Solar plant: ದೇಶದ ಅತಿದೊಡ್ಡ ತೇಲುವ ಸೋಲಾರ್​ ವಿದ್ಯುತ್​ ಉತ್ಪಾದನಾ ಘಟಕ ಪ್ರಾರಂಭ

NTPC ಸಮೂಹದ ಒಟ್ಟು ಸ್ಥಾಪಿತ ಸಾಮರ್ಥ್ಯವು ಒಟ್ಟು 66,990 MW ಆಗಿದೆ. ಈ ಗುಂಪು 2032 ರ ವೇಳೆಗೆ ಸುಮಾರು 60 ಗಿಗಾವಾಟ್ ನವೀಕರಿಸಬಹುದಾದ ಇಂಧನ ಸಾಮರ್ಥ್ಯವನ್ನು ಸ್ಥಾಪಿಸುವ ಗುರಿಯನ್ನು ಹೊಂದಿದೆ. ಪ್ರಸ್ತುತ ಕಂಪನಿಯು ಸುಮಾರು 17 ಗಿಗಾವಾಟ್ ಸಾಮರ್ಥ್ಯದ ನಿರ್ಮಾಣ ಹಂತದಲ್ಲಿದೆ, ಅದರಲ್ಲಿ 5 ಗಿಗಾವಾಟ್ ನವೀಕರಿಸಬಹುದಾದ ಇಂಧನ ಯೋಜನೆಗಳಾಗಿವೆ.

ಪ್ರಾತಿನಿಧಿಕ ಚಿತ್ರ

ಪ್ರಾತಿನಿಧಿಕ ಚಿತ್ರ

  • Share this:
    NTPC ಲಿಮಿಟೆಡ್ ಶನಿವಾರ ಆಂಧ್ರಪ್ರದೇಶದ ವಿಶಾಖಪಟ್ಟಣಂನ ಸಿಂಹಾದ್ರಿ ಥರ್ಮಲ್ ಸ್ಟೇಷನ್‌ನಲ್ಲಿ ನಿರ್ಮಿಸಿರುವ  ಭಾರತದ ಅತಿದೊಡ್ಡ ತೇಲುವ ಸೋಲಾರ್ ಪ್ಲಾಂಟ್​ ಯೋಜನೆ ಕಾರ್ಯಾಚರಣೆ ಆರಂಭಿಸಿದೆ. ಸಿಂಹಾದ್ರಿ ಥರ್ಮಲ್ ಸ್ಟೇಷನ್‌ನಲ್ಲಿ 15 ಮೆಗಾವ್ಯಾಟ್ ಫ್ಲೋಟಿಂಗ್ ಸೋಲಾರ್ ಯೋಜನೆಯನ್ನು ಪ್ರಾರಂಭಿಸಿದ ನಂತರ ಈ ಬೃಹತ್​ ಯೋಜನೆಯನ್ನು ತೆರೆಯಲಾಗಿದೆ. ಇದರೊಂದಿಗೆ ಒಟ್ಟು ಸೋಲಾರ್​ ವಿದ್ಯುತ್​ ಉತ್ಪಾದನಾ ಸಾಮರ್ಥ್ಯವು ಸುಮಾರು 25 ಮೆಗಾವ್ಯಾಟ್ ತಲುಪಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

    " ಅವಶ್ಯಕತೆಗಳಿಗೆ ಅನುಗುಣವಾಗಿ ನಿರ್ಮಿಸಿದ್ದ, 15 ಮೆಗಾವ್ಯಾಟ್ ಸಾಮರ್ಥ್ಯದ ಪ್ಲಾಂಟ್​ ಯಶಸ್ವಿಯಾದ ನಂತರ, ಆಂಧ್ರಪ್ರದೇಶದ ಸಿಂಹಾದ್ರಿಯಲ್ಲಿ ಸಿಂಹಾದ್ರಿ ಫ್ಲೋಟಿಂಗ್ ಸೋಲಾರ್ ಪಿವಿ ಯೋಜನೆಯನ್ನು ಘೋಷಿಸಲಾಗಿತ್ತು ಎಂದು ನಾವು ತಿಳಿಸಲು ಬಯಸುತ್ತೇವೆ. 10:00 ಗಂಟೆ 21.08.2021 ರಂದು ಹೊರಡಿಸಿದ "ಸರ್ಕಾರಿ- ಪ್ರಾಯೋಜಿತ NTPC ಸಂಸ್ಥೆ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

    ಇದರೊಂದಿಗೆ, NTPC ಮತ್ತು NTPC ಸಮೂಹ ಇದುವರೆಗು ತಾನು ಸ್ಥಾಪಿಸಿರುವ ಹಾಗೂ ಉತ್ಪಾದಿಸುತ್ತಿರುವ ವಿದ್ಯುತ್​ ಕ್ರಮವಾಗಿ 53,475 MW ಮತ್ತು 66,900 MW ಆಗಿದೆ. ಈ ಸೌರ ಯೋಜನೆಯು ವಿಶೇಷವಾಗಿ ಭಾರತ ಸರ್ಕಾರವು 2018 ರಲ್ಲಿ ತಂದ ಫೆಲ್ಕ್ಸಿಬಿಲೈಸೇಶನ್ ಯೋಜನೆಯಡಿ ಸ್ಥಾಪನೆಯಾದ ಮೊದಲನೆಯದು. ಈ ಸೌರ ವಿದ್ಯುತ್ ಉತ್ಪಾದನಾ ಘಟಕದ ಸ್ಥಾಪನೆಯು ತುಂಬಾ ವಿಶಿಷ್ಟವಾದುದು ಹಾಗೂ ಹೊಸಾ ವಿಧಾನದಲ್ಲಿ ವಿನ್ಯಾಸ ಮಾಡಲಾಗಿದೆ. ಇದು ಜಲಾಶಯದ 75 ಎಕರೆ ಜಾಗದಲ್ಲಿ ಹರಡಿದೆ.


    ಈ ಯೋಜನೆಯಲ್ಲಿನ ಕಾರ್ಯಕ್ಷಮತೆ ಮತ್ತೊಂದು ಗಮನಾರ್ಹ ಅಂಶವಾಗಿದೆ, ಏಕೆಂದರೆ ಇದು 1 ಲಕ್ಷಕ್ಕೂ ಹೆಚ್ಚು ಸೋಲಾರ್ ಪಿವಿ ಮಾಡ್ಯೂಲ್‌ಗಳಿಗೆ ವಿದ್ಯುತ್ ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಸುಮಾರು 7,000 ಮನೆಗಳಿಗೆ ವಿದ್ಯುತ್​ ಪೂರೈಸಲು ಈ ಹೆಚ್ಚಿನ ಶಕ್ತಿಯು ಸಾಕಾಗುತ್ತದೆ, ಅದೇ ಸಮಯದಲ್ಲಿ CO2 ಹೊರಸೂಸುವಿಕೆಯನ್ನು ಪ್ರತಿವರ್ಷ 46,000 ಟನ್‌ಗಳಷ್ಟು ತಗ್ಗಿಸುತ್ತದೆ. ಸಂಪನ್ಮೂಲಗಳನ್ನು ಉಳಿಸುವ ವಿಷಯ ತೆಗೆದುಕೊಂಡರೆ, ಪ್ರತಿವರ್ಷ ಸುಮಾರು 1,364 ದಶಲಕ್ಷ ಲೀಟರ್ ನೀರನ್ನು ಈ ಯೋಜನೆಯಿಂದ ಉಳಿಸಬಹುದು. ಸುಮಾರು 6,700 ಮನೆಗಳಿಗೆ ಪೂರೈಸಲು ಇದು ಸಾಕಷ್ಟು ನೀರು ಒದಗಿಸುತ್ತದೆ.


    ಸಿಂಹಾದ್ರಿ ನಿಲ್ದಾಣವು ಇನ್ನೊಂದು ವಿಚಾರದಲ್ಲಿ ಮೊದಲನೆ ಸ್ಥಾನದಲ್ಲಿ ನಿಲ್ಲುತ್ತದೆ. 20 ವರ್ಷಗಳಿಗಿಂತಲೂ ಹೆಚ್ಚು ಕಾಲದಿಂದ ಕಾರ್ಯನಿರ್ವಹಿಸುತ್ತಿರುವ ಬಂಗಾಳ ಕೊಲ್ಲಿಯಿಂದ ತೆರೆದ ಸಮುದ್ರ ಸೇವೆಯನ್ನು ಹೊಂದಿದ ಮೊದಲನೆ ಸ್ಥಳ ಇದಾಗಿದೆ ಎಂದು ಕಂಪೆನಿ ಹೇಳಿದೆ.  ಕಂಪನಿಯ ಇನ್ನೊಂದು ಹೇಳಿಕೆಯ ಪ್ರಕಾರ, ಎನ್ ಟಿಪಿಸಿ ಸಿಂಹಾದ್ರಿಯಲ್ಲಿ ಪ್ರಾಯೋಗಿಕವಾಗಿ ಹೈಡ್ರೋಜನ್ ಆಧಾರಿತ ಮೈಕ್ರೋ ಗ್ರಿಡ್ ವ್ಯವಸ್ಥೆಯನ್ನು ಸ್ಥಾಪಿಸಲು ಯೋಜಿಸುತ್ತಿದೆ.

    ಎನ್‌ಟಿಪಿಸಿ ಸಂಸ್ಥೆಯು  ಎನ್ ಹೈ-ಲೆವೆಲ್ ಡೈಲಾಗ್ ಆನ್ ಎನರ್ಜಿ (ಎಚ್‌ಎಲ್‌ಡಿಇ) ಯ ಭಾಗವಾಗಿ ತನ್ನನ್ನು ಎನರ್ಜಿ ಕಾಂಪ್ಯಾಕ್ಟ್ ಸಮೂಹ ಎಂದು ಘೋಷಿಸಿದ ದೇಶದ ಮೊದಲ ಇಂಧನ ಕಂಪನಿಗಳಲ್ಲಿ ಒಂದಾಗಿದೆ.

    ಇದನ್ನೂ ಓದಿ: Taliban: ಅಫ್ಘನ್​ನಲ್ಲಿ ಕೋ- ಎಜುಕೇಶನ್​ ಬಂದ್​: ಮೊದಲ ಫತ್ವಾ ಹೊರಡಿಸಿದ ತಾಲಿಬಾನ್​

    NTPC ಸಮೂಹವು ತನ್ನ ಅಡಿಯಲ್ಲಿ 71 ವಿದ್ಯುತ್ ಉತ್ಪಾದನಾ ಕೇಂದ್ರಗಳನ್ನು ಹೊಂದಿದೆ, ಅದರಲ್ಲಿ 29 ನವೀಕರಿಸಬಹುದಾದ ಇಂಧನ ಕೇಂದ್ರಗಳು. NTPC ಸಮೂಹದ ಒಟ್ಟು ಸ್ಥಾಪಿತ ಸಾಮರ್ಥ್ಯವು ಒಟ್ಟು 66,990 MW ಆಗಿದೆ. ಈ ಗುಂಪು 2032 ರ ವೇಳೆಗೆ ಸುಮಾರು 60 ಗಿಗಾವಾಟ್ ನವೀಕರಿಸಬಹುದಾದ ಇಂಧನ ಸಾಮರ್ಥ್ಯವನ್ನು ಸ್ಥಾಪಿಸುವ ಗುರಿಯನ್ನು ಹೊಂದಿದೆ. ಪ್ರಸ್ತುತ ಕಂಪನಿಯು ಸುಮಾರು 17 ಗಿಗಾವಾಟ್ ಸಾಮರ್ಥ್ಯದ ನಿರ್ಮಾಣ ಹಂತದಲ್ಲಿದೆ, ಅದರಲ್ಲಿ 5 ಗಿಗಾವಾಟ್ ನವೀಕರಿಸಬಹುದಾದ ಇಂಧನ ಯೋಜನೆಗಳಾಗಿವೆ.

    ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು.
    Published by:HR Ramesh
    First published: