• Home
  • »
  • News
  • »
  • national-international
  • »
  • Indian Railway: ರೈಲು ಪ್ರಯಾಣಿಕರೇ, ನಿಮ್ಮ ಲಗೇಜ್ ಕುರಿತು ರೈಲು ಇಲಾಖೆ ನೀಡಿದ ಮಹತ್ವದ ಸೂಚನೆ ತಿಳಿಯಿರಿ

Indian Railway: ರೈಲು ಪ್ರಯಾಣಿಕರೇ, ನಿಮ್ಮ ಲಗೇಜ್ ಕುರಿತು ರೈಲು ಇಲಾಖೆ ನೀಡಿದ ಮಹತ್ವದ ಸೂಚನೆ ತಿಳಿಯಿರಿ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಲಗೇಜ್ ಹೆಚ್ಚು ಇದ್ದರೆ ಪ್ರಯಾಣದ ಆನಂದವು ಅರ್ಧದಷ್ಟು ಇರುತ್ತದೆ! ಹೆಚ್ಚು ಲಗೇಜ್ ಹೊತ್ತುಕೊಂಡು ರೈಲಿನಲ್ಲಿ ಪ್ರಯಾಣಿಸಬೇಡಿ.

  • Share this:

    ಇನ್ಮೇಲೆ ರೈಲು ಪ್ರಯಾಣದಲ್ಲಿ ನೀವು ಹೊಸ ನಿಯಮ ಪಾಲಿಸಲೇಬೇಕು. ಇಲ್ಲದಿದ್ದರೆ ಹೆಚ್ಚು ಹಣ ಪಾವತಿಸಬೇಕಾಗುತ್ತದೆ. ರೈಲಿನಲ್ಲಿ ಹೆಚ್ಚು ಲಗೇಜ್ ಕೊಂಡೊಯ್ದರೆ ನಿಮ್ಮ ಹಣ ಇನ್ನಷ್ಟು ಹೆಚ್ಚು ಖರ್ಚು ಆಗಬಹುದು ಎಚ್ಚರ. ಅಂದರೆ ಲಗೇಜ್ ಜಾಸ್ತಿ (Luggage In Rail Travel) ಇದ್ದರೆ ಖುಷಿಯ ಪಯಣ ಅರ್ಧಕ್ಕೆ ಇಳಿಯುತ್ತದೆ! ಹೆಚ್ಚುವರಿ ಲಗೇಜ್ ಇದ್ದರೆ ಪಾರ್ಸೆಲ್ ಕಚೇರಿಗೆ ಹೋಗಿ ಲಗೇಜ್ ಅನ್ನು ಬುಕ್ ಮಾಡಬೇಕಾಗುತ್ತದೆ. ಮೂಲಗಳ ಪ್ರಕಾರ ಇತ್ತೀಚಿನ ದಿನಗಳಲ್ಲಿ ಸಹ ಪ್ರಯಾಣಿಕರು ಮತ್ತು ಅತಿಯಾದ ಲಗೇಜ್‌ನಲ್ಲಿ (Luggage In Indian Railway) ಪ್ರಯಾಣಿಸುವಾಗ ಚೈನ್ ಎಳೆಯುವ ಘಟನೆಗಳ ಅನಾನುಕೂಲತೆಯಿಂದಾಗಿ ಭಾರತೀಯ ರೈಲ್ವೆ (Indian Railway) ಆಡಳಿತ ಎಚ್ಚರಿಕೆ ನೀಡಿದೆ.


    ಲಗೇಜ್‌ನಲ್ಲಿ ಪ್ರಯಾಣಿಸಲು ಮಿತಿ ಇದ್ದರೂ, ಅನೇಕ ಪ್ರಯಾಣಿಕರು ಹೆಚ್ಚಿನ ಲಗೇಜ್‌ನೊಂದಿಗೆ ರೈಲಿನಲ್ಲಿ ಪ್ರಯಾಣಿಸುವುದರಿಂದ ಇತರ ಪ್ರಯಾಣಿಕರಿಗೆ ಅನಾನುಕೂಲತೆ ಉಂಟಾಗುತ್ತದೆ ಎಂದು ರೈಲ್ವೆ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.


    ಸುಮ್​ ಸುಮ್ನೇ ಚೈನ್ ಎಳಿಯಬೇಡಿ!
    ಆದರೆ ಈಗ ಇದು ರೈಲ್ವೆ ಹಾಗೂ ಸಹ ಪ್ರಯಾಣಿಕರಿಗೆ ಸಮಸ್ಯೆಯಾಗಿದೆ. "ಸಿಆರ್‌ನ ಮುಂಬೈ ವಿಭಾಗದಲ್ಲಿ ಏಪ್ರಿಲ್ 1 ಮತ್ತು 30 ರ ನಡುವೆ ಸುಮಾರು 332 ಅಲಾರ್ಮ್ ಚೈನ್ ಎಳೆಯುವ ಪ್ರಕರಣಗಳು ವರದಿಯಾಗಿವೆ. ಇವುಗಳಲ್ಲಿ ಕೇವಲ 53 ಪ್ರಕರಣಗಳಲ್ಲಿ ನಿಜಕ್ಕೂ ಅಲಾರ್ಮ್ ಚೈನ್ ಎಳೆಯುವ ಅಗತ್ಯತ್ತು" ಎಂದು ಸಿಆರ್‌ನ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.


    ಇದನ್ನೂ ಓದಿ: Haunted Places: ಜಗತ್ತಿನಲ್ಲಿಯೇ ಅತ್ಯಂತ ಭಯಾನಕ ಸ್ಥಳಗಳಿವು! ಇಲ್ಲಿ ಹಗಲಲ್ಲೂ ಓಡಾಡಲ್ಲ ಜನ


    ಇದರಿಂದಾಗಿ ಹೆಚ್ಚುವರಿ ಲಗೇಜ್ ಅನ್ನು ಲೋಡ್ ಮಾಡಲು ಮತ್ತು ಇಳಿಸಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ ಎಂದು ಹೇಳಿದರು. ರೈಲ್ವೆ ಚೇನ್ ಎಳೆಯುವಿಕೆಯ ನಿದರ್ಶನಗಳು ಹೆಚ್ಚುತ್ತಿರುವ ಹಿಂದಿನ ಪ್ರಮುಖ ಕಾರಣಗಳಲ್ಲಿ ಒಂದಾಗಿದೆ.


    ಪ್ರಯಾಣದ ಆನಂದ ಕಳೆದುಕೊಳ್ಳಬೇಡಿ!
    ಮೇ 29 ರಂದು, ರೈಲ್ವೇ ಸಚಿವಾಲಯವು ತನ್ನ ಅಧಿಕೃತ ಟ್ವಿಟರ್ ಹ್ಯಾಂಡಲ್‌ನಿಂದ ಟ್ವೀಟ್ ಮಾಡುವ ಮೂಲಕ ಪ್ರಯಾಣದ ಸಮಯದಲ್ಲಿ ಹೆಚ್ಚುವರಿ ಲಗೇಜ್‌ನೊಂದಿಗೆ ಪ್ರಯಾಣಿಸದಂತೆ ಜನರಿಗೆ ಸಲಹೆ ನೀಡಿದೆ.  ಟ್ವೀಟ್‌ನಲ್ಲಿ ಸಚಿವಾಲಯವು, "ಲಗೇಜ್ ಹೆಚ್ಚು ಇದ್ದರೆ ಪ್ರಯಾಣದ ಆನಂದವು ಅರ್ಧದಷ್ಟು ಇರುತ್ತದೆ! ಹೆಚ್ಚು ಲಗೇಜ್ ಹೊತ್ತುಕೊಂಡು ರೈಲಿನಲ್ಲಿ ಪ್ರಯಾಣಿಸಬೇಡಿ. ಹೆಚ್ಚುವರಿ ಲಗೇಜ್ ಇದ್ದಲ್ಲಿ, ಪಾರ್ಸೆಲ್ ಕಚೇರಿಗೆ ಹೋಗಿ ಲಗೇಜ್ ಬುಕ್ ಮಾಡಿಯೇ ಪ್ರಯಾಣ ನಡೆಸಿ" ಎಂದು ಭಾರತೀಯ ರೈಲ್ವೆ ಇಲಾಖೆ ಸೂಚನೆ ನೀಡಿದೆ.


    ಈಗಿನ ಚಾರ್ಜ್ ಎಷ್ಟಿದೆ? ಇಲ್ಲಿದೆ ಮಾಹಿತಿ
    ರೈಲ್ವೇಯ ಈಗಿರುವ ನಿಯಮಗಳ ಪ್ರಕಾರ ರೈಲಿನ ಪ್ರಯಾಣದ ಸಮಯದಲ್ಲಿ ಪ್ರಯಾಣಿಕರು 40 ರಿಂದ 70 ಕೆಜಿಯಷ್ಟು ಲಗೇಜ್ ಅನ್ನು ಮಾತ್ರ ಸಾಗಿಸಬಹುದು. ವಾಸ್ತವವಾಗ ರೈಲ್ವೇಯ ಕೋಚ್‌ಗೆ ಅನುಗುಣವಾಗಿ ಲಗೇಜ್‌ನ ತೂಕವು ವಿಭಿನ್ನವಾಗಿರುತ್ತದೆ. ಸ್ಲೀಪರ್, ಎಸಿ ಚೇರ್ ಕಾರ್ ಮತ್ತು ಎಸಿ 3 ಟೈಯರ್ ಕೋಚ್‌ಗಳಲ್ಲಿ ಪ್ರಯಾಣಿಕರು 40 ಕೆಜಿವರೆಗೆ ಸಾಗಿಸಬಹುದು. 2ನೇ ಎಸಿ ಕೋಚ್‌ಗಳಲ್ಲಿ ಪ್ರಯಾಣಿಕರು 50 ಕೆಜಿ ಮತ್ತು 1ನೇ ಎಸಿ ದರ್ಜೆಯ ಪ್ರಯಾಣಿಕರು 70 ಕೆಜಿ ವರೆಗೆ ಸಾಗಿಸಬಹುದು. ಸಾಮಾನ್ಯ ವರ್ಗದಲ್ಲಿ ಈ ಮಿತಿ ಕೇವಲ 35 ಕೆಜಿಯಷ್ಟಿದೆ.


    ಇದನ್ನೂ ಓದಿ:  Bihar DM: ಚಾಲಕ ಹಿಂದಿನ ಸೀಟಲ್ಲಿ, ಜಿಲ್ಲಾ ಮ್ಯಾಜಿಸ್ಟ್ರೇಟ್ ಡ್ರೈವರ್ ಸೀಟಲ್ಲಿ! ಹೀಗೊಂದು ಬೀಳ್ಕೊಡುಗೆ


    ಯಾರಾದರೂ ಹೆಚ್ಚು ಲಗೇಜ್‌ನೊಂದಿಗೆ ಪ್ರಯಾಣಿಸುತ್ತಿರುವುದು ಕಂಡುಬಂದರೆ ಪ್ರಯಾಣದ ದೂರಕ್ಕೆ ಅನುಗುಣವಾಗಿ ವ್ಯತ್ಯಾಸವಾಗುವ ದಂಡದೊಂದಿಗೆ ಹೆಚ್ಚುವರಿ ಲಗೇಜ್‌ಗೆ ಪ್ರತ್ಯೇಕ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ ಎಂದು ಭಾರತೀಯ ರೈಲ್ವೆ ತನ್ನ ಸೂಚನೆಯಲ್ಲಿ ತಿಳಿಸಿದೆ.

    Published by:guruganesh bhat
    First published: