಿಗೋ ತನ್ನ ದೇಶೀಯ ಮತ್ತು ಅಂತಾರಾಷ್ಟ್ರೀಯ  ಹಾರಾಟಗಳ ಮೇಲೆ  ವಿಶೇಷ ಮಾರಾಟ ದರ ನಿಗದಿ ಮಾಡಿದೆ.  ರೂ. 915 ರಿಂದ ಆರಂಭವಾಗುವ  ಹಾಗೂ ಎಲ್ಲಾ ಸೇವೆಗಳನ್ನು ಒಳಗೊಂಡ ದರಗಳನ್ನು ನೀಡುವ ಮೂರು ದಿನಗಳ ವಿಶೇಷ ಮಾರಾಟವನ್ನು ಘೋಷಣೆ ಮಾಡಿದೆ.

ಈ ಆಫರ್ ಆಗಸ್ಟ್ 04, 2021 ರಿಂದ ಆಗಸ್ಟ್ 06, 2021 ರವರೆಗೆ ಇರುತ್ತದೆ ಎಂದು ಕಂಪನಿ ತಿಳಿಸಿದೆ.  ಅಲ್ಲದೇ, ಸೆಪ್ಟೆಂಬರ್ 01, 2021, ಮಾರ್ಚ್ 26, 2022 ರವರೆಗಿನ ಪ್ರಯಾಣಕ್ಕೆ ಅನ್ವಯವಾಗುತ್ತದೆ. ಹೆಚ್ಚುವರಿಯಾಗಿ, ಫಾಸ್ಟ್ ಫಾರ್ವರ್ಡ್, 6 ಇ ಫ್ಲೆಕ್ಸ್, 6 ಇ ಸೇರಿದಂತೆ 6E ಆಡ್-ಆನ್ಗಳು ಬ್ಯಾಗ್ಪೋರ್ಟ್ ಅನ್ನು 315 ರೂಗಳಲ್ಲಿ ನೀಡಲಾಗುತ್ತಿದೆ. ಜೊತೆಗೆ  ಕಾರ್ ಬಾಡಿಗೆ ಸೇವೆಯು 315 ರೂಗಳಲ್ಲಿ ಆರಂಭವಾಗುತ್ತದೆ.

ಇನ್ನು ಈ ಬಗ್ಗೆ ನಮ್ಮ ಸಂತೋಷ ಹಂಚಿಕೊಂಡಿರುವ ಇಂಡಿಗೋದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ರೊನೊಜೊಯ್ ದತ್ತಾ, ನಾವು 15 ವರ್ಷಗಳನ್ನು ಸಂಪೂರ್ಣವಾಗಿ ಪೂರೈಸಿದ್ದೇವೆ. ಆ ಸಂಭ್ರಮವನ್ನು  ಆಚರಿಸುತ್ತಿರುವ ನಮಗೆ ಇದೊಂದು ಮಹತ್ವದ ಸಂದರ್ಭ. ಕೆಟ್ಟ ಸಮಯದಲ್ಲೂ ಸಹ ನಮ್ಮ ಗ್ರಾಹಕರು ಮತ್ತು ಉದ್ಯೋಗಿಗಳು ನಮ್ಮ ಮೇಲೆ ವಿಶ್ವಾಸವಿಟ್ಟಿದ್ದಕ್ಕಾಗಿ ನಾವು ಕೃತಜ್ಞತೆ  ವ್ಯಕ್ತಪಡಿಸಲು ಆಶಿಸುತ್ತೇವೆ. ಇಂಡಿಗೋ ತಂಡದ ಪರವಾಗಿ, ಈ ಸುದೀರ್ಘ  ಪ್ರಯಾಣವನ್ನು ಯಶಸ್ವಿಯಾಗಿ ಮಾಡಿದ ನಮ್ಮ ಎಲ್ಲಾ ಗ್ರಾಹಕರು, ಪಾಲುದಾರರು ಮತ್ತು  ಸಹೋದರರಂತೆ ಇರುವ ನಮ್ಮ ಕಂಪನಿಯ ಸದಸ್ಯರಿಗೆ ನಾನು ಧನ್ಯವಾದಗಳನ್ನು ಅರ್ಪಿಸುತ್ತೇನೆ ಎಂದಿದ್ದಾರೆ.

Time for SALE-brations! Grab the best fares, pack your bags and make that much awaited trip happen. Book now https://t.co/i2TT16rSey #15YearsOfBeing6E #LetsIndiGo #Aviation pic.twitter.com/Enb8a6UpFV

— IndiGo (@IndiGo6E) August 4, 2021

ಈ 15 ನೇ ವರ್ಷದ ಸಂಭ್ರಮದಲ್ಲಿ ನಾವೆಲ್ಲರೂ ಉತ್ಸುಕರಾಗಿದ್ದೇವೆ. ನಾವು ಇಂಡಿಗೋ ಬ್ರಾಂಡ್ ಅನ್ನು ದೇಶೀಯವಾಗಿ ಮಾತ್ರವಲ್ಲದೆ ಅಂತಾರಾಷ್ಟ್ರೀಯ  ಮಟ್ಟದಲ್ಲಿ  ಬ್ರಾಂಡ್ ಮಾಡಿದ್ದರಿಂದ ಒಳ್ಳೆಯ ಫಲ ಸಿಕ್ಕಿದೆ. ಇದುವರೆಗೂ ನಾವು ಉತ್ತಮವಾಗಿ ಕಾರ್ಯನಿರ್ವಹಿಸಿದ್ದೇವೆ. ಗ್ರಾಹಕರ ಮೊದಲ  ಅಭಿಪ್ರಾಯ ಮತ್ತು ಕಂಪನಿಯ ಮೇಲಿನ ದೃಷ್ಟಿಕೋನವನ್ನು ಎಂದಿಗೂ ಮರೆಯುವುದಿಲ್ಲ, ಅದನ್ನು ಗೌರವಿಸುತ್ತೇವೆ, ಅದು ಇಂಡಿಗೋ ಡಿಎನ್ಎಯಲ್ಲಿ ಆಳವಾಗಿ ಹುದುಗಿದೆ. ಏಕೆಂದರೆ ಅವುಗಳು ನಮ್ಮ ಪ್ರಯಾಣದ ಅವಿಭಾಜ್ಯ ಅಂಗ. ಕೊರೊನಾ ಸಮಯದಲ್ಲಿ ಬಹಳಷ್ಟು ಬದಲಾವಣೆಗಳಾಗಿವೆ.  ಕೊರೊನಾ ನಂತರದ ಪ್ರಯಾಣ ಆರಂಭವಾಗಿದೆ. ಎಲ್ಲವು ಮತ್ತೆ ಮರುಕಳಿಸಲಿದೆ. ಇನ್ನೂ ಅನೇಕ ಮೈಲಿಗಲ್ಲುಗಳನ್ನು ಸಾಧಿಸಲು ನಾವು ಎದುರು ನೋಡುತ್ತಿದ್ದೇವೆ ಹಾಗೂ ನಾವು ನಿಮ್ಮನ್ನ ಸ್ವಚ್ಛವಾದ ವಿಮಾನನದ ಮೂಲಕ ಸ್ವಾಗತ ಮಾಡುತ್ತೇವೆ ಎಂದು ಇಂಡಿಗೋದ ಮುಖ್ಯ ವಾಣಿಜ್ಯ ಅಧಿಕಾರಿ ವಿಲಿಯಂ ಬೌಲ್ಟರ್ ಹೇಳಿದ್ದಾರೆ.

ಇದನ್ನೂ ಓದಿ: Yashika anand: ಅಪಘಾತದಲ್ಲಿ ನಾನು ಬದುಕುಳಿದು ಸ್ನೇಹಿತೆ ಸಾವನ್ನಪ್ಪಿದ್ದು ಕಾಡುತ್ತಿದೆ: ನಟಿ ಯಶಿಕಾ ಕಣ್ಣೀರು

ಕಳೆದ 15 ವರ್ಷಗಳಲ್ಲಿ ನಮ್ಮ ವಿಮಾನಯಾನ ಮಾರ್ಗವು ವಿಮಾನ ಪ್ರಯಾಣವನ್ನು  ಗ್ರಾಹಕರ ಕೈಗೆಟುಕುವ ಮತ್ತು ಕೈಗೆಟುಕುವಂತೆ ಮಾಡುವ ನಮ್ಮ ಬದ್ಧತೆಯ ಸಾಕ್ಷಿಯಾಗಿದೆ.  ಆ ಮೂಲಕ ವ್ಯಾಪಾರ, ಪ್ರವಾಸೋದ್ಯಮ ಮತ್ತು ಚಲನಶೀಲತೆಯನ್ನು ಉತ್ತೇಜಿಸುತ್ತಾ ಬಂದಿದ್ದೇವೆ. ಈ ಸಂಭ್ರಮದ ಸಂದರ್ಭದಲ್ಲಿ, ನಮ್ಮ ಸಂತೋಷವನ್ನು ಹಂಚಿಕೊಳ್ಳಲು ನಾವು 6E ಪ್ರಯಾಣಿಕರಿಗಾಗಿ 3 ದಿನಗಳ ವಿಶೇಷ ಮಾರಾಟವನ್ನು ಆರಂಭಿಸಿದ್ದೇವೆ. ನಮ್ಮ ನಮ್ಮ ಸ್ವಚ್ಛ  ವಿಮಾನಗಳಲ್ಲಿ ಪ್ರಯಾಣಿಕರಿಗೆ ಸರಿಯಾದ ಸಮಯ, ಒಳ್ಳೆಯ ವಾತವಾರಣದೊಂದಿಗೆ ಮತ್ತು ಒಳ್ಳೆಯ ಅನುಭವವನ್ನು ನೀಡುವುದು ನಮ್ಮ ಈ  ಸ್ಥಿರವಾದ ಪ್ರಯತ್ನವಾಗಿದೆ. ಇಷ್ಟು ವರ್ಷಗಳ ಕಾಲ ನಮ್ಮ ಸೇವೆಯ ಮೂಲಕ ಜನರನ್ನು ಸಂತುಷ್ಟಗೊಳಿಸಿದ್ದೇವೆ . ಮುಂದೆಯೂ ಕೂಡ ಹೀಗೆ ಮುಂದುವರೆಯಲಿದೆ ಎಂದು ಇಂಡಿಗೋದ ಮುಖ್ಯ ಕಾರ್ಯತಂತ್ರ ಮತ್ತು ಕಂದಾಯ ಅಧಿಕಾರಿ ಸಂಜಯ್ ಕುಮಾರ್ ಭರವಸೆ ನೀಡಿದ್ದಾರೆ.