Apple Store: ಇತ್ತ ಭಾರತದಲ್ಲಿ ಮೊದಲ ವಿದೇಶಿ ಆ್ಯಪಲ್ ಸ್ಟೋರ್ ಆರಂಭವಾದರೆ ಅತ್ತ ಪಾಕಿಸ್ತಾನದಲ್ಲಿ ಬೇರೆಯೇ ಕಥೆ

ಆ್ಯಪಲ್​​ ಸಿಇಒ ಟಿಮ್ ಕುಕ್ (Apple CEO Tim Cook) ಅವರು ಆ್ಯಪಲ್ ಕಂಪನಿಯ (Apple Company) ಮೊದಲ ಎರಡು ರಿಟೇಲ್‌ ಸ್ಟೋರ್‌ಗಳನ್ನು (Retail Store) ಭಾರತದಲ್ಲಿ ಉದ್ಘಾಟನೆ ಮಾಡಿದ್ದಾರೆ. ಉದ್ಘಾಟನೆಯ ದಿನದಂದು ಮುಂಬೈ ಮತ್ತು ದೆಹಲಿಯ ಎರಡು ಸ್ಟೋರ್‌ಗಳ ಮುಂದೆ ನೂರಾರು ಜನರು ಸಾಲಿನಲ್ಲಿ ನಿಂತಿರುವುದು ಕಂಡುಬಂದಿತು. ಟಿಮ್ ಕುಕ್ ಅವರು ದೆಹಲಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಭೇಟಿ ಮಾಡಿ, ಆ್ಯಪಲ್ ದೇಶಾದ್ಯಂತ ಬೆಳೆಯಲು ಮತ್ತು ಹೂಡಿಕೆ ಮಾಡಲು ಬದ್ಧವಾಗಿದೆ ಎಂದು ಹೇಳಿರುವುದಾಗಿ ಟ್ವೀಟ್‌ ಮಾಡಿದ್ದಾರೆ. ಮುಂಬೈನಲ್ಲಿನ ಶಕ್ತಿ, ಸೃಜನಶೀಲತೆ ಮತ್ತು ಉತ್ಸಾಹವು ಅದ್ಭುತವಾಗಿದೆ! ಎಂದು ಕೊಂಡಾಡಿದ್ದಾರೆ.

ಭಾರತದ ಆ್ಯಪಲ್ ಸ್ಟೋರ್‌ ಪಾಕಿಸ್ತಾನಿಗಳಿಗೆ ಕೋಲಾಹಲವನ್ನು ಉಂಟುಮಾಡಿದೆ

Apple BKC ಅನ್ನು ತೆರೆಯಲು ನಾವು ತುಂಬಾ ಉತ್ಸುಕರಾಗಿದ್ದೇವೆ. ಭಾರತದಲ್ಲಿ ನಮ್ಮ ಮೊದಲ ಸ್ಟೋರ್‌ ಎಂದು ಟಿಮ್ ಕುಕ್ ಅವರು ತಮ್ಮ ಸಂತೋಷವನ್ನು ಟ್ವೀಟ್‌ ಮೂಲಕ ಹಂಚಿಕೊಂಡಿದ್ದಾರೆ.

ಭಾರತದಲ್ಲಿ ತೆರೆದ ಆ್ಯಪಲ್ ಸ್ಟೋರ್‌ ಇದೀಗ ಪಾಕಿಸ್ತಾನಿಗಳಿಗೆ ಹೊಟ್ಟೆಕಿಚ್ಚನ್ನು ಉಂಟುಮಾಡಿದೆ. ಭಾರತದ ಆ್ಯಪಲ್ ಸ್ಟೋರ್‌ ಕುರಿತು ಪಾಕಿಸ್ತಾನಿಗಳು ಪ್ರತಿಕ್ರಿಯೆಗಳ ಕೋಲಾಹಲವನ್ನು ಸೃಷ್ಟಿಮಾಡಿರುವುದಾಗಿ ವರದಿಗಳ ಮೂಲಕ ತಿಳಿದುಬಂದಿದೆ.

ಇದನ್ನೂ ಓದಿ: ಆರೋಗ್ಯಕರ ಜೀವನಕ್ಕೆ ರಹಸ್ಯಗಳ ಅನಾವರಣ; ಸ್ವಚ್ಛ ಭಾರತ ಸ್ವಸ್ಥ ಭಾರತಕ್ಕೆ ಹೇಗೆ ಕಾರಣವಾಗಬಹುದು?

ಅವರ ದೇಶವು ಫಾರೆಕ್ಸ್ ಮೀಸಲು ಮತ್ತು ದಾಖಲೆಯ ಹಣದುಬ್ಬರದಿಂದಾಗಿ ದಶಕಗಳಲ್ಲಿ ಅತ್ಯಂತ ಕೆಟ್ಟ ಆರ್ಥಿಕ ಬಿಕ್ಕಟ್ಟನ್ನು ಎದುರಿಸುತ್ತಿದೆ. ಪ್ರಸ್ತುತ ನಗದು ಕೊರತೆಗೆ ಕೆಲವರು ಸರ್ಕಾರವನ್ನು ದೂಷಿಸಿದರೆ, ಇತರರು ದೇಶದ ಕಠಿಣ ಕಾನೂನುಗಳು ವಿದೇಶಿ ಹೂಡಿಕೆದಾರರನ್ನು ದೂರವಿಡುತ್ತಿವೆ ಎಂದು ಭಾವಿಸುತ್ತಾರೆ ಎಂದು ವರದಿಗಳು ತಿಳಿಸಿವೆ.

ಕನ್ಸಲ್ಟೆಂಟ್ ಸರ್ಜನ್ ಮತ್ತು ವಿಸಿಟಿಂಗ್ ಅಸೋಸಿಯೇಟ್ ಪ್ರೊಫೆಸರ್ ಉಸ್ಮಾನ್ ಖಾನ್ ಅವರು ಭಾರತ ಮತ್ತು ಪಾಕಿಸ್ತಾನದ ಎರಡು ಹೋಲಿಕೆ ಫೋಟೋಗಳನ್ನು ಪೋಸ್ಟ್ ಮಾಡಿದ್ದಾರೆ.

ಉಸ್ಮಾನ್ ಖಾನ್ ಅವರ ಟ್ವೀಟ್​

ಭಾರತ ತನ್ನ ಮೊದಲ ಆ್ಯಪಲ್ ಸ್ಟೋರ್ ಅನ್ನು ತೆರೆದಂತೆಯೇ, ಪಾಕಿಸ್ತಾನವು ಚೀನಾದ ವ್ಯಕ್ತಿಯನ್ನು ಧರ್ಮನಿಂದೆಯ ಆರೋಪದಲ್ಲಿ ಬಂಧಿಸಿದೆ ಎಂದು ಅವರು ಹೇಳಿದರು.

"ಒಂದು ಫೋಟೋದಲ್ಲಿ ಆ್ಯಪಲ್ ಸಿಇಒ ಟಿಮ್ ಕುಕ್ ಇಂದು ಭಾರತದಲ್ಲಿ ಆ್ಯಪಲ್ ಸ್ಟೋರ್ ಅನ್ನು ಉದ್ಘಾಟಿಸಿದರು. ಇನ್ನೋಂದು ಫೋಟೋದಲ್ಲಿ, ಧರ್ಮನಿಂದನೆಯ ಆರೋಪದ ಮೇಲೆ ಪಾಕಿಸ್ತಾನದಲ್ಲಿ ಚೀನೀಯರನ್ನು ಬಂಧಿಸಲಾಗಿದೆ. ವಿದೇಶಿ ಹೂಡಿಕೆದಾರರಿಗೆ ಸ್ವಾಗತ!" ಅವರು ಎರಡು ಟ್ವೀಟ್‌ಗಳನ್ನು ಹಂಚಿಕೊಂಡಿದ್ದಾರೆ.

ಸಾಂದರ್ಭಿಕ ಚಿತ್ರ

2003 ರಿಂದ 2006 ರವರೆಗೆ ಪಾಕಿಸ್ತಾನದ ಸೆನೆಟ್ ಸದಸ್ಯರಾಗಿದ್ದ ಅಮಾನುಲ್ಲಾ ಕನ್ರಾನಿ ಅವರು ಭಾರತದಲ್ಲಿ ಮೊದಲ ಆ್ಯಪಲ್ ಸ್ಟೋರ್‌ಗಳ ಪ್ರಾರಂಭದ ಕುರಿತು ಪ್ರತಿಕ್ರಿಯಿಸುವಾಗ ಉಸ್ಮಾನ್ ಖಾನ್ ಅವರ ಟ್ವೀಟ್‌ ಅನ್ನು ಮರು ಟ್ವೀಟ್‌ ಮಾಡಿದ್ದಾರೆ.

ಮುಹಮ್ಮದ್ ತಾರಿಕ್ ಬಿಲಾಲ್, ಭಾರತವು ಆ್ಯಪಲ್ ಸ್ಟೋರ್‌ಗಳನ್ನು ಹೊಂದಿದೆ ಮತ್ತು ಪಾಕಿಸ್ತಾನವು "ಸಂಸ್ಥೆಗಳನ್ನು" ಹೊಂದಿದೆ ಎಂದು ಹೇಳಿದ್ದಾರೆ. ಇದು ಸ್ಪಷ್ಟವಾಗಿ ಸೇನೆ ಮತ್ತು ISI ಅನ್ನು ಉಲ್ಲೇಖಿಸುತ್ತದೆ.

"ಭಾರತವು ಆ್ಯಪಲ್ ಸ್ಟೋರ್ ಅನ್ನು ಹೊಂದಿದೆ ಮತ್ತು ಪಾಕಿಸ್ತಾನವು ಸರಳವಾದ ಸಂಸ್ಥೆಗಳನ್ನು ಹೊಂದಿದೆ" ಎಂದು ಐಟಿ ವೃತ್ತಿಪರ ಬಿಲಾಲ್ ಟ್ವಿಟ್ಟರ್​​ನಲ್ಲಿ ಹಂಚಿಕೊಂಡಿದ್ದಾರೆ.

ಪ್ರತಿಭಾವಂತ ಶೈಕ್ಷಣಿಕ ವಿದ್ಯಾರ್ಥಿಯೊಬ್ಬರಾದ ನೋಮನ್ ಸತ್ತಾರ್ ಅವರು ಪಾಕಿಸ್ತಾನವು ತನ್ನ ಪ್ರಾಣಿಸಂಗ್ರಹಾಲಯದಲ್ಲಿರುವ ಪ್ರಾಣಿಗಳನ್ನಾಗಲಿ ಅಥವಾ ಅದರ ಕರೆನ್ಸಿಯನ್ನಾಗಲಿ ನೋಡಿಕೊಳ್ಳಲಾಗುತ್ತಿಲ್ಲ ಹಾಗೂ ಕಳೆದ ಕೆಲವು ತಿಂಗಳುಗಳಲ್ಲಿ ಕರೆನ್ಸಿ ತೀವ್ರವಾಗಿ ಕುಸಿದಿದೆ. ಅದೇ ಭಾರತೀಯರು ಮುಂಬೈನಲ್ಲಿ ಮೊದಲ ಆ್ಯಪಲ್ ಸ್ಟೋರ್‌ ಅನ್ನು ಸ್ವಾಗತಿಸಿದ್ದಾರೆ ಎಂದು ಟ್ವೀಟ್‌ ಮಾಡಿದ್ದಾರೆ.

ಆ್ಯಪಲ್ ಭಾರತದಲ್ಲಿ ಸ್ಟೋರ್‌ ಆರಂಭಿಸಿದೆ, ಆದರೆ IMF ನಿಂದ ಹಣವನ್ನು ಪಡೆಯಲು ಇಸ್ಲಾಮಾಬಾದ್ 12 ನೇ ಬಾರಿಗೆ ಪ್ರಯತ್ನಿಸುತ್ತಿದೆ ಎಂದು ಟ್ವೀಟ್‌ ಮಾಡುವ ಮೂಲಕ ಡೇವಿಡ್ ಮೆಕಲಮ್ ಎಂಬ ಟ್ವಿಟರ್ ಬಳಕೆದಾರರು ಪಾಕಿಸ್ತಾನವನ್ನು ಟೀಕಿಸಿದ್ದಾರೆ.

ಭಾರತಕ್ಕೆ ಸರಿಸಮನಾಗಿ ಪಾಕಿಸ್ತಾನ ನಡೆಯುತ್ತಿದ್ದ ಪ್ರಹಸನಕ್ಕೆ ಕೊನೆಗೂ ತೆರೆ ಬಿದ್ದಿದೆ. ಹೋಲಿಕೆಯಲ್ಲಿ ನಾವು ಏನೂ ಅಲ್ಲ ಮತ್ತು ಈ ಸ್ಪರ್ಧೆಯ ಭ್ರಮೆಅಂತ್ಯಗೊಂಡಿದೆ. ಕೇವಲ "ದೊಡ್ಡ ಕೆಟ್ಟ ಭಾರತ ಎನ್ನುತ್ತ ರಕ್ಷಣಾ ಬಜೆಟ್" ಹೆಸರಿನಲ್ಲಿ ಆಸ್ತಿ ಸಂಗ್ರಹಣೆ ಮತ್ತು ಪೀಳಿಗೆಯ ತಲೆಯಲ್ಲಿ ಪ್ರಚಾರ ಮಾಡಲಾಗಿದೆ ಎಂದು ಅಸಾದ್ ಟ್ವೀಟ್‌ ಮಾಡಿದ್ದಾರೆ.

ಎಮನ್ ಮುದಸ್ಸರ್ ತರಾರ್ ಕೂಡ ಭಾರತ ಮತ್ತು ಪಾಕಿಸ್ತಾನದ ಪರಿಸ್ಥಿತಿಯನ್ನು ಹೋಲಿಸಿದ್ದಾರೆ. ಭಾರತದಲ್ಲಿನ ಆ್ಯಪಲ್ ಸ್ಟೋರ್‌ಗಳ ಹೊರಗೆ ನೂರಾರು ಜನರು ಸಾಲುಗಟ್ಟಿ ನಿಂತಿದ್ದರೆ, ಪಾಕಿಸ್ತಾನದಲ್ಲಿ ಜನರು ಹೊಟ್ಟೆಗಾಗಿ ಹಿಟ್ಟನ್ನು ಪಡೆಯಲು ಸರತಿ ಸಾಲಿನಲ್ಲಿ ನಿಂತಿದ್ದಾರೆ ಎಂದು ಟ್ವೀಟ್‌ ಮಾಡಿದ್ದಾರೆ.\