HOME » NEWS » National-international » IF LJP COMES TO POWER NITISH WILL BE BEHIND THE BARS SESR

ಎಲ್​ಜೆಪಿ ಅಧಿಕಾರಕ್ಕೆ ಬಂದರೆ ನಿತೀಶ್​ ಕುಮಾರ್​ಗೆ ಜೈಲು; ಚಿರಾಗ್​ ಪಾಸ್ವಾನ್

ಸಾಥ್ ನಿಶ್ಚಯ್​ ಯೋಜನೆಯಲ್ಲಿ ನಡೆದ ಭ್ರಷ್ಟಾಚಾರದ ಕುರಿತು ತನಿಖೆ ನಡೆಸಲಾಗುವುದು. ಇದರಲ್ಲಿ ಯಾವುದೇ ಅಧಿಕಾರಿ ಅಥವಾ ಮುಖ್ಯಮಂತ್ರಿ ಭ್ರಷ್ಟಚಾರದಲ್ಲಿ ತೊಡಗಿದ್ದರೆ ಅವರನ್ನು ಜೈಲಿಗೆ ಕಳುಹಿಸಲಾಗುವುದು.

news18-kannada
Updated:October 25, 2020, 10:19 PM IST
ಎಲ್​ಜೆಪಿ ಅಧಿಕಾರಕ್ಕೆ ಬಂದರೆ ನಿತೀಶ್​ ಕುಮಾರ್​ಗೆ ಜೈಲು; ಚಿರಾಗ್​ ಪಾಸ್ವಾನ್
ಚಿರಾಗ್​ ಪಾಸ್ವಾನ್​
  • Share this:
​ರಾಂಚಿ (ಅ.25): ತಮ್ಮ ಎಲ್​ಜೆಪಿ ಪಕ್ಷ ಅಧಿಕಾರಕ್ಕೆ ಬಂದರೇ ಮುಖ್ಯಮಂತ್ರಿ ನಿತೀಶ್​ ಕುಮಾರ್​ ಅವರನ್ನು ಜೈಲಿಗೆ ಕಳುಹಿಸಲಾಗುವುದು ಎಂದು ಎಲ್​ಜೆಪಿ ನಾಯಕ ಚಿರಾಗ್​ ಪಾಸ್ವಾನ್​ ಬಹಿರಂಗವಾಗಿ ಬೆದರಿಕೆ ಹಾಕಿದ್ದಾರೆ. ಇಲ್ಲಿನ ಬಕ್ಸಾರ್​ನ ಡುಮ್ರಾನ್​ನಲ್ಲಿ ಚುನಾವಣಾ ಪ್ರಚಾರ ನಡೆಸಿದ ಪಾಸ್ವಾನ್, ಇದು ಚಿರಾಗ್​ ನೀಡುತ್ತಿರುವ ಭರವಸೆ. ನಮ್ಮ ಪಕ್ಷದ ಪ್ರಣಾಳಿಕೆಯಲ್ಲೂ ನಾನು ಇದನ್ನು ಉಲ್ಲೇಖಿಸಿದ್ದೇನೆ. ನಮ್ಮ ಪಕ್ಷ ಎಲ್​ಜೆಪಿ ಅಧಿಕಾರಕ್ಕೆ ಬಂದರೆ, '7 ನಿಶ್ಚಯ್​' ಯೋಜನೆಯಲ್ಲಿ ನಡೆದ ಭ್ರಷ್ಟಾಚಾರದ ಕುರಿತು ತನಿಖೆ ನಡೆಸಲಾಗುವುದು. ಇದರಲ್ಲಿ ಯಾವುದೇ ಅಧಿಕಾರಿ ಅಥವಾ ಮುಖ್ಯಮಂತ್ರಿ ಭ್ರಷ್ಟಚಾರದಲ್ಲಿ ತೊಡಗಿದ್ದರೆ ಅವರನ್ನು ಜೈಲಿಗೆ ಕಳುಹಿಸಲಾಗುವುದು ಎಂದರು.

2015ರ ಚುನಾವಣಾ ಪೂರ್ವವಾಗಿ ನಿತೀಶ್​ ಕುಮಾರ್​ ಸರ್ಕಾರ ಘೋಷಿಸಿದ 2.17 ಲಕ್ಷ ಕೋಟಿಯ 'ಸಾಥ್​ ನಿಶ್ಚಯ್'​ ಯೋಜನೆ ಘೋಷಿಸಿದ್ದರು. ವಿದ್ಯುತ್​, ಒಳಚರಂಡಿ ಸಂಪರ್, ಶೌಚಾಲಯ, ಕೊಳವೆ, ಕುಡಿಯುವ ನೀರು, ಉತ್ತಮ ರಸ್ತೆ ಈ ಯೋಜನೆಯ ಪ್ರಮುಖ ಅಂಶಗಳಾಗಿವೆ. ಇದಕ್ಕಾಗಿ ಪ್ರಧಾನಿ ನರೇಂದ್ರ ಮೋದಿ ಅವರು 1.25 ಲಕ್ಷ ಕೋಟಿ ವಿಶೇಷ ಪ್ಯಾಕೇಜ್​ ನೀಡಿದ್ದರು.

ಇನ್ನು ಕಳೆದ ಸೆಪ್ಟೆಂಬರ್​ನಲ್ಲಿ ಈ ಯೋಜನೆಯ ಎರಡನೇ ಹಂತವನ್ನು ಘೋಷಿಸಿದ ಸಿಎಂ ಹೊಸ ಏಳು ಯೋಜನೆಗಳನ್ನು ಇದನ್ನು ಸೇರಿಸಿದ್ದರು. ಅವುಗಳೆಂದರೆ ಯುವಕರ ಕೌಶಲ್ಯವೃದ್ಧಿ, ಮಹಿಳಾ ಉದ್ಯಮಶೀಲತೆ ಉತ್ತೇಜನೆ, ಕೃಷಿ ಭೂಮಿಗೆ ನೀರಾವರಿ ಸೌಲಭ್ಯ ಮತ್ತು ಹೆಚ್ಚುವರಿ ಆರೋಗ್ಯ ಸೇವೆ.

ಇದೇ ವೇಳೆ ಬಿಹಾರದಲ್ಲಿ ನಿತೀಶ್​ ಮುಕ್ತ ಸರ್ಕಾರಕ್ಕೆ ಚಿರಾಗ್​ ಕರೆ ನೀಡಿದ್ದಾರೆ. ಅಲ್ಲದೇ ಎಲ್​ಜೆಪಿ ಅಭ್ಯರ್ಥಿಗಳಿಲ್ಲದ ಕ್ಷೇತ್ರದಲ್ಲಿ ಮಾಜಿ ಮೈತ್ರಿ ಪಕ್ಷವಾದ ಬಿಜೆಪಿ ಅಭ್ಯರ್ಥಿಗಳನ್ನು ಆಯ್ಕೆ ಮಾಡುವಂತೆ ಮನವಿ ಮಾಡಿದ್ದಾರೆ.

ಇದನ್ನು ಓದಿ: ನಾನು ಮೋದಿಯವರ ಹನುಮ; ನನ್ನ ಎದೆಬಗೆದರೆ ಕಾಣಸಿಗುವುದು ಪ್ರಧಾನಿ; ಚಿರಾಗ್​ ಪಾಸ್ವಾನ್​

ಪ್ರಧಾನಿ ನರೇಂದ್ರ ಮೋದಿ ನನ್ನ ಹೃದಯದಲ್ಲಿದ್ದಾರೆ. ಅವರ ತತ್ವ ಮತ್ತು ಅಭಿವೃದ್ಧಿ ಮಾದರಿ ಬಗ್ಗೆ ನನಗೆ ನಂಬಿಕೆ ಇದೆ. ಆದರೆ ಮೋದಿ ಅವರ ಫೋಟೋಗಳನ್ನ ಚುನಾವಣಾ ಪ್ರಚಾರದಲ್ಲ ಎಲ್​ಜೆಪಿ ಬಳಸಿಕೊಳ್ಳುವುದಿಲ್ಲ. ಮೋದಿ ಅವರ ಫೋಟೋಗಳನ್ನ ತಮ್ಮ ಪೋಸ್ಟರ್​ಗಳಲ್ಲಿ ಬಳಸಿಕೊಳ್ಳುವ ಆತುರತೆ ನಿತೀಶ್ ಕುಮಾರ್ ಅವರಿಗಿದೆ. ರಾಜ್ಯದಲ್ಲಿ ಆಡಳಿತ ವಿರೋಧಿ ಅಲೆ ಪ್ರಬಲವಾಗಿರುವುದರಿಂದ ಪ್ರಧಾನಿ ಮೋದಿ ಅವರ ವರ್ಚಸ್ಸು ತನ್ನನ್ನ ಉಳಿಸಬಹುದೆಂಬ ಆಲೋಚನೆ ಅವರಲ್ಲಿರಬಹುದು” ಎಂದು ಚಿರಾಗ್ ಪಾಸ್ವಾನ್ ಕುಟುಕಿದ್ದಾರೆ

ಸೀಟು ಹಂಚಿಕೆಯಲ್ಲಿ ಉಂಟಾದ ಭಿನ್ನಾಭಿಪ್ರಾಯದಿಂದಾಗಿ ಪಾಸ್ವಾನ್​ ಎನ್​ಡಿಎ ಮೈತ್ರಿಕೂಟದಿಂದ ಹೊರನಡೆದಿದ್ದರು. ಆದರೆ, ನಾನು ಮೋದಿ ನಿಷ್ಠಾವಂತ. ನಾನು ಅವರ ಹನುಮ. ನನ್ನ ಹೃದಯದಲ್ಲಿರುವುದು ಪ್ರಧಾನಿ ಎನ್ನುವ ಮೂಲಕ ಬಿಜೆಪಿಗೆ ಬಹಿರಂಗವಾಗಿ ಬೆಂಬಲ ಘೋಷಿಸಿದ್ದಾರೆ.

243 ಕ್ಷೇತ್ರಗಳಲ್ಲಿ ಜೆಡಿಯು 122 ಕ್ಷೇತ್ರದಲ್ಲಿ ಸ್ಪರ್ಧಿಸಿದರೆ, ಬಿಜೆಪಿ 121 ಕ್ಷೇತ್ರದಲ್ಲಿ ಸ್ಪರ್ಧಿಸಲಿದೆ. ಅಕ್ಟೋಬರ್​ 28ರಿಂದ ಮೂರು ಹಂತದ ಚುನಾವಣೆ ರಾಜ್ಯದಲ್ಲಿ ನಡೆಯಲಿದೆ. ನ.10ರಂದು ಚುನಾವಣಾ ಫಲಿತಾಂಶ ಹೊರಬೀಳಲಿದೆ.ಇನ್ನು ಪ್ರಧಾನಿ ಮೋದಿ ಅವರು ಇದೇ ಮೊದಲ ಬಾರಿ ನಿತೀಶ್​ ಪರ ಮತ ಯಾಚಿಸಲು ಮುಂದಾಗಿದ್ದಾರೆ. ರಾಜ್ಯದಲ್ಲಿ 12 ಚುನಾವಣಾ ಪ್ರಚಾರ ಸಮಾವೇಶದಲ್ಲಿ ಭಾಗಿಯಾಗಲಿರುವ ಪ್ರಧಾನಿ, ನಿತೀಶ್​ ಕುಮಾರ್​ ಜೊತೆ ಕೂಡ ವೇದಿಕೆ ಹಂಚಿಕೊಳ್ಳಲಿದ್ದಾರೆ.
Published by: Seema R
First published: October 25, 2020, 10:19 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories