ಭಾರತಕ್ಕೆ ಪ್ರತ್ಯುತ್ತರ ನೀಡಲು ಪಾಕ್​ ನಿರ್ಧಾರ; ಎಲ್ಲದಕ್ಕೂ ಸಿದ್ಧರಾಗುವಂತೆ ಪಾಕ್​ ಜನತೆಗೆ ಇಮ್ರಾನ್​ ಖಾನ್ ಮನವಿ​

ಇಸ್ಲಾಮಾಬಾದ್​ (ಫೆ.26): ಪಾಕಿಸ್ತಾನ ಬೆಂಬಲಿತ ಉಗ್ರರು ಪುಲ್ವಾಮಾದಲ್ಲಿ ನಡೆಸಿದ ದಾಳಿಗೆ ಭಾರತ ಇಂದು ಪ್ರತೀಕಾರ ನಡೆಸಿದೆ. ಗಡಿ ನಿಯಂತ್ರಣ ರೇಖೆ ಬಳಿ ಪಾಕಿಸ್ತಾನದ ಪ್ರದೇಶಗಳಾದ ಬಾಲಕೋಟ್​, ಚಕೋಟಿ ಮತ್ತು ಮುಜಾಫರ್​ಬಾದ್​ ಪ್ರದೇಶಗಳ ಮೇಲೆ ದಾಳಿ ನಡೆಸಿದ್ದು, ಜೈಷೆ-ಇ-ಮೊಹಮ್ಮದ್​ ಉಗ್ರರ ನೆಲೆ ಹೊಡೆದುರುಳಿಸಿದೆ.

ಈ ದಾಳಿಯ ಬೆನ್ನಲ್ಲೇ ಇಂದು ಪಾಕ್​ ಪ್ರಧಾನಿ ಇಮ್ರಾನ್​ ಖಾನ್​, ತುರ್ತು ಸಭೆ ನಡೆಸಿದ್ದಾರೆ. ಸಭೆಯಲ್ಲಿ ಪಾಕ್​ ವಿದೇಶಾಂಗ ಸಚಿವ, ರಕ್ಷಣಾ, ಹಣಕಾಸು ಸಚಿವರು ಸೇರಿದಂತೆ ಅನೇಕರು ಭಾಗಿಯಾಗಿದ್ದಾರೆ.

ಭಾರತ ದಿಡೀರ್​ ಆಕ್ರಮಣ ನಡೆಸಿದ್ದು, ಈ ದಾಳಿಗೆ ಪಾಕಿಸ್ತಾನ ಕೂಡ ಸರಿಯದ ಸಮಯಕ್ಕೆ ಸೂಕ್ತ ಸ್ಥಳದಲ್ಲಿ ಸಮರ್ಥ ಉತ್ತರ ನೀಡಲಿದೆ. ಇದಕ್ಕಾಗಿ ದೇಶದ ಜನರು ಸಜ್ಜಾಗಬೇಕಿದೆ ಎಂದು ಪಾಕ್​ ರಾಷ್ಟ್ರೀಯ ರಕ್ಷಣಾ ಸಮಿತಿ ತಿಳಿಸಿದೆ ಎಂದು ಇಮ್ರಾನ್​ ಖಾನ್​ ಸಭೆಯಲ್ಲಿ ತಿಳಿಸಿದ್ದಾರೆ ಎಂದು ರೇಡಿಯೋ ಪಾಕಿಸ್ತಾನ ಪತ್ರಿಕೆ ವರದಿ ಮಾಡಿದೆ.

‘#India🇮🇳 committed uncalled for aggression to which #Pakistan🇵🇰 shall respond at time and place of its choosing’, NSC meeting https://t.co/sB4h28DfAY#Balakot, #PakistanArmy, @PTIofficial @ForeignOfficePk #PakistanAirForce, #PakistanArmy pic.twitter.com/XJjH0yNxKC

— Radio Pakistan (@RadioPakistan) February 26, 2019

ಗಡಿ ನಿಯಂತ್ರಣದಲ್ಲಿ ನಡೆದಿರುವ ದಾಳಿಯಲ್ಲಿ 200ಕ್ಕೂ ಹೆಚ್ಚು ಉಗ್ರರು ಹತ್ಯೆಯಾಗಿದ್ದಾರೆ ಎಂಬ ಭಾರತದ ಹೇಳಿಕೆಯನ್ನು ಇಮ್ರಾನ್​ ಖಾನ್​ ತಳ್ಳಿ ಹಾಕಿದ್ದಾರೆ. ಭಾರತದ ವಾಯುಪಡೆ ದಾಳಿಯಿಂದಾಗಿದೆ ಯಾವುದೇ ಹಾನಿಯಾಗಿಲ್ಲ ಎಂದು ಟ್ವೀಟ್​ ಮಾಡಿದ್ದಾರೆ.

 

Forum strongly rejected Indian claim of targeting an alleged terrorist camp near Balakot and the claim of heavy casualties. Once again Indian government has resorted to a self serving, reckless and fictitious claim. pic.twitter.com/zMQsukHGj9

— Prime Minister's Office, Pakistan (@PakPMO) February 26, 2019

200 ಉಗ್ರರ ಮೇಲೆ ದಾಳಿ ನಡೆಸಿದ್ದೇವೆ ಎಂದು ಭಾರತ ಹೇಳುತ್ತಿರುವ ಪ್ರದೇಶ ನಿರ್ಜನ ಪ್ರದೇಶವಾಗಿದೆ. ದಾಳಿ ನಡೆದ ಪ್ರದೇಶದ ನೈಜತೆ ಕುರಿತು ಪರಿಶೀಲನೆಗೆ ಕೂಡ ಮುಂದಾಗಬಹುದು.  ಸ್ಥಳೀಯ ಹಾಗೂ ಅಂತರಾಷ್ಟ್ರೀಯ ಮಾಧ್ಯಮಗಳು ಕೂಡ ಇದಕ್ಕೆ ಮುಕ್ತ ಅವಕಾಶವಿದೆ ಎಂದಿದ್ದಾರೆ.

ಇದನ್ನು ಓದಿ: ಭಾರತೀಯ ವಾಯುಪಡೆ ಗಡಿ ಪ್ರವೇಶಿಸಿದೆ. ಆದರೆ, ಯಾವುದೇ ಹಾನಿಯಾಗಿಲ್ಲ; ಪಾಕ್

ಭಾರತದಲ್ಲಿ ಚುನಾವಣೆ ಹಿನ್ನಲೆ ಈ ಕಾರ್ಯಚಾರಣೆ ನಡೆದಿದೆ. ಈ ಮೂಲಕ ಪ್ರಾದೇಶಿಕ ಶಾಂತಿ ಮತ್ತು ಸ್ಥಿರತೆ ಅಪಾಯದ ಸ್ಥಿತಿ ತಲುಪಿದೆ. ಈ ಪ್ರಚೋದನಾ ದಾಳಿಗಳು ಎರಡು ರಾಷ್ಟ್ರಗಳನ್ನು  ಎಲ್ಲಿಗೆ ಕೊಂಡಯ್ಯಲಿದೆ ಎಂಬ ಬಗ್ಗೆ ಭಾರತ ಅರಿತುಗೊಳ್ಳಬೇಕಾಗಿದೆ.

ಯಾವುದೇ ಸಮಯದಲ್ಲಿ ಈ ದಾಳಿಗೆ ಪ್ರತ್ಯುತ್ತರ ನೀಡಲು ನಾವು ಸಿದ್ದರಾಗಬೇಕಾಗಿದೆ. ಪಾಕಿಸ್ತಾನದ ಸೇನೆ ಹಾಗೂ ಜನರು ಇದಕ್ಕಾಗಿದೆ ಸಿದ್ಧರಾಗಬೇಕಾಗಿದೆ. ಭಾರತದ ಬೇಜಾವಬ್ದಾರಿತನದ ಕುರಿತು ಬಹಿರಂಗಪಡಿಸಲು ಜಾಗತಿಕ ನಾಯಕರ ಜೊತೆ ಒಟ್ಟುಗೂಡಲು ನಿರ್ಧಾರಿಸಲಾಗಿದೆ.