• ಹೋಂ
  • »
  • ನ್ಯೂಸ್
  • »
  • ದೇಶ-ವಿದೇಶ
  • »
  • Hindu Rate of Growth: ಭಾರತವು ಹಿಂದೂ ಬೆಳವಣಿಗೆಯ ದರಕ್ಕೆ 'ಅಪಾಯಕಾರಿಯಾಗಿ ಹತ್ತಿರದಲ್ಲಿದೆ'; RBI ಮಾಜಿ ಗವರ್ನರ್ ರಘುರಾಮ್

Hindu Rate of Growth: ಭಾರತವು ಹಿಂದೂ ಬೆಳವಣಿಗೆಯ ದರಕ್ಕೆ 'ಅಪಾಯಕಾರಿಯಾಗಿ ಹತ್ತಿರದಲ್ಲಿದೆ'; RBI ಮಾಜಿ ಗವರ್ನರ್ ರಘುರಾಮ್

ರಘುರಾಮ್ ರಾಜನ್

ರಘುರಾಮ್ ರಾಜನ್

ರಘುರಾಮನ್, ಕಡಿಮೆ ಆರ್ಥಿಕ ಬೆಳವಣಿಗೆ ಎಂಬುದನ್ನು ಹಿಂದೂ ಬೆಳವಣಿಗೆ ದರ ಎಂಬುದಾಗಿ ಉಲ್ಲೇಖಿಸಿದ್ದು, 1950 ರಿಂದ 1980 ರವರೆಗಿನ ಕಡಿಮೆ ಭಾರತೀಯ ಆರ್ಥಿಕ ಬೆಳವಣಿಗೆ ದರಗಳನ್ನು ವಿವರಿಸುವ ಪದವಾಗಿ ಹಿಂದೂ ಬೆಳವಣಿಗೆ ದರ ಪ್ರಚಲಿತದಲ್ಲಿದೆ.

  • Trending Desk
  • 5-MIN READ
  • Last Updated :
  • New Delhi, India
  • Share this:

ಖಾಸಗಿ ವಲಯದ ಹೂಡಿಕೆ, ಹೆಚ್ಚಿನ ಬಡ್ಡಿ ದರಗಳು ಮತ್ತು ನಿಧಾನಗತಿಯ ಜಾಗತಿಕ ಬೆಳವಣಿಗೆಯಿಂದ ಭಾರತವು ಹಿಂದೂ ಬೆಳವಣಿಗೆಯ ದರಕ್ಕೆ (ಕಡಿಮೆ ಆರ್ಥಿಕ ಬೆಳವಣಿಗೆ) ಅಪಾಯಕಾರಿಯಾಗಿ ಸನಿಹದಲ್ಲಿದೆ ಎಂಬ ಎಚ್ಚರಿಕೆಯನ್ನು ಮಾಜಿ ರಿಸರ್ವ್ ಬ್ಯಾಂಕ್ ಗವರ್ನರ್ (Reserve Bank Governor) ರಘುರಾಮ್ ರಾಜನ್ ನೀಡಿದ್ದಾರೆ. ಕಳೆದ ತಿಂಗಳು ರಾಷ್ಟ್ರೀಯ ಅಂಕಿಅಂಶ ಕಚೇರಿ (ಎನ್‌ಎಸ್‌ಒ) ಬಿಡುಗಡೆ ಮಾಡಿದ ರಾಷ್ಟ್ರೀಯ ಆದಾಯದ ಇತ್ತೀಚಿನ ಅಂದಾಜಿನ ಪ್ರಕಾರ ತ್ರೈಮಾಸಿಕ ಬೆಳವಣಿಗೆಯಲ್ಲಿ ಅನುಕ್ರಮ ನಿಧಾನಗತಿಯು ಕಳವಳಕಾರಿಯಾಗಿದೆ ಎಂದು ರಘುರಾಮ್(Raghuram) ತಿಳಿಸಿದ್ದಾರೆ.


ಹಿಂದೂ ಬೆಳವಣಿಗೆ ದರ


ರಘುರಾಮನ್, ಕಡಿಮೆ ಆರ್ಥಿಕ ಬೆಳವಣಿಗೆ ಎಂಬುದನ್ನು ಹಿಂದೂ ಬೆಳವಣಿಗೆ ದರ ಎಂಬುದಾಗಿ ಉಲ್ಲೇಖಿಸಿದ್ದು, 1950 ರಿಂದ 1980 ರವರೆಗಿನ ಕಡಿಮೆ ಭಾರತೀಯ ಆರ್ಥಿಕ ಬೆಳವಣಿಗೆ ದರಗಳನ್ನು ವಿವರಿಸುವ ಪದವಾಗಿ ಹಿಂದೂ ಬೆಳವಣಿಗೆ ದರ ಪ್ರಚಲಿತದಲ್ಲಿದೆ.


ನಿಧಾನಗತಿಯ ಬೆಳವಣಿಗೆಯನ್ನು ವಿವರಿಸಲು 1978 ರಲ್ಲಿ ಭಾರತೀಯ ಅರ್ಥಶಾಸ್ತ್ರಜ್ಞ ರಾಜ್ ಕೃಷ್ಣ ಅವರು ಈ ಪದವನ್ನು ರಚಿಸಿದರು.


ಕಳವಳಕಾರಿ ಅಂಶ ಏಕೆ?


ಪ್ರಸಕ್ತ ಹಣಕಾಸು ವರ್ಷದ ಮೂರನೇ ತ್ರೈಮಾಸಿಕದಲ್ಲಿ (ಅಕ್ಟೋಬರ್-ಡಿಸೆಂಬರ್) ಒಟ್ಟು ದೇಶೀಯ ಉತ್ಪನ್ನ (ಜಿಡಿಪಿ) ಎರಡನೇ ತ್ರೈಮಾಸಿಕದಲ್ಲಿ (ಜುಲೈ-ಸೆಪ್ಟೆಂಬರ್) 6.3% ರಿಂದ 4.4% ಕ್ಕೆ ಮತ್ತು ಮೊದಲ ತ್ರೈಮಾಸಿಕದಲ್ಲಿ (ಏಪ್ರಿಲ್-ಜೂನ್) 13.2% ಕ್ಕೆ ನಿಧಾನವಾಯಿತು. ಹಿಂದಿನ ಹಣಕಾಸು ವರ್ಷದ ಮೂರನೇ ತ್ರೈಮಾಸಿಕದಲ್ಲಿ ಬೆಳವಣಿಗೆಯು 5.2% ಆಗಿತ್ತು.


GDP ಸಂಖ್ಯೆಯಲ್ಲಿ ಮೇಲ್ಮುಖ ಪರಿಷ್ಕರಣೆಗಳು ಕಂಡುಬಂದಿದ್ದರೂ ಅನುಕ್ರಮ ನಿಧಾನಗತಿಯ ಬಗ್ಗೆ ಸೂಕ್ತ ಕ್ರಮಗಳನ್ನು ಕೈಗೊಳ್ಳಬೇಕಾಗಿದೆ, ಇದೊಂದು ಹೆಚ್ಚು ಕಳವಳಕಾರಿ ಅಂಶವಾಗಿದೆ.


ಖಾಸಗಿ ವಲಯವು ಹೂಡಿಕೆ ಮಾಡಲು ಇಷ್ಟವಿಲ್ಲದ ಕಾರಣ, RBI ಇನ್ನೂ ದರಗಳನ್ನು ಹೆಚ್ಚಿಸುತ್ತಿದೆ ಮತ್ತು ಜಾಗತಿಕ ಬೆಳವಣಿಗೆಯು ವರ್ಷದ ನಂತರ ನಿಧಾನಗೊಳ್ಳುವ ಸಾಧ್ಯತೆಯಿದೆ.


ಇನ್ನು ಬೆಳವಣಿಗೆ ದರವನ್ನು ಹೆಚ್ಚಾಗಿಸಿಕೊಳ್ಳಬೇಕಾಗಿದೆ ಆದರೆ ಅದು ಎಲ್ಲಿ ಎಂಬುದನ್ನು ಕಂಡುಕೊಳ್ಳಬೇಕಾಗಿದೆ ಎಂದು ಶ್ರೀ ರಾಜನ್ ಸುದ್ದಿಮಾಧ್ಯಮಗಳಿಗೆ ತಿಳಿಸಿದ್ದಾರೆ.


ಭಾರತದ ಬೆಳವಣಿಗೆಯ ಬಗ್ಗೆ ಪ್ರಶ್ನೆ


2023-24ರ ಆರ್ಥಿಕ ವರ್ಷದಲ್ಲಿ ಭಾರತದ ಬೆಳವಣಿಗೆ ಏನಾಗಿರುತ್ತದೆ ಎಂಬುದು ಪ್ರಮುಖ ಪ್ರಶ್ನೆಯಾಗಿದೆ ಎಂದು ರಾಜನ್ ತಿಳಿಸಿದ್ದಾರೆ. ಮೊದಲು 5% ಬೆಳವಣಿಗೆ ಸಾಧಿಸಿದರೂ ಸಾಕಾಗುತ್ತಿತ್ತು ಆದರೆ ಇತ್ತೀಚಿನ ಅಕ್ಟೋಬರ್-ಡಿಸೆಂಬರ್ ಭಾರತೀಯ GDP ಸಂಖ್ಯೆಗಳು (4.4% ರಂದು ವರ್ಷದ ಹಿಂದೆ ಮತ್ತು ಹಿಂದಿನ ತ್ರೈಮಾಸಿಕಕ್ಕೆ ಹೋಲಿಸಿದರೆ 1%) ವರ್ಷದ ಮೊದಲಾರ್ಧದಲ್ಲಿ ಪ್ರಬಲ ಸಂಖ್ಯೆಗಳ ಮೂಲಕ ನಿಧಾನಗತಿಯ ಬೆಳವಣಿಗೆಯನ್ನು ಸೂಚಿಸುತ್ತಿದೆ ಎಂದು ರಾಜನ್ ತಿಳಿಸಿದ್ದಾರೆ.


ಈ ಆರ್ಥಿಕ ವರ್ಷದ ಕೊನೆಯ ತ್ರೈಮಾಸಿಕದಲ್ಲಿ ಆರ್‌ಬಿಐ ಇನ್ನೂ ಕಡಿಮೆ 4.2% ಅನ್ನು ಯೋಜಿಸಿದೆ. ಈ ಹಂತದಲ್ಲಿ, 3 ವರ್ಷಗಳ ಹಿಂದಿನ ಇದೇ ರೀತಿಯ ಸಾಂಕ್ರಾಮಿಕ ಪೂರ್ವ ತ್ರೈಮಾಸಿಕಕ್ಕೆ ಹೋಲಿಸಿದರೆ ಅಕ್ಟೋಬರ್-ಡಿಸೆಂಬರ್ ತ್ರೈಮಾಸಿಕದ ಸರಾಸರಿ ವಾರ್ಷಿಕ ಬೆಳವಣಿಗೆಯು 3.7% ಆಗಿದೆ.


ಅಭಿವೃದ್ಧಿಯತ್ತ ಗಮನಹರಿಸಬೇಕು


ಈ ಬೆಳವಣಿಗೆ ಹಳೆಯ ಹಿಂದೂ ಅಭಿವೃದ್ಧಿಯ ದರಕ್ಕೆ ಅಪಾಯಕಾರಿಯಾಗಿ ಸನಿಹದಲ್ಲಿದೆ ಹಾಗಾಗಿ ಅಭಿವೃದ್ಧಿಯತ್ತ ಗಮನ ಹರಿಸಬೇಕಾಗಿದೆ ಎಂದು ರಾಜನ್ ಕರೆನೀಡಿದ್ದಾರೆ.


ಸರಕಾರ ಮೂಲಸೌಕರ್ಯ ಹೂಡಿಕೆಯಲ್ಲಿ ತನ್ನ ಕೈಲಾದ ಪ್ರಯತ್ನ ನಡೆಸುತ್ತಿದೆ ಆದರೆ ಉತ್ಪಾದನೆಯು ಇನ್ನೂ ಲಾಭಾಂಶವನ್ನು ಪಾವತಿಸಿಲ್ಲ ಎಂದು ರಾಜನ್ ತಿಳಿಸಿದ್ದಾರೆ.


ಅದಾನಿ ಗ್ರೂಪ್ ಮೇಲಿನ ಆರೋಪ


ಸರ್ಕಾರ ಮತ್ತು ವ್ಯವಹಾರಗಳ ನಡುವಿನ ಪಾರದರ್ಶಕವಲ್ಲದ ಸಂಪರ್ಕಗಳನ್ನು ಕಡಿಮೆ ಮಾಡುವುದು ಮತ್ತು ನಿಯಂತ್ರಕರು ತಮ್ಮ ಕೆಲಸವನ್ನು ಮಾಡಲು ಅವಕಾಶ ನೀಡುವುದು, ಪ್ರೋತ್ಸಾಹಿಸುವ ವಿಷಯವಾಗಿದೆ ಎಂದು ರಾಜನ್ ಸಲಹೆ ನೀಡಿದ್ದಾರೆ.


ಜನವರಿ 24 ರಂದು ಯುಎಸ್ ಶಾರ್ಟ್-ಸೆಲ್ಲರ್ ಹಿಂಡೆನ್‌ಬರ್ಗ್ ರಿಸರ್ಚ್ ನಿಂದ ಅದಾನಿ ಗುಂಪು ತೀವ್ರ ಒತ್ತಡಕ್ಕೆ ಒಳಗಾಗಿದ್ದು, ಲೆಕ್ಕಪತ್ರ ವಂಚನೆ ಹಾಗೂ ಸ್ಟಾಕ್ ಮ್ಯಾನಿಪ್ಯುಲೇಶನ್ ಎಂಬುದಾಗಿ ಆರೋಪಿಸಿದೆ. ಅದಾನಿ ಗ್ರೂಪ್ ಈ ಆರೋಪವನ್ನು "ದುರುದ್ದೇಶಪೂರಿತ", "ಆಧಾರರಹಿತ" ಮತ್ತು "ಭಾರತದ ಮೇಲಿನ ಲೆಕ್ಕಾಚಾರದ ದಾಳಿ" ಎಂಬುದಾಗಿ ನಿರಾಕರಿಸಿದೆ.

Published by:Latha CG
First published: