• Home
  • »
  • News
  • »
  • national-international
  • »
  • 'ಬಿಜೆಪಿಯವರಿಗೆ ನಾನೇ ಐಟಂ ಗರ್ಲ್​!'; ಸಮಾಜವಾದಿ ನಾಯಕ ಆಜಂ ಖಾನ್​ ವ್ಯಂಗ್ಯ

'ಬಿಜೆಪಿಯವರಿಗೆ ನಾನೇ ಐಟಂ ಗರ್ಲ್​!'; ಸಮಾಜವಾದಿ ನಾಯಕ ಆಜಂ ಖಾನ್​ ವ್ಯಂಗ್ಯ

  • News18
  • Last Updated :
  • Share this:

ನ್ಯೂಸ್​18 ಕನ್ನಡ

ಲಕ್ನೋ (ಅ. 24): ಬಿಜೆಪಿ ಪಕ್ಷದವರಿಗೆ ಚುನಾವಣೆಯನ್ನು ಎದುರಿಸಲು ನಾನು ಐಟಂ ಗರ್ಲ್​ ಆಗಿಬಿಟ್ಟಿದ್ದೇನೆ. ನನ್ನನ್ನು ಮುಂದಿಟ್ಟುಕೊಂಡು ಆ ಪಕ್ಷದವರು ಪ್ರಚಾರ ಗಿಟ್ಟಿಸಿಕೊಳ್ಳುತ್ತಿದ್ದಾರೆ ಎಂದು ಸಮಾಜವಾದಿ ಪಕ್ಷದ ನಾಯಕ ಆಜಂ ಖಾನ್​ ಲೇವಡಿ ಮಾಡಿದ್ದಾರೆ.

ಸಮಾಜವಾದಿ ಪಕ್ಷದ ನಾಯಕ ಆಜಂ ಖಾನ್​ ವಿರುದ್ಧ ಪೊಲೀಸರು ಎರಡನೇ ಬಾರಿ ಎಫ್​ಐಆರ್​ ದಾಖಲಿಸಿರುವ ಹಿನ್ನೆಲೆಯಲ್ಲಿ ಈ ರೀತಿ ಪ್ರತಿಕ್ರಿಯಿಸಿರುವ ಆಜಂ ಖಾನ್​, 2 ವರ್ಷದ ಹಿಂದೆ ನಾನು ಅಂಬೇಡ್ಕರ್​ ಬಗ್ಗೆ ಅವಹೇಳನಕಾರಿಯಾಗಿ ಮಾತನಾಡಿದ್ದೆ ಎಂದು ಈಗ ಮಾನನಷ್ಟ ಮೊಕದ್ದಮೆ ಹಾಕಿ ಎಫ್​ಐಆರ್​ ದಾಖಲಿಸಿದ್ದಾರೆ ಎಂದಿದ್ದಾರೆ.

ಅಂಬೇಡ್ಕರ್ ​ಮಹಾಸಭಾ ಪ್ರಧಾನ ಕಾರ್ಯದರ್ಶಿ ಅಮರನಾಥ ಪ್ರಜಾಪತಿ ಲಕ್ನೋದ ಹಜರತ್​ಗಂಜ್​ ಪೊಲೀಸ್​ಠಾಣೆಯಲ್ಲಿ ಈ ಬಗ್ಗೆ ದೂರು ದಾಖಲಿಸಿದ್ದರು. ಅದರ ಆಧಾರದಲ್ಲಿ ಆಜಂ ವಿರುದ್ಧ ಎಫ್​ಐಆರ್​ ದಾಖಲಿಸಲಾಗಿದೆ. 2016ರಲ್ಲಿ ಘಜಿಯಾಬಾದ್​ನಲ್ಲಿ ಹಜ್​ ಹೌಸ್​ನ ಉದ್ಘಾಟನಾ ಸಮಾರಂಭದಲ್ಲಿ ಆಜಂ ಖಾನ್​ ಅಂಬೇಡ್ಕರ್​ ಬಗ್ಗೆ ಅವಹೇಳನಕಾರಿ ಮಾತುಗಳನ್ನಾಡಿದ್ದರು ಎಂದು ಅವರು ಆರೋಪಿಸಿದ್ದರು.

ಇದಕ್ಕೂ ಮೊದಲು ಕಳೆದ ವರ್ಷ ಅಕ್ಟೋಬರ್​ನಲ್ಲಿ ರಾಜ್ಯಸಭಾ ಸದಸ್ಯ ಅಮರ ಸಿಂಗ್​ ತಮ್ಮ ಮಗಳ ಮೇಲೆ ಆ್ಯಸಿಡ್​ ಹಾಕುವುದಾಗಿ ಬೆದರಿಕೆಯೊಡ್ಡುತ್ತಿದ್ದಾರೆ ಎಂದು ಆಜಂ ಖಾನ್​ ವಿರುದ್ಧ ಗೋಮ್ತಿ ನಗರ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಆಗಲೂ ಎಫ್​ಐಆರ್​ ದಾಖಲಿಸಿಕೊಳ್ಳಲಾಗಿತ್ತು.

ನಾನು ಐಟಂ ಗರ್ಲ್​ ಆಗಿಬಿಟ್ಟಿದ್ದೇನೆ:
ಬಿಜೆಪಿ ಪಕ್ಷದ ನಾಯಕರು ಪ್ರತಿ ಚುನಾವಣೆಯಲ್ಲೂ ನನ್ನ ಹೆಸರನ್ನು ಉಪಯೋಗಿಸಿಕೊಳ್ಳುತ್ತಾರೆ. ಅವರ ಚುನಾವಣಾ ಪ್ರಚಾರಕ್ಕೆ ನಾನು ಐಟಂ ಗರ್ಲ್​ ಆಗಿಬಿಟ್ಟಿದ್ದೇನೆ. ಇನ್ನೇನು ಲೋಕಸಭಾ ಚುನಾವಣೆ ಬರುತ್ತಿರುವುದರಿಂದ ಈಗ ಮತ್ತೆ ನನ್ನ ಹೆಸರನ್ನು ಎತ್ತಿಕೊಂಡಿದ್ದಾರೆ. ನನಗೆ ಈ ಸಮನ್ಸ್​, ವಾರೆಂಟ್​ ತೆಗೆದುಕೊಳ್ಳುವುದೆಲ್ಲ ಅಭ್ಯಾಸವಾಗಿಬಿಟ್ಟಿದೆ ಎಂದು ವ್ಯಂಗ್ಯವಾಡಿದ್ದಾರೆ.

First published: