Crime News: ಕನಸಲ್ಲಿ ಧರ್ಮನಿಂದನೆ ಮಾಡಿದ್ದಕ್ಕೆ ಸಹೋದ್ಯೋಗಿಯನ್ನು ಕ್ರೂರವಾಗಿ ಕೊಂದ ಮೂವರು ಶಿಕ್ಷಕಿಯರು ಅರೆಸ್ಟ್

ಧರ್ಮನಿಂದೆಯ ಆರೋಪದ ನಂತರ ಮಾಜಿ ಸಹೋದ್ಯೋಗಿಯನ್ನು ಕೊಂದ ಆರೋಪದ ಮೇಲೆ ಪಾಕಿಸ್ತಾನದ (Pakistan) ಡೇರಾ ಇಸ್ಮಾಯಿಲ್ ಖಾನ್‌ನ ಸೆಮಿನರಿಯ ಮೂವರು ಮಹಿಳಾ ಶಿಕ್ಷಕರನ್ನು (Teachers) ಮಂಗಳವಾರ ಬಂಧಿಸಲಾಗಿದೆ ಎಂದು ಡಾನ್ ವರದಿ ಮಾಡಿದೆ. ಕಾಲ್ಪನಿಕ ಧರ್ಮನಿಂದೆಯ ಆರೋಪದ ಮೇಲೆ ಮಹಿಳೆಯ ಹತ್ಯೆಯ (Murder)ವರದಿಗಳು ಪಾಕಿಸ್ತಾನದ ಡೇರಾ ಇಸ್ಮಾಯಿಲ್ ಖಾನ್‌ನಲ್ಲಿ ವರದಿಯಾಗಿವೆ. ಪಾಕಿಸ್ತಾನದ ಖೈಬರ್ ಪಖ್ತುಂಖ್ವಾ ಪ್ರದೇಶದ ನಗರದಲ್ಲಿ ಮದರಸಾ ಶಿಕ್ಷಕಿಯನ್ನು ಆಕೆಯ ಮಹಿಳಾ ಸಹೋದ್ಯೋಗಿಗಳು ಕ್ರೂರವಾಗಿ ಹತ್ಯೆ ಮಾಡಿದ್ದು, ಆರೋಪಿಯೊಬ್ಬರ ಕನಸಲ್ಲಿ (Dream) ಮೃತ ಮಹಿಳೆ 'ದೇವನಿಂದನೆ ಮಾಡಿದ' ಕಾರಣಕ್ಕೆ ವಾಸ್ತವವಾಗಿ ಕೊಲೆ ಮಾಡಲಾಗಿದೆ.

ಈ ಬಗ್ಗೆ ಐಎಎನ್‌ಎಸ್ ಇಂಡಿಯಾ ಸಹ ಟ್ವೀಟ್ ಮಾಡಿದ್ದು, 'ಪಾಕಿಸ್ತಾನದ ಡೇರಾ ಇಸ್ಮಾಯಿಲ್ ಖಾನ್‌ನಲ್ಲಿರುವ ಸೆಮಿನರಿಯ ಮೂವರು ಮಹಿಳಾ ಶಿಕ್ಷಕರನ್ನು ಧರ್ಮನಿಂದೆಯ ಆರೋಪದ ನಂತರ ಮಾಜಿ ಸಹೋದ್ಯೋಗಿಯನ್ನು ಕೊಂದ ಆರೋಪಕ್ಕಾಗಿ ಬಂಧಿಸಲಾಗಿದೆ’ ಎಂದು ತಿಳಿಸಿದೆ.

ಶಿಕ್ಷಕಿಯರಾಗಿ ಕೆಲಸ ಮಾಡುತ್ತಿದ್ದ ಮಹಿಳೆಯರು

ಡಿಐ ಖಾನ್ ಜಿಲ್ಲೆಯ ಪೊಲೀಸರು ಹದಿಹರೆಯದವರು ಸೇರಿದಂತೆ ಮೂವರು ಮಹಿಳಾ ಮದರಸಾ ಶಿಕ್ಷಕರನ್ನು ಮತ್ತು 13 ವರ್ಷದ ಶಂಕಿತ ಬಾಲಕಿಯನ್ನು ಬಂಧಿಸಿದ್ದಾರೆ. ಅಂಜುಮಾಬಾದ್‌ನ ಜಾಮಿಯಾ ಇಸ್ಲಾಮಿಯಾ ಫಲಾಹುಲ್ ಬಿನಾತ್ ಸೆಮಿನರಿಯಲ್ಲಿ ಈ ಘಟನೆ ನಡೆದಿದ್ದು, ಮೂವರು ಶಂಕಿತರು ಮತ್ತು ಸಂತ್ರಸ್ತೆ ಶಿಕ್ಷಕರಾಗಿ ಬೋಧಿಸುತ್ತಿದ್ದರು.

ಚಾಕುವಿನಿಂದ ಇರಿದು ಕತ್ತು ಸೀಳಿ ಹತ್ಯೆ

ಸೆಮಿನರಿಯ ಮೂವರು ಶಿಕ್ಷಕರು ತಮ್ಮ ಸಹೋದ್ಯೋಗಿಯೊಬ್ಬರು ಪ್ರಸಿದ್ಧ ಮೌಲಾನಾ ತಾರಿಕ್ ಜಮೀಲ್ ಅವರ ಅನಿಸಿಕೆಗಾಗಿ ಧರ್ಮನಿಂದೆಯ ಆರೋಪವನ್ನು ಮಾಡಿದಾಗ ಈ ಘಟನೆ ನಡೆದಿದೆ. ಧಾರ್ಮಿಕ ವಿಷಯಗಳ ಬಗ್ಗೆ ಭಿನ್ನಾಭಿಪ್ರಾಯ ಮತ್ತು ಮಾತಿನ ಚಕಮಕಿ ವಿಕೋಪಕ್ಕೆ ಹೋಗುತ್ತಿದ್ದಂತೆ, ಮೂವರು ಶಿಕ್ಷಕರು ಸಹೋದ್ಯೋಗಿಯನ್ನು ಚಾಕುವಿನಿಂದ ಇರಿದು ಕತ್ತು ಸೀಳಿ ಹತ್ಯೆ ಮಾಡಲಾಗಿದೆ.

ಇದನ್ನೂ ಓದಿ: Sri Lanka: ಚೀನಾದಿಂದಾಗಿ ಆರ್ಥಿಕ ಅಧಪತನ, ಶ್ರೀಲಂಕಾ ಆರ್ಥಿಕತೆ ಈ ಸ್ಥಿತಿಗೆ ತಲುಪಲು ಮತ್ತೇನೇನು ಕಾರಣ?

ಜಿಲ್ಲಾ ಪೊಲೀಸ್ ಅಧಿಕಾರಿ (ಡಿಪಿಒ) ನಜಮುಲ್ ಹಸ್ನೈನ್ ಪ್ರಕಾರ, ಡೇರಾ ಇಸ್ಮಾಯಿಲ್ ಖಾನ್ ಎಂಬ ಸೆಮಿನರಿಯ ಮೂವರು ಮಹಿಳಾ ಶಿಕ್ಷಕರನ್ನು ಸಹೋದ್ಯೋಗಿಯನ್ನು ಧರ್ಮನಿಂದೆಯ ಸಲುವಾಗಿ ಕೊಂದ ಆರೋಪದ ಮೇಲೆ ಬಂಧಿಸಲಾಗಿದೆ ಎಂದಿದ್ದಾರೆ.

ಒಂದು ಕನಸಿಗಾಗಿ ಕೊಲೆಯೇ ? ಎಂಥಾ ವಿಚಿತ್ರ

ಮೃತ ಮಹಿಳೆ ತನ್ನ ವಿರುದ್ಧ ಧರ್ಮನಿಂದನೆ ಮಾಡಿದ್ದಾಳೆ ಎಂದು ಪ್ರವಾದಿ ಬಹಿರಂಗಪಡಿಸಿದ್ದನ್ನು ತಮ್ಮ ಸಂಬಂಧಿಕರೊಬ್ಬರು 13 ವರ್ಷದ ಬಾಲಕಿ ಕನಸಿನಲ್ಲಿ ನೋಡಿದ್ದಾಳೆ ಎಂದು ಮೂವರು ಆರೋಪಿ ಮಹಿಳೆಯರು ಬಹಿರಂಗಪಡಿಸಿದ್ದಾರೆ ಎಂದು ಪೊಲೀಸ್ ಹೇಳಿಕೆಯಲ್ಲಿ ದಾಖಲಿಸಲಾಗಿದೆ. ಸ್ಪಷ್ಟವಾಗಿ, ಹುಡುಗಿ ತನ್ನ ಕನಸಿನಲ್ಲಿ ನೋಡಿದಂತೆ ಮಹಿಳೆಯನ್ನು ವಧಿಸಲು ಪ್ರವಾದಿ ಅವರಿಗೆ ಆದೇಶಿಸಿದರು. ಮೂವರು ಮಹಿಳೆಯರು "ಬಾಲಕಿ ಕಂಡ ಕನಸನ್ನು ಮಹಿಳೆಯನ್ನು ಕೊಲ್ಲುವ ಮೂಲಕ ಸಾಕಾರಗೊಳಿಸಿದ್ದಾರೆ" ಎಂದು ವಿಚಾರಣೆಗಳು ಹೇಳುತ್ತಿವೆ.

13 ವರ್ಷದ ಬಾಲಕಿ ಕನಸಿನಿಂದ ಜೀವವೇ ಹೋಯ್ತು

ಬಂಧಿತ ಮಹಿಳೆಯರಲ್ಲಿ 24 ವರ್ಷದ ಉಮ್ರಾ ಅಮಾನ್, 21 ವರ್ಷದ ರಜಿಯಾ ಹನ್ಫಿ, 17 ವರ್ಷದ ಆಯಿಷಾ ನೊಮಾನಿ ಮತ್ತು ಕನಸು ಕಂಡ 13 ವರ್ಷದ ಬಾಲಕಿ ಸೇರಿದ್ದಾರೆ.

ಮಹಿಳೆಯನ್ನು ಹತ್ಯೆಗೈಯಲು ಬಳಸಿದ ಚಾಕುವನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ ಮತ್ತು ಪ್ರಾಥಮಿಕ ತನಿಖೆಯ ಸಮಯದಲ್ಲಿ ಕನಸಿನ ವಿವರಗಳನ್ನು ಹೊಂದಿರುವ ರಿಜಿಸ್ಟರ್ ಅನ್ನು ವಶಪಡಿಸಿಕೊಳ್ಳಲಾಗಿದೆ. ಶಂಕಿತ ಮೂವರ ಜೊತೆ ಅವರ ಸಂಬಂಧಿಕರನ್ನು ಬಂಧಿಸಲಾಗಿದೆ ಎಂದು ಡಿಪಿಒ ತಿಳಿಸಿದ್ದಾರೆ.

ಇದನ್ನೂ ಓದಿ: Shocking: "ಮುಗ್ಧ ವೈದ್ಯರಿಗೆ ಕಿರುಕುಳ ಕೊಡಬೇಡಿ" ಡೆತ್‌ ನೋಟ್ ಬರೆದಿಟ್ಟು ವೈದ್ಯೆ ಆತ್ಮಹತ್ಯೆ; ಆಸ್ಪತ್ರೆಗಳು ಬಂದ್!

ಎಲ್ಲಾ ಶಂಕಿತ ಮಹಿಳೆಯರು ಮೆಹ್ಸೂದ್ ಬುಡಕಟ್ಟು ಜನಾಂಗಕ್ಕೆ ಸೇರಿದವರು. ಮೂಲತಃ ದಕ್ಷಿಣ ವಜಿರಿಸ್ತಾನ್ ಜಿಲ್ಲೆಯವರು. ಆದರೆ ಇತ್ತೀಚೆಗೆ ಡಿಐ ಖಾನ್‌ನ ಅರ್ಜುಮಾಬಾದ್‌ನಲ್ಲಿ ವಾಸಿಸುತ್ತಿದ್ದಾರೆ ಎಂದು ವರದಿಯಾಗಿದೆ. ಘಟನೆಯ ನಂತರ, ಸೆಮಿನರಿಗಳ ಮಂಡಳಿಯಾಗಿರುವ ವಫಾಕುಲ್ ಮಡಾರಿಸ್ ಅಲ್ ಅರೇಬಿಯಾ ಪಾಕಿಸ್ತಾನವು ಹತ್ಯೆಯನ್ನು ಖಂಡಿಸಿತು, ಮತ್ತು ಘಟನೆಯ ಬಗ್ಗೆ ಸ್ವತಂತ್ರ ಮತ್ತು ನ್ಯಾಯಯುತ ತನಿಖೆ ನಡೆಸಬೇಕೆಂದು ಮಂಡಳಿಯು ಹೇಳಿಕೆಯಲ್ಲಿ ಒತ್ತಾಯಿಸಿದೆ ಮತ್ತು ತಪ್ಪಿತಸ್ಥರನ್ನು ಬಂಧಿಸಿ ಶಿಕ್ಷಿಸುವಂತೆ ಒತ್ತಾಯಿಸಿದೆ.

ಈ ಘಟನೆಯು ದೇಶದ ಮಾಧ್ಯಮಗಳಿಂದ ಸೀಮಿತ ಪ್ರಸಾರವನ್ನು ಕಂಡರೂ, ಕೆಲವು ಪಾಕಿಸ್ತಾನಿಯರು ಘಟನೆ ಬಗ್ಗೆ ಸಾಮಾಜಿಕ ಮಾಧ್ಯಮಗಳಲ್ಲಿ ಆತಂಕ ವ್ಯಕ್ತಪಡಿಸಿದ್ದಾರೆ. ಟ್ವಿಟ್ಟರ್ ಬಳಕೆದಾರರು ‘ಪಾಕಿಸ್ತಾನದಲ್ಲಿ ಧರ್ಮನಿಂದನೆಯು ಮಾರಕ ಅಸ್ತ್ರವಾಗಿದೆ, ಈ ಮಟ್ಟದ ಮೂರ್ಖತನದಿಂದ ಹಿಂದೆ ಸರಿಯಲು ಸಾಧ್ಯವೇ ಇಲ್ಲ’ ಎಂದು ಬರೆದುಕೊಂಡಿದ್ದಾರೆ.