• Home
  • »
  • News
  • »
  • national-international
  • »
  • Driving license Testing Rules: ಇನ್ಮುಂದೆ ಡಿಎಲ್​ ಆಗ್ಬೇಕಾದ್ರೆ ಈ 24 ರೂಲ್ಸ್ ಪಾಲಿಸಲೇಬೇಕು! ಸಾರಿಗೆ ಆಯುಕ್ತರಿಂದ ಹೊಸ ನಿಯಮ ಜಾರಿ

Driving license Testing Rules: ಇನ್ಮುಂದೆ ಡಿಎಲ್​ ಆಗ್ಬೇಕಾದ್ರೆ ಈ 24 ರೂಲ್ಸ್ ಪಾಲಿಸಲೇಬೇಕು! ಸಾರಿಗೆ ಆಯುಕ್ತರಿಂದ ಹೊಸ ನಿಯಮ ಜಾರಿ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಇದೀಗ ಸಾರಿಗೆ ಆಯುಕ್ತರು ಡೆಲ್​ ಟೆಸ್ಟ್​ನ ಹೊಸ ನಿಯಮಗಳನ್ನು ಜಾರಿ ಮಾಡಿದ್ದಾರೆ. ಇದು ರಸ್ತೆಯಲ್ಲಾಗುತ್ತಿರುವಂತಹ ಅಪಘಾತಗಳ ಸಂಖ್ಯೆಯನ್ನು ಕಡಿಮೆ ಮಾಡುವ ದೃಷ್ಟಿಯಲ್ಲಿ ಜಾರಿಗೆ ತಂದಿದ್ದಾರೆ. ಹಾಗಿದ್ರೆ ಏನೆಲ್ಲಾ ಹೊಸ ನಿಯಮಗಳು ಜಾರಿಗೆಯಾಗಿವೆ ಎಂಬುದನ್ನು ಈ ಲೇಖನದ ಮೂಲಕ ತಿಳಿಯಿರಿ.

ಮುಂದೆ ಓದಿ ...
  • Share this:

    ಯಾವುದೇ ವಾಹನಗಳನ್ನು ಡ್ರೈವ್ (Drive)​ ಮಾಡಬೇಕಾದರೂ ಲೈಸೆನ್ಸ್​ ಎಂಬುದು ಬಹಳ ಮುಖ್ಯವಾಗಿರುತ್ತದೆ. ಆದರೆ ಇದುವರೆಗೆ ಡ್ರೈವಿಂಗ್​ ಲೈಸೆನ್ಸ್​ ಮಾಡಬೇಕಾದರೆ ಅಷ್ಟೊಂದು ಯಾವುದೇ ರೀತಿಯ ಕ್ರಮಗಳು, ನಿಯಮಗಳಿರಲಿಲ್ಲ. ಆದರೆ ಇನ್ಮುಂದೆ ಡಿಎಲ್​ ಟೆಸ್ಟಿಂಗ್ (Driving License Test)​ ಮಾಡಿಸ್ಬೇಕಾದ್ರೆ 24 ನಿಯಮಗಳನ್ನು (DL Test 24 Rules) ಪಾಲಿಸಲೇ ಬೇಕು. ಈ ನಿಯಮಗಳಲ್ಲಿ ಪಾಸಾದ್ರೆ ಮಾತ್ರ ಡ್ರೈವಿಂಗ್​ ಲೈಸೆನ್ಸ್​ ನಿಮ್ಮ ಕೈಗೆ ಸಿಗುತ್ತದೆ. ಇದೀಗ ಈ ಹೊಸ 24 ನಿಯಮಗಳನ್ನು ಸಾರಿಗೆ ಮತ್ತು ರಸ್ತೆ ಸುರಕ್ಷತೆ ಆಯುಕ್ತರು ಜಾರಿ ಮಾಡಿದ್ದಾರೆ. ಸಾರಿಗೆ ಇಲಾಖೆಯಿಂದ ಬಿಡುಗಡೆಯಾದ ಈ ಸುದ್ದಿಯನ್ನು ನೋಡಿ ಜನರಿಗೆ ಶಾಕ್ ಹೊಡೆದಂತಾಗಿದೆ. ಇತ್ತೀಚೆಗೆ ರಸ್ತೆಯಲ್ಲಾಗುತ್ತಿರುವ ಅಪಘಾತಗಳನ್ನು ನಿಯಂತ್ರಿಸುವ ಕಾರಣದಿಂದ ಕೇಂದ್ರ ಮೋಟಾರು ವಾಹನ 1989 ನಿಯಮ 15ರ ಅಡಿಯಲ್ಲಿ ಈ ಹೊಸ ನಿಯಮವನ್ನು ಜಾರಿಗೆ ತಂದಿದ್ದಾರೆ.


    ಇದೀಗ ಸಾರಿಗೆ ಆಯುಕ್ತರು ಡೆಲ್​ ಟೆಸ್ಟ್​ನ ಹೊಸ ನಿಯಮಗಳನ್ನು ಜಾರಿ ಮಾಡಿದ್ದಾರೆ. ಇದು ರಸ್ತೆಯಲ್ಲಾಗುತ್ತಿರುವಂತಹ ಅಪಘಾತಗಳ ಸಂಖ್ಯೆಯನ್ನು ಕಡಿಮೆ ಮಾಡುವ ದೃಷ್ಟಿಯಲ್ಲಿ ಜಾರಿಗೆ ತಂದಿದ್ದಾರೆ. ಹಾಗಿದ್ರೆ ಏನೆಲ್ಲಾ ಹೊಸ ನಿಯಮಗಳು ಜಾರಿಗೆಯಾಗಿವೆ ಎಂಬುದನ್ನು ಈ ಲೇಖನದ ಮೂಲಕ ತಿಳಿಯಿರಿ.


    ಡಿಎಲ್​​ ಟೆಸ್ಟ್​ನ ಹೊಸ ನಿಯಮಗಳು ಹೇಗಿವೆ?


    • ಲೈಸೆನ್ಸ್​ ಪರೀಕ್ಷೆ​ ವೇಳೆ ಅಭ್ಯರ್ಥಿಗಳು ಟಾಪ್​ ಗೇರ್​ಗಳನ್ನು ಸಹ ಬಳಸಿ ಡ್ರೈವ್ ಮಾಡ್ಬೇಕು.

    • ಸ್ವಯಂ ಚಾಲಿತ ಗೇರ್​​ ವಾಹನಗಳನ್ನು, ಟ್ರ್ಯಾಕ್​ಗಳಲ್ಲಿ ಟಾಪ್​ ಗೇರ್​ಗಳನ್ನ ಬಳಸಬಹುದು.

    • ಪರೀಕ್ಷೆಯ ವೇಳೆ ಬೇರೆ ವಾಹನವನ್ನ ಯಾವ ರೀತಿ ಓಪರ್ ಟೇಕ್ ಮಾಡಬೇಕೆಂದು ಗೊತ್ತಿರಬೇಕು. ಅದೇ ರೀತಿ ಓವರ್​ ಟೇಕ್ ಸಹ ಮಾಡಬೇಕು.

    • ಏಕಾಗ್ರತೆಯಲ್ಲಿ ಡ್ರೈವಿಂಗ್ ಮಾಡ್ಬೇಕು. ಯಾವುದೇ ರೀತಿಯ ಬೇರೆ ಗಮನಗಳಿರಬಾರದು.

    • ಹಿಂಬದಿಯ ವಾಹನಗಳು ಕಾಣಿಸುವ ಹಾಗೆ ಕನ್ನಡಿಯನ್ನು ಇರಿಸಬೇಕು. ನಂತರ ಡ್ರೈವಿಂಗ್ ಮಾಡ್ಬೇಕು.


    ಇದನ್ನೂ ಓದಿ: ಗುಟ್ಕಾ ಪ್ಯಾಕೆಟ್​ನಲ್ಲಿ 32 ಲಕ್ಷ ಮೌಲ್ಯದ ಡಾಲರ್ ಸಾಗಿಸುತ್ತಿದ್ದ ಆಸಾಮಿ ಬಂಧನ

    • ಡ್ರೈವಿಂಗ್​ ಟೆಸ್ಟ್​ ಅನ್ನು ಲಭ್ಯವಿರುವ ಸ್ಥಳದಲ್ಲಿಯೇ ​ಟೆಸ್ಟ್ ಮಾಡಬೇಕು

    • ​ಡಿಎಲ್ ಟೆಸ್ಟ್​ ವೇಳೆ ಎಲ್ಲಾ ಗೇರ್ ಅನ್ನು ಹಾಕಿ ಡ್ರೈವ್​ ಮಾಡ್ಬೇಕು.

    • 30-40 ಕಿ.ಮೀ ವೇಗದಲ್ಲಿ ವಾಹನವನ್ನು ಚಲಾಯಿಸುತ್ತಿರುವಾಗ ಟಾಪ್​ ಗೇರ್ ಹಾಗಿಯೇ ಡ್ರೈವಿಂಗ್ ಮಾಡ್ಬೇಕು.

    • ಎಂಜಿನ್ ಪ್ರಾರಂಭಿಸುವ ಮೊದಲು ಸೂಕ್ತ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಿ

    • ಟ್ರಾಫಿಕ್​​ಗಳಲ್ಲಿ ಸಿಕ್ಕಿಹಾಕಿಕೊಂಡಾಗ ಟಾಪ್ ಗೇರ್‌ನಿಂದ ತಕ್ಷಣ ಮೊದಲನೇ ಅಥವಾ ಎರಡನೇ ಗೇರ್​​ಗೆ ಬದಲಾಯಿಸಬೇಕು.


    ಸಾಂದರ್ಭಿಕ ಚಿತ್ರ


    • ಒಂದೇ ವೇಗದಲ್ಲಿ ಸುರಕ್ಷಿತವಾಗಿ, ಒಂದೇ ದಾರಿಯಲ್ಲಿ ಸಾಗುತ್ತಿರುವಾಗ ಹಂತ ಹಂತವಾಗಿ ಎಲ್ಲಾ ಗೇರ್​ಗಳನ್ನು ಬಳಸಬೇಕು.

    • ಇನ್ನು ಇಳಿಜಾರಿನ ಜಾಗದಲ್ಲಿ ವಾಹನಗಳನ್ನು ಚಲಾಯಿಸುವಾಗ ಗೇರ್​ ಅನ್ನು ಮತ್ತೆ ಕಡಿಮೆ ಮಾಡಬೇಕು.

    • ಚಲಿಸುತ್ತಿರುವಾಗ ಓವರ್​ ಟೇಕ್ ಮಾಡಲು ಮುಂದಾದಾಗ ಸರಿಯಾದ ರೀತಿಯಲ್ಲಿ ಕೈಸನ್ನೆ ಮಾಡುವ ಮೂಲಕ ಅಥವಾ ವಾಹನದಲ್ಲಿ ನೀಡಲಾದ ಇಂಡಿಗೇಟರ್ ಲೈಟ್​ ಮೂಲಕ ಸೂಚನೆಯನ್ನು ಹಿಂಬದಿಯವರಿಗೂ, ಮುಂದೆ ಇರುವವರಿಗೂ ನೀಡಬೇಕು.

    • ಸರಿಯಾದ ಸೂಚನೆಗಳೊಂದಿಗೆ ಮತ್ತು ಸರಿಯಾದ ಕಾಳಜಿಯೊಂದಿಗೆ ಲೇನ್​ಗಳನ್ನು ಬದಲಾಯಿಸಬೇಕು.

    • ಬೇರೆ ರಸ್ತೆಗೆ ಅಥವಾ ಜಂಕ್ಷನ್​ಗಳಲ್ಲಿ ವಾಹನ ಮೂವ್ ಮಾಡುವಾಗ ಜಾಗರೂಕರಾಗಿರಿ. ಅಂದರೆ ಸರಿಯಾದ ಟ್ರಾಫಿಕ್ ನಿಯಮಗಳನ್ನು ಪಾಲಿಸಬೇಕು. ಬಲಕ್ಕೆ ಅಥವಾ ಎಡಕ್ಕೆ ತಿರುಗುವುದಾದರೆ ವಾಹನ ಎಲ್ಲಿದೆ ಎಂಬುದನ್ನು ನೋಡಿಕೊಳ್ಳಿ. ದಾಟುವ ಮೊದಲು ಬಲ, ಎಡ ಬದಿಗಳನ್ನು ನೋಡಬೇಕು.

    • ರಸ್ತೆಗಳಲ್ಲಿ ಯಾವಾಗಲೂ ಎಡಬದಿಗಳಲ್ಲೇ ವಾಹನಗಳನ್ನು ಚಲಾಯಿಸಬೇಕು.

    • ಸಂಚರಿಸುವಾಗ ಪಾದಚಾರಿಗಳು, ಇತರ ವಾಹನಗಳ ಚಾಲಕರು ಮತ್ತು ಸೈಕ್ಲಿಸ್ಟ್‌ಗಳನ್ನೂ ಗಮನಿಸಿ ಚಲಾಯಿಸಿ.

    • ರಿವರ್ಸ್ ತೆಗೆಯುವ ಸಂದರ್ಭದಲ್ಲಿ ಸರಿಯಾಗಿ ಮತ್ತು ನಿರ್ದಿಷ್ಟವಾಗಿ ಎಡ ಅಥವಾ ಬಲಕ್ಕೆ ತೆಗೆಯಬೇಕು. ಸಂಚಾರ ಚಿಹ್ನೆಗಳು, ಟ್ರಾಫಿಕ್ ಲೈಟ್​ಗಳನ್ನು, ಸಂಚಾರ ನಿಯಂತ್ರಕರು, ಪೊಲೀಸರು ನೀಡಿದ ಸೂಚನೆಗಳ ಮೇಲೆ ಸರಿಯಾಗಿ ವಾಹನವನ್ನು ಚಲಾಯಿಸಿ. ಅಥವಾ ಇತರ ಚಾಲಕರು ನೀಡುವ ಸೂಚನೆಗಳನ್ನು ಗಮನಿಸಿ.

    • ರಸ್ತೆಗಳನ್ನು ದಾಟುವ ವ್ಯಕ್ತಿಗಳಿಗೆ ಅವಕಾಶವನ್ನು ನೀಡಬೇಕು.


    ಸಾಂದರ್ಭಿಕ ಚಿತ್ರ


    • ಅಗತ್ಯವಾದ ಸಂದರ್ಭಗಳಲ್ಲಿ ಮತ್ತು ಬೇರೆ ಯಾವುದೇ ಸಂದರ್ಭಗಳು ಎದುರಾದಾಗ ವಾಹನವನ್ನು ನಿಲ್ಲಿಸಬೇಕು ಮತ್ತು ಸೂಕ್ತವಾದ ಸ್ಥಳದಲ್ಲಿ ಪಾರ್ಕ್​ ಮಾಡಬೇಕು.

    • ಒಂದೇ ದಾರಿಯಲ್ಲಿ ಚಲಿಸುತ್ತಿರುವಾಗ ಬೇರೆ ದಾರಿಗೆ ತಿರುಗಬೇಕಾದರೆ ಸರಿಯಾಗಿ ಎಕ್ಸಲೇಟರ್, ಗೇರ್​, ಕ್ಲಚ್​, ಸ್ಟೇರಿಂಗ್​, ಇಂಡಿಗೇಟರ್​ಗಳನ್ನು ಬಳಸಿ.

    • ಇನ್ನು ಡ್ರೈವಿಂಗ್ ಮಾಡಬೇಕಾದರೆ ಸರಿಯಾದ ರೀತಿಯಲ್ಲಿ ಗೇರ್​, ಕ್ಲಚ್​, ಬ್ರೇಕ್ ಇವುಗಳನ್ನು ಬಳಸಿ. ಇದರಿಂದ ವಾಹನ ಕೂಡ ನಿಯಂತ್ರಣದಲ್ಲಿರುತ್ತದೆ.

    • ಇಳಿಜಾರಿನಲ್ಲಿ ನಿಲ್ಲಿಸುವಾಗ ಮುಖ್ಯವಾಗಿ ಹ್ಯಾಂಡ್​ಬ್ರೇಕ್ ಅನ್ನು ಬಳಸಿ. ನಂತರ ಸ್ಟಾರ್ಟ್​ ಮಾಡುವಾಗ ಸರಿಯಾಗಿ ಹಿಂದೆ, ಮುಂದೆ ಕನ್ನಡಿಯಲ್ಲಿ ನೋಡಿಕೊಂಡು ಸಿಗ್ನಲ್ ನೀಡುವ ಮೂಲಕ ವಾಹನ ಚಲಾಹಿಸಬೇಕು.

    • ರಸ್ತೆಗಳ ಗುಣಮಟ್ಟ ಹಾಗೂ ನಿಮ್ಮ ನಿಯಂತ್ರಣಕ್ಕೆ ಅನುಗುಣವಾಗಿ ವಾಹನದ ವೇಗವನ್ನೂ ನಿಯಂತ್ರಿಸಿ.


    ಹೊಸ ರೂಲ್ಸ್ ಕುರಿತು ಸಾರಿಗೆ ಅಧಿಕಾರಿಗಳ ಮಾತು


    ಪರೀಕ್ಷೆಗೆ ಬಂದ ಅಭ್ಯರ್ಥಿಗಳು ವಾಹನವನ್ನು ಸ್ಟಾರ್ಟ್​ ಮಾಡಿದ ಕೂಡಲೇ ಆತನಿಗೆ ವಾಹನ ಬಿಡಲು ಬರುತ್ತದೆಯೋ, ಇಲ್ಲವೋ ಎಂದು ತಿಳಿಯುತ್ತದೆ. ನಂತರ ಆತನ ಬುದ್ಧಿವಂತಿಕೆಯ ಮೇಲೆ ಪಾಸ್ ಮಾಡಬಹುದು. ಇನ್ನು ಈ ಹೊಸ ರೂಲ್ಸ್​ನಿಂದ ದಿನಕ್ಕೆ 4 ಮಂದಿಯನ್ನು ಮಾತ್ರ ಪರೀಕ್ಷಿಸಬಹುದು. ಈ ರೂಲ್ಸ್​ ಪ್ರಕಾರ ಒಬ್ಬರ ಡಿಎಲ್​ ಟೆಸ್ಟ್​ ಮಾಡಲು ಸರಿಸುಮಾರು ಒಂದು ಗಂಟೆಯಾದರೂ ಬೇಕಾಗುತ್ತದೆ. ಆದ್ದರಿಂದ 4 ಮಂದಿಯನ್ನು ಮಾತ್ರ ಟೆಸ್ಟ್ ಮಾಡಬಹುದು ಎಂದು ಹೇಳಿದ್ದಾರೆ.


    ಒಂದು ಆರ್​ಟಿಒ ಕಚೇರಿಗೆ ನಿತ್ಯ 60 ರಿಂದ 100 ಅರ್ಜಿಗಳು ಬರುತ್ತದೆ. ಈ ಮೂಲಕ ದಿನಕ್ಕೆ ನಾಲ್ವರಂತೆ 100 ಅರ್ಜಿಗಳನ್ನು ಮಾಡಲು 24 ದಿನಗಳು ಬೇಕಾಗುತ್ತದೆ. ಇದರಿಂದ ತುಂಬಾ ಸಮಯ ವ್ಯರ್ಥವಾಗುತ್ತದೆ. ಆದ್ದರಿಂದ ಈ ಹೊಸ ನಿಯಮಕ್ಕಿಂತ ಹಿಂದೆ ಇದ್ದ ವ್ಯವಸ್ಥೆಯೇ ಒಳ್ಳೆಯದು ಎಂದು ಅಧಿಕಾರಿಗಳು ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.

    Published by:Prajwal B
    First published: