Independence Day Stickers: ಈ ಸ್ವಾತಂತ್ರ್ಯ ದಿನಾಚರಣೆಗೆ ನಿಮ್ಮ ಪ್ರೀತಿಪಾತ್ರರಿಗೆ ವಾಟ್ಸ್ಯಾಪ್​ ಸ್ಟಿಕ್ಕರ್ ಕಳುಹಿಸಿ, ಆನಂದಿಸಿ

ಅದು ಹೇಗೆ ಅಂತೀರಾ? ಇಲ್ಲಿದೆ ನೋಡಿ. ನಿಮ್ಮ ಪ್ರೀತಿಪಾತ್ರರಿಗೆ ವಾಟ್ಸ್ಯಾಪ್​ ಸ್ಟಿಕ್ಕರ್ ಕಳುಹಿಸಲು ಮೊದಲಿಗೆ ಹೀಗೆ ಮಾಡಿ. ನಿಮ್ಮ ಮೊಬೈಲ್​ನ ಪ್ಲೇ ಸ್ಟೋರ್​​​ನಲ್ಲಿ WhatsApp stickers for Independence Day ಎಂದು ಸರ್ಚ್​ ಮಾಡಿ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಮಾರಕ ಕೊರೋನಾದಿಂದಾಗಿ ಕೆಲವು ತಿಂಗಳಿನಿಂದ ಜನರು ಮನೆಯಲ್ಲೇ ಕಾಲ ಕಳೆಯುವಂತಾಗಿದೆ. ಈ ಕೊರೋನಾ ಸೋಂಕು ಎಲ್ಲರ ಖುಷಿ, ಸಂಭ್ರಮವನ್ನು ಕಿತ್ತುಕೊಂಡಿದೆ, ಹಬ್ಬಗಳು ಕಳೆಗುಂದಿವೆ. ಈ ಬಾರಿ ಆಗಸ್ಟ್​ 15ರ ಸ್ವಾತಂತ್ರ್ಯ ದಿನಾಚರಣೆಯ ಮೇಲೂ ಕೊರೋನಾ ಕರಿಛಾಯೆ ಆವರಿಸಿದೆ.

    ನಾಳೆ ಆಗಸ್ಟ್ 15. ದೇಶದೆಲ್ಲೆಡೆ 74ನೇ ಸ್ವಾತಂತ್ರ್ಯ ದಿನಾಚರಣೆಯ ಸಂಭ್ರಮ. ಈ ಕೊರೋನಾ ಬಂದಿಲ್ಲವೆಂದಿದ್ದರೆ ಎಲ್ಲೆಡೆ ಸಂಭ್ರಮದಿಂದ ಸ್ವಾತಂತ್ರ್ಯೋತ್ಸವವನ್ನು ಆಚರಿಸಬಹುದಿತ್ತು. ಈ ಮಹಾಮಾರಿ ಕೊರೋನಾದಿಂದಾಗಿ ಈಗ ಎಲ್ಲವೂ ಬದಲಾಗಿದೆ.

    ರಾಷ್ಟ್ರ ರಾಜಧಾನಿ ದೆಹಲಿಯ ಕೆಂಪು ಕೋಟೆಯಲ್ಲಿ ಪ್ರತಿವರ್ಷ ನಡೆಯುತ್ತಿದ್ದ ಸಾಂಸ್ಕೃತಿಕ ಕಾರ್ಯಕ್ರಮಗಳು, ಪರೇಡ್​ ಎಲ್ಲವೂ ಬಹುಶಃ ನಾಳೆ ಇರುವುದಿಲ್ಲ. ಅದನ್ನು ನೋಡುವ ಸೌಭಾಗ್ಯವೂ ಸಹ ಇಲ್ಲ ಎನಿಸುತ್ತದೆ. ಆದರೆ ನೀವು ಬೇಸರಿಸಿಕೊಳ್ಳುವ ಅಗತ್ಯವಿಲ್ಲ. ಈ ಸಲ ಕ್ರಿಯಾತ್ಮಕ ಮತ್ತು ಹಾಸ್ಯಭರಿತ ಸ್ವಾತಂತ್ರ್ಯ ದಿನಾಚರಣೆಯ ವಾಟ್ಸ್ಯಾಪ್​ ಸ್ಟಿಕ್ಕರ್​​ಗಳನ್ನು ನಿಮ್ಮ ಪ್ರೀತಿಪಾತ್ರರಿಗೆ ಕಳುಹಿಸಬಹುದಾಗಿದೆ.

    ಅದು ಹೇಗೆ ಅಂತೀರಾ? ಇಲ್ಲಿದೆ ನೋಡಿ. ನಿಮ್ಮ ಪ್ರೀತಿಪಾತ್ರರಿಗೆ ವಾಟ್ಸ್ಯಾಪ್​ ಸ್ಟಿಕ್ಕರ್ ಕಳುಹಿಸಲು ಮೊದಲಿಗೆ ಹೀಗೆ ಮಾಡಿ. ನಿಮ್ಮ ಮೊಬೈಲ್​ನ ಪ್ಲೇ ಸ್ಟೋರ್​​​ನಲ್ಲಿ "WhatsApp stickers for Independence Day" ಎಂದು ಸರ್ಚ್​ ಮಾಡಿ.

    ಬಳಿಕ ಅಲ್ಲಿ ಬರುವ ಆ್ಯಪ್​ಗಳಲ್ಲಿ ನಿಮಗಿಷ್ಟವಾದ ಆ್ಯಪ್​ನ್ನು ಇನ್​ಸ್ಟಾಲ್​ ಮಾಡಿಕೊಳ್ಳಿ. ಒಂದು ಸಲ ಆ್ಯಪ್​ ಇನ್​​ಸ್ಟಾಲ್​ ಆದರೆ, ನಿಮಗೆ ಬೇಕಾದ ವಾಟ್ಸ್ಯಾಪ್​ ಸ್ಟಿಕ್ಕರ್​​ಗಳನ್ನು Add to WhatsApp ಎಂದು ಕೊಡಬೇಕು.

    ಇದಾದ ನಂತರ ನಿಮ್ಮ ಗೆಳೆಯರಿಗೆ ಮತ್ತು ಪ್ರೀತಿ ಪಾತ್ರರಿಗೆ ನಿಮಗಿಷ್ಟವಾದ ವಿವಿಧ ಬಗೆಯ ವಾಟ್ಸ್ಯಾಪ್​​ ಸ್ಟಿಕ್ಕರ್​​ಗಳನ್ನು ಕಳುಹಿಸಿ, ಆನಂದಿಸಿ.
    Published by:Latha CG
    First published: